四海一家

雖然是母親節但是等候時間不算太耐...:)店內環境裝修很好，很漂亮!!食物款式也很多!不過食物尤其是甜品真的超難吃更有些甜品被人弄爛了!!!生蠔、三文魚之類的食物要排超久才能拿到貴價食物供應量太少...看來這次我做了錯誤的選擇...…查看更多

早個紅日幾個朋友走上去四海一家, 有位朋友個同事話好好食喎! 結果極度失望..首先單係比錢, 強國人無品無隊排都算, 最頂引係遲過我來的, 可以早過我入, 火滾1.入到去, 個場真係幾大, 裝修都唔錯, 但係得坐位多囉, 攞食物的地方不成正比, 遊個圈一睇, 嘩! 食物好多, 但全部都唔值錢, 炒飯, 炒面, 意粉, 炒花生, 番薯等.....真係"高級"到你.首先來位燒牛排....唔掂, 得個熟字, 無離味道, 再來蘇皮湯, 以為係白湯, 原來係中湯, 都唔緊要, 湯清料少, 味道一般.生蠔..... 我都算食, 但係都食得一兩隻, 唔鮮唔甜, 粗野中的粗野.最期待的燒蠔, 排左成15分鈡, 一食入口, 嘩! 食蒜呀, 隻蠔拿起手半隻手指肉都無, 失敗中的失敗滿懷失望之際, 食甜品食飽佢算數, 芝士餅無芝士味, 生果無生果味, 連燈汁都居然係熱既, 真係......呢間野, 除左唔洗錢, 如果唔係巴打們, Bad list吧啦…查看更多

星期六黃昏, 人在深圳玩過買過唱埋k,又係醫肚既時候了. 朋友食過四海一家覺得唔錯,今次帶我覆卓,就立刻趕去試~入座後, 已急不及待巡場,首輪先攻刺身啦,不過除左三文魚外,都冇咩選擇:(.好在仲有新鮮生蠔同中蝦, 食過生冷野, 想飲碗熱湯,食前菜.湯有老火中湯(冇飲忘了), 西湯約3款,最愛洋蔥湯. 忌廉磨菇湯又香又滑, 再多d菇仲正!冬陰功都好飲,足料但酸左d,飲一半就放棄.沙津好多選擇, 除左常見既菜,凍肉拼盤,意粉,仲有泰式木瓜蝦涉津,希臘沙津等, ,放滿一個長臺,第二輪食少少好了, 生果唔食住.熱盤了, 最最最重要係炭燒生蠔,這店以大大隻生蠔招來, 蠔身長幾可比美NOTE II,而且唔使等添呀,因為有個超大既燒烤板密密燒,每轉幾廿隻咁上,每人每次可取2隻,基本上唔使等,秩序良好.蠔本身幾肥,夠新鮮就算略為調味已經好好食.我跟友人攞左4-5輪, 好誇張 熱食方面有點心, 但放耐左會淋, 如蝦餃就係其一了,一夾皮已穿, 蝦餃肉細左d. 包點反而幾吸引, 但自知胃口細唔敢食,友人食過小籠包,汁多皮薄有水準, 流沙包同燸米雞都好香, 仲有雙皮奶, 我喜歡奶類,一整碗自己食哂.仲有好多鹵水野, 愛潮州鹵味既友人夾左一大碟鴨翼,豬耳, 腎同金錢肚等等, 我唔好, 好在有海蜇及燒味同佢拼過, 海蜇食左半碟,又香又爽.其他熱食真係好多, 食過黑椒牛仔骨, 咖哩羊肉, 西班牙海鮮炒飯, 炸蔬菜天婦羅,韓式粉絲,樣樣試下,印象中味濃既菜都煮得OK, 友人食埋日式拉麵, 鮑汁豬手, 麻辣湯, 好大胃口! 拉麵就唔太得了, 友人話湯底淡, 麵又煮太耐, 2 柱已放棄,其他都食到8899.甜品嘛.........已經食唔到了, 友人食左3杯haagen dazs, 我只能淺嗜一口綠茶味雪糕, 所有西式cake同雪糕都冇得食, 怪只怪自己胃細, 冇計. 係大陸除左[大魚]外,食到咁肚滿腸肥,哩間係第2間, 價錢又差唔多, 再返深圳時, 一定想起這家店~ …查看更多

