四爺車仔麵專門店 (已結業)

去到灣仔諗住試吓新開嘅漢堡包店，點不知見到門口排晒長龍，冇理由浪費兩個鐘頭排隊啦，於是再行過D見到一間新式嘅車仔麵店，一於食車仔麵，食完返屋企早啲休息！地痞車仔麵就食得多啦，依間四爺有裝修又坐得幾舒服喎，而且餸菜又多選擇，我最鍾意佢可以分開上，唔使咖喱味同麻辣味溝到亂晒隆！我叫咗傳統牛骨湯底加麻辣汁配菠菜麵，湯底好正有牛骨味加上軟滑嘅菠菜麵麻辣豬大腸，炆得又淋又辣，超級嘢味牛筋腩咖喱魷魚，我的摯愛咖喱陳皮魚蛋韭菜朱紅韭菜餃凍檸樂佢個酸蘿蔔都超好味，千祈唔好錯過門口大大個招牌都幾易搵

最近朋友提議去四爺試下佢個車仔麵1點去到已經好多人圍起門口店內好忙..忙到派籌個姐姐都唔得閒唯有企係比我早到一步嘅客人後面等到派籌姐姐得閒出黎個陣唔知邊到殺出一位男子拎籌🤷🏻‍♀️其實派隊呢下都真係有啲亂見好似有段時間要等就同朋友係附近睇下有咩餐廳番到去嘅時候已經刪左我地張籌好似姐姐肯比我地係下一張檯入番係等嘅時候我地已經諗定食咩係唔食得辣同牛嘅情況下我揀左豬骨湯底配菠菜麵餸要三樣起...   揀左白蘿蔔, 咖哩魷魚同瑞士雞翼餐飲要左菜蜜..其實菜蜜應該都唔係好貴..但沖開黎都可以咁淡...至於朋友杯奶茶..佢飲完一啖皺皺眉頭講左句: 好唔得囉我地17分入去坐..等到47分個麵終於黎喇試下啖湯先~ 係好夠熱..但個湯應該都係濃湯寶啲朋友唔食得辣但我叫左咖哩魷魚🙈... 但又真係幾好味同埋唔會太辣瑞士雞翼同滷豆腐都好入味!白蘿蔔都好清甜由於朋友要過番中環番工....所以佢極速食哂個麵就要離開如果你食晏時間係冇得走棧... 咁的確係會食得好趕其實四爺係幾多元化選擇..比一般車仔麵偏貴但好似高檔車仔麵已經成為一個趨勢

喺外國返嚟香港沒多久，想吃點地道嘅小食。今日約了朋友在灣仔區附近吃午餐，他提議來四爺吃車仔麵。他說環境衛生，坐得舒服。來到四爺第一個感覺係乾淨、簡單、現代嘅餐廳，比傳統嘅餐車仔麵餐廳整齊清潔。我們兩人分別點了一碗車仔麵，瑞士雞翼，冬菇，炸魚皮和韭菜豬紅蘿白。車仔麵可以揀湯，我哋揀咗金牌麻辣湯（大辣）配讚岐烏冬。估唔到個湯底麻辣味咁正，但係鍾意食辣嘅人要叫大辣先會感覺到辣。讚岐烏冬貨真價實，食落爽口！正同一價錢唔使加錢我會揀讚岐烏冬。感覺抵左，哈哈！瑞士雞翼和冬菇整得好入味，非常好食！炸魚皮夠脆！韭菜豬紅蘿蔔d蘿蔔好淋，好吃。可是豬紅食落冇乜味而且有啲實，可以改善下！

一個晚上吾知食甚麼好，最後揀左車仔麵，本以為有 特色車仔麵， 點知全部餸菜都得個鹹字而且仲凍冰冰， 麵同湯底 都可以接受 味道也不錯， 叫咗豬皮得個鹹字， 咖哩魚蛋 啲魚蛋係硬嘅， 韭菜豬紅 得四條韭菜 三舊豬紅 啲豬紅都係凍冰冰， 原本車仔麵 就係熱辣辣 所以覺得中伏， 而且價錢也非常貴一碗車仔麵指定一麵三餸， 蝕咗60蚊 唔會再有下次囉

