四點金飯店

營業中

休息中

好耐無食過四點金，一間曾經一諗起食潮州菜就必定去嘅一間。失望到不得不寫食評（之前從未寫過）黑雨後帶咗幾個潮州朋友仔去食，諗住叫番啲之前必點嘅蠔仔餅, 香酥鴨, 川椒雞, 戲棚粥, 方魚炒介蘭，同一個之前未試過嘅豬腳凍。可幸有個豬腳凍合格，其他食物真係差到呢... 蠔仔餅無蠔仔，似係用大蠔切碎, 煎得又唔脆，又唔煙韌，無蠔味，都唔知食咗啲乜。香酥鴨就韌啦，一啲都唔酥。川椒雞好似炒雪雞肉片咁。戲棚粥最經典，潮州友話啲米都未開，點叫潮州粥呀，個方魚炒介蘭就同烚嘅無分別，搵滴酒睇下都無，都唔好講有冇鑊氣。我話之前食過真係唔係咁差㗎，朋友問係咪轉咗廚師？一啲潮州精髓都無，真係去錯地方食錯嘢。Sorry, 各位朋友，無下次😓。

大失望，平時常常有聚會都會選擇，訂二樓房，工作人員友誼，食得開心，岩岩2月27 號先去完。想三月聚再食。點知收到電話，話當日有人需要一圍半大房，所以坐地起價需要Minimum charge $6500。大大失望。又話之前都一樣，好多藉口又話星期六日。不老實做生意，唯有在食飯地點刪除四點金。

四點金喺土瓜灣好多年， 應該有十幾年，我 經常都過來食飯。食物水準穩定。餐廳名物 係鬆脆嘅蛋散， 鋪上碎黃糖和煉奶，包你食過返轉頭。今日仲點咗潮州春菜煲，靚菜冇渣，而且好夠味。蜜汁鱔球，一碟有8大舊, 魚皮處理得好好,炸到香脆，燒汁味道香甜，但魚肉有少許泥味。墨魚卷味道可以，但不夠彈牙。水瓜落就好好食，鍾意佢唔油膩。餐廳裝修係舊左啲，但座位寬闊，員工態度積極，價錢合理。就係位置差咗啲， 所以唔使等位，個人認為呢個都係好處。

今日我們二人第一次來光顧，點了鹵水鵝、鵝翼、鵝掌、𧐢餅、石榴雞、招牌蛋散和綠豆爽，服務殷勤不停換碟、沖茶、大碟轉小碟，不用我們叫才做，全程自動波，我以為自己不在香港😂，菜式算得上我在香港嚐過潮州茶中不是第一也是第二，份量大、用料足，鹵水鵝肉不會太咸，味道剛剛好，肉質滑，伴碟花生也很入味又大粒，蛋散更是驚喜之作，功夫茶好滑好純，很美滿的一餐，價錢合理，下次一定會帶朋友來試試其他菜式，今天點菜式有點多，最後要帶走蠔餅，香港少見性價比高的食肆😋

開業了十多年的店舖 ，很久沒有幫襯 ，趁假日和家人去食了個午餐。 店舖共有兩層，今次坐在樓上雅座，環境比較安靜寬敞， 一家人可以靜靜地享受午膳和傾下計也不錯。 樓上服務員的態度也十分殷勤，經常為我們 主動斟水。 今次叫了點心拼盤， 因沒有潮州粉果的關係 ，用多兩隻蝦餃補上， 不是說笑 ，蝦餃好大隻，皮薄餡靚，其他點心也很不錯。推介。胡椒芝麻餅也是熱辣辣的， 入口有淡淡的黑胡椒味，鬆脆好味。 也點了一個客飯，雙菇炒肉片， 夠鑊氣。 另不可忽略的是糖醋麵，保持水準。茶水每位约12元，免加一。 還有其他午膳客飯都係約 80多元一客連湯和白飯， 性價比高 ，下次再試試其他款式。

