圓石會社

營業中

休息中

行街行過見想飲手搖就試下依間我覺得佢價格幾抵冬瓜杯大杯只係22蚊夏天好岩飲可以消暑可以加配料但我鐘意就咁飲多啲🤓甜度固定但冰度有得揀味道岩岩好超抵飲👍🏻推介第二日都回頭再買嚟飲😆

圓石喺香港開咗，完全唔知，唔覺有宣傳，究竟係正版定翻版？唔好以為台灣品牌嚟香港開舖就一定有優勢，做過江龍都要有人氣有品質先吸到人留到客。開喺K11對面，隔離兩間小食門口一堆人，呢間門口冇人嘅。買咗杯奶蓋茶，望落奶蓋份量唔少，飲落就係溶咗嘅cream cheese，冇乜味。如果直接飲，一係成口奶蓋，一係只飲到茶，好難一口又奶蓋又有茶，可能杯蓋個開口太細？如果搖勻飲，茶味好薄，變咗淡奶水。整體唔差，不過冇翻兜嘅理由。