四川重口味

營業中

休息中

香港少有見到四川菜館而這間位於深水埗元州街的四川重口味菜館, 可以說是正宗四川菜話雖四川菜大多是麻辣的, 但也可以選擇吃不辣的喜歡麻辣的香港人, 不要錯過四川騰龍和四川麻辣雞煲, 麻辣和濃味指數令人難忘怕辣又喜歡濃味的我就揀咗重慶回味雞煲, 雞肉嫩滑味濃多汁, 放在電鍋爐上一邊煮熱一邊吃, 非常滋味👍佢哋又有烤魚同煎魚, 烤魚比較乾身, 而我喜歡煎魚多汁所以揀咗封煎黃立倉, 一整條黃立倉上碟肉厚鮮甜, 完全沒有魚腥味, 一定要食這條黃立倉🐟平時豬手食得多, 在重口味一定要試下麻辣豬手, 他們選用四川多種不同麻辣香料, 食過返尋味！食咗咁多重口味的, 係時候要食返個涼瓜炒蛋降下火主力推介：烤魚 小碟 小菜 送啤酒或汽水🍻

最近同朋友去食左烤魚，另一朋友又話想食，所以今次喺深水埗搵另一間專食烤魚既餐廳。見到重口味烤魚只係$98，好平啊！就黎試下。呢間似係專食客家同川菜，裝修都好有客家風味🐟烤魚（鰂魚）$98叫左小辣🌶️，呢個份量2個人食啱啱好，魚肉都好多。🐟泡椒雞腳$45味道酸酸辣辣幾開胃，雞腳好有咬。🐟 農家咸雞（例牌）$60雞如其味，係咸雞，味道好足，如果配白飯係好正。🐟古法川醬鵝腸皇$88好少機會食鵝腸，見佢好似招牌菜咁勁大張相，咁一定要試下，好爽口。🐟上湯豆腐煮川菜（娃娃菜）$68勁大份量，魚湯底豆腐同娃娃菜，清新既菜同麻辣既烤魚形成好大對比，食完濃濃既烤魚, 再食番菜，感到好清新。

【💁🏻‍♂️四川重口味（深水埗）｜🔥$98烤魚🤭惹味小小辣】.🌶️烤魚$98全條烤黑鰂魚（小辣）真係小小辣易入口。烤魚肉質清脆，慢慢食爐滾住，魚肉質地分明唔易散，易夾易食。烤魚爐內有少量豆腐卜，蓮藕、紅洋蔥和蔥菜，想加配料都好適合，我建議加炸魚皮、薯粉！.🌶️黃金皮蛋黃色皮蛋是四川名物，金黃色晶瑩通透，味道較清淡，平時黑色皮蛋刺鼻嘅阿摩尼亞味黃金皮蛋就無乜，加埋香辣醬汁同芫茜食，令蛋味更突出，好有追吃感。.🌶️麻辣煮花螺點了小辣程度，麻辣香味很開胃，花螺用竹籤「撩」出花螺出嚟，我習慣不吃螺尾，螺肉好彈牙鮮甜！.🌶️香辣田雞田雞先走過油後與蓮藕、蒜頭、小玉葱和芹菜炒成，田雞調味十足，適合配啤酒🍻！.🌶️啤酒重口味好適合配啤酒，一齊啤一啤，賞心樂事！.🦎四川重口味（深水埗）📍香港深水埗元州街11號地舖#香港 #深水埗 #重口味 #烤魚 #好味 #田雞好食 #抵食

呢次同朋友近近哋去咗深水埗呢間開咗14年嘅四川重口味食雞煲，一search 先知原來仲有幾間分店分別係土瓜灣同筲箕灣度，最近星期日至星期四仲做緊烤魚優惠，大家有興趣可以望吓啦 蓮藕尖酸辣牛肉（$88）牛肉鮮嫩，蓮藕仔脆爽，加埋菠蘿、青椒、同准山，口感豐富，酸辣調得岩岩好，唔錯👍🏻四川騰龍雞煲（$158）主打濃香，味重，乾身，雖然煲乾身但雞肉質素唔影響仍然鮮嫩，搭配各種配料，非常可口😝青炒窩笋絲（$68）窩笋清脆爽口，不過建議要加辣先好食😋因為清炒個味道會淡啲自制酸梅湯（$48）一定要叫呢個自家酸梅湯，消暑一流，酸甜適中，清爽解膩❤️

