國金軒

營業中

休息中

對於鮮有寫食評既我，今次真係要，豁出去，痛痛快快地寫第一次失望食評了。十月底的一個晚上，公司高層宴請從外國來港既高管，目的係希望讓客人可以品嚐到香港出色的中菜。首先，我們一行八人，按預約時間出席。很可惜，接待員一直找不到我們訂座記錄，最後，理論完一番後，結果要我們八人逼坐在一張六人枱內。最最最大既問題係，六人枱對面，靠近窗邊，近距離望住維港景色位置既八人枱，係沒有人坐的。直到我們晚餐完畢，都係無人坐的。那麼我真不明白為何不讓我們坐呢？當時有位應該是主任/經理級人士，就跟我們說有客人訂了，後來收到客人通知黎唔到，取消訂座。世上真的如此巧合嗎？我們的八人訂座紀錄不見了，但又空著一張八人枱呢，原因係另一客人的八人訂座取消了。。。至於整過用餐過程中，由於侍應人手不足，要找好幾次才能得到所需既茶水，服務等。。。如果真的像更多資訊頁面所寫「國金軒代表著本地餐飲業的新面貌。。。」，那麼我明白為何那麼多香港人要去深圳消費了。縱使服務不理想，但食物質素，是不錯的。當中最最最喜歡是乳豬鵝肝醬窩巴，香脆可口，有機會再去encore😋

今次嚟到中餐好食嘅國金軒，包左間房，房間有海景，望住中環AIA，景觀好靚。停車可以停喺IFC，有免費。不過包房就有最低消費都幾貴， $15,000。嘢食方面，主要都係照左套餐，有乳豬鵝肝，水晶大蝦，鵪鶉蛋燉雞湯，炒魚翅，鮑魚柚子，龍躉稻庭烏冬等。我哋仲額外加咗豬肉同埋羊架，入口即溶，非常好食😋甜品方面，有香芋椰汁燉奶超好食，順便配了蜂巢蛋糕好夾。呢個甜品真係好推介大家來食😚6個吃了18000元價錢確實有少少貴，不過係好食嘅。

週末跟友人來到盛名已久的國金軒，一場來到，除了一客龍蝦午餐之餘，也選了好些點心名物。第一樣名物乳豬鵝肝醬窩巴，好矜貴的一道菜式，乳豬脆而帶油脂香，鵝肝醬豐腴綿密；惟邊吃邊有蜜糖滴落碟上。甜的鵝肝醬，小人還是第一次嚐到，恕不能接受。韮菜脆蝦盒原來是幾條春卷，脆是必然的事，韮菜甚多，甚是香口！有趣的是明明是春卷，既非盒形的為何又稱之為脆蝦盒？真夠特別。第二樣名物水晶大蝦球就真是強差人意。蝦球確實很大，然而不管是蝦球本身或是水晶芡都是沒有味道的，水晶得太虛幻了，達致無色無味的至高境界！焗蟹蓋是有很多蟹肉的，叉過脆面直入中心部份，開始時蟹味不太明顯，說是吃著其他海鮮亦不為過；但後來食到內心深處，燙熱的溫度才逼出蟹的香味。假日極品龍蝦午餐包了三道點心：荀尖蝦餃吃不到有荀、小籠包的皮又硬又厚，海膽似有還無、春卷反為是威化卷，芝士蟹肉味同樣完全不出。爆炒龍蝦，小人想也沒想過是原隻炒的。這道炒龍蝦用上了不同的辣椒來爆炒，果然辣度強勁！精妙之處就是居然還能食到龍蝦的原味，沒有被辣味完全蓋掩！椰青燉翅開始是不錯的一道湯品，海量的翅多到可以一箸箸夾起來，多到要夾開才渴到湯！湯底清澈滋潤，每一啖皆帶椰香，喝得