很久沒去食潮州食品，但每次食都一定會去四點金，除左價錢公道，服務好，坐位都舒服，最緊要係屋企樓下，近，叫朋友黎陪我食，今次2個人，去到見到個餐牌$338超低呀…～杏汁白肺湯加$20，個湯的杏汁好飲到會飲到個杏味好重，好好飲，份量都大煲,我跟朋友每日飲左2碗半…飲湯都飲飽～潮州凍烏頭，條魚份量都夠啊…但可能我唔太慣凍食，覺得味道一般，要點黃豆醬先有味，下次叫煎魚，會較啱我。～咕嚕炒潮州粿肉，好耐無食過粿肉，諗住試吓，碟餸炒出黎係美觀，但唔知係咪粿肉同咕嚕個味道唔太夾，有些怪怪地，下次試其他先。～鹵水鴨拼盤，佢個鹵水真係，好好食，仲叫左碗白粥一齊食先配搭，好味道，拼盤又擺得好精美。唔知係咪同朋友，一路食一路傾，我地再叫左個薑蔥生蠔煲，個煲蠔焗到很嫩，很甜美，但蠔好似唔太多，好似得6隻，不過，都好食。最後甜品出場啦…蛋散一份，每次我食完飯，都必定食埋甜品先叫完美。

朋友生日想食潮州野，選擇左位於土瓜灣區四點金潮洲菜，餐廳環境舒服，我地一行9人叫左個兩套餐，套餐非常抵食，每個套餐只需三百幾蚊，已包括湯，小食，主菜，甜品，選擇又多，味道非常不錯，想食潮洲菜黎間係一個好選擇

今晚兩位好姊妹好早就約咗我一齊提早食團年飯，好早就好想食呢間潮州菜嘅餐廳，今晚終於食到，果然食物有水準服務，服務員貼身嘅服務，簡直超晒班，喜歡餐廳嘅環境佈置，古色古香嘅佈置，仲要提醒我哋唔好叫咁多，食住先，推介鹵水鵝肝，好嫩滑，做得好出色，鹵水味道唔會好鹹，杏汁白肺湯，好清甜，蠔仔粥好足料，香脆招牌蛋散，厚度適中，炸得香脆，值得推介，豉油皇香煎龍脷魚，竟然好大條，煎得好香口，超級好味，今時今日餐廳有咁嘅服務，好難得，值得再次光顧。👍👍

走過這間，窗口展示嘅鹹蛋看落相當誘人，心諗一定要入去試吓！🥚好彩我哋選擇了這家餐廳，點了幾款招牌菜，每樣都令我驚喜！一落口嘅鹵水鵝，清鮮美味，鵝肉嫩滑得嚟帶啲彈性，每一啖都感受到佢嘅肉汁。😋蠔餅就更加唔使講，啲蠔好足料，一啖一大塊咁，鮮香彈牙，煎得金黃又唔油膩，簡直就係完美！轉個彎，叫了份石榴雞嚟試下，外層皮脆，裡面啲雞肉同疏菜餡完美結合，蒸出嚟嘅效果既軟而唔爛，有層次。對於愛好傳統味道嘅朋友，點呢一道絕對無失望。而家講返個反沙芋，呢個真係必試啊！個芋頭軟綿入口即溶，裏面嘅糖粒紮實，帶點微微嘅焦香，真係滿口幸福感！晚晚聚會都少不了嘅，當然係蛋散，一咬落去啲奶香撲鼻而黎，蛋香四溢，真係畫龍點睛之作！整體而言，佢哋嘅菜色簡直就係幸福嘅味道，飯後滿足感爆燈，下次一定會再嚟！👍🏼

今日嚟咗呢一間潮州菜館食咗一個超值套餐，三餸一湯仲有甜品真係非常抵食。佢嘅鹹菜已經好好食，味道適中唔會太濃。第一個餸我哋揀咗潮式凍烏頭，都幾大條，雖然食到有少少泥味，不過呢個套餐嘅價錢絕對收貨啦。其實佢都有幾多餸可以揀，就好似呢個餸咁樣，可揀蠔烙、九肚魚烙同水瓜烙，我哋揀咗水瓜烙，因為平時少d地方食得到。魚腐浸時蔬清清地幾好食，啲魚腐真係唔錯。其實本身可以揀西湖牛肉羹或者胡椒豬肚湯，不過唔知點解都唔想飲呢兩款湯所以就嗌咗個例湯，佢個例湯好足料啊而且冇味精。佢呢個甜品都幾好食，香得來唔會好甜，煙煙韌韌嘅糕點係最正嘅。

