影片
以上資料只供參考, 請與餐廳確認詳情
圓圓石磨腸粉真係幾正。好多人淨係會行過葵涌廣場食嘢其實過一條街都有好多小食可以掃街，呢間石磨腸粉就係其中之一首先第一價錢好平，第二佢有忠實嘅客戶排隊但係又唔需要排長龍嗰隻，第三好食喎個辣醬幾特別！我叫咗牛腸，我見到佢即刻整，熱辣辣嘅麵粉漿見到都已經好滑溜，再放埋蔥花同埋啲牛肉碎，聞到香噴噴簡簡單單就咁好食。確實唔係話咁易整就一定好味因為食過其他石磨腸粉有啲太厚粉漿，跟住又做定晒啲豉油都已經凝固晒咁就好難食。所以呢間推薦啦，我相信附近咁多學校學生，平日一定會更多人幫襯我今日係星期六嘅夜晚我諗大部份人都去咗出街食飯，所以比較冷清少少。不過唯一要改進嘅地方就係佢只收現金呢樣有少少唔方便。
繼續閱讀