是晚點了以下菜式四色煙燻素鵝 - 味道正常金沙脆鱔 - 過份油炸，完全不知道是吃脆魚皮還是鱔意大利黑醋脆豚肉 - 侍應話甜甜酸酸啱小朋友，但醋味淡，無甜味，肉多肥膏，小朋友吃了一塊也收筷。陳皮醬油鴨（半隻）- 鴨無鴨味，也不入味。魚湯斑片浸翡翠豆腐 - 魚湯味淡，也無鮮味。竹影田色 - 成晚最正常的菜式花膠絲叉燒薑蔥撈麵 - 淡而無味，叉燒似火鴨絲，要落大量紅醋才可嚥下。二千多元嘅菜式，但質素非常差劣，服務多好也不會再光顧。

一檯11人親戚飲茶，一心諗住地點方便，點心食物質素有保證，請客一定唔失禮，點知算漏咗服務質素差成咁。周六下午1點8-9成滿，樓面侍應眼見3個+2個經理，唔係要一叫即到，但就算做緊嘢都可以俾個眼神手勢應咗客先。佢地好自然係無視所有高舉嘅手，高級食府應有嘅服務係無，就算食物再好都唔會想光顧。

想嘆住維港景食巧手精緻菜式，中環ifc mall嘅餐廳確實係唔錯嘅選擇。今次嚟到被譽為名人飯堂嘅國金軒，一嚐其招牌粵菜。當中乳豬鵝肝醬窩巴相當有驚喜 餐廳樓底好高，加上一整排落地玻璃窗，維港景緻盡收眼簾，更設三間擁有海景嘅私人廂房▪️西班牙黑豚叉燒皇 $390黑豚叉燒偏瘦帶點爽彈口感，當咬到肥膏位，都能感覺到其油香。入口甜度適中，帶點焦香。 ▪️乳豬鵝肝醬窩巴 $498/四件乳豬片薄脆富油香，中間夾左自家製軟滑鵝肝醬，加上窩巴 口感形成強烈對比。三層一齊食，鵝肝味雖然唔算特別岀眾，但其甘香成功令成個味道更rich。特別欣賞薄薄一層嘅桂花蜜同紫蘇葉，味道清香，可以一解其油膩感之餘，亦令味道層次更為豐富。 ▪️水晶大蝦球 $380/位經典水晶大蝦球賣相精緻如花，雪白晶瑩。火喉岩岩好！蝦球爽滑彈，鮮甜重蝦味，唔洗蘸醬都咁好食 ▪️焗釀鮮蟹蓋 $380/位中菜府必食手工名菜！表面焗得酥脆，蟹蓋塞滿鮮甜蟹肉，感覺上無平時嘅咁膩。一大加分位絕對係大廚特別調製嘅意大利黑醋！比起平時嘅杰身無咁酸，配埋蟹肉鮮味更突。黑醋自帶甜味，直頭好味到可以就咁飲

今次第一次幫襯，見到好多食評寫服務差，但今次完全係服務周道，見到會打招呼，會斟茶倒水。埋單會跟進進度，由於叫套餐唔知有幾多碟，叫左埋單都會繼續上菜，先至幫你埋單。食物水準中菜好過點心，燉湯夠火候，甜品不過不失！上菜唔會趕，一道一道上，食得好開心，待應有笑容，近排鴨鴨到港，近窗口位，會見到一對鴨鴨，食飯打卡一流！環境大，坐得舒服。訂檯都有跟進，進量安排近窗邊位，可以一路食一路睇風景。對於大時大節慶祝，非常之好。

