圓老爺大排檔

午餐嚟到元朗覓食，嚟到呢間位於豐樂里既圓老爺大排檔食個午餐。午餐時段到店，店舖細細，都坐滿8成食客，我就揾到張二人空枱，坐低開始睇下佢地個餐牌，係門口個餐牌睇中咗呢個寶貝鲍魚雞煲，一於就落單點呢個做午餐。先上個例湯，細細碗但好濃既湯味，唔錯，隨後雞煲就送上，份量適中，味道出奇地好，有两隻鮑魚，雞件比位較差，但都舊舊食得既，洋蔥索咗d汁，好好味，煲底有油，但可以接受。[米饭]口味：🥚🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

經常經過，朋友介紹午餐OK, 第一次幫襯晚市， 裝修風格懷舊，環境乾淨 ，預約七點半不用等候，9個人安排樓上位置，舒適上菜好快, 幾位店員態度很好，有笑容，我們是很曹的藜麥鴛鴦蝦，特別（ 藜麥做底炸趣 ， 麥皮包蝦球）腰果丫元小炒王，夠炒乾身，有炸竽頭條，推介椒鹽鮮尤少少偏鹹，小煎炸蠔餅夠鬆脆👍👍，豉汁蒸魚頭件點了辣，可惜沒加辣椒（份量較少），鬼馬山炒骨（有幾件大既 油炸鬼+墨魚滑），變成排骨比較早收10pm…查看更多

路過小店被門外的早餐牌吸引，雖然似乎價錢略高，但小店是要支持才能走下去，所以決定一試。點了沙牛麵配松露炒蛋，上枱了，沙爹牛肉比較濃味，質素頗高，炒滑蛋上配以松露，合我口味。有下次。…查看更多

朋友生日 又揀咗呢一間 （因為上次食完個芝士焗龍蝦好好食，今次再encore） 首先自己去街市買咗龍蝦，蠔同埋瀨尿蝦 咁就加工變 ☀️芝士龍蝦伊麵 一如以往呢個都係好正好好味 個芝士醬好正可以撈飯食 ☀️炸蠔 炸蠔熱辣辣好好食😝 炸皮好薄 ☀️避風塘瀨尿蝦 今次街市揀嘅瀨尿蝦好正，細細隻都有好多膏 當然佢煮嘅避風塘炒下調味都好好味另外再叫咗小炒王 小炒王都very good 相比以上嘅海鮮可能重口味加上太正，所以令到以下兩味菜就好似稍為失色 豆腐 呢個覺得個勝瓜唔夠大 其他都正常嘅總結嚟講，非常建議大家去買海鮮加工 唔得閒嘅，大家可以WhatsApp定預約 食晚餐一定要WhatsApp預約😝😝 呢餐都食得好開心好好味…查看更多

一直知道佢存在，一直都想來，礙於沒有一個大食朋可以幫的包底，幸好有一位狂人很豪氣地話包底，所以應約去吃。餐廳感覺像家人經營般，跟食客都會有講有笑，而且很有禮貌。🥢 蜜餞脆鱔柳呢個像用了冬蜜，蜜糖脆鱔腍，很好吃的一道甜餸，我覺得不是很多餐廳做呢個餸，多數會整成脆身像薯片的鱔。🥢 秘製蝦皇醬秋葵炒安格斯牛肉條呢個秋葵牛肉炒得好夠鑊氣，唔過份油，不膩不膩！🥢 皇牌半隻無骨雞呢個雞肉無得頂，其實贏係上面鋪面的醬汁，伴雞件吃非常夾。怪不得很多枱食客都會點此菜。🥢 菜炒臘味也是贏鑊氣的小菜，沒得輸！🥢 生炒臘味飯睇得出呢個菜係好用心煮的，佢唔係即刻上佢係差唔多煮咗20分鐘，而且糯米感覺真係生炒出嚟的，不黏，亦都不硬身，糯米飯口感已經非常之好。而且餸菜沒有馬虎，臘味蠟燭花生蠟燭蝦米蠟燭，呢個飯我下一次嚟食都會叫嘅飯！完勝系列！怪不得元老爺口碑咁好，佢真係小炒夠鑊氣，餸菜夠特別，我諗好少一間餐廳依然出更多樣不同類嘅餸菜，完全我覺得係可以食完又食嘅餐廳。…查看更多

