影片
成日喺太子附近搵靚糖水食，有次咁啱食完牛腩面行過呢間不知名，又細到爆嘅小店，店舖外表毫不吸引，但係見咁鬼平買黎試吓，點知一試不得了，完全返唔到轉頭，每一碗都好足料，好杰，連綠豆沙都有老闆整嘅清心丸喺入面，超有誠意，一早想寫啲嘢支持吓呢間小店，可惜之前食果陣都仲未有OpenRice頁面，今次食食吓知道老闆開左OpenRice，一定要支持吓佢！！！最衰呢次只係影得碗芝麻糊無咩誠意，不過下次一定會影多幾碗影靚啲再讚過！
繼續閱讀
平時幫襯開呢間舖頭，糖水又平又好食佢餐牌上樣只有4樣嘢食：清心丸（綠豆沙）紫米露豆腐花芝麻糊每樣都有凍有熱每樣嘢我都買過嚟食，芝麻糊好明顯食到啲芝麻渣，雖然唔滑，但係香味十足清心丸仲要係自己整紫米露濃得嚟唔會太甜老闆話當初開舖就係有heart想分享又平又好食嘅嘢食，可惜平日小店曝光不足，無咩人幫襯而家開始面臨執笠危機作為熟客真係唔忍心咁好嘅小店就咁沉底貼地抵食又好食嘅本地小店真係需要全世界多多支持
繼續閱讀