今時今日，傳統粵菜老師傅買少見少，如果珍惜，有機會體驗就要把握！例如中環國金軒的主廚李霖師傅，係江太史江孔殷家廚李才的嫡傳弟子，盡得太史家廚之真傳，不過入行60年的李師傅，早已榮升神級，甚少親自下廚，這晚我們幸得有心人安排，獲他答允親身上陣，實屬難得！興奮的我們，讓他老人家建議菜單且無預算上限，巧手特式為主而非追求貴價食材，畢竟我們只是普通人，本已預算不菲，最後每人花費約$4700，不能不有點肉痛！ 李霖師傅的近年新作，創意變奏的［香煎燕窩盞］又稱［炸燕窩盞］，實在是頂級佳餚，馬上成為我此生吃個人中最喜歡的離地美食之一。 金黃焦脆的外表，入口軟嫩濕潤，一條條燕窩絲在味蕾上滾動，富貴感滿瀉，清新可口，是上湯餵飽的滋味，一試難忘！製作過程需高技巧，需知道燕窩是經過水發的，現在需要乾身炸球上菜，做得不好浪費昂貴食材，可見難道之高！據說做法是先用上湯把燕窩餵入味，然後搓勻成球狀放上匙羮固定成盞形，靜待數小時後，把一個個飽滿的燕窩盞拍上生粉，然後放入滾油鍋裏，待轉成金黃色便馬上撈起上碟，稍為冷卻便可上菜。相伴之戈渣，真正的雞子，同樣外脆內軟棉，口感一流!我亦很欣賞［水晶大蝦球］，另一道極考刀功之

本來以為係環境靚，高質的中餐廳就帶朋友來一試，點知服務咁低水平，特別係點餐的侍應，問她有咩推介只懂推介D最貴的食物，而且稱呼一句都不禮貌，人均消費$1300，食物質素及味道非常一般，總之這餐飯係不愉快的經歷 ，應該不會再有下次。

作為城中著名中菜廳，我對國金軒ge期望甚高，食咗幾次終於要打次食評講下用餐體驗。我咁多次都係中環食，未去過尖沙咀。環境黎講係IFC唔會差，地方闊而且裝飾靚，典型中環貴價茶樓格局最鍾意食佢ge春卷同鮑魚酥，蘿蔔糕都唔錯，唔會油膩用料幾足最唔滿意係佢ge服務，當日一早落咗order想食蛋白杏仁茶，因為之前食過好好食；點知埋單之後等咗20-25分鐘都未黎，叫咗經理過黎催促，佢話等陣kitchen煮緊，點知過多10分鐘再之回覆話唔好意思無曬彈出彈入令我唔知好嬲定好笑

👇🏼乳豬鵝肝脆窩巴，乳豬件香脆，窩巴脆口，但未達超脆之感，鵝肝味道稍為遜色👇🏼濃雞湯花膠雞絲翅，花膠腍而滑，翅針粗而長，雞絲嫩滑，雞湯香濃味美，全部食材配搭得宜，成就了這碗滋味滿分💯的花膠雞絲翅👇🏼錦醬炆加拿大穀飼牛肋骨，肉嫩且有牛味，只是醬汁有少許偏鹹👇🏼竹影田色，每塊竹笙裏都有4款條狀食材，包括紅蘿蔔、芋頭、南瓜和白蘿蔔，味道也不錯👇🏼蟹肉西施炒飯，泛紅漂亮，蟹肉、蛋白、紅菜頭和蔥粒結合下，呈現這碗炒飯👇🏼蘆薈香芒金露布甸，布甸香滑，有芒果粒，蘆薈和西米露，如芒果粒多一些就更好👇🏼日本紫薯煎堆仔，造型別緻，外層像有炒米香的脆粒，黏在紫薯球上，球內有番薯蓉

今日食評✍🏻國金軒@ifc試食指數⭐⭐⭐⭐店舖衛生⭐⭐⭐⭐侍應態度⭐⭐⭐⭐((每項5⭐️為滿分)) ·我哋叫點心1️⃣花膠絲叉燒薑蔥撈麵/值得推介俾大家試吓，加醋有另一口感和味道，大家可以一試真材實料，真係有好多花膠絲2️⃣帶子燒賣/賣相靚，熱辣辣上枱，配上辣椒醬，冇得頂3️⃣羊肚菌素餃/有別於一般的素餃，餡料鮮味，有咬口4️⃣蘿蔔絲酥/外脆內熱，餡料豐富，味道好5️⃣蜜汁叉燒包/唯一冇驚喜的，叉燒太肥·一個月前電話訂座職員態度有禮並安排窗口位置俾我哋訂座前一日致電給我確定十分有交帶·對比昨天同商場的酒樓（20221220食評）價格只係相差一倍感覺就爭好幾倍了我哋會再次光顧國金軒·疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋bw.foodie幫到你無論大鋪小店我哋都會盡試盡講