四川重口味深水埗店真係好抵食，最近同朋友去食晚飯，食物有質素又唔貴，座位闊落，坐得舒服。我哋叫咗晚市水煮二人餐，可揀水煮或酸菜大魚或毛血紅、蔥油雞或口水雞例牌、蒜蓉炒唐生菜加白飯兩碗，咁樣先$228，性價比勁高。另外加咗川北涼粉同香脆魚皮腩。先講我地揀嘅酸菜大魚，魚肉好滑，酸菜味道夠開胃，湯底有層次，辣度揀咗小小辣，啱啱好，唔會搶咗魚味，夠曬酸同麻，反而帶出咗少少刺激感，份量超多，兩個人食唔晒。蔥油雞都出色，愛蔥者必試，雞肉嫩滑，蔥油香氣好突出，雞皮有少少啫喱狀，口感好滑溜QQ，食落去好清爽，好啱用嚟平衡水煮魚嘅辣味，唔會太油膩。佢地仲有用農家雞整嘅菜式，雞味更濃。蒜蓉炒唐生菜夠鑊氣，菜爽口，薑葱味濃但唔會遮蓋蔬菜本身味道，食完辣野之後食返啲菜啱晒。川北涼粉都好推介，涼粉滑溜彈牙，醬汁酸辣開胃，花生碎同芫茜提升咗層次，夏天食特別醒神。辣度都係小小辣，唔食得辣都可以接受。香脆魚皮腩係我今餐最驚喜嘅一味，魚皮炸到金黃超脆，唔會油膩，配埋椒鹽同蒜蓉，食落有層次，真係一食停唔到口，必點小食。四川重口味食物cp值十足，辣味有層次，唔係死辣，食物真係有驚喜。啱晒鍾意食辣又唔想太刺激嘅朋友。份量足，

$98就可以食到烤魚？就係呢間位於深水埗「四川重口味嘅」啦！佢地除咗烤魚之外，仲有好都其他特色嘅川菜，有辣有唔辣，唔食得辣嘅朋友都可以黎食架！佢地菜品種類繁多，仲有好多野都想食，可惜食唔落啦！一齊睇下我地叫咗啲咩野食啦！🐟烤(側魚)鍋 $98- 今次我地叫咗酸辣味嘅烤魚，魚肉鮮嫩，外皮焦脆，配菜繁多，烤魚湯配飯一流！🥗麻辣豬耳 $55- 青瓜絲配豬耳，豬耳爽脆，青瓜清爽，非常適合作為開胃小菜！🥟古法龍抄手 $52- 皮薄餡多，肉質鮮嫩，再配埋特質醬料，簡直係必食！🥚涼瓜炒蛋 $68- 苦瓜唔會太苦，同蛋配合得啱啱好，清爽又健康！咁惹味嘅餸菜當然唔少得要白飯🍚白飯 $12我同朋友都忍唔住成碗白飯都食曬😋🍶🧊自制酸梅湯一渣 $48- 酸梅湯清新解膩，酸甜味恰到好處！今次呢餐讓人回味無窮，快啲帶埋鐘意食川菜嘅朋友一齊黎食啦！

今晚去咗深水埗食四川菜，呢間「重口味」餐廳裝修幾有中式風格，牆上貼滿不少特式食物～座位亦好配合四川風味，以紅色椅子🪑為主，未食都感覺到四川韻味😆炒水晶粉🍝好特別既食物～食落口亦有種意想不到既感覺，冇癡埋一嚿嚿，幾Q彈。配料亦十足，有豬肉碎，蘿蔔🥕絲，洋蔥🧅等，簡單既材料，味道已經好入味，不錯😆上湯豆腐煮娃娃菜🥬🍲主要食材為娃娃菜、豆腐及杞子，搭咗上湯一起烹煮🌝 娃娃菜清甜可口，豆腐軟滑嫩口，埋上鮮美既上湯，營養豐富😎涼瓜炒蛋🥒🍳呢種天氣食涼瓜就岩哂啦～有助消暑，配上炒蛋有助減輕涼瓜既苦味，，加上其甘涼味道獨特，真心不錯😆呢度環境坐得舒服。價錢又平民，份量又多！下次可以再試下其他辣野😬😬下次要試吓烤魚+小菜 送啤酒或汽水🥤