連續一星期外出用餐，今餐想吃得清淡點，在公司附近找到這車仔麵店，一心要來個車仔麵。嘻，怎知看到選單上有個更吸引我的瑞士七彩素菜飯，於是就選了這個，這是客飯套餐，有飲品附送，另加了一個菜及韮菜餃。瑞士七彩素菜飯套餐$59 (配一杯熱菜蜜)原來份量頗大，一看到很後悔沒選少飯，怕浪費了，怎知竟然沒吃剩，因為加上醬汁實在太美味，而且材料豐富，有生菜，紅蘿蔔絲，木耳，豆腐卜，白蘿蔔，露筍，芽菜，都非常健康，還附送了一個足料芫茜皮蛋湯，實在是一大驚喜。手工韮菜餃(6粒) $32 - 皮薄饀靚又不膩菜心 $20店員還非常細心呢！看到我吃的以為我是素食者，就提我說韮菜餃有豬肉的😅

去開利東街，飯都未食，行過見有車仔麵，少少哋食住啲先。可能未到食飯時間，唔洗等，即刻嗌嘢食。平時車仔麵都係加腩汁，lee間竟然可以揀湯，仲要係皮蛋芫茜湯，一於試下！跟手要埋四個餸(揀推介唔洗煩)一嚟到嚇親，四個餸分四個小碟！！我係冇嗌分開上架！！先試個湯，個味同老火湯一樣，冇諗過用咁嘅湯都可以送麵！好味炸魚皮，唔會碎濕濕，脆得嚟唔係好鹹柱候牛肚好爽，都叫入味柱候牛腩應該炆咗一段時間，入味之餘仲好“淋“，再加埋有啲筋同少少肥膏，食落唔錯雞翼嘅瑞士汁好入味但唔會好甜

天氣凍凍地，食翻碗暖笠笠既車仔麵就最適合不過。上次行經灣仔，見到呢間新開既車仔麵舖，於是就bookmark定，準備搵日去試下！店內座位舒適，非常闊落，裝修都唔錯。餐牌上唔少選擇，少見既菠菜麵都有，湯底亦都好有特色，但價錢相對較貴，餸菜由＄10-＄15不等，最少要揀3個，加埋麵底＄24，每碗約＄60，以車仔麵黎講，算幾貴。腩汁麻辣湯底米粉＋咖哩魷魚＋麻辣豬腸＋柱侯牛筋腩 連熱飲 ＄66餸菜全部獨立用小碟裝，確保個汁唔會混埋一齊，非常貼心。湯底既麻辣恰到好處，唔會太辣，但又滿足到食辣既慾望，而腩汁亦都非常濃郁，兩者非常之夾。咖喱魷魚同埋麻辣豬腸就比較令人失望，兩樣都太淋，口感比較差，個人鍾意有咬口及魷魚同豬腸，至於個汁就中規中矩無咩特別。柱侯牛筋腩係驚喜之作，個汁好正之餘，牛筋亦都非常之淋，入口即溶！腩汁麻辣湯底幼麵 (加底＋＄8)＋皇牌豬腩仔＋鹵水汁豬腸＋ 柱侯牛肚 連熱飲＄77個麵上既時候漏左腩汁，同翻佢講先比翻我地，其他幾台都有漏單既情況，但員工既態度係唔錯既！豬腩仔既味道似東坡肉，非常之唔錯，唔會太油膩，剛剛好。柱侯牛肚非常淋，亦都無內臟味，值得一試，至於豬腸，雖然轉左個汁，但都係

今晚去修頓室內場睇波，睇我最愛嘅東方籃球隊，咁睇波前就當然係去填飽個肚先啦！咁附近都有好多茶餐廳，但係我又唔想食常餐wor! 咁就搵下openrice 啦，見到有間新開嘅車仔麵，又就腳，咁就試下啦！行左兩分鐘左右，到啦！由於當時6點零左右關係，唔係好多人，一個人都可以坐張四人枱，餐廳裝修都幾靚，好通爽，燈光夠光明。好啦，咁就睇下有咩食先。見到個menu, 大致上種類都係同其他車仔麵店差不多，但係當我見到個芫茜皮蛋湯之後自己就心心眼左，我真係好鍾意食芫茜呀！好啦，咁就選擇左個芫茜湯先，之後就再選擇左蘿蔔，牛筋腩同埋豬大腸啦，而飲品就選擇左杯花旗參蜜。等左幾分鐘，等果陣就可以食下d酸蘿蔔先，好開胃。唔洗好一耐麵就上菜啦，賣相好得，咁就開始試下啦！唔知係唔係睇得食神多，我覺得蘿蔔係車仔麵店一樣好重要嘅食材，咁就即刻試左先啦，同個名一樣，好清甜，而且就煮到好林，絕對係推介，跟住我就立即食晒d芫茜啦，真係好香。到d餸啦，我選擇左d餸另上，因為我怕d鹵水汁會影響到湯嘅味道，我真係芫茜控黎呀！牛根腩炆到好林，有根又有腩，好有口感，至於大腸都好入味，佢表層有d脆，而裏面d肥膏都係入口即溶，果然係師傅推