玩完世界之窗, 去左隔離商場既四海一家dinner我地冇訂位, 好在早左小小去, 因為真係好多人一入到去, 個地方好大, 好多野食.....都有香港buffet既2-3陪, 唔怪得香港人咁鍾意北上食buffet價錢又唔貴....只是rmb$198, 唔駛加一, 對於重量不重質既人arm晒台上果張紙有埋攻略圖, 分別有各國美食出去行個圈....嘩....真係每樣食一口, 都試唔晒有好多飲品整好晒一杯杯咁放晒出來, 紅酒、米酒、好多唔同味既果汁、花茶、啤酒etc.奇怪野我唔敢飲呀....同埋都唔知放左幾耐, 都係就咁飲汽水機既汽水應該穩陣d掛....呢度連回轉壽司都有, 勁!除左有haagen-dazs雪糕之外, 仲有個明治雪糕 (不過都冇乜人hau)又有魚翅撈飯呢個順德大盤魚, 好多雜不甩海鮮 (我冇試)兒童天地有珍寶珠同埋爆谷機添!!~~~好喇....講番我食左d咩先一般buffet食先既魚生、沙律, 都冇乜突別, 不過沙律有好多唔同選擇, 試左小小之後, 覺得唔夠凍.....其實我地一坐低, 侍應比左2支牌我地, 唔記得7:00定7:30, 可以到"四海美點"果邊拎海鮮 (每支牌拎一份)原來是佢有大約10款即整海鮮, 你張有自己台號果支牌, 插落選好的海鮮, 轉頭就會有侍應送去你張台度...不過太多人了, 都等左差唔多一個鍾先送到來, 果陣已經飽晒, 冇得叫第2轉了其實都唔太新鮮, 有d "un", 過火, 應該係大量生產的問題真係好多款凍海鮮...生蠔都是放晒出來自己夾的, 但強國人都好犀利, 基本上一放上台就會比人搶晒只有d又瘦又un既生蠔可以試....全晚最正既係呢個蘇皮魚翅湯本身唔知咩黎, 但見咁多人拎, 就拎黎試下.....個蘇皮食左小小, 浸落d湯度吸晒所有湯味, 好正!入面真係有大大條既翅, 雖然份量唔多, 但都好好味~~~其實有好多正野食我都冇試呀 (鵝肝、片皮鴨、烤蠔、葡撻 etc.).....因為勁多人排隊....而點心又好多都話蒸緊未有, 一有又比人拎晒....不過食得最多就係haagen-dazs雪糕, 佢真係有成個雪糕櫃既味可以選擇, 唔同香港最多只係得2-3隻味。。但每次只可配給拎一球, 我地一路排, 一路食, 到我地拎第2球果陣剛剛好食完之前果球^^total每人食左成5球…查看更多

聞名已久，甚至旅行團都吹捧作為行程之一的食店期望已久，終於親自一試，完全是失望！:(:(入場前排隊非常之多人，工作人員手腳又慢個場的確好大，而食物的確種類好多，絕大多數都要排隊取（如果稍後搶手的食物，分分鐘更要排上至少十五分鐘），排隊取都算，但食物的質素是極之差勁！　刺身種類甚少，三文魚長時間供應，不過要排隊，每次三至四件，冧身無鮮味海鮮（蟹、蝦、青口、螺）無鮮味任揀一款蒸海鮮，樣樣都話今晚無，帶子吾掂無羊架、無牛扒，得個乳牛肉，食吾到有牛味囉！熟食就更加不知所謂，來來去去都是豬頸肉鴨胸，無特別燒蠔長時間都有，甚至無人要，天婦羅無蝦，得茄子和蕃薯，全晚都剩好多，就可想而知食物的質素是差，先至吾吸引人取。雪糕話有haagen-dazs，大排長龍配給一人一球，好快就停左無得取地方大係無用，種類多都係無用，最緊要食物之質素，食物的品質完全沒有可取之處！價值成人RMB198，節上來成HK$250，完全吾值！無下次:(:(…查看更多

