四季餐廳

營業中

休息中

呢間餐廳係計麥當勞之後就係另一極品，我喺度試過叫過四次外賣，就算係繁忙時間抑或非繁忙時間，有三次都係等咗45分左右然後要求退錢唔要，我order完喺門口等，等咗30分鐘，然後問佢幾時有，佢就話就快，再等多15分鐘，我問樓面，廚房究竟煮咗未？未煮就同我cancel。之後啲樓面同我講已經吹咗，但係廚房未煮。真係俾佢吹到啤一聲。呢啲咁嘅餐廳，唔夠人手就請人啦！如果你哋有耐性EQ又高嘅話不妨可以試吓😡😡😡

我第一次黎食，永遠黑名單呢間。建議有潔癖千祈唔好黎食。環境衛生非常差，好嚴重。同系垃圾堆食飯冇分別。講真，去食大家樂算啦，平仲要乾淨少少。一坐底見到張椅非常污糟，成張都系污漬。換左椅，坐果度冇污漬，椅背全部都系陳年污糟物。d餐具又冇抹好，上位使用者既殘餘物仲系度。可惜太驚嚇我冇影底好多相，有勇士可以去探下險。講到野食,諗住可能好食d,咁就大錯特錯。佢焗飯一上枱，中間成舊都系硬既。唔系講笑，仲硬過未煮熟既白蘿蔔成舊拖左出黎，咁淨返既飯我諗小朋友都食唔飽，佢個容器好淺。我估呢碟野唔系新鮮，可能放左陣又翻叮。肉得多拉a夢1隻手咁大，又多筋又冇肉。比左58蚊，我強行食左少少。感覺食左個寂寞。呀妹話呢個正常，但系佢都話唔想再黎。至於員工質素，當然冇啦。連椅子都唔捨得換(唔系少少，真系成張都系陳年污漬，密密麻麻果種)邊有錢請質素好既員工。落完單單飛落你張枱，中途無啦啦拎起你個紙巾盒，原來系換新入去，然後再飛落你張枱。我妹話佢仲以為系隔離枱偷紙巾明白街坊餐廳唔可以要求太多但系呢間又唔平，環境污糟員工質素九流，食物又偷工減料唔新鮮。除左地方大，我諗唔到有咩讚佢。去隔離食大家樂或者上面圓香唔好咩。講真我

好耐冇食過四季餐廳要試下就發現佢有丼飯牛肉丼飯：好快就上左，味道濃郁豚肉丼飯：比較後上，可能需要時間煮味道好好味😋豚肉煮到恰到好處，有香濃既照燒汁配上豚肉和白飯🍚紫菜加上去更加惹味（紫菜有d軟 可能因為遇熱而變軟）悄悄地講🤫佢個豚肉有好多塊 直到我食哂飯都仲有幾塊🤫🤫🤫煎餃子🥟有2件 好好味😋清清地，冇任何醬料在旁食物環境都非常好👍🏻服務態度可以改改，等候落單時間會有少少長，因為得一個落單#hkig#foodiehk#foodiegram#hkfoodblogger#foodiegraphy#foodloves#foodstagram#happysharing#hkfood#foodie#香港美食#吃貨#手機食先#相機食先#foodoftheday#foodphotography#followme#likeoflikes#hkeats#hkrestaurant#followback#美味#hkfoodie #newtownplaza #葵涌 #葵涌美食

今晚 打電話去叫 兩個 梅菜扣肉飯 同個職員講咗三次係要抗疫套餐 個職員最後 無應過我急不臨忙就收咗線。後尾我過咗去拎個收銀職員同我講星期六日係冇抗疫套餐。但係我強調落單時喺電話講過，如無點解無人告知。後尾搵返一位負責聽電話短頭髮嘅女同事，佢話自己冇聽到仲要黑口黑面咁話 你唔要就自己啃咗佢。第一☝️我電話已經同這位職員講咗我係要抗疫套餐 佢無應過我 所以先會重複講咗3次 最後仲要收咗線。第二☝️負責聽電話職員不承認自己的過失就以自己埋單想息事寧人！仲要態度惡劣。本人是街坊光顧差不多4年，經過這次教訓不會再考慮光顧

半年前都係熟客，早餐必食半年前連續去幾次d野食都係唔得，轉左去大家樂之後就無黎 半年後大家樂要排隊趕住返工黎番食，好食左好多！首先係炒蛋，好明顯係即黎煮，夠哂熱（之前果d炒蛋是冰凍的）牛油多士，夠脆夠油（之前果d凍的硬的得小小牛油）公仔麵，應該係即黎即煮（之前果d麵漲哂）凍奶茶有茶味唔會過甜岩岩好👍🏻（之前果杯得甜味仲要超甜）由點餐到進食都係不超過5分鐘，非常好總結以上幾點睇得出貴公司有好好改善食物質素，有用心整野食比街坊我地街坊食客都會支持，仲買左5千蚊餐飲卷支持貴公司👍🏻希望貴公司繼續保持，因為葵涌邨係美食沙漠難得搵到間岩食