香辣烤魚（酸辣小辣口味）：一上枱就聞到陣陣花椒同辣椒嘅香氣，條魚炸過好香，入面嘅魚肉嫩滑，酸辣湯底唔會死鹹，辣味好有層次，越食越開胃！不過佢哋嘅「小辣」都已經夠晒勁，食到一半已經要飲解辣冰紅茶，杯茶甜度啱啱好，冰涼解辣，真係救星嚟！麻辣豬耳：真係好鐘意食麻辣豬耳，呢度嘅份量仲要好多！麻辣汁撈埋青瓜絲，香到暈！豬耳切到薄薄哋，咬落去有啲軟骨嘅口感，麻辣味慢慢滲出，愈食愈上癮，送啤酒應該仲正，可惜我哋冇叫到。 黃金皮蛋：皮蛋流心程度啱啱好，配埋秘製辣油，食落一啲都唔腥，仲有種獨特嘅甘香。朋友本來唔敢食，試咗一啖之後即刻大讚！蒜泥白肉：份量都幾多！肥瘦均勻嘅五花肉上面淋滿蒜蓉辣油，蒜味非常香濃，食完個口仲有陣餘韻，啱晒鍾意食蒜嘅人！ 凍柚子茶：大推！柚子茶居然帶有話梅香，唔止解渴，仲好香好滋潤！好好飲呀！

呢間餐廳一入去就俾佢個紅色主題吸引住！成個場都以中國紅做主調，牆身有傳統川劇面譜壁畫，勁有四川風情！🎭❤️酸菜魚 呢道酸菜魚真係不得了！一上枱就聞到陣陣酸香，湯底金黃透亮，面頭鋪滿咗嫩滑嘅魚片，仲有酸菜、花椒同辣椒，睇見都流口水！🐟🍜 魚肉鮮甜得嚟一啲都唔腥，入口即化，酸菜夠晒爽脆，酸味同辣味平衡得啱啱好，唔會太嗆喉。最正係個湯底，鮮味濃郁帶少少麻辣，加埋吸晒湯汁嘅寬粉，份量好足！麻辣辣牛肉 牛肉片切得薄身大片，醃得入味，麻辣汁又香又麻，辣度係少辣但唔會遮咗牛肉嘅鮮味。🥩🌶 仲加咗啲花生碎同黃瓜條，中和左辣味好清新，口感豐富！古法龍抄手 呢個抄手真係皮薄餡靚，一咬開啲鮮甜肉汁爆出嚟，仲有少少四川辣椒油香味、薑蔥香和芝麻香，好正宗嘅古早味。🥟✨ 大大粒超級惹味，食完仲想encore！孜然雞中翼 雞翼炸得外皮金黃脆口，入面肉質嫩滑，一啲都唔乾身。🍗🔥 孜然粉灑得夠晒多，香辣惹味，仲有少少炭燒香！凍柚子茶 食完辣嘢飲返杯凍柚子茶，即刻解辣又清爽！🍹🍊另外，烤魚+小碟*小菜仲會送啤酒或汽水，下次再來吃！

今日係深水埗見到一間平民價烤魚。仲仲仲⋯要有優惠$98一條烤魚。緊係要試試佢。烤魚鍋：一開始就叫左條烤魚，叫左個酸辣口味，酸酸麻麻辣辣，食落勁開胃，一啖接一啖咁食。仲要有好多配料吸晒啲湯汁。古法川醬鵝腸皇：仲叫咗兩碟小菜，鵝腸辣辣地食落勁爽口，仲要有啲芽菜，令口感更加豐富。京葱炒牛肉：鍾意食牛肉嘅朋友，一定好鍾意食呢一個小菜，京蔥嘅味，令到啲牛肉充滿香味，牛肉亦都相當嫩口。最後再叫左個出前一丁，將佢擺落烤魚個酸辣湯度，吸晒啲湯汁，每一啖都有濃濃嘅烤魚酸辣味。

