四季‧悅 日本餐廳 (Manhattan Place )

營業中

休息中

基本上呢一篇唔可以算係一篇食評。因為去買嘢送咗兩張優惠券減100蚊，諗住放工去試下。本身滿懷歡喜去到，入座之後 30分鐘 。冇上過一樣食物 ，應承好嘅，前菜，湯，刺身全部冇見過。見到樓面完全混亂， 廚房出唔切菜，樓面唔夠人，隔離枱一行八人媽媽聲 。所以我冇食就同經理講咗句 ，我哋走喇。經理都話唔好意思。希望大家三思三思，人生苦短。

今晚打算同家人一起去食晚飯，預訂了枱，巳感到好奇怪，訂枱時前面有4個人，我們是第5個，便告知沒有位，之後walkin才有位，到達後便坐下，，帶位的人沒有告訴我們小孩要收費，之後到上前菜一刻便上了4位的食物，但只有3個大人，我們便寫了要求的食物比如(雞，豬，菜等，最後只到了3樣），我們食前菜時才知小孩要收費，我們要食足4個人份量前菜龍蝦湯超咸，味道如海水一樣，食完前菜後職員便拿水壺來，之後便沒有食物，其他的枱客人因沒有食物發脾氣，我們都只能夠等，之後便立刻找經理，經理告知只有2樣食物未到，第一張要求食物是不會到來 於是我們要重新下單，並要求經理能快速提供食物及飲品，我們第2張下單食物送到枱上職員也會問是否order 禁多?因為order是跟經理下單，職員便不停問我們的下單狀況但不是提供食物，最後到甜品更只有綠茶糯米糍，收了成千幾蚊的貴用，食物的質量及量都沒法能提供，大家請想清楚才到此餐廳進食

刺身加燒物放題]完全唔知自己食過乜野， 唔知點解要比$298 出黎食垃圾！！！埋位經理就介紹返有刺身煮物前菜等，會自己一道道咁上，叫我哋等等，之後再點串燒。坐低先知原來刺身得呢六塊，冇得再叫，只有張串燒紙可以任叫。 算！酥皮龍蝦湯，篤開個酥皮入邊就只有一節仔手指咁高嘅湯，仲要勁鹹，我懷疑應該要開啲水去溝。叫d 煮物， 冇技巧， 嘥位， 成碗浪費基本上除了汁燒的，其他串燒都係無味嘅，自己上枱要加大量7味粉，不過依然係無味！睇真d 成串野 連鹽都無粒， 衰到無論！佢係雞軟骨☝🏻☝🏻😵‍💫比目魚南京燒， 我覺得連Aeon 超市熟食檔的都好食過佢。 好似烚咁， 勁多水， 好似冇煎過， 無魚油香， 啲肉實而不滑， 要靠沙律醬先食到落去。燒雞皮一樣無鹽冇味， 等幾個字仲要燒燶又苦又盛！牛扒，牛柳， 牛仔骨 全部一樣味， 一樣口感， 係燒烤包牛扒肉， 神奇在 連牛仔骨都可以用粉拿到同牛扒一樣口感。蝦！ 霉嘅， 用芝士 同濃郁蒜蓉蓋過佢本身死左幾日嘅感覺。總結比$298 食一堆垃圾， 全程等廚師發板，等多個食，廚房整到乜嘢串燒就全場一齊上嗰一款串燒。一半係漏單， 其餘佢想上咩就咩。放題？！ 連紙包飲

魚生好新鮮，龍蝦酥皮湯好好飲，串燒任食，個關東煮又好好味甜品仲有金箔紅豆糯米糍，環境又坐得舒服，好似去咗日本一樣。快閃買一送一真係好抵，食完仲送現金卷，現金卷仲要唔限你食咩都得，一定會再幫襯。

