影片
營業時間
今日營業
12:00 - 14:30
18:00 - 22:30
星期一至日
12:00 - 14:30
18:00 - 22:30
以上資料只供參考, 請與餐廳確認詳情
好耐無食過四點金，一間曾經一諗起食潮州菜就必定去嘅一間。失望到不得不寫食評（之前從未寫過）黑雨後帶咗幾個潮州朋友仔去食，諗住叫番啲之前必點嘅蠔仔餅, 香酥鴨, 川椒雞, 戲棚粥, 方魚炒介蘭，同一個之前未試過嘅豬腳凍。可幸有個豬腳凍合格，其他食物真係差到呢... 蠔仔餅無蠔仔，似係用大蠔切碎, 煎得又唔脆，又唔煙韌，無蠔味，都唔知食咗啲乜。香酥鴨就韌啦，一啲都唔酥。川椒雞好似炒雪雞肉片咁。戲棚粥最經典，潮州友話啲米都未開，點叫潮州粥呀，個方魚炒介蘭就同烚嘅無分別，搵滴酒睇下都無，都唔好講有冇鑊氣。我話之前食過真係唔係咁差㗎，朋友問係咪轉咗廚師？一啲潮州精髓都無，真係去錯地方食錯嘢。Sorry, 各位朋友，無下次😓。
繼續閱讀
大失望，平時常常有聚會都會選擇，訂二樓房，工作人員友誼，食得開心，岩岩2月27 號先去完。想三月聚再食。點知收到電話，話當日有人需要一圍半大房，所以坐地起價需要Minimum charge $6500。大大失望。又話之前都一樣，好多藉口又話星期六日。不老實做生意，唯有在食飯地點刪除四點金。
繼續閱讀
四點金喺土瓜灣好多年， 應該有十幾年，我 經常都過來食飯。食物水準穩定。餐廳名物 係鬆脆嘅蛋散， 鋪上碎黃糖和煉奶，包你食過返轉頭。今日仲點咗潮州春菜煲，靚菜冇渣，而且好夠味。蜜汁鱔球，一碟有8大舊, 魚皮處理得好好,炸到香脆，燒汁味道香甜，但魚肉有少許泥味。墨魚卷味道可以，但不夠彈牙。水瓜落就好好食，鍾意佢唔油膩。餐廳裝修係舊左啲，但座位寬闊，員工態度積極，價錢合理。就係位置差咗啲， 所以唔使等位，個人認為呢個都係好處。
繼續閱讀
今日我們二人第一次來光顧，點了鹵水鵝、鵝翼、鵝掌、𧐢餅、石榴雞、招牌蛋散和綠豆爽，服務殷勤不停換碟、沖茶、大碟轉小碟，不用我們叫才做，全程自動波，我以為自己不在香港😂，菜式算得上我在香港嚐過潮州茶中不是第一也是第二，份量大、用料足，鹵水鵝肉不會太咸，味道剛剛好，肉質滑，伴碟花生也很入味又大粒，蛋散更是驚喜之作，功夫茶好滑好純，很美滿的一餐，價錢合理，下次一定會帶朋友來試試其他菜式，今天點菜式有點多，最後要帶走蠔餅，香港少見性價比高的食肆😋
繼續閱讀
開業了十多年的店舖 ，很久沒有幫襯 ，趁假日和家人去食了個午餐。 店舖共有兩層，今次坐在樓上雅座，環境比較安靜寬敞， 一家人可以靜靜地享受午膳和傾下計也不錯。 樓上服務員的態度也十分殷勤，經常為我們 主動斟水。 今次叫了點心拼盤， 因沒有潮州粉果的關係 ，用多兩隻蝦餃補上， 不是說笑 ，蝦餃好大隻，皮薄餡靚，其他點心也很不錯。推介。胡椒芝麻餅也是熱辣辣的， 入口有淡淡的黑胡椒味，鬆脆好味。 也點了一個客飯，雙菇炒肉片， 夠鑊氣。 另不可忽略的是糖醋麵，保持水準。茶水每位约12元，免加一。 還有其他午膳客飯都係約 80多元一客連湯和白飯， 性價比高 ，下次再試試其他款式。
繼續閱讀