中午食左呢間圓老爺，都幾多中式菜既 set lunch 揀，而且幾有鑊氣，大推👍🏻一坐底即上例湯清補涼，飲落有豬骨味，幾有家既味道。台式三杯雞三杯雞係砂煲熱辣辣咁上菜，我覺得以午餐黎講都幾少見，但茶餐廳既價位，好有心機。雞件份量都幾多，食落幾滑同唔係好肥，仲有落埋九層塔去煮，味道幾正宗台灣三杯雞，食落惹味。菜心苗炒肉片份量都係大大份，豬肉片切得比較薄身，所以食落易咬同滑身，見佢有特登煎一煎先再炒，整體都幾有鑊氣。菜心苗都幾好，唔老👍🏻Set lunch 除左有例湯送之後，仲有配野飲，基本都係雪櫃入面任揀同都幾多選擇。走時睇埋佢晚市個餐牌，以小菜計佢都唔算貴，百鬆蚊多啲。我覺得呢間煮餸幾好味同有鑊氣，可以再食。…查看更多

平日午飯時間經過都見好多客，今日約咗位元朗街坊嚟試吓。店內地方企理，有樓上閣樓，員工態度有禮勤快。午市套餐幾多選擇～即叫即炒粉麵，選擇困難😂仲有湯飯、水煮牛肉酸菜魚等等，魚翅撈飯都有✨午市套餐包指定飲品(x1)另包例湯(x1)💫豉椒牛肉煎脆麵豉椒汁香濃惹味，配麵一流！牛肉淋滑夠入味，不得不讚炒得好夠鑊氣👍🏻個麵煎到脆卜卜好脆口，推介⭐️💫咕嚕斑腩飯斑腩啖啖肉，食落軟熟粉漿厚度適中，咕嚕汁酸酸甜甜零舍開胃，送飯一流…查看更多

蝦醬豆卜蒸豬頸肉 $60好經典嘅蝦醬蒸豬肉，唔係好多地方有得食，呢個仲豬頸肉唔係豬腩肉，冇咁肥，仲幾彈口，蝦醬唔算重手，唔會好咸，推薦😋😋脆皮菠蘿咕嚕肉 $68肉質唔錯唔太肥，外皮幾脆，唔太甜，好味😋豆腐火腩煲 $58火腩唔算太肥，有咬口，唔會煮到太腍，豆腐夠滑👍🏻店名叫大排檔不過係茶餐廳格局，食物有水準有鑊氣，餐牌食物勁多選擇，老闆同侍應又好有禮貌；午餐平均大概$60，有例湯（應該冇味精），白飯仲有餐飲，超抵食💯…查看更多

今日同朋友去元朗食飯，經過豐年樓見到呢間叫圓老爺大排檔既餐廳，午市價錢好刺宜，見到入面有唔少客人，吸引咗我同朋友去試試🥰入到去發現原來餐廳仲有上層👍🏻岩哂一大班朋友黎聚餐😀我地叫咗幾個午餐一齊分享，食物質素唔錯👍🏻，埋單都係二百零蚊，人均$5/60，好抵食！鮮椰皇花膠雞飯（4.5/5）- 好好味😋 好多花膠😊😊椰子味非常濃郁🤗🤗極品頭抽豉油雞飯（4/5）- 呢道菜可以做呢度既招牌，豉油雞味道好香濃，雞的份量好足，仲有少少菜做配菜，唔錯☺️☺️黑松露大蝦炒伊麵（4/5）- 好大碟，可以就咁叫一道做主食，正！🙂🙂碧綠炒生魚球（5/5）- 生魚球有少少骨，碧綠係西芹，西芹既size 切到一口，幾岩我地口味😆呢度既食物質素非常好，款式多，價錢平，餐廳又大又多座位，無論平時黎定過時過節約埋親戚朋友黎都非常適合😊😊圓老爺大排檔 (元朗)元朗豐年路7號豐年樓地下28E號舖…查看更多

重陽節長週末好多人離港，條街都幾靜，經過圓老爺，見未食晏就入去食過午餐先。兩點鐘嚟到全店滿座，去撘枱先😆餐牌選擇甚多，睇完一圈決定點客飯套餐。⭐豉蒜涼瓜炒牛肉朋友點咗涼瓜炒牛肉，即叫即炒，上枱時熱辣辣香噴噴，涼瓜爽口唔苦，牛肉嫩滑，加上個豉椒醬汁好惹味，送飯一流🤤⭐千島豬扒見隔離枱食緊千島豬扒好似好正咁，自己又點一客先。大大碟好抵食，豬扒切條，大約有八條，淡淡肉只有少少骨頭，千島沙律醬甜甜酸酸好好味🤤⭐白飯跟餐白飯一大碗，十分飽肚。⭐咸柑桔 & ⭐天地壹號餐廳無水吧，只有樽裝同罐裝飲品，雪櫃自取，朋友揀咗咸柑桔，自己就要咗天地壹號，呢款蘋果醋唔係間間餐廳有，哈哈，真係幾好飲㗎。原來餐廳會落場，食到三點左右就收爐了，想食真係要早少少入嚟啦。…查看更多

