四眼佬打冷小廚

營業中

休息中

朋友請食飯隱世平價打冷菜餸菜份量大價錢公道試咗幾樣小菜都唔錯大大份嘅滷水拼盤，三個人食都食唔晒打包拎走$188低食出面每樣餸都係百零蚊全場爆棚人性美濃四眼老闆好Nice

大排檔是一種台灣和香港獨特的用餐環境，提供各種美味的街頭小吃和經濟實惠的菜餚。大排檔的特點是多樣化的食物選擇，包括炒菜、煎炸等各式各樣的美食。這些菜餚以風味獨特、香氣四溢為特色，讓人垂涎欲滴。大排檔的用餐氛圍熱鬧活潑，加上實惠的價格，使其成為人們喜愛的用餐選擇。

嘩，四眼佬打冷小廚嘅滷水鵝真係無話可說👌！皮脆肉嫩，滷得啱啱好，食落滋味十足，朋友間傾偈嘅好夥伴。而粟米魚肚羹，味道新鮮清甜，入口即溶，溫暖每個人嘅胃。椒鹽鮮魷出奇地香脆，外皮翻金黃，伴隨微微嘅椒鹽味，簡直係小食界嘅香濃Cream of the crop！五個人分食豬紅韮菜，雖然份量唔算好多，但每口都充滿著新鮮韮菜嘅爽脆同豬紅嘅鮮味，食落好滿足😋。加上一個粥、白飯，再配上汽水，呢個晚餐簡直係滿滿的幸福感！每人都食得開心，一於是個喜氣洋洋、滿堂紅嘅晚上🎉。每道菜都有屬於佢嘅特色，真係次次都令人想再黎！

分量十足嘅葵芳打冷餐廳 很有風味滷水雙拼揀咗魷魚同雞腎，仲有芽菜墊底，不過滷水味唔係好重，食落都比較清爽。韭菜豬紅嘅份量非常之多，味道濃郁，飲埋啤酒，非常之夾，好有江湖feel。金菇瑤柱豆苗十分爽口，份量都係非常之多，瑤柱都比得毫不吝嗇。雖然座位比較迫，環境係普通大排檔格局，不過別有一番風味。食客都係附近葵芳嘅街坊，熟客為多，都好有人情味。總括而言，不論是口感還是價格都非常值得一試，喺葵芳比較少有嘅打冷食店

吃小炒通常跟三五知己才去，因為兩個人吃的份量不多。但男朋友今天竟然想吃小炒好吧，兩個人就少少地叫兩個小菜：京都肉排和西蘭花鮮魷。這裡除了小菜還有打冷的食物，可以叫碗豬紅蘿蔔和蠔仔粥，應該也不致於太飽吧豬紅蘿蔔單看汁的顏色以為會很辣，但原來不是，整碗豬紅蘿蔔都充滿五香味，蘿蔔超入味京都肉排酸酸甜甜的餸菜都是吃小炒必點的菜色，我個人較喜歡京都肉排，酸甜的味道較生炒排骨溫和，也吃得到啖啖肉。這裡的京都肉排還吃得到微脆，餸飯一流西蘭花鮮魷魷魚份量頗多，加上西蘭花，清新而有咬口的菜蠔仔粥去打冷總喜歡以蠔仔粥代替白飯，感覺好似輕怡一點，又可以吃到我最喜歡吃的蠔仔。蠔仔很大大粒呢😍這裡連平日晚上都坐滿，還有一家大細來吃晚飯，應該很受附近的街坊歡迎。下次一於再叫齊三五知己，試更多其他的菜式😄

屋企人想打冷 上OpenRice 搵到呢間打冷舖 主要叫左個蠔餅 鵝片加韭菜豬紅 仲有個椒鹽鮮魷拼九肚魚 蠔餅炸得有啲油膩 不過好濃郁嘅蠔味 鵝片就厚切全瘦肉 如果肥瘦適中 同埋切薄小小 就更好喇 整體來講 打冷小食都唔錯

天氣突然間轉冷，好想食多啲嘢暖胃。呢個時候去茶餐廳大排檔之類就特別有風味！今晚就約朋友去葵芳找家潮洲打冷小廚食晚飯。既然呢度有潮州打冷，天氣凍，當然要食返碗蠔仔粥。呢度嘅蠔仔粥，用料豐富，啖啖都有蠔仔，裡面仲加咗冬菜，增加口感之餘，又能提升蠔仔鮮味，食完好暖胃！蜆蚧鯪魚球，一碟有八粒，炸得好靚，魚肉大大粒爽口彈牙；蜆蚧醬很地道，有人會覺得死鹹，有人會覺得很香，我就頗喜歡，食潮州菜的蜆蚧就是要鹹鹹的有酒香味，一邊喝啤酒才過癮。小炒王是這裏的招牌菜，試過不同地方的小炒王，但這裏的用料非常特別，除了應有的 蝦乾、魷魚、腰果、菜脯、韭菜等，還用了炸芋頭絲，食落又爽脆又香口，加強口感，非常好吃！推介要試！蒸白鱔又有驚喜！白鱔新鮮滑嘟嘟，豉椒味道剛好，鹹淡適中，原來墊底還有粉絲！第一次吃蒸白鱔有粉絲墊底呢！吸收了豉汁和白鱔味道，粉絲更香口，超好吃！除了潮州打冷，這裡的小菜也做得不錯啊！意猶未盡，還要來個乾燒伊麵當飯吃。這裏炒得超大份，看似不夠乾身，但食落伊麵很 彈牙，很有口感，又不錯哦！喜歡超多份量的芽菜，上桌時仍然爽口，雜菌份量也毫不吝嗇的多！甜鼓油味炒得均勻，很好吃！今次真係有意外收穫，發掘到