乜都加…呢到都加😩😩👇🏻早餐6:00 - 11:30👇🏻招牌特餐 11am後歐陸全餐 11:00後👇🏻lunch 11:00 - 3:00影低啲餐牌update 下❤️❤️食物咖哩雞扒配太陽蛋飯都有2塊手掌咁大嘅雞扒，啲咖哩汁都係ok嘅👌🏻份量都夠飽。叫咗華田，唔加糖都夠濃！黑椒汁牛扒拼漢堡扒飯呢個呢…真心唔抵食，得一塊漢堡扒加好細塊牛扒…其實主要就汁撈飯其他可能依家多食店揀，大家樂又開返…人唔算多，唔洗點等位

放假食個早餐，味道幾好早餐好多選擇。滿滿一碗份量十足又好味又有營養，豬軟骨肉質新鮮。米線爽滑，配料豐富。有米線，仲配有火腿滑蛋同包。最主要份量夠，味道確實唔錯。

夜晚叫左個粟米肉粒飯，第一啖食落去完全冇味，個汁好似水咁，我以為我味覺有問題。之後我叫個職員問佢可唔可以換另一個飯，佢拎左隻匙羹試左一啖，仲好意思同我講粟米係甜既，再拎一羹比廚房試。之後出黎同我講可能廚房冇落鹽，不如我比支美極你自己倒，或者拎去換過比你，我問可唔可以換過，佢話你要等好耐，難道你整過一個我唔洗等咩？最後我食左一啖就埋單走人，佢就拎住我張單叫我去cashier，全程佢冇一句道歉！呢個服務態度真係佩服！

下午茶餐塊豬扒勁 細塊 得隻bb仔手咁上下大， 薯條仲要係返炸， 越做越差， 開頭只係乾爭爭， 之後會返炸， 而家直頭得半塊 ，仲有十次叫佢走飲筒十次都畀 飲筒， 失敗之中 嘅失敗。

今早在梨木樹四季餐廳o嘴體驗🤣點了一個早餐A餐，送來的時候有一個大大餐包，但發現沒有牛油，於是問了侍應姐姐攞一點牛油，佢諗一諗然後同我講牛油加兩蚊，我拗一拗頭，有禮貌地同佢講唔需要，真係未試過要牛油要加錢😆😆 至於食品方面，都唔算太差，但麵有點硬，個餐包係ok嘅。

Lunch餐牌上面見到涼瓜牛肉飯，價錢ok同埋包熱飲同中湯。等咗5-10分鐘就即到。上檯熱辣辣，賣相非常吸引。牛肉片片鮮嫩彈口，分量好夠。下次都想再點依款做lunch~感覺四季的強項在於整中餐，整體ok推薦。

中午時間去這間食肆食飯。看完餐牌就叫人來下單，一次叫人冇人理我，等咗一陣再叫，有個女人大大聲話等等，OK 就等等，等咗一陣，又冇人理我，我再次叫人來。今次有人來下單，我話要個 XX 餐，飲凍O茶少甜。我聽到佢話 少冰。我再講話要少甜，佢大大聲嘈返我話少甜囉！嘩啲語氣差到極。又話我冇講個少冰。係你聽錯，態度差到呢！冇野講。服務差到冇人再會幫襯。

我去左葵芳，搞掂d野已經4:30，勁想食下午茶。葵芳呢個地方真係好偏遠，好彩附近都有個商場，但係餐廳選擇唔多，於是我地求其揀左間餐廳就算。粒粒金磚西多士配脆香惡魔炸雞脾（$40）想食西多士又想食雞脾就叫左個粒粒金磚西多士配脆香惡魔炸雞脾，一次過滿足我兩個要求。西多士好特別，佢唔似平時d西多大大塊正方形，然後佢係細細地嘅正方形，唔洗自己切，有3舊，份量啱演好。西多士都係炸得好香，蛋香濃郁，炸到金黃色，好好食！佢比左個兜裝糖漿，方便你點，但係牛油放左喺其中一舊上面，好難搽埋其他嘅西多士。雞脾大大舊，炸到好香脆可口，仲要熱辣辣，雞脾肉仲要好滑，值得一試！仲配埋杯凍奶茶，正！凍奶茶不過不失。食完呢個下午茶飽到夜晚唔洗食。

最近疫情關係都係食外賣多。其實呢間外賣都食過好多次，但水準真係好參差。餐廳連擺個外賣盒都差過人，將湯同野飲放底，上面放圓形外賣盒。最後上面個飯盒愈黎愈傾斜，仲壓穿左下面碗湯既膠蓋，漏左一半湯出黎搞到成個袋都濕哂。🤷🏻‍♀️中間加塊紙皮應該都解決到問題掛？飯盒入面既飯又乾又硬，明明係丼飯，d醬汁得好少。塊吉列魚柳好簿又硬，所以又乾又無肉，好似食緊炸粉咁🤦🏻‍♀️唯一最好既係杯野飲，無穿無漏味道正常。不過下次都唔會想再食。

周末不想食住家飯，去四季餐廳一試，食物種類繁多，價錢尚算可以，60至70元左右一道小菜連白飯，同屋企人叫左4個餐，差啲食唔曬，真係好食及份量足!其中一個菜式係粉絲雜菜煲，份量十足，粉絲菜種繁多下次一定會再光顧