這是中環其中一間最好請客人午飯的地方, 基本上絕對唔會令人失望. 食物質素, 地點, 裝修, 服務態度係接近完美的我每次在這裏亦不用考慮太多因為是點行政午餐, 幾百蚊乜都有包括湯及點心, 分量充足味道一流這樣可以令我和客戶不用花精神去考慮吃什麼而可以專心業務食物選擇我就不用說太多了, 因為已經有太多人有比我更好的評論. 總而言之在這裏請客戶午餐永遠不會失禮; 所以會一來再來的順帶一提, 我認為價格絕對物超所值, 點套餐更加唔使煩惱

#joyfood_中環 國金軒 (中環)📍中環港景街1號國際金融中心3樓3101-3107號舖━━━━━━━━━━━━━━━━━━━━━━━━━━━━一早聽聞國金軒嘅叉燒出名 今次我哋偏唔試叉燒 🙉 黎睇下究竟點心嘅出品可唔可以對得住佢嘅名聲同價錢🧐━━━━━━━━━━━━━━━━━━━━━━━━━━━━1️⃣ 筍尖鮮蝦餃 $75 +10% (圖2)▶︎ 蝦餃皮做得幾煙韌 唔會話蒸到淋曬👍🏻▶︎ 入面嘅蝦仁格外有彈性同鮮甜 真係食得出同普通酒樓有分別😙好味指數:●●●●◐━━━━━━━━━━━━━━━━━━━━━━━━━━━━2️⃣ 野菌鮑魚酥 $98 +10% (每位) (圖3)▶︎ 原諒小妹我見識淺陋所以食唔出鮑魚既品質 不過鮑魚係大隻同彈牙嘅 suppose應該不錯🤔▶︎ 下面既塔非常鬆化 加埋蘑菇既餡料做基底 層次感都好好😋 不過如果一個人食曬會有啲漏▶︎ 加一之後一百蚊左右一個好似有啲唔抵🫢好味指數:●●●●○━━━━━━━━━━━━━━━━━━━━━━━━━━━━3️⃣ 日本海膽小籠包 $48 +10% (每位) (圖4)▶︎ 小籠包皮薄餡大 汁水充盈且鮮甜 但係話海膽味我就食唔出啦 🤫▶︎ 由於佢

🔟🈷️中環國金軒為了慶祝10月國慶月，逢星期一、二惠顧晚市主餐牌食品享65折🥳，推廣期至今年31/10，饞嘴的我怎會錯過😜🔰金牌炸子雞(半隻)$360，不愧為金牌，外皮香脆薄滑，又有光澤，皮下有少許脂肪，比例剛好，雞肉嫩滑非常，嫩滑的程度無可挑剔，連骨裏也有其鮮味，絕對是高質食材，糅合卓越的烹調手藝🔰海南椰青燉翅(每位)$680，很燙口，先品嘗一口高湯，嘩！清香的椰香味撲鼻而至，讓人讚不絕口，而內裏的二兩半翅同樣令人吃🉐️滿足和開心🔰花膠絲叉燒薑蔥撈粗麵$280，正確來說應該是花膠絲叉燒絲薑蔥銀芽撈粗麵，花膠絲少已是預料之中，但叉燒絲份量都很少就有點兒那個，如叉燒絲和銀芽多一些就更好優質的粗麵和巧手的芡汁，都是這碟粗麵的靈魂，芡汁入味但不鹹，沾滿了每條粗麵，彼此都吃個痛快