聞說了很多次, 今次第一次去試. 比想像中很差勁.人多, 全部食物要排隊. 除了生蠔外, 無海鮮可言, d蟹全部都係BB蟹, 見到都唔想夾.有很多假食物放出來, 只是for display only三文魚d顏色, 偏白兼排長龍. 鵝肝多士勁多油, 貴多不貴精. 連影相都沒心情. 收費不平, RMB198大人.…查看更多

難得的一天假期,最開心莫過於跟家人去玩,之前在網上購入深圳動物園門票,自行北上,方便又平宜,只可惜園內食肆可以用差來形容,亦提不起勁再食,反正可看的不多,早早便走人.搭的士回世界之窗站只不過是十多分鐘路程,而且商場內有較好的食肆,至少乾淨及多完化一點.回於同行有老人家及小朋友,已經有折扣(當然不及有內地信用卡優惠),但至少食得舒服.早在上半年到番禺的四海一家,夠大,食物種類又多,感覺真的不錯,但見同集團食肆,理應不會相差太遠.由於之前沒訂位,確實花了些時間,而且是先付款入場,跟廣州的不同.環顧店內雖然夠大,但不單在食物種類,顧客服務及坐位舒適度都給番禺店比下去.其實個人最欣賞的是店內各色飲品任飲,不單果汁,啤酒,就連紅酒(當然不是好貨色)與及花茶都有,完全可以適合任何人士,就單單這點,比起深圳市內幾間大酒店強得多了................:)之前在公園晒得就快脫水,趕緊來幾杯玫瑰菊花茶去去暑最好.一如以往,總會先向海鮮吧下手,凍蝦,花蟹,生蠔,瀨尿蝦及青口,雖不是什麼名貴海鮮,而且幾款SIZE都是偏細,將貨就價罷!食落雪味不重,凍蝦肉質尚算彈牙,花蟹無乜味,瀨尿蝦更加細到無肉,食幾件已經放棄.至於刺身方面,有八爪魚,蟹柳,白鳥貝及三文魚好幾款,不過將合成品蟹柳都當刺身,真的第一次見,內地就係咁攪笑.店內食物種類大致上同其他幾間一樣,就以魚翅撈飯來說,勁濃稠荳粉芡,少得可憐的牙簡翅,貪得意食會好少少,因為飯粒好濕,一舊舊,師傅幾重手.湯類除了供應幾十人飲的鱷魚玉竹湯外,更有原盅燉湯,前者湯底已經煲至奶白色,但鱷魚味好輕,而後者是金蟲草燉瘦肉湯,而豬肉沒經過汆水,所以有血絲,加上金蟲草帶紅色,望落已經唔想飲,不過呷一口就發覺好清甜,而且份量不多,不經不覺都飲去三幾盅.........:)至於中式點心望落真係麻麻,實在提不起興趣,反而旁邊是煎海鮮專櫃,但扇貝只會出三ROUND,以免給人搶光,試了幾隻,件頭好細,粉絲好乾身,而扇貝煎耐左,肉質結實.相信仕場最受歡迎的,一定是燒蠔吧.一條未停過的人龍,去得算快,穿上牛仔服飾的店員,整日不停手在燒蠔,然後加上蒜茸辣椒醬,的確香口又惹味,不過相比廣州店,所佔位置又好像少了近50%............同位置附近另有鐵板燒三文魚骨腩,少量魚類,牛柳及豬扒等等,師傅可能怕不夠熟,結果是煎完又煎,好熟又無味,一個字講晒~~~~差.但一份羊架令人改觀,香羶夠肉味,脂肪油甘豐稔,好食到不得了.在大堂中央位置,有順德大盤魚,用上大量的蝦,什魚,瀨尿蝦,貝殼類一齊煮大鯰魚,湯底是各類海鮮的精華所在,每口一都似是呷著海鮮濃湯,可惜之前沒踫,到想試已經所剩無幾.肉類食得太多,來一碟灼菜清清腸胃,生菜,菠菜加通菜,完全綠油油,又夠鮮甜,純個人認為,內地除食雞之外,食菜就最好味.說到底,店方做到適合不同年齡人士,即製棉花糖機與及A貨珍寶珠,都成為小朋友圍繞的一角.到埋尾的時候,先來一份Haagen-Dazs,但店方亦是限量供應,每次一球,排三幾次隊已經無,太少了!水果雖然都有十種八種挑選,但都是蘋果,西瓜一類大路貨,興趣不大.如果單以食物種類而言,的確可觀,但水準都只是一般,而部份特別菜色,更加是限時限刻出現,轉過頭已經給人搶光,加上近年開始有其他新興BUFFET專門店出現,京基百納購物空間的金錢豹可說是近日人氣店,客源相信都會給分薄.下次再分享其他深圳市內的BUFFET好了!…查看更多

