四川涼拌 (已搬遷) 新店位置

天水圍好少有四川涼拌，竟然係屋企附近有一間，次次都係佢呢度買涼皮食，超足料好抵食，夠曬酸🤤🤤平時係第二度買次次都唔夠酸。涼皮加兩個餸都只係$40，而且係好大碗，餸係比我多🥰🥰🥰我個人最鍾意係土豆絲+雞腎+酸荀，同埋佢地既黃金豆炸得好好🥰🥰又脆又香口🤤🤤食幾多次都唔厭🤤除左涼拌之外，仲有其他小食，例如咖喱小食、鐵板系列，糖水，碗仔翅等等，宵夜一流🤤🤤開到好夜👍🏽👍🏽👍🏽👍🏽👍🏽👍🏽

一直都好想食嘅四川涼拌今日終於食到喇😍佢嘅社交平台page會講當日早開/遲開/開唔開，所以可以睇咗先再去。原來入面有少少位for堂食，我就嗌咗麻辣豬耳涼皮，小辣。碗嘢越食越辣，食到中間個陣我就頂唔順😂但非常惹味！豬耳好有咬口，醬料好入味，而佢哋份量相當之多，好夠食，差啲有淨😂涼皮好滑，份量都足，原本以為好似宵夜份量，但原來都好飽。配料有菜甫同黃金豆（我走咗青），菜甫鹹鹹地幫我中和翻啲辣味😂

本身係為左買👉🏻有糭人👈🏻既糭卷專登坐車去去到順便買埋個涼皮試下叫左涼皮 豬耳 豬腸 雞腎 $45量超級多 我食左3分1已經飽到食唔落我自備容器都好歡迎♻️黃藍是政見 黑白是良知！

係網上面見到人地話呢間係良心小店，仲話味道唔錯，收工又有啲肚餓，緊係幫襯下啦！其實我好少經過俊宏軒，因為多數都係得大排檔，平時如果口癢想食小食，唯有等小販檔😂一心諗住去買個涼拌涼皮食，點知一去到門口就聞到好香見到有魚旦同魷魚等等既小食。即刻買左一串魷魚。都好新鮮架！又爽口！我自己鐘意食辣，覺得佢個辣係有啲特別，甜甜地又辣辣地～啲魷魚又大舊！唔係啲縮水魷魚，大家可以試下架。今日仲特登買多串陳皮魚旦食下，係細細粒既魚旦！其實係鋪頭我己經聞到陳皮魚旦既味～琴日買得太多野，要等今日先買黎試味！見到佢地既魚旦好深色，係真係好入味！仲有幾彈牙，食落都有陳皮味，但又唔會遮左魚旦既味！我平時好鐘意食通達啲魚旦，因為鐘意佢個辣，但六月開始我就無再食嚕！以後想食魚旦都可以食佢！到大家都推薦既涼拌涼皮啦我要左兩個餸～ 海帶同雞腎～小辣！$40 大大碗當正餐食都食唔完，我仲諗住買返屋企當一碟小菜～佢仲送好多配菜架，但我唔食青同荽茜，全部都唔要！🙈仲有豆同菜莆架我平時好少食涼皮，但食落幾爽唔係淋啤啤咁～雞腎都好爽口👀唔會太UN太乾太硬～ 幾好食！海帶切到一條條 但我己經食唔到佢既原味  哈哈 因為比啲辣蓋過左，

天水圍北好似得呢間涼拌！都係我細妹話我知我先知！佢可以簡涼皮/面，但我基本上都會簡曬涼皮，加要曬所有配料，小辣！咁先夠好味！一個餸好似係33$，兩餸38$⋯😁😁 推薦青瓜、豬耳