四季常餐 (德輔道中)

營業中

休息中

小編呢幾個月因為疫情關係都少左出街食，近日好似情況緩和左D，就去做下瑜伽同埋幫襯呢間餐廳因為O系我瑜伽中心附近。好方便。次次經過都想試佢地既早餐（小編試過佢地既午餐都唔錯既），好啦今日終於有個BREAK至做下一節瑜伽，所以就去試佢地既早餐啦。我呢D偽作素食者（阿旺記打手鬧我係WOR），雖然唔食牛但仍然好喜歡叫沙爹牛肉麵但唔食D牛，哈哈。因為真心覺得沙爹同公仔麵系絕配。今日四季常餐既沙爹牛面比我一種“嘩”既感覺。完全係以前細個食既沙爹牛面味道。兒時回憶翻曬黎，真係好開心。食過旺記都覺得好味既，但呢度絕對比起旺記更高水準，其他早餐我唔知，但如果淨系計沙爹牛肉麵質素既話，阿旺記可以褶埋收工啦。呢度沙爹牛面好味道原因有３，　１：沙爹醬濃淡適中，唔會死咸，好香，好花生香味。 ２：面煮得剛剛好，最重要係佢地都係用普通即食麵唔係咩野出前一丁又收多你４蚊但D面質又唔見得特別煮得好。呢度就算普通公仔麵都超級正。 ３：湯底唔係清水或者淡而無味，或者要靠出前一丁包湯粉去調味，佢地呢度湯底都好有誠意。整體而言，連埋服務態度，座位舒適度，呢度小編起碼比９５分（１００分滿分），扣左既５分系佢地杯熱檸檬茶極度難飲，

疫症期間都不敢周圍去，眼見最近社區連續多天沒有新增個案，今日終於外出用餐 輕鬆一下。來到位於中上環的「四季常餐」，一入去店員便走上前幫我們量度體溫，餐桌上提供了消毒洗手液、紙巾，店員更遞上熱水清洗餐具👍🏻👍🏻黎到「四季常餐」當然要食常餐 - 濃湯番茄牛肉通粉湯底好厚身，酸酸的 濃濃的茄膏味道厚多士好厚身，好脆，但又唔會太脆，岩岩好另外我點了熟蛋- 特濃沙嗲牛肉公仔麵沙嗲湯底十分濃，好正！ 牛肉份量多 好大塊 好正👍🏻招牌炒蛋好滑 真係好好味， 下次會再黎食 😋👍🏻

琴日大食妹同朋友仔去中環搭船, 所以就過咗去四季常餐食早餐<特濃沙嗲牛肉公仔麵>大食妹一如既往咁嗌左份沙嗲牛肉公仔麵彈牙嘅公仔麪, 配上超級濃郁嘅沙嗲汁, 超級好食四季嘅沙嗲汁有陣陣花生醬味, 配上大大塊牛肉, 幸福感好高早餐只要$38, 仲有野飲都幾唔錯<四季茄牛通>至於朋友仔就嗌左份招牌嘅四季茄牛通茄牛通份量較沙嗲牛麪少, 但蕃茄底同樣超揼本, 酸酸地好開胃牛肉同沙嗲牛肉麵係同一隻肉, 朋友仔話配上通粉都幾唔錯

想食常餐，不想走遠，就來到了新開的四季常餐。新店比舊店大一倍，乾淨企理。食物選擇和舊店一樣，都是主打常餐和幾款客飯。和同事點了2個常餐，我是雞湯火腿通粉，同事則是沙嗲牛麵！上餐超快，落單2分鐘即送上枱，果然是中環的節奏。這裏的炒蛋多士做得好到位，多士香脆鬆軟，炒蛋夠juicy。沙嗲牛麵個汁超濃，雞湯通塊火腿都是用靚料的，所以質素絕對有保證。一個餐索價$48不算平，但質素穩定的話也是值得。唯一可惜係杯奶茶不夠濃滑，不然這個餐也十分令人滿意的。

曾經位於威靈頓街嘅四季常餐係風靡一時嘅「打咭食店」，憑住出色嘅港式常餐為中環帶嚟一股新風氣。可惜最近因為一啲負面消息而導致結業。今次突然諗起佢嘅炒蛋同奶茶，決定去為於德輔道中嘅分店回憶。同往日不同，假期嘅早上四季常餐顯得有點冷清，雖然仍然有七到八成入坐率，但卻欠缺店外嘅一條條長龍。超濃沙嗲牛肉麵沙嗲牛肉麵可能係港人常餐特餐嘅至愛，而呢個特濃版嘅沙嗲牛肉麵亦不負所托，成功刺激我嘅味蕾。首先係牛肉嘅份量充足，而且沙嗲味比平常沙嗲牛肉麵濃得多，整個湯底都係沙嗲味。不過牛肉略嫌未感覺到特別新鮮或有鮮滑牛嘅彈牙。真．忌廉雞湯通配火腿移風易俗從來係難事，而去改變一般人對湯通粉嘅感覺亦殊不簡單！一般茶記嘅湯通粉都係無味、無味、同無味。但係四季常餐嘅忌廉雞湯通粉卻係非常濃厚，每一口都會有想繼續食衝動。唯一挑剔係通粉可以再彈牙啲，會令成個麵嘅層次再提升。炒蛋、牛油多士及凍奶茶炒蛋一直以嚟都係四季常餐嘅佳作，而今日亦唔例外。超滑嘅炒蛋亦都帶有豐富嘅牛奶味，加上搽上一層薄牛油嘅多士，絕對係港人至愛。而凍奶茶亦一如以往嘅出色，茶香奶滑，亦唔會添加任何冰塊，keep住奶茶嘅香濃。味道 ⭐️⭐️⭐️⭐️服務 ⭐️⭐️⭐️⭐️環境

Craving for local Hong Kong style lunch, and walked pass Seasons Cafe. Was debating whether I shall come for a try, given to their iced lemon tea incident. Since there is no queue at all, went in for a try anyway! Told myself - just don't order any iced lemon tea! HahaIn my first visit, I came to try out their beef macaroni with tomato sauce. Am not a big fan of tomato sauce items, not sure why did I order that actually... haha! That was fantastic, in which was a surprise to me! The toast was wa

一早起身上瑜伽課，做完運動後倍加肚餓，與朋友到附近的四季常餐。記得每次來都是點他們的忌廉雞湯通，今天想試一試新口味，選擇了鮮蕃茄牛肉通，配上炒滑蛋和厚多士，這個通粉乾身有點像撈通，沒有太多的水份，蕃茄味道濃郁，通粉略嫌煮得太腍而我的朋友點了滑蛋叉燒飯，賣相一百分，如果喜歡重口味的可以點這個，因為朋友覺得佢略嫌偏鹹而我未有fact check最後還有熱奶茶，和港式的一樣，奶茶味道濃郁，少許不夠熱🙃🙃🙃

對唔住，我冇辦法影到比大家睇清楚呢間嘢啲飯普遍硬，硬到有啲生嘅感覺，硬過我條命嘅感覺！舊鋪嗰時就話太多客，煮唔切疫情期間，客量減半，一樣煮得硬老一輩或喜歡食硬飯，不要錯過味道方面：好食

四季常餐最近中環店有不好的投訴醜聞，也突然之間結業，但對我來講絕對不受影響，人們不去我就偏偏要去的心態來到中上環新店食我的好美味早餐。如不是新聞報道我也不知永年是名人兒子開的店🤣服務員態度非常認真殷勤👍餐廳裝潢高質素而簡潔，光亮、乾淨，有空間不迫夾，我好喜歡白色磚牆。蕃茄湯牛肉通粉配炒蛋多士招牌炒蛋炒得非常滑溜，蛋香口感濃郁長方形厚身多士烘得又香又脆蕃茄湯材料足湯極之濃郁甜甜酸酸開胃又好好味牛肉粉粉的大大塊有嚼頭好新鮮