是晚星期二平日要每人rmb178, 我地有生日優惠比id card佢睇生日果位有8折, 所以埋單rmb320咋!!!買左飛先入去食, 都幾有制度, 果然做香港人生意呢度d食物分不同國家為區域, 多到我地都試唔晒! 佢多野食到有不同款水果, 糖果, 仲有街邊賣的綿花糖, 哈哈! 仲有雞尾酒紅酒等任飲, 雖然mama地講番d食物, 刺生我覺得ok呀, 食左3round salmon;生蠔唔腥ge不過我唔鍾意食, 燒蠔反而唔錯:) 隻蟹正呀好多糕, 仲有蝦, 蜆等都唔錯ga!個酥皮食得過ga不過唔夠牛油冇咁香:( 入面係魚翅, 另外食左個魚翅撈飯... 第一次食, 哈哈中國點心韓國野完全冇食過, 有度鐵板燒多人排隊得濟都冇食!佢d甜品mama地, 食一兩件過下癮可以收工!其實仲食左好多野不能盡錄!! 總之我一定會再黎啦!! 因為好抵食, 地埋位置優越易搵至極, 所以連我身旁某人的的話要再來!!!…查看更多

提早一天慶祝母親節，之前媽咪都有來過，話說不錯，所以就一家人來這裡試下！大陸餐廰營業時間與香港不同，這裡5：30開始，至9：30結束。星期五至日，價錢為198人仔，60歲以上有7折，該星座月份生日有8折。裡面有很食品選擇：日式，意式，韓式，中式，印度～～ 太多未能盡錄～ 我把我知試過或知道的寫出來：1．生蠔：十分之淡，可以話連腥味都沒有，食了一轉就沒有再拿了。2．烤蠔：很香，蠔身肥美，每次限拿3隻，必食之選！3．三文魚：一般味道，有點肥。4．魚生：其他的魚類會撈在一起，好像有鯖魚，鮑魚，魷魚等等，味道一般。5．冬陰公：OK，少少咸。6．薄餅：用生果做料，燒得很香，不錯！7．麻辣湯：食物浸在麻辣湯內，食過的是冬菇，不太辣，味香。8．辣椒煮三文魚頭：夠香麻辣味道，不錯！9．肉眼：食起來不像RIB EYE，唔得。10．煎鵝肝：鵝肝肥美，但不能多吃。11．烤青椒：沒有青椒味～12．東風螺，蝦：一般味道，蝦不錯。11．紅酒／啤酒／清酒：任飲是其優點，清酒最佳，其他的也不能要求高了！12．有很多不同飲品選擇！很好！13．甜品：老婆試了幾款，她算是嗜甜的，但評價就不好，如果是為了甜品而來，你一定失望！除了哈根大外吧！哈根大是限時供應，一小時一次，每次供應半小時，有很多人排隊。有很多不同的味道：抺茶，士多啤李，咖啡，香草，杏桃等等！14．生果：主要是西瓜，菠蘿因浸鹽水關係，咸了點！還有其他生果，成隻沒切的。總體而言，甜品及生蠔是這裡分數最低的，烤蠔反而最美味！另外無限量供應酒類也不錯！食物選擇多，下次會再來，試返它的中式美食，可能較其他佳也說不定。這裡有很多適合小朋友的食物，如棉花糖／朱古力噴泉等。地方不迫，也有一些地方很濶落，飲下食下傾下很不錯！另外曾經擔心大陸人的不文明，但結果是很有秩序，食物補充很快。只是收碟速度有時會慢 一點。這裡，我還會再來！…查看更多