同老公去葵芳接女兒去食晚飯，點知佢突然有約，我哋唯有在附近搵地方食，行過一間叫四眼佬打冷小廚，門口廚窗掛咗滷水鵝等食物，老公話好耐都冇食過打冷，今晚就同佢食返餐！滷水鵝片加豬紅：做抗疫價好抵食，當然要試吓，滷水鵝有光澤，而且香料的味道平均，突出滷水味又不涸喉。鵝肉軟滑有彈性，非常入味。豬紅入咗味好滑嫩。豆腐火腩大鱔煲：用煲仔熱騰騰上枱，濃濃的醬汁好惹味，大鱔熟度剛剛好，魚肉爽口彈牙。火腩肥瘦適中，豆腐嫩滑。京都骨拼炸大腸：京都骨酸甜醒胃　肉質嫩滑軟腍腍。脆皮炸大腸煙韌，夾雜油香，皮脆肉嫩，香濃鮮美。揚州炒飯：飯炒得粒粒分明又夠鑊氣，材料有蝦仁、紅腸粒、蛋。嘉士伯

去葵芳無理由唔食打冷，今次lee 間就第一次試，附近又泊到車，入到去侍應姐姐好好人，好詳細咁介紹野俾我地。我地叫左一個細羊腩煲，追加一碟生菜，個羊腩煲好足料，羊腩都好入味，唯一差d是冬菇唔多夠，事關我地其中一個勁中意冬菇，俾多多佢都唔夠。其中抗疫價的鵝片+韮菜豬紅真係無得輸，$128，有大大碟鵝片，仲要係啖啖肉，再加一碗無欺場的豬肉，入味得來又抵食，必食。至於個正宗潮式獅蚶都不得不推介，如果你中意獅蚶，一定要試，因為真係好鮮味，我試過食太熟既、唔新鮮嘅獅蚶，今次呢碟真心好食，又新鮮。最後係個蠔仔粥，都係唔錯的，蠔仔新鮮又有肉，足料，我地最後食唔曬。讚。

天氣開始凍，就會好想食下羊腩煲呢一類風味小菜，而諗起羊腩煲，都會諗起大排檔，但係坐大排檔實在太凍啦，所以我哋就揀咗呢間四眼佬打冷小廚，坐喺室內一路食羊腩煲，一路食打冷小菜。雙冬羊腩煲（細） （ $368 ）呢度嘅羊腩煲大大煲，用咗Gas爐一路煲住一路食，夠晒暖身。羊腩夠大件夠厚身，炆得入味，加上夠晒入味嘅枝竹、同埋贈送的大大碟生菜，真係好味又抵食。另外仲嗌左一份打冷必食嘅韭菜豬紅。其實我自己就唔食韭菜嘅，但偏偏就好鍾意食豬紅，所以每次都一定要同朋友一齊先夠膽嗌，否則就食淨晒啲韭菜。呢度嘅韭菜豬紅，豬紅嘅份量非常之多，啱晒我，而且豬紅夠晒滑，湯汁調味亦都非常之濃郁美味，唔錯。另外仲叫咗一份椒鹽墨魚咀，墨魚咀唔係度度都有得食，見到呢度有得嗌，當然叫一份試吓。墨魚咀夠晒大粒，口感彈牙，外層嘅炸漿揸得酥脆，飲啤酒要來送酒就一流。整體來講，呢度嘅食物質素真係唔錯，而且地點非常之方便，鄰近地鐵站，非常適合約一大班朋友一齊嚟食。

