影片
喺上環行吓行吓，行到水坑口街，無意中見到有間麵包店 <四季甜品麵包>。店內雪柜放了不少甜品，當中包括有機甜品！ 聽起來幾吸引！況且 $5 已經有交易！真係好抵呀！有機甜品：有機馬豆糕、有機紅豆糕........ 有機馬豆糕 $5可能係雪得太耐嘅關係，糕面 "巢皮"！ 講真！味道與一般馬豆糕無分別！有椰汁味，馬豆有點硬！吞拿魚雞蛋包 $6估唔到夾住嘅雞蛋唔係好似平時食到火腿蛋包果種蛋，而係半隻烚蛋！ 但係又唔多覺有咩特別！: ) 吞拿魚餡其實都幾少！朱古力凍撻 $5比較少見麵包店有凍撻賣！果然驚喜發現！朱古力部分食落似係混合大菜糕嘅口感！至於撻皮，尚算鬆化又有牛油香味！有曲奇餅 feel！ 不過係凍食！兩者都幾夾！ 全部只是 OK!
繼續閱讀
之前都有幫襯過呢間麵色舖 ~佢d菠蘿包 ...紙包蛋糕 ~好好味 (唔好意思 ~我比較偏食 ...食開就食果款 ...一係就試新野 !!)記得細個o既時候成日同阿妹去呢間包舖問佢拎免費方包皮 ...然後去荷李活道公園鍡魚 (拿!! 唔知有冇轉左手架)今次試新野 >> 朱古力奶凍撻 同埋 牛奶奶凍撻 ~個奶凍冇乜味 ...但係個撻勁香牛油曲奇味 做法應該同蛋撻差唔多 ~但係凍食 ~所以唔係蛋撻黎架!!有新意我鍾意 !
繼續閱讀
某日因為水坑口附近麵包店未開. 所以黎左呢間買.買左個鮮奶包 ＄３個包好軟熟. 仲要係實心. 食落好鬆軟. 個頂頂層皮好似墨西哥包頂個味.但就感覺冇咁油. 仲買左個紙包蛋糕 都係 ＄３不過呢個係俾媽媽食. 佢話蛋味唔太夠. 覺得麵粉多左點.佢有個袋仔袋住. 或者因為唔係即日做. 有些少變化掛.
繼續閱讀