今年第2次到四海一家，上次和仔仔，結果仔仔飽到嘔 (真的嘔...過飽)。今次少不了和仔仔，再加大女兒。約6:50pm到，交款買票和入座安排，絕對可分便国內同胞和香港同胞分別，我女兒也怪問一句(是否已訂枱就不用排隊)。說也奇，交款買票已定枱號，入座安排應是排隊，並按次序。今次有点失望，應該有旅行团同場，明顯比上次人多很多，到處也有少量人龙，因食物保充快和多，人龙很快"消失"三文魚 - 很新鮮3点蟹 - 細細隻，但很鮮甜生蚝 - 過量清水冲洗，欠海水味，怪怪地，3只後不吃:(。上次較今次細隻，有海水和鮮味，吃了約10只:)魚 - 有点"seng"，不太新鮮吧:(象拔蚌(應是刀貝蚌) - 如能把温度控制凍一点，可令鮮味保持好一点炒蜆 - 太咸，有沙燒牛腦(肉眼) - 算ok la，由於一舊牛給全場，不能太生，對我則太過熟:(燒禾花雀 - 今次錯過:(。上次吃，禾花雀制法和其他(牛柳，羊肉，雞翼)味道差不多，如能改成蜜汁燒，相信更好味鐵板青魚、倉魚仔、三文鱼骨 - 味粉一樣，魚肉本身味道不一，本人不太欣賞，用烹調將不同味道食材變成接近，甚至一樣，應可加入些少不同原素，如倉魚仔可多一点檸檬汁，有檸檬香味，青魚用燒汁多一點甜..等。那就Yummy Yummy炸春卷、蝦片、薯條 - 一般:(蒲tart - 差，蛋面不焦，不夠甜燒蚝 - 蚝有少許臭味，吃下也不差:(。(由於我和仔仔味覺較敏感，所以只吃一隻)棉花糖、一般雪糕 - 沒有不好吃的，相信大人和小朋友同樣應同:)haagen dazs - 相信只有大人才覺排隊有價值，因Haagen Dazs買價貴。我則建議和小朋友到兒童區自配雪糕會更開心鵝腸、鹵水鵝、豬耳、海哲 - 好味道，鵝腸是新鮮，今次咸了一点和淋了少少，都好好味:)魚面条 - 一般水準:)鵝肝餅乾 - 鵝肝極差，"seng"和咸，沒有鵝肝香味Ham - OK. 如能大片(size 太細)和簿一点，配白面包或蜜瓜、更佳。:(洋悤湯 - 欠牛油香味，都算好味，近年較少喝到好味西湯:)順德大魚頭湯 - 辣和有"師傅":(酥皮海皇湯 - 因有鱼趐，只有女兒喝，評一般:(川貝白芎鱷魚湯 - 水一般，面太多油，較少人喝的湯咸檸七 - 未到8點，已沒有供應:(檸檬什飲 - 不同時間，不同味道，未能保持水平:(:(:(Coffee - 很像...很像...洗杯水，沒香味、沒咖啡味。上次我喝了4杯，今次冲4杯，喝了一杯，因懷疑機械故脹，結果...:(:(:(:(班戟 - 好好味太多太多款式....很多也沒有吃, 所有熱薰、泰、韓、粥、点心也沒吃。甜品 - 芝士餅、糕点 - OK:)絕對老幼咸宜，車程遠一点，值得一試 (再去希望不再遇上旅行团)…查看更多