走進「四點金」，就感受到滿滿嘅潮州氣氛，裝修簡潔得來溫馨得嚟。坐低唔夠兩分鐘，一盤炸得金黃起起哂脆嘅煎蠔餅先上，攞一啖，蚵仔鮮味夠哂撑，外皮嘅薯粉焦香得嚟唔膩口👌。然後，杏汁白肺湯端上嚟，一啖湯落肚，杏仁香甜得嚟唔死甜，湯水幼滑配上白肺嘅軟綿綿，簡直完美！當晚仲有個大驚喜，凍烏頭魚滑得不得了，重點係件件肉都冇骨。😲食到呢道菜，真係令人想叫聲「正啊」！邊食我仲忍唔住讚佢哋津白做得好，清淡蔬菜都能做到鮮美爽口，正宗港式食法要咁。而我個人最鍾意嘅，當然係胡椒豬肚湯了，溫潤嘅豬肚搭上胡椒薄味，暖笠笠真係好過癮。雖然湯稍鹹，但嗰實在嘅口感令人記住。攪到最後，人人都呷得滿嘴油光，稱讚連連。記得食完記得拍個掌啊，真心嘅香港味喺度！👏🎉

我與朋友三位剛剛去到，有個四眼姐姐企枱話全場已經訂滿，冇訂枱無位，本想離開，但點知剛剛有其他人入內話無訂枱6位就即刻給張枱給他們。真係感動不好受，再進入與四眼姐姐理論，為何他們無訂枱就有枱？真係一肚氣，不知什麼餐廳，歧視人少唔俾枱。企枱又無禮貌無品，問點解三位無枱？六位有枱？四眼姐姐真係好無禮貌話唔通比大枱你哋三位呀？作為一個服務員，作為一間老字號的食店，來得食飯必然是熟客，必然是喜歡食潮州菜，這樣的服務態度真係大打折扣。

同家人去食潮州菜，位於土瓜灣呢間係老字號，之前亞哥嚟過幾次，話啲嘢好食，就帶我哋嚟試下呢處環境乾淨企理，坐得舒服，侍應好細心咁同我哋介紹菜式首先嚟嘅鹵水鵝肉，肉嫩有咬口無乜肥膏，鵝肝更加甘厚肥美杏汁白肺湯，杏仁味濃，湯鮮甜蠔仔餅蠔大隻且煎得香脆兩面黃雖然薄啲，但真係好香脆整體嚟講，八個人叫咗十一樣菜，全部好新鮮同好好味道最後，推薦一樣别處食唔到嘅甜品，招牌蛋散，用黃糖墊底，醮黃糖食，配合酥脆嘅蛋散，味道一流

對我來說 潮州菜的靈魂 在於鹵水和甜品四點金的蛋散 是無法超越的鵝肝拼鵝腸 大碗家鄉魚麵 豆醬蒸黃花魚也是上乘之選 可惜滷水真的量太少潮州嘢 向來都是豐儉由人 可以排骨春菜吃到飽 也可以獅頭鵝 魚飯貴上天 而 四點金 是一家將街頭和高級融合得很好的街坊選擇。

食過呢間潮州野的晚餐，味道不錯而且價錢略低，所以我很喜歡，於是今日在土瓜灣搵地方食Lunch就黎返呢一間試試。我地揀了西檸煎軟雞球同埋鹹檸檬蒸鮮烏頭兩個餸，佢個Set Lunch係跟一碗飯一碗湯。先講個西檸煎軟雞球，味道又真係好一般，同茶餐廳食到嘅味道差不多，而且份量偏少。跟住個鹹檸檬蒸鮮烏頭都係麻麻地，最重要係條烏頭唔係好新鮮，好在D配料唔錯，救一救條魚咁啦。