夜麻麻跑步，都會經過這間 集打冷、火鍋、大排檔於一身的小店，營業到很晚～每次看到三五知己在這裏開懷暢飲，都想搵日約附近朋友來！滷水鵝/鵝片大什併 $128打冷店當然要點滷水拼盤，這個大雜錦什麼都有！超大碟，大家都嘩嘩聲～拼盤有齊鵝片、鵝腸、鵝翼、雞腎、豬大腸、墨魚、生腸、芽菜等。鵝片、鵝翼滷得入味，鵝腸乾淨爽口。豬大腸肥美香濃，墨魚、生腸爽口，唔錯！唯獨沒有豆腐，若有豆腐更好～蠔餅 $78初初大家以為是普通貨色，但食落絕對有驚喜！看上去以為粉漿超厚，但實質外皮鬆脆、粉漿不會過實，吃落帶點糯性。蠔仔大隻，整體味道剛剛好，重點是不油膩，放了一段時間仍然不會油淋淋，令人繼續想食！大眼雞 $130大眼雞亦是打冷必點菜式～肉質本身有許鹹味，再蘸普寧豆醬同吃，增添鮮味，送酒一流！黃金蝦 $128黃金蝦傳來陣陣蛋黃香～份量多、隻隻沾滿蛋黃醬。味道不會過鹹，香酥可口！連蝦殼吃，蛋黃的鹹香在口中久久不散，邪惡又美味！

最近天氣開始轉涼啦，當然最適合同朋友去大排檔食飯啦👍🏻雖然我唔係潮州人，不過就好鐘意食潮州打冷菜嘅😛 貪佢地夠地道同埋傳統，而且份量都好足夠！今次我揸車嚟到葵芳嘅四眼佬打冷小廚，夜晚泊出面街都冇問題嘅😎呢度除咗有正宗潮州打冷菜之外，還有海鮮，火鍋同埋小炒等等，而海鮮同滷水就係我至愛🤤不過可惜朋友唔太想食滷水，所以一開始我地叫咗個韮菜蜆肉份量非常多，用嚟撈飯/送粥真係一流👍🏻之後叫咗我最鐘意嘅香脆豪餅🥳豪餅入面好足料，好多豪😍食完豪餅就再叫咗個炒蝦🤣佢每隻蝦都好大隻同埋新鮮生猛🤣最後叫咗個炸椒鹽鮮魷，呢度啲鮮魷炸得好脆😋地址：葵芳榮芳路97-111號葵祥大廈地下

同朋友食飯想搵個可以坐得耐嘅地方就揀咗呢一間打冷小菜嘢食嘅選擇都算幾多。價錢相宜黎打冷一定要食滷水叫咗個滷水鵝片細份嘅份量都已經好多底部仲有埋豆腐添鵝片一啲都唔鞋肥瘦適中滷水亦都好入味推介大家試👇🏻滷水鵝片（$98/招牌）蠔餅熱辣辣炸得非常香脆蠔既分量都大方食落啖啖都有蠔肉唔會一味得啲粉漿👇🏻香脆蠔餅（$78）炸野配啤酒一流新鮮炸起 香口到不得了魷魚大大嚿咬落啖啖肉調味都做得非常好唔會過鹹而且用料新鮮👇🏻椒鹽鮮魷拼九肚魚（$128）枝竹豆腐斑腩煲（$88）食小菜一定要叫煲仔餸上到枱出晒煙分量好夠大枝竹索晒啲汁岩晒送飯斑腩都有7-8舊呢個價錢抵食啦啱晒三四個朋友過嚟食飯吹吓水飲下啤酒而且地方闊落店員服務都好客氣

同屋企人喺葵芳食飯。好耐無食潮州打冷，今晚一於揀呢間試下！滷水鵝片大什拼呢個大什拼係打冷必點！份量好多！有滷水鵝片、墨魚、生腸、鵝腸、鵝腎、紅腸、大腸、腩肉、豬耳頭。滷水味香濃，我最愛墨魚同生腸👍🏻冬菇鮮魷蒸肉餅冬菇嘅香味加上鮮魷嘅彈牙，口感同味道都好正！滑蛋炒蝦仁隻隻蝦仁都超大隻😋個蛋真係炒得好滑！豉汁蒸大鱔大鱔蒸得啱啱好，一啲都唔腥之餘仲好肥美！佢哋用左粉絲墊底，粉絲吸左啲汁同鱔嘅精華，撈飯一流😍

朋友喜歡去打冷店子，因為一班人去可以吃非常多東西！想不到，兩個人也照樣吃到成檯也是食物～很吸引～美食推介很多，這店的食物很有傳統店味，同時份量亦很多，用的食材也非常新鮮～滷水每一款的滷水物也非常有味，包括：大腸，鴨腎和墨魚，墨魚鴨腎墨魚有咬口，大腸又夠煙韌。彈牙秘訣實在令人期待，小菜好吃又大份也。魚腩煲誘人嘅香味🤤可能讓你不知不覺地係 十分鐘入面食嗮添蠔仔粥大隻味道不錯，蠔仔粥是去潮州菜館要點菜式，蠔仔多過飯的蠔仔粥，要叫一個，滿足一下。炸九肚魚鮮魷潮式美食包括香煎蠔餅、椒鹽九肚魚及鮮魷，這店的炸到香脆，棒！要來吃一個打冷，跟好朋友聊天。