前菜非常出色，有魚生、明太子雞翼、炸雞.蟹肉冷豆腐.水母刺身沙律拼盤，關東煮；雖然你會話其他地方都有得食，但喱度魚生的新鮮度，關東煮用心的湯底；真的好似身在日本的路邊小檔仔風味😊前菜仲有一個酥皮龍蝦湯，不馬虎，好似身在高級西餐廳的味道。到串燒放題，首先食材新鮮，用心燒成美味，火喉剛好；仍保留肉汁，唔會有柴的感覺😍推介有牛脷非常厚切；燒蝦，帆立貝，大腸，雞皮等等好食到不得了。至於甜品，我食過有十勝紅豆年糕，一試難忘😊價錢超值👍🏼

整體來說就是一間吃環境的餐廳，以這個價錢來說是可以考慮的。而且枱與枱之間足夠寛 ，坐得很舒服。約朋友食飯，聊天是很不錯的餐廳食物方面非常抵食，對於dinner set串燒放題來講份量足夠。串燒牛柳煮得好入味，用嚟撈飯簡直係一流食物質素來講就正正常常，刺身都幾新鮮，唔會話有陣腥味酥皮龍蝦湯值得一試, 香濃又夠熱燒銀鱈魚。好好食！燒得焦香，食完好難忘

上月二十日訂了九龍灣四季悅吃日式串燒放題，這個放題是以半自助形式進行，即是一半是套餐形式，而燒物和炸物就可以任點。先講套餐方面，其實都有水準，刺身雖然不多，但勝在新鮮，酥皮龍蝦湯也做得不錯，烹物和前菜就比較一般，行貨水準，烏東就幾有水準，口感一流，甜品就是最弱一環，不吃也不可惜！至於放題方面，不知那天是否太多客人，食物水準就真的差，上菜奇慢，雖然服務員已盡力安撫客人，但廚房跟不上的最大問題所在，希望管理者要正視一下，否則縱有好的硬件，卻大大浪費了。

之前跟家人來吃自助放題已經覺得高水準, 今次新推出串燒放題, 便約朋友再來。這間餐廳位於九龍灣工業區, 難得的是比一般餐廳或放題的座位寛闊, 環境相對寧靜, 同朋友放工吹水非常一流說回今次的放題, 菜單上大部份都是一次性的食品, 只有串燒是放題任叫任食, 但其實吃完前菜、魚生、酥皮龍蝦湯、茶碗蒸後... 我已經有點飽意.... 再跟著一堆串燒放題, 有蝦, 有牛, 牛脷, 雞軟骨, ........ 後, 已經覺得好滿足.... 之後既煮物同烏冬我已經投降, 但朋友話烏冬非常好食不得不提, 4人還送Choya 梅酒一支, 同朋友吹水聚會,  環境舒適, 值得推介

那天慶祝朋友生日，由於大家都喜歡食日本菜，得知"四季.悦"有串燒放題，大家便决定到此慶祝，走進餐廳入座，感覺环境舒適。大家急不及侍看餐牌点嘢食，看見餐牌多種不同美食(包括壽司，鱼生，串燒，煮.食等等·....) 大家等了不久，便看見各款美食到来，新鲜鱼生，美味壽司及香味撲鼻串燒 ，大家按耐不住，开始搶夾食物，开懷大食，由於我們有4人，餐廳另贈送一枝梅酒，酒清香易入口，带甘甜，配搭魚生一流。我們不停点食物，一边品嘗食物及暢飲閒談，不知時間飛逝，直到服務員我們要结帳的一刻。就此过了一个非常开心的晚上。我們约定下次再來" 四季·悦"食放題。

見到咁平可以任食日本串燒wor，就走去食啦，點知原來係試伏測試嚟嘅串燒係個set嘅重點，就講串燒先....平心而論，雞皮同雞翼，其實燒得OK，不過所有串燒嘅重點係完全冇味嘅，又燒到好乾，真係食到好辛苦。仲有，最離譜嘅係，餐廳話有20款串燒選擇，我七點去到，個三文魚燒飯糰已經話售罄，飯都無？所以整唔到飯糰？!定因為燒飯糰要慢慢燒，燒好長時間，所以廚師唔想出呢!？另外，仲有其他缺點，前菜個豆腐沙律，個醬水到呢；煮物似關東煮，但賣相似打邊爐食淨嘅；其他野我都無心機影相，包括個酥皮海鮮湯，鹹到以為係教主整嘅，個蒸蛋仲恐怖，好似AK代言生粉咁，有個“獻汁”漿住個口；最離譜係連個甜番薯，竟然係唔甜嘅仲有所有嘢飲話都唔包，除咗熱茶，加埋一$3xx，又坐得超迫，又無隔板，不如食其他放題店，起碼刺身、串燒、野飲同甜品任飲啦

