圍威喂 (誠信中心) (已結業)

原本想試下荔枝角新開既東南亞菜🇹🇭 本身覺得會伏伏地😫但係出奇地好好食！尤其是野飲好出色🍸☕️🍵我係夜晚既時候去 靜靜地又可以享受東南亞的風格🥰簡直是一種小確幸💓💓新起既裝修 帶點少女風 而且逢星期六就有打小人既活動就更加唔可以錯過啦🤭岩曬大家放假既時候 亦不忙打老闆小報告😂另外佢地夜晚好似推出左新既飲品 係香港製造既啤酒 特別有風味🙊🙊 同夜晚既串燒簡直係天作之合！！講到呢到 就係真心推薦大家去支持下！👍🏻

行到超肚餓 又熱 又曬醒起公司附近有間新餐廳 裝修新穎諗都無諗就衝左入去（係，餐牌都無睇過，見個名 我以為係台灣菜 點知原來係東南亞）諗住下午茶時段 點都會揀到野食Sorry 我真係唔太揀到🙈因為佔左半都係麵包類（我好肚餓）還有喇沙湯麵 但又辣 （個人好熱氣中）最後只揀到海南雞飯 盛惠$72定價蠻進取 但見佢會跟碟通菜同野飲 又唔想再搵過間就試一試朋友揀不到 見到隔離有「香葉肉碎煎蛋飯」問係咪午餐先有？侍應初時很堅定說這時段沒有（但隔離檯又有？！）隔離檯便出聲 同侍應講照做俾我地（原來是自己友）當時餐廳都有一半人 但原來都有唔少是自己人 應該是新開的關係野食到 餐具器皿看得出有心思【海南雞】雞-份量不多 味道尚可飯-（令我不得不寫此食評原因之一）顏色極淡 唔知係想整雞油飯定點？食落 有好大陣漂水味 我食左2啖 吃不下去我知 你新開 唔知係咪未洗淨d野 所以都無投訴見到隔離檯叫左海南雞 個飯一樣無咩郁過 更加決定唔會再食落去 費事出事就這樣 食左幾舊雞加個黑黑地既通菜再加杯凍檸茶 盛惠$72另外 朋友既「香菜肉碎煎蛋飯」味道還好的雖然$72 價格略貴 但起碼佢會飽 我都有點安慰 畢竟係我

星期六午餐近地鐵站👍🏼地方清幽坐得舒服叫左個肉碎太陽蛋飯蛋好味，個蛋黃出色又唔太油肉碎又唔會全部肥豬肉叫左杯木瓜奶昔唔太甜，又喝到有木瓜，唔似啲鋪頭少生果多糖水某一兩服務員態度好好

因為在附近番工，所以見證它由裝修到正式開業。開張時，看到有名星送花到賀，所以對它是滿有期望的。 平日lunch 都看到排隊人龍，未有機會試試。碰巧今天12點lunch, 不用排隊，可以有機會一試。 店舖裝修簡潔，燈光明亮，與鄰座距離尚算正常吧。我和同事也點了招牌海南雞飯，但沒有油飯，只有白飯⋯ 說真的，雞不算滑，味道也很淡，配以油菜一碟，份量是正常的。但以$75的價錢，還要沒有附送餐飲，價錢偏貴。如果維持這樣的水準及價錢，會擔心它的去向。

勁大雨唔想行到全身濕晒，就膽粗粗試下呢間公司附近新開既東南亞食店。11:45am打去order，request12:30pm送到，真係勁準時12:30pm到，仲提前打黎叫我預俾定零錢找續，外送服務超贊👍🏻試左佢地既炒粿條，辣味剛剛好，粿條好有咬口，粉量剛剛好夠食。配左杯凍奶茶走甜但唔俾少奶，話d奶本身mix好晒既，只可以走甜，但黎到見到杯底勁多奶，而唔係mix定lor......同事就試左佢既喇沙話好淡唔夠味🙄我會俾多次機會佢下次想試下佢地既海南雞飯😆😆

外賣一份板燒雞腿三文治 等左10幾20分鐘 廚房搞掂左 啲侍應仲喺度執緊餐具 做野勁笠 外賣個杯檸檬茶倒瀉係個膠袋度 趕時間千祈唔好入呢間野 等又要等咁耐 可能咁啱我去嗰陣冇乜客 所以啲侍應好似仲未瞓醒咁