烤魚(側魚)鍋抵食之選，簡左酸辣口味，不過怕辣既建議筆起d辣椒先，如唔係煲耐左就會超辣🥵，同埋呢個煲都幾受歡迎，我黎左冇耐，發現個個都叫呢個煲，之後再有人黎話呢條魚都賣晒了，要簡其他魚🤣 配菜佢本身都有好多，有豆卜、芽菜、蓮藕等另外加左窩筍 同白飯送食烤魚一定要配個飯至正，窩筍都比得大份。椒絲腐乳炒通菜 小小辣幾惹味，腐乳味好微唔係好食到，但菜係新鮮唔老，炒得好食既。古法川醬鵝腸 小辣爽口彈牙， 帶麻辣味，但略嫌唔夠入味。

自費第一次去食呢間位於深水埗嘅，佢係傳統嘅正宗四川菜呢一間有好多分店我今次揀咗九龍區，佢係專食辣嘢同埋打邊爐我哋嗌咗佢嘅粟米同埋湯底都好正清湯好新鮮同埋火候好粥嘅佢有好多唔同嘅美食同配菜比大家任選適合大家打邊爐我覺得好唔錯嘅呢間價錢唔會話好貴都適中CP值高高份量十足食完都係勁飽所以如果大家有興趣嘅話可以試吓揀呢間仲有話佢哋有其他菜式唔一定係打邊爐㗎如果有興趣嘅話一定要嚟呢間好快已經有得食Plus絕對係大家嘅首選

假期唔想返大陸，太多人，又好想食啲辣辣地嘅嘢，見到這間餐廳，舊舊地應該靠得住，所以兩個人走咗入去食，估唔到又幾OK！烤魚做緊$98，本來都係諗住一定廢到冇人有，結果又真係出乎意料，條魚好大條，仲有好多配菜，擺明就係攝住嚟做！我哋唯有叫返兩個白飯，兩杯飲品，幫吓香港經濟。我哋仲見到佢有一個二人餐，都幾多嘢食！下次真係要試吓，餐牌入邊有好多好想試，不過得兩個人，其實佢啲種類都算好多。深水埗麗港佢的份量都算大。下次約埋多啲人先至試多幾個菜式。不過老實講，真係幾好食

行完深水埗想睇吓有咩酸酸辣辣嘅嘢食，就上OpenRice睇有咩揀。見到有間重口味嘅酸菜魚。同埋入到去食就知道真係重口味。第一次酸菜魚食到魚骨大雜燴，魚尾都有兩條。我都唔知啲人話依間有咩好食。炒嘢係OK嘅係正常嘅，但酸菜魚就不值得試。

冇錯，深水埗呢區仍然有好多食店，不過很多新食肆，其實唔少都係搵笨，又或是好似上次去西九龍中心咁樣，比傾斜的板凳你坐，完全唔舒服，到頭來，試新嘢就變咗俾$50-$60買難受。因此這次試吓去深水埗的重口味，重口味在土瓜灣區經常吃，但是近期有沒有時間到土瓜灣分店吃米線，而且它一向烹調的時間比較久，夏天如果去食，等又等得耐，行又行得耐，而且天氣炎熱，一來一回其實都非常炎熱辛苦。這是就去深水埗的分店試一試這間四川重口味的味道。相同的餐牌，於是我點了肥腸、腩肉、午餐肉米線，麻辣湯底似乎比起土瓜灣的更加辣，🫣但是辣得來亦都有少許酸味，腩肉的份量不少，應該都有五六片，肥得來帶點咬口，😃但又有點瘦肉，相當美味；肥腸反而比較瘦，有些受得好像豬肚一般，味道沒有土瓜灣的那麼出色，午餐肉份量亦都好像比起土瓜灣的多到這兒竟然有三大片，🤤而且非常好食，好像火鍋是吃午餐用一般，午餐肉吸湯，吸了麻辣的味道，當然好吃。米線的份量都差不多，不會太少，而且上湯能力上佳，😉分量剛剛好，另外的配菜還有芽菜以及酸菜，酸菜都是大大塊帶點甜香， 😍而且內裏有點酸味有點甜香的酸菜，用來配麻辣米線，就最好吃。四川重口味嘅凍檸茶就兩間都係咁