我人生第一篇食評，因為實在太感動，不吐不快。趕食晏就公司附近車仔麵，佢根本唔夠人，出餐慢過法國菜，我親眼見到兩個客落完單等太耐頂佢唔順就咁閃人，個阿姐同廚師大叔講：「走左啦，唔使整呢張單。」，廚師大叔話：「走人講聲嘛！」，我心諗（使唔使畀個 Goodbye kiss 你），另有一位客人落單後幾分鐘，個阿姐同佢講無邊樣，再過幾分鐘，個阿姐又同佢講無另一樣，個客問：「做乜我揀邊樣無邊樣，你又唔早同我講？」，個阿姐居然答：「廚房啱啱先講我知，我地有幾十樣野畀你揀。」，其間仲有個阿姐攞杯野返水吧，話個客話唔夠熱，若不是親眼目睹，我都唔信會有咁嘅事。講返自己，我圈左個飯落單，個阿姐話：「呢個賣晒，要等成個鐘先有。」，咁我循例問有乜介紹，佢話柱候牛腩飯好味。我圏左少飯少汁，你地自己睇相，唔知仲以為我叫左泡飯多飯，更嚴重係—牛腩係凍㗎！唔係涼，而係裡面仲係凍㗎！仲有一條罪，佢連堂食都係用紙杯紙碗。喺香港哋食左三十幾年野幾未遇過咁差，特些譔文留念。

每年十一月的首週都是貿發局一年一度舉辦美酒展的日子，來自全球不同國家的酒莊、分銷及代理公司都會向業內及公衆人士展示他們的「作品」，小弟身為愛酒之人，當然不會錯過，雖然試酒只需讓酒留口中一會便吐掉，下嚥份量不多，然而酒過N巡後，總有一定份量的下嚥，有了酒意，肚子自然打鼓，便想來碗熱騰騰的濃湯車仔麵暖暖胃，知道莊士敦道開了家新的車仔麵店，口碑頗佳，遂往一試。以車仔麵店而言，店內裝修可謂相當「豪華」，座位全店約共60。麵底連湯HK$26起，加底HK$8。而餸則介乎HK$8-15。由於肚很餓又想多點幾款餸，不停的圈，最後點了下圖一碗價值HK$115的車仔麵，連凍飲HK$120，這頓是小弟人生最豪的車仔麵。侍應把麵端到跟前是嚇了一跳，原來麵加底後是那麼大的一碗，點了的是幼麵，足有三個麵餅份量。有汁的餸原來全數盛在小碟之內，不會影響湯底原味，讚！牛骨湯很清甜，除牛骨外還加入了不少蔬菜餚製，為了嚐清楚湯的真味，特意多點了一小碗，並無額外收費。牛腩、豬皮及魷魚都是咖喱汁煮，汁底香料味頗重，異想香口。牛腩並不是急凍的牛肋條，而是新鮮碎腩，有肉有筋，焾滑甘香。水魷及豬皮爽口彈牙，用料都是好貨色。滷水汁煮的

好殘！好殘！咩好殘？嗰樣好殘....忙於工作，已有一段長時間沒有做facial，今日總於頂唔順，專登出港島補一補。來到港島，當然要搵食，心想去咖啡室嘆嘆，但時間關係，今次要「快」！除了快餐，車仔麵也是「快」食之選。麵店門面光鮮搶眼，佔地不少。內裏裝潢都不簡單，看出多份心思，有灣仔昔日面貌、有香港的街頭角落、有麵店的菜式相片、有字句等等，設計獨特。地方光猛闊落，一邊是一排四至六人的卡座，寬敞舒適；另一邊是一排泊牆的長櫈配四人枱，中間的通道夠晒闊落，是間環境不錯的車仔麵店。拿着密麻麻的點菜紙，真係要用點心機細看。項目分得相當仔細，共有六項，而部分項目仲有細目，分別有湯底、麵底、餸料、飲品和小食，唔想食車仔麵的話，仲有數款客飯選擇。餸料有九大系列，包括瑞士汁、古法滷水、清湯、麻辣、柱侯、咖哩、丸餃、港式和蔬菜，好多選擇，點揀好？******************************先嚐一嚐枱上的酸蘿蔔，好爽口，酸咪咪，開胃解膩，作為開餐前小吃或配在麵上也是好選擇。******************************我咁識補身，當然揀用四爺老火湯，是日是降火的皮蛋芫茜湯，近期生了

