四季‧悅 日本餐廳 (Manhattan Place )

營業中

休息中

性價比高，用OpenRice嘅優惠第二位半價，有coupon加送4支梅酒，上餐快、魚生、壽司、炸物、飲品，都非常滿意，大大件，好新鮮。放題兩小時，完全足夠有餘，當天四人食完全攬住個肚腩走。地方清潔，整體非常好。如果甜品再多些款式會更加好更完美。我一定會推介比其他朋友，未去嘅唔好錯過最近嘅優惠。地點非常接近MegaBox交通方便出咗門口行冇幾耐就有小巴去旺角，要坐地鐵又可以行返去九龍灣站，如果食得飽，可以去觀塘海濱公園行吓。

一行三人想食放題🤔，九龍灣只此一家，四佰多元一位，想必應不同凡響。好⋯就此成行。假日午市，食客相當稀疏，可能因為工商區？只有三數枱客人⋯生意冷清得驚人😅，不過既然已訂位，坐舒服點也不是壞事😌。放題一般都是亂點一通，不過⋯這𥚃跟其他放題不一樣，可能較高檔的放題就是這樣，飲料少得可憐，食物選擇也十分少🤔？不到一會，全枱擺滿⋯可以開飯了😋。第一道上來的是海膽，味道、賣相都很好，可惜只此一個🥺。其他呢？其他菜品不論刺身、串燒、炸物⋯只要你曾經吃過放題，把他的水準放在排名最尾就可以了，差跟本不足以形容呢。店大欺客，這裡算是表表者了，四佰多元的放題，可以做到一佰多元的水準，真係見識到。以後去到大x喜、大喜x之流⋯原來他們真的有用心在做了。

好耐之前嚟過呢間食放題，嗰陣時覺得呢間放題真係超級好食，但原來而家已經冇咗放題，所以今次想試吓佢嘅和牛我哋叫咗兩個晚餐嘅套餐，分別係岩鹽版A4薩摩和牛同日本和牛涮涮鍋，套餐包咗錢菜同埋茶碗蒸岩鹽版A4薩摩和牛令我諗起之前喺銅鑼灣食嘅另一間薩摩和牛放題好好食，所以就想試吓佢，佢呢個係厚切，食落去口感都唔錯，而且佢用咗岩鹽版燒熱都幾特別日本和牛涮涮鍋牛嘅份量都算多，而且佢既鍋係爆滿咗，價錢都好合理，建議唔好淥咁熟，一變色就可以食，我認為咁樣係最好食😋環境依然係幾大同埋坐得幾舒服，當天去安排俾我嘅位置仲好有日本風

.好耐無食過放題啦❤️上星期五Happy Friday 同老公去九龍灣食呢間四季悅🥰由地鐵站行大約10分鐘就到 餐廳好大 坐得好舒服 裝潢都係日系既木色估唔到有咁多款嘢食 成晚都無漏單 而且上菜速度都真係快刺身有好多款 最正一定係赤貝同馬刀貝😋非常新鮮 好爽脆 平時係出面食都好貴 呢度可以瘋狂食！其他刺身都係厚度適中 油甘魚肥美 又香口 推介！.另外 牛肉鍋都好好食🤣我一個人食左2個牛肉好香濃 食得出用左靚牛 配上壽喜燒湯底同野菜同雜菇 勁正 重口味人士必備❤️鵝肝多士脆脆都好香口 鵝肝既油正好俾多士吸收 唔會太過膩 又有口感👍🏻最愛.壽司種類都好多 舊飯唔會好大令人好易飽壽司size適中 串燒同天婦羅都比想像中好食本身個人好怕食天婦羅炸粉會好厚呢度既算薄脆 就算南瓜都好juicy🤤.最後記得留肚食甜品 有明治雪條💜食完真係捧住個肚走啦～