我去过番禺的四海一家。很大，很多美食 。这次来到这个深圳四海一家，本以为也像番禺的这么大，但原来比番禺少一倍 。虽然如此，但一点也没有减少事物。也是和番禺的一样多。最好吃的就是之士蛋糕了，这个是番禺没有的。非常好吃，我喜欢。…查看更多

周六晚上去吃的自助餐，188一位。去的人很多几乎满座的。东西味道都不错，令我印象最深刻的就那里的哈根达斯每人每次只可以拿1个但是吃完后可以排队再拿。还有就是鱼翅汤每人每次可以拿2碗。最多人排队的就是鹅肝，这个我只吃到半个:(味道真的很不错外脆内软下面配了面包刚刚好可以吸收鹅肝的油份。上面的都是最抢手要排队才能吃得到的，下面我说一下其他的我感觉不错的食物吧。芝士蛋糕，杨枝甘露，寿司，都不错。…查看更多

有次跟美食之旅來 重點是午餐來這一[四海一家]用餐之前,曾有次去番禺[四海一家] 地方雖巨大得恐怖可能比一層megabox更大 裝潢亦出眾但實際是座位太多 放置食物的地方相對過狹窄 大家一窩蜂搶奪食物 人迫人感覺不太好這間地方佔地相對小一點 但裝修更有格調用精緻一字相當貼切比香港餐廳更有特色 當然香港寸金尺土 亦絕難以空間換取格調吧食物款式跟番禺[四海一家] 差不多 可能少一點 但一定有過百款食物 中式點心 日式刺身鐵板燒 西式 巴西燒烤 甜品應有盡有但位置佈局安排較好 沒有番禺人多時侷促的感覺燒生蠔最好吃 pizza熱烘烘都好食其餘食物可叫合格有餘 但沒多叫人留下印象可能就是自助餐 係食過幾百種食物 太多食物的原因吧吃過幾次大陸的自助餐 發覺內地人在搞生意真有一手有駐場歌手會彈琴唱歌(有水準!) 又有人扭扭氣球逗小孩開心又會有個角落供小朋友看圖書 用電腦...這方面香港餐廳則少了這些招數 更欣賞是 不但員工有禮 而且當地顧客也非常守禮常常自覺地排隊 令人感到深圳人高質素的一面相信益田廣場層高級地區 顧客都有相當教育原故…查看更多

好耐以前已從Openrice得知四海一家大名,講左成年終於的起心肝參加某公司ge一天團來試味我跟團平日連小費$198/成人, 如果就咁來食lunch就係人仔128.一入到去已經好多唔同ge香味, eg咖喱/bbq, 第一印象不錯:)我地成團人被編係一個有成1x張枱ge area, 大家一坐底就開動啦!首先個場無錯係比一般hk buffet場大好多, 但又未至於行一圈要10mins....基本上行左2次就睇晒d 野食.種類係算好多, 但好多都唔感興趣:(老豆一到就去搵生蠔, 估唔倒佢咁多生蠔仲不停refill! 只係食lunch都有呢個choice就已經值得比個笑:)最驚喜係haagen dazs原來唔再限一人得一球, 而係每次一小小球, 但可以攞無限次我都食左成6,7次:) 味道有strawberry, rum & raisin同vanilla佢d BBQ算係唯一要花少少時間排(所以記住平日去ar:) )但佢d 秋刀魚真係好好味, 我自問係個對呢種魚有d偏見ge人, 但食左第一啖都即刻搶左老豆半條, 因為佢好有bbq香同juicy :)有好特別ge禾花雀, 即係超超超細隻ge乳鴿類物體, 好似好唔人道, 但好味但所有野都有個缺點就係偏咸印度卷好味但又係咸,個bar有好多野飲, 但我only飲左蜂蜜green tea....有個炸榴槤酥, 榴槤fans一定唔可以錯過:)佢d天婦羅又係好得, 但只係食茄子好啦, 佢d蓮藕太大舊太飽肚xd燒蠔同燒茄子又係好正~~食到9.5成飽先見倒有點心, 就食埋蝦餃燒賣, 蝦餃不錯, 燒賣成舊都係肥豬肉>.<仲有即製pancake但可以唔食.....仲有好多好多講唔晒咁多, 迴轉sushi, 湯麵, 湯, 粥, candy floss etc......如果要食晒可能真係要去3-4次.最唔好係d 雞腳, 鵝掌唔淋@@不過整體都係好滿意ge一餐下次要試埋另一間, 但食完都濟左好耐@@ps. 老豆同另一同枱團友都一人起碼食左2x隻生蠔>.<…查看更多