灣仔車仔麵越開越多，喺譚臣道嘅另一邊，開咗依間四爺車仔麵，主打無味精湯底。座位寬落，明亮嘅室內環境，同一般車仔麵檔嘅氣氛好唔同。依度仲有唔同嘅，係車仔餸預設係分開上。麵食包嘢飲，餸嘅價錢就比較貴少少，除咗湯麵仲有撈麵可以揀。嗌咗四餸加麻辣湯底，麻辣湯實際上唔算辣，但勝在夠香，食完唔渴喉，認真冇味精。幼麵份量夠多，食完真係夠飽個種。韭菜餃偏多肉餡，皮嘅厚度適中，餡香。時菜多選擇，仲有竹笙添。麵本身配有芽菜同木耳，口感更為豐富。魷魚份量唔少，有鬚有肉身，沙嗲入味，偏軟身。最驚喜係糖心蛋，甜豉油滷得入味之餘，蛋黃又真係香稠，啲汁仲可以撈麵食。嘢飲基本茶餐會有嘅都有，揀咗熱檸蜜，甜度適中，檸檬唔澀口。四爺地點就腳，店面又企理，不失為喺灣仔食飯嘅選擇之一。

上次去過笑臉虎，落咗腩汁都淡（無味精，健康），此處的湯好過佢，起碼多些肉味。波菜麵，不要期待有波菜味。瑞士汁 溏心蛋， 蛋黃係瑞士汁嘅色。咖哩豬皮， 淋，無咖哩味。瑞士汁豬腩肉， 淋，但不鬆化。白菜餃，肉實，菜少。瑞士汁都係 一樣味 甜甜地。始終都係覺得拱照材料靚。如果講湯同餃子好食， 最近我覺得灣仔道滋味菜肉雲吞，皮及肉滑菜甜（ 川菜刀削麵館）。

上openrice好評幾多 咁啱係灣仔嗰頭所以就決定去食 係7點多d就入去食 一坐底就話雞翼已經無曬 跟住就已經好失望 因為瑞士雞翼係佢地出名嘅餸同埋都係為佢個雞翼而去 但我地見到隔離枱有個瑞士雞翼飯 所以就搏一搏圈埋佢 點知轉個頭就話麻辣豬耳都無埋 就過多陣佢話連腩汁都無...只係7點2 3左右就已經乜都無 一間車仔麵連腩汁同招牌菜都無 服務態度又麻麻 張單已彈翻兩次轉頭 都無謂再繼續食 所以就走咗 或者7點d野無曬係好正常啦🙃🙃

今日去左灣仔食lunch，因為接個朋友公司放飯食lunch，地點要去番灣仔，就番佢番工地點。佢介紹帶路去左食車仔麵，餐廳係四爺車仔麵專門店。佢食過一次話味道好，帶我去試下！我地一人叫左一碗車仔麵，上枱好驚喜呀！車仔麵和餸分開上枱，餸菜保持濃汁濃香味道！車仔麵麵款選擇好多，我叫左菠菜麵，餸菜叫左溏心蛋、柱候牛肚、咖哩牛柏葉、魚腐和墨魚丸，另外叫左小食瑞士雞中翼。賣相好靚好高檔次，環境好有風味！湯底選擇都好吸引，我叫左青紅蘿蔔雪耳湯。菠菜麵爽口彈牙掛湯力高，湯底香甜唔油膩，感覺好滋潤！餸菜熱辣辣，濃味滋味，超鐘意爽口牛肚，溏心蛋溏心度高，超愛雞中翼味道香甜入味！朋友叫左傳統牛骨湯底，出前一丁。餸菜叫左麻辣豬耳、柱侯牛筋腩、水餃，小食叫左腐乳通菜。湯底夠清香，牛筋腩必試！入味軟腍，牛腩好鬆軟！朋友介紹無錯，我會再黎架！