我們這天去了九龍灣紅色盒子商場旁邊商廈低層的餐廳。這餐廳環境非常優雅舒適。餐廳不冷清，但座位間保留了足夠的空間，所以我覺得在這裡用餐的氣氛很高雅、寫意。我們品嚐的是晚市套餐，每份套餐都配搭前菜、茶碗蒸、昆布麵豉湯及飯。這個前菜有魚、豆腐及積物，很豐富，亦很精緻。很細滑的茶碗蒸，暖笠笠的，很滿足！這是岩鹽板A4薩摩和牛（厚燒）130克配御飯。其實我覺得和牛品質就是不一樣，只需要簡單調味已經很優秀！龍蝦天婦羅套餐很矜貴，但我覺得雖菌類天婦羅不及龍蝦名貴，但它們裡頭很水潤，所以亦很美味！最後是鮑魚松葉蟹肉釜飯。我覺得它是一個充滿驚喜的寶盒，裡頭海鮮種類不算少，而且都很鮮美！

各套餐附：>3款時令先付分別係鵝肝多士、蟹籽胡麻醬豆腐、銀鱈魚，鵝肝厚實、表面煎得好香脆；之後食蟹籽胡麻醬豆腐，豆腐好滑溜，食落幾清新可以一解油膩感；最後食銀鱈魚，銀鱈魚作為凍食，感覺好清爽😆魚肉柔軟，配埋檸檬汁食好開胃😋>茶碗蒸蒸蛋超級滑，好有蛋香，仲有好大粒冬菇😍>昆布麵豉湯🐂岩鹽板A4薩摩和牛(厚燒)配御飯 ($498)第一次見用岩鹽板盛載和牛，好特別😆和牛共有7塊，喺岩鹽板上已經吸收咗鹽味，店員表示如果覺得唔夠味，可以喺岩鹽板上再輕輕熨下，不過個人認為已經夠哂味🤣半熟的和牛肉身柔軟，撈白飯食味道剛剛好，唔使冇耐就好快食哂碗飯！🍲日本和牛涮涮鍋配御飯 ($368)另一set和牛涮涮鍋同樣出色🥰薄切和牛好易咬完全唔會韌，而且紋理好靚、油脂分佈平均，食落充滿濃郁牛味🤤伴以蛋汁、胡麻醬及日式燒汁一齊食更加惹味🥬另外蔬菜組合既豐富又鮮甜！總結：由前菜到主食，食物組合及擺盤都好用心，特別係前菜，用料一啲都唔馬虎，如果有甜品食埋就perfect啦！🤣

環境幾好，位置寬敞，安靜，服務都幾好。4個frd一齊食咗晚市放題，雖然唔係超多款揀，不過優惠價$277/人，呢個價錢嚟講都算係超值夠食啦。刺身都幾多選擇，串燒強烈推介燒蝦，燒秋葵，燒菠蘿，燒迷你雞脾菇，雞軟骨，軟腳蟹，另外紅豆雪條有俾到我驚喜。

又到星期五食好西的時候，上次去開megabox 搵有咩好食的時候，喺OpenRice見到呢間餐廳好似好吸引再加埋朋友仔係附近番工話做緊消費券優惠好抵。所以，今日決定黎試一試佢嘅極尚套餐。我哋揀咗岩鹽板A4薩摩和牛（厚燒），薩摩牛本身已經好正，好有肉味又冇渣，加埋岩鹽板吊味，簡直人生一大享受。前菜既筍好入味爽脆，豆腐滑同埋三文魚有淡淡的檸檬香味。茶碗蒸一打開已經有香嘅冬菇味彈又滑又唔會太鹹，料好足。昆布麵豉湯好香，咸度適中。朋友簡左風味生燒鱔飯，鱔唔止好多舊，仲燒到個皮好脆，肉彈牙，朋友讚不絕口。另一朋友叫左日本和牛涮涮鍋，呢個性價比超高，睇相都漏晒口水，我地一人偷左一塊食，不得了，入口即溶。另外菜好新鮮鮮甜。PS 佢地做緊推廣$59有包2KG日本米同一細枝梅酒，幾抵，我地都買左😂

