影片
油渣麵，我食過好多間，呢間真係極品，係垃圾之中嘅極品！！！早幾日已Post咗相，今日終於有時間寫食評。本人極討厭寫咁多字，但係今次真係嬲到令我要寫返一篇！！！首先講湯底：味淡如水！！！如果你係唔想落味精的話，點解唔落足料去餚個湯呢？？？如果你係有落味精嘅話就落多少少喇，唔係連嗰少少味精都慳呀嘛？？？跟住講油渣！！！油渣分兩種，脆渣同軟渣，而呢間店係發明咗第三種出嚟，軟渣加"硬柴渣"！！！相信牙力少D都死得呀，如果你係想用軟渣嘅話，咁你就唔好炸到D肉位乾哂先煮返淋喇，唔該！！！重點：麵嘅份量夠嘅，但係D餸就真係少得好可憐呀❗❗❗開頭我以為有6粒，但原來有一粒係冬菜，所以只係得5️⃣粒，仲要係極細粒 (我逐粒影哂俾大家睇)！！！嬲L到我呢，當我乞兒呀，❌❌！！！做生意唔係咁做吓話，你覺得食材貴咪賣貴D囉，唔好做到咁肉酸呀！！！建議老闆去大角咀某知名油渣麵店參考吓人哋碗麵，人哋D渣大大舊份量又多，湯底又足料，冬菇原隻上一碗麵最少3、4舊，辣椒油仲任你落添呀，都係同你差唔多價錢咋！！！你做到咁孤寒就不如出去打份工唔好L做生意喇，執L咗佢喇❗❗❗🤬🤬🤬
繼續閱讀