圍威喂 (誠信中心) (已結業)

今日同老公去左荔枝角食晚飯，間餐廳叫做圍威喂。入去食之前我其實都有睇過d資料，知道餐廳主打東南亞菜，仲有逢星期六會邀請鵝頸橋阿姐黎打小人，真係好本土特色呀。餐廳鄰近地鐵站，坐位算寬敞，適合和朋友聚餐。介紹一下我今日點既菜：🐔圍威喂無骨海南雞配油飯海南雞份量好足，雞肉嫩滑，無骨啖啖食落去都好爽，必食🐔🐽沙嗲串燒（雞、豬）呢個真係俾想像中更美味，食落去有juicy感覺，就算吾點醬汁都好味🥦飛天炒通菜菜新鮮，調味適中，不會太油🍓絕代雙莓呢杯甜甜地，好解渴，成餐飯我系好珍惜甘逐少逐少飲❤️士林夜市愛玉冰呢杯我認為味道淡左d⋯好在係老公飲，不過佢飲唒架

唯圍喂就好像呼朋喚友去開心玩一餐，食一餐。此店舖坐落工業區、食晏，放工都可算是一個聚腳地。今日放工就近近地醫下肚約埋同事仔去食個Friday dinner 🥘 先來個小吃-燒牛舌，以為佢普通size估不到佢都算大條，不厚不簿，真的很好食，不用醬汁都好已有足夠味道😋另外點了個馬拉盞通菜，師傅炒得鑊氣很夠，非常野味，我地食到見底，配料都唔放過呀。主菜就要了蟹肉炒飯，職員話都好大碟，我們兩小女都好夠食，的確真的非常大碟而且蟹肉好多呀，調味均勻，我好喜歡食呢個味道的今晚好滿足，此店職員態度又很好👍🏻放工後可來食下 坐下，休息下唷

係荔枝角路過幾次尼間餐廳都覺得裝修幾靚，感覺係有氣氛的餐廳，非常適合同朋友一邊傾計談心，一邊食野～.餐廳到處影相位，除左2/4/8人枱之外，仲有可以靜靜一個人坐的吧台座位選擇，無論一大班人過黎，或者自己一個黎，總搵到一個令人閒適的小天地。.Order左飛天炒蔬菜（$75)、雞、豬各3串的沙嗲串燒（$78)、圍威喂生菜包（$80)及香港的奶茶（$18)! 全部賣相都幾靚，價錢份量亦ok!.幾款野食之中首推豬肉串燒，調味入味，咸甜咸甜，肉質juicy不乾身，而外皮又食到微微焦香感，好吃！飛天炒蔬菜有豆，紅蘿白，芥蘭，西蘭花，甜椒，色菜彩繽紛，種類幾多。生菜包肉菜比例比例剛好，味道不會過咸，食完又吾會有膩口感覺，不過個人偏好喜歡辣，如果有辣度選擇就更好！

這家圍威喂是明星Super Girl Yanny同拍擋開的，以東南亞菜作主題。 檳城炒粿條 $98 推介菜之一，廚師炒手功夫十足，很有鑊氣，賣相吸引，配料還有中蝦、蜆、泰式臘腸，風味非凡，有一點點辛辣，令人一口接着一口，停不下來，好吃好吃。飛天炒通菜 $75 吃之前建議先搞混一次通菜，讓底下的醬汁混和，味道更好，更好送白米飯。絕代雙苺 $34 由新鮮藍莓和士多啤梨現打現製，質感順口軟滑，甜味天然，推薦。寶島百香果紅茶 $18 滿滿的百香果粒粒，紅茶茶底香濃，不太甜，帶有茶香。📍圍威喂 荔枝角青山道495號誠信中心地下1號舖

見到附近開左間新餐廳，又見佢主打東南亞菜式，所以襯今晚去試下。由於附近係工廠區，所以比較少咁別樹一格的餐廳。入到去俾一幅寫晒打氣說話的牆吸引，問番店員係話用"打小人"的概念整出黎，仲話不定時會真係請人黎打小人。講到明主打東南亞菜式，咁大家都知我鐘意東南亞文化，尤其馬來西亞，所以叫左海南雞飯同埋檳城炒粿條，加埋個飛天炒雜菜同檸檬愛玉冰。海南雞飯黎到後，發覺原來有半隻雞的份量，唔怪之要超過一百蚊，原來係兩人份量。黎之前都做過下research知道呢度用走地廿日的粟米雞，不過我不嬲都唔太理，最重要整得夠唔夠皮脆肉嫩。大家都知我對海南雞的研究比較多，尤其好多餐廳將白切雞變成海南雞想蒙混過關。呢度的海南雞做得很好，做到雞肉白裏透紅、皮與肉之間帶啫喱，未食落去都知夠晒滑。而皮都夠脆同入味，當然點埋泰式雞醬就更加滋味啦。油飯夠乾身，唔太濕，如果落多些雞油效果更佳 (雖然都更加肥)。至於檳城炒粿條，又係大大碟，材料如蝦仁、雞蛋、臘腸同芽菜等都齊全，望落個樣都似我係檳城食的樣子。其實炒粿條最重要有三樣野，第一係粿條要夠煙韌，唔會太碎又掛到汁，咁呢度做到，尤其寫明粿條係由怡寶空運過黎。例外就係炒得夠乾身，