講真宜家有d質素既茶餐廳或者大排檔都越黎越少，元朗呢間係一定要推介比大家鮮椰皇花膠雞 $78成碗上枱椰子味非常濃郁！面頭有層薄薄嘅雞油！一睇就知道煲咗好耐！椰子肉煲到腍晒！非常軟腍！雞嘅份量大概有半隻左右，食雞胸都唔會覺得乾柴！雞髀更加唔使講！蝦醬豆卜蒸豬頸肉 $60去到大排檔蒸嘢炒嘢都少不免！蝦醬蒸豬肉肉更加係經典中嘅經典！佢用咗豬頸肉代替豬腩肉，怕肥人士會多一個選擇，豬頸肉色水非常靚，食落爽口蝦醬更加令到豬頸肉食落有鮮味！XO醬乾炒海鮮烏冬 $68上枱望落非常大兜，烏冬炒得乾身海鮮食落爽口彈牙！不過佢哋嘅份量真係好多，兩個人差啲食唔晒！食完要捧住個肚出門口！…查看更多

簡單海鮮小菜：豉椒炒蟶子~ 蟶子大隻… 有鑊氣。蒜蓉粉絲蒸扇貝~ 一般水準。酥炸生蠔~ 美國桶蠔巨形…Very juicy。黃金蝦球~ 蝦球彈牙。6.00pm開餐。人客較少，服務一流。食物水準屬高水平。性價比👍🏻👍🏻👍🏻抵食。推介 ✅✅✅…查看更多

話說我中原王子，咁啱今日去元朗睇新樓盤，客人睇完當然要搵嘢食女朋友話元朗有個大排檔都幾好食，不過而家唔知有冇轉到廚師，於是乎我就元朗站行過去其實都起碼行幾個字，當時啱啱行到去就已經過咗午餐時間，唯有係散叫，咁我試吓個咕嚕肉，因為依啲嘢整得好唔好食一食就知道叫咗王老吉同埋白飯，成間舖得我一個，因為咁啱6:00未到好多人食飯嘅時間，所以好快就有嘢食。 見到佢有誠意嘅，用新鮮菠蘿，不過冇青椒洋蔥，簡簡單單，唔知用咗蜜糖定係麥芽糖，有拉絲，食落去有少少甜，但係肉質就幾好食幾脆，冇出邊啲茶餐廳肥豬肉咁樣，我覺得做得唔錯呀，價錢又唔係話好貴嘅，成餐夾埋135元，好飽！…查看更多

一向住開元朗好耐，返工亦都係喺元朗，平時同同事都會喺呢間間唔中叫外賣，試過唔差所以今日諗住過去試下佢哋嘅晚餐，過到去就同佢講幾多位，一嚟就耍手擰頭話無位🤷🏻‍♀️ok無問題然後問佢大概會等幾耐，跟住就答我哋答你唔到等到就等，然後見到入面有一台已經食完，仲要喺度霸住個位好耐，跟住我哋繼續喺度等完全冇安排，感覺真係好差，其實唔憂做可以岀聲，使唔使咁嘅態度？以後都會叫我身邊嘅朋友同事永不幫襯😊就算幾好食都冇用，大家如果鍾意受氣嘅話，不妨去幫襯試吓…查看更多

生日月 🌈 朋友請食飯 本身諗住簡單啲 喺樓下酒樓食嘅 點知朋友之前試過話呢間好食，跟住建議嚟呢間 好啦😁🤭 朋友提前喺街市買咗龍蝦同埋花螺過去加工仲叫咗個前菜麻辣牛𦟌 不過唔記得影相 麻辣牛腱你當佢牛肉乾咁樣食 係好食嘅 不過重點之後可以留返嗰個辣嘅醬 之後點其他嘢食都好好食佢哋覺得呢個豆腐幾好食，我覺得都可以嘅 花螺就咁食都好好食嘅小炒王就真係好食👍🏼👍🏼 除咗一般腰果 菜譜 鮮魷 韭菜仲有新鮮蝦🫨 👍🏼👍🏼👍🏼 再嚟「一斑兩味 」個魚塊好香呀，煎得😍 炆魚嗰個呢就食唔晒，所以我就拎咗返屋企第日都好食嘅最尾呢個重頭戲 龍蝦芝士伊麵係超級好食！當然係我朋友揀啲龍蝦都好大隻啦 所以啖啖肉🤣 仲要係之後又再焗一焗唯一挑剔嘅就係個伊麵味道爭少少…查看更多