四季悅九龍灣分店, 之前有同朋友去惠顧. 覺得這間餐廳裝修很舒服, 而且食物都是很好. 餐廳的特色是有放題或a la carte menu, 款式很多. 他們剛推出的燒物放題，我已經惠顧兩次，燒物選擇多，味道很好，尤其喜歡牛舌、鹽燒鷄翼、蒜蓉大蝦等。而且燒物放題餐都有很多其他食物例如刺身，非常新鮮。龍蝦湯熱度夠而且味道不錯。我兩次惠顧都有不同的優惠，實在物超所值。所以我同朋友都會不時留意這餐廳推出的不同優惠，一定會再惠顧。

唔知幾時先有得飛日本😭😭😭見到公司樓下有$298串燒放題4個人仲送枝宇治梅酒，一於試下懷緬家鄉🥺🥺🥺一開始就係咁上前菜， 一人一份勁誇張，多到張枱都冇位放 畫面勁震撼🙀🙀🙀淨係食啲前菜都飽呀， 仲要留肚食串燒！btw..前菜都好有素質，雖然上得快，但湯真係出煙好夠熱👍🏻👍🏻👍🏻串燒都唔錯， 唔會燒到乾晒！超邪惡既雞皮勁encore😂😂😂同埋唔會好咸， 加埋七味粉岩岩好！食到勁飽， 最尾甜品係雪米糯～唔係唔好食， 不過都有啲失望，之前見人話有紅豆年糕之類好好食，仲等我勁期待。。。不過呢個價錢食到咁既質素，我原諒佢啦 哈~🙈🙈🙈

由於鄰近商業區，晚上較靜。餐廳裝修華麗，地方舒適。適合朋友聚會，聊天及生日飯局。除咗日式串燒外，另外前菜、魚生、蒸蛋及蘇皮湯赠送，非常常超值。食物質素高，上菜速度快；最緊要係價錢實惠，直得一試。

今晚多得老友带我去食好野-精選刺身加串燒放题而且4個送梅酒一枝。去到發現現埸環境舒服宽敞，而且乾淨。晚餐主餐牌會因應時節有所不同。今日晚餐1)前菜 - 蟹肉凍豆腐 ，南蠻炸雞，海葡萄沙律，2）茶碗海鮮蒸蛋，3）松葉蟹肉龍蝦湯（真係有蟹肉龍蝦)，4）精選雜锦刺身(牡丹蝦真係好正吖），5）煮物 - 關東煮 ，6）任點任叫串燒，7）昆布烏冬（可揀饭但我選擇烏冬，8）甜品 - 雪糕糯米糍。串燒燒物任食種類都有廿幾款真係好好味。蒜蓉開邊大蝦，雞皮，雞腎，雞軟骨都燒到好乾身好脆口，仲有牛脷好juicy, 吾太愛好魚嘅我都覺得比目魚西京燒好味。 其他串燒及燒物都好有驚喜，無諗過三文魚燒飯糰真係好得👍🏻😍<總括好多都返叫再返叫>#期待约朋友同事再去食過

今日同朋友去了Megabox 行街，行到腳攰想食嘢，點知周圍都係人龍，朋友帶左我去Manhattan Plaza 食嘢。這座商廈在MegaBox旁邊，旺中帶靜。我哋去了食日式串燒放題，出乎意料之外，環境非常舒適。雖然話係串燒放題，但每人一份魚生同埋酥皮湯送，串燒上到枱仲熱辣辣，非常好味。