前菜，套餐是包埋的，雖然係前菜，但用料和製作一d都唔馬虎，魚肝經調製味道帶甜甜地，好夾，食落無腥味，另一款檸檬魚味道帶酸，好開胃，加上魚肉已經去除魚骨，可以放心將整件放入口。茶碗蒸，店員送上枱時會同客人講聲小心熱好細心，因為盛器確實好熱，蛋製作得好幼滑，用口輕輕一吸就好輕易滑入口中，不過記住不要食得太急，小心燙口。岩鹽板A4薩摩和牛(厚燒)130g配御飯($498)，共有六片和牛，和牛放在鹽板上可以直接吸收鹽味，所以食用時已經好夠味，唔需要再加調味料，和牛既油脂入口即刻溶化，而且因為厚切關係，食落會較有咀嚼口感。日本和牛(150g)涮涮鍋配御飯($368)，涮涮鍋放左爆滿蔬菜，視覺上已經好震撼令人垂涎三尺，和牛油脂分佈好平均，今次係薄切，因為可以易d掛汁， 醬汁分別係牛肉汁、蛋黃汁、胡麻汁，個人最鐘意蛋黃汁因為入口好滑溜。

我以為大喜屋集團已經算差了，睇到網上評價話呢間唔錯，所以專登來試下。提早在openrice訂左位，點知話當日係父親節要交訂金先。俾訂金的方式又差，只有一個銀行戶口，無任何其他方式。真係夠古老！去到原來全場先得五臺人，根本無人幫襯，全場冷清。食物一落單就馬上摞來了，快到得人驚，肯定係唔新鮮啦。食物選擇好少，刺身質素好麻麻，吞拿魚簡直好似假的咁。飲品選擇都係好少，雪糕只有明治兩款雪條，仲要係融左再凍番噶。反正無一樣係令人滿意噶！

感覺好光猛的環境，亦情影響下而家先嚟試呢一間價錢$388 ，經openrice訂座可以減$100大腸好食銀鱈魚好食鰻魚好食呢度啲天婦羅都好好食，係熱辣辣上枱刺身好新鮮芝士年糕炸軟殼蟹，非常好食雞翼好普通痛清酒煮蜆可以呢度日式放題水準唔錯，環境企理，乾乾淨淨，服務員都熱誠有禮，下次可以再嚟幫襯

極度推介！大眾化收費！高級餐廳享受！甲級寫字樓舖位，高格調裝修，環境清幽，座位寬躺，絕對唔會有迫硤感覺。食物質素 比起一般 日式放題食店 超曬班！落單上菜夠均真！叫幾多件 來幾多件！絕對唔會將 平價 頂肚 食品 濫推俾你！就算 一份份 一鍋鍋 都係細細份 細細鍋，好讓你可以品嚐多啲菜式。什麼 極上乜 大乜喜 同呢間 根本冇得比 店內職員服務態度非常好！吃飽飽 結賬 仲有小禮物 送 ⋯ 係咩小禮物？你幫襯過就知 ⋯ 最後再講多次，極度推介！試完，你唔會再想去其他日式放題 ⋯

食過一次就算 又唔算特別平 地點唔算就腳 所以人流都唔多 食得都舒服 但係食物質素非常普通 放題食物係黎得足嘅 叫幾多都會俾足9個人去 5大2細2老 小童同老人家都係正價388再7折 大人就原價388-100優惠 不過佢淨係計左4個大人有優惠 應該係人為問題 怪就怪自己無check單啦 所以去過一次就算

雖然住同一區，但一直都唔知道原來有呢間放題餐廳，今次係因為買野收到現金劵就黎試下啦，每位減$100，減後$288 1位，餐廳環境非常寬敞👍🏻，坐得好舒服，唔會覺得逼，食物質素亦比坊間既放題更勝一籌，味道可以媲美一般散叫既日式餐廳，唯獨食物種類比坊間黎講，選擇唔算太多，但我覺得都可以接受，如果以呢個價錢黎講，絕對係抵食！最後埋單仲有日式奶茶味卷蛋送比每枱客人，真係又食又拎😋下次絕對會再黎幫襯😙

已WFH一段時間，農曆年後首次回辦公室，見到幾位親密戰友，真是恍如隔世，雖然還是二人一桌，一定要吃個好的， 和同事敘敘舊，慶祝一下。今天點了這“雜錦壽司”，全部熟料，雖沒有魚生，但98元而已，有枝豆及麵豉湯 ，尚算抵食。每一件壽司都大大件，份量足，味道不在話下，用那些生薑沾點芥辣醬油，再塗在那些鰻魚、玉子和蟹柳壽司上，真的提鮮不少。至於其他壽司，已有沙律醬或蟹子吊味，不用沾醬油已夠鮮味。不錯，下星期要再來。