上次去番禺,食唔到四海一家,十分失望,今次上深圳,有三個食肆係我想去的,呢間是其中一間,今日係星期六,收費如下: 成人$188,小童(1米至1米4以下) $93,朋友下月頭生日,有星座優惠$150,何為星座優惠??那是指..假設...今日是7月31日,這個生日的人是屬於獅子座,所以按照人的所屬星座(即由23/7至22/8期間生日的壽星,都有呢個"星座優惠") 未入場前,在售票處對出,會有一張檯仔,放上免費的小曲奇及飲品供等位人士飲食的,我們有致電訂檯,先去門口的"預約區"確定人數及拿票,再去售票處買仕場劵,可付現金或信用卡,買票後便可以排隊入場,這兒的地方很大,食物以不同國家或食物種類以作分佈,食物選擇很多,就讓我先說說這兒最特別之處吧~1. 飲品選擇不少,除啤酒,紅酒,更甚至雞尾酒,都有調酒師專人為客人沖調,而不飲酒的如我,也有橙汁,蘋果汁,所謂既鮮果汁,台式奶茶,提子汁,檸檬茶,綠茶..不能盡錄.2. 這間食肆給與小孩子很多驚喜,場內有兩位小丑哥哥即場扭出不同型狀的汽球給客人,連大人都有排隊,不過,要坐地鐵回程的人士要注意,深圳地鐵係唔比人帶汽球坐地鐵的,我個女的汽球便是這樣報銷了.3. 七點半有小朋友沙畫比賽,可自由報名參加,只要同玩沙畫房間內的侍應生說聲您的檯號,他便可以幫您看管小朋友,直至沙畫比賽完成後,他們便可帶小朋友回到原來坐位,很貼心的服務,小朋友"勝出"比賽後,會得到一要證書以作鼓勵及可保留作品,仲有一張下次再去自助餐既"兒童免費入場劵"4. 場內有琴手彈琴唱英文歌架~5. 晚上八點左右,場內會設有,讓客人拿著購買入場劵既單據去抽獎,獎品有不同金額的優惠劵,我見到前面排隊抽獎的女士抽中了50元下次用既現金代用劵,而我們就抽中了"兒童免費入場"既優惠劵,加埋亞女的獎品及有小童入場又送多一張及無理頭有個靚姨姨又比一張我們,我們最後拿了4張兒童入場劵,不過,餐劵只有半年有效期,因此,帶小朋友去光顧的朋友要注意. 呢個係食評,所以,都要約略說說食物吧.生蠔---->>需然唔係好大隻,但...好新鮮,好食到我們每人食了成打~三文魚刺身--->>每人每轉,只可拿5件酥皮魚翅湯--->>料需然唔多,但....味道唔錯.水果區--->>款式多到赫死人~中式區--->>食物外表麻麻地,所以,未埋過去,所以,唔知係甚麼味.日式食品區--->>壽司款式多,而且仲有氣迴轉帶,不過,嚿飯就好"唔得" 刺身款式也不算少,而且,也很新鮮.韓國區--->>除了試咗一款韓醬整陳村粉外,就不敢再試其它的了~西式區--->>鵝肝多士--->>>狀似PIZZA,但...鵝肝乾爭爭,唔好食~ 我們由晚上五點半食到晚上九點半打烊才離開,大人吃得開心又飽飽,小朋友更不用說了,開心到,一出門便跟我說,我要再來過啊,當正呢度係遊樂場一樣~ 呢間食肆既服務,真的很貼心,相信不會等很久,我又會再來的了~ …查看更多