幾抵吃的泰國菜～ 晚上時分來有晚餐專用餐牌。有前菜、咖哩、飯麵類、串燒、小炒等等。飲品方面也有很多選擇的。藍莓草莓沙冰 - 味道甜甜的, 很解渴圍威喂！炒金邊粉 - 在餐牌上, 這個菜色有一個手指公圖案, 是小店推薦的主菜, 當然要試一試。金邊粉份量多, 很喜歡它的賣相, 上面有蛋覆蓋着金邊粉, 金邊粉炒得幾香, 不會太油膩。飛天炒雜菜 - 裏面有西蘭花🥦、椰菜花、洋蔥、菌類、芥蘭等等。上面佈滿炸蒜頭, 食落有很香的蒜蓉味, 蔬菜幾鮮甜。

呢排經過荔枝角都想食呢間新開左主打馬來西亞，泰國，西班牙的東南亞美食，今日就特登黎食下！食左幾個招牌菜：圍威喂！生菜包，圍威喂！炒金邊粉，牛舌！生菜包好新鮮甜，肉汁juicy,小小嘅辣味，對於我唔食太喜歡食辣嘅都勉強可以接受！仲有我最愛食嘅炒金邊粉，酸酸甜甜，材料豐富，有雞肉有蝦有豆腐乾，仲有表面好有心機整嘅蛋拉花裝飾，非常好味平時出面食嘅牛舌都好薄好少冇咬口，但呢間唔一樣，佢嘅牛舌好厚身，咬落好爽口彈牙，非常值得推介😽如果大家經過可以過黎食下，舖內環境都好舒適，服務態度良好

喜歡呼朋引伴大吃大喝， 也享受獨自晚餐的隨心所欲， 誰說一個人不能「圍威喂」？！荔枝角的橫街小巷藏著不少食店， 這家圍威喂店名相當顯眼， 就吃這家嚕！看外表不太能看出這裡主打東南亞菜式， 店名裝潢現代感十足， 有點反差萌。 Menu印刷精美， 上面的食物照拍得很美味誘人~堆成小山的板燒豬頸肉青木瓜沙律， 分量足夠2-3人分享， 板燒豬頸肉邊緣烤得香脆， 輕輕一咬感覺肉質彈牙Juicy， 底層的青木瓜沙律冰涼爽脆， 混合著酸辣又帶有香草氣息的特調醬汁， 清新開胃又能中和肉類的膩味。圍威喂無骨海南雞飯足有半只雞分量， 雞皮脂肪不多、雞肉嫩滑， 連雞胸部分也物別軟綿， 啖啖肉沾上三款醬汁吃又多一分惹味。 海南雞已經事先去骨， 女生直接開吃也能保持儀態了。一人獨享的壞處就是不能點太多， 只好下次再與閨蜜來朝聖啦！

朋友係呢頭返工，話有間餐廳想試下，咁好啦，就一齊去試試呢間外表以藍白木色為主，設計咁MODERN既餐廳估唔估到食乜？ 原來是以東南亞菜為主雖然食東南亞野，但佢個名好香港地~ 餐廳入面既裝修都好新式的~ 而且都幾有空間感，坐得好舒服這裏還有一個平台大家俾發洩，每逢星期六都會有一位嚟自鵝頸橋嘅姐姐幫手喺餐廳打小人，同埋仲有張小紙仔畀大家寫低想寫嘅嘢，寫得好仲有得貼堂～最近香港人都好大壓力，想打下小人可以黎呢度玩下呀~ 估唔到呢度竟然有手工啤飲南雲生普洱茶啤啤茶無想像中既茶味，不過飲落幾清甜，易入口而AFTER TASTE 亦無咩啤酒既苦澀味，女仔都啱飲呀~~本黎想試埋另一款琥珀啤，但老闆話唔夠凍，唔賣，果然有良心~ 等我下次再黎試過~ 呢度賣既係東南亞菜，我覺得以泰菜為主，當然仲有D越式野，海南雞飯....泰式青木瓜沙律 呢個係我至愛既泰式沙律，而呢度既做法都好正宗 青木瓜很爽口，甜甜酸酸，好開胃 上面的乾蝦仔更係點晴之作~  香辣糯米雞翼 即係雞翼入面釀左糯米，不過今次既糯米係辣辣的 比想像中辣，我自己就覺得好惹味，不過唔食得辣既朋友會越食越辣~ 外皮係燒得很脆的，入面的

放左工同老公一齊去拍拖仔係香工shopping完之後搵地方食飯橕枱腳於是係openrice seach到係附近既泰國菜無理由唔試位置係shell油站既隔離好易搵到近地鐵C出口行過去只需要幾分鐘入到裝修幾新潮 我地叫左青木瓜沙律青木瓜食落好juice覺得比較辣 可能係我唔太食辣但我老公好鐘意食黃咖哩軟殼蟹配手工薄餅平時既黃咖喱多數配雞/豬頸肉想試下特別啲軟殼蟹估唔到又幾夾下外脆內軟唔錯手工薄餅配咖哩好正如果份量再多幾塊就好因為太滋味

沙嗲全沒有沙嗲醬 餐來到的時候只給酸辣醬未試過吃沙嗲沒有沙嗲醬大家要小心選擇或者問咗先入嚟食晚上才七點想要炒菜沒有芥蘭和苗叫了數款菜也沒有貨供應未試過一間就沒有水準的餐廳別來算吧將餐牌刪除沒有菜式選擇

朋友係要見嫁，又過了開心嘅晚上今次去左荔枝角一間新餐廳🍽圍威喂~~主打東南亞美食裝修及店內用色好有特色，係工廠區少有嘅而且食物有水準.推介💕.🍤大蝦冬陰公湯 大蝦爽口彈牙，湯底濃郁、酸辣味剛好.🐔無骨海南雞配油飯份量足夠，海南雞肉質嫩滑，無骨一口食晒，正.🦐黃咖哩虎蝦+手工薄餅 虎蝦巨型且爽口，咖哩香濃惹味，加埋蛋花確實味美。手工薄餅香脆不油，配手工薄餅係不二之選，我地仲 encore左一次 tim ar.🍖串燒拼盤（牛舌、蝦、豬，雞）牛舌大片有口感，蝦大隻爽身、豬同雞嫩滑有肉汁，就算唔點汁都夠晒味.🥗鮮蝦球柚子沙津柚子鮮甜多汁，大大舊啪入口真係正，清新醒胃.🥬飛天炒雜菜：每款菜都新鮮，調味適中，份量都唔細.—————————————————————-📝總結：店舖近地鐵站，店內環境舒服，食物有水準及份量十足，回頭食店之例

呢間位置係荔枝角既東南亞風味餐廳，都好易搵既，荔枝角港鐵站C出口，上到地面過對面馬路轉右，沿住油站直行，唔好過對面馬路，左轉見到藍色門面就到ga la。如果weekday黎食lunch就要行快少少，唔係就要排隊等等la。呢次就order左會既「娘惹喇沙湯麵」+凍「香港的奶茶」，呢間既lunch set就有少少貴，都要$7x。但係呢頭想食碗喇沙都唔係咁易搵到🤪杯野飲雖然叫做香港的奶茶，但係就飲唔到咩香港口味，杯奶茶好淡口，完全無港式茶餐廳既口感🥺碗喇沙都幾okay ge，好夠味但唔會勁辣，又唔會甜爺爺椰醬味，麵底麵好多，男士食都好夠份量😄😄

今晚約咗班老友去 - 圍威餵 😆第一次去，估唔到一向鍾意食泰國菜嘅我～老友介紹，果然係好有水準❣️頭盤 試左 泰式青木瓜沙律依家諗返口水又流緊 ..真係 太開胃，木瓜絲 亦都好爽口，推介👍🏻👍🏻小食方面叫 咗個 彈彈牙魚餅，扎扎跳蝦餅聽個名咁得意🤪當然要試嚇啦又的確好彈牙～外層脆卜卜串燒拼盤嘅大蝦 新鮮又勁大隻！小朋友第一時間搶左去食😆另外 咖喱方面都好出色，黃咖喱軟殼蟹 好正啊！好足料！！我哋總共 叫左四客薄餅 去送呢個咖喱真係太惹味喇～～😋泰式椰子雞湯都好有驚喜❣️奶白色既湯 有好濃郁嘅椰子雞味微辣好好飲😊好喜歡 士林夜市愛玉冰裏面有超足料嘅蘆薈肉同埋愛玉冰非常好飲，亦好解渴👍🏻無骨海南雞配雞油飯啱曬小朋友食因為無骨而且雞肉好滑我地有三個小朋友好快就自己食曬成碟雞🤣係等餐嘅途中小朋友就出咗去出邊一幅畫牆到畫畫職員好細心幫小朋友把畫掛上牆度，好有愛啊~大人細路都食得開心下次一定會再嚟～

荔枝角工廈區越來越多又好味又有風格的餐廳，今次跟好朋友到東南亞食店圍威喂，想不到工廈區有這樣裝橫特別的食店。店內的一幅粉紅霓虹燈佈置非常吸引，當中字句易令人深思。食物方面有水準，我們點了大蝦冬陰公湯、泰式青木瓜沙律、黃咖喱軟殼蟹、串燒拼盤、海南雞、彈彈牙魚餅及手工薄餅。特別一提是青木瓜沙律，絲絲木瓜配上小紅蝦干特別好味，醬汁味道也十分好；串燒中特別喜歡厚燒牛舌啖啖肉，而且非常鮮嫩多汁！魚餅香口惹味。黃咖哩軟殼蟹配手工薄餅十分配！而海南雞口感嫩滑，有水準！特色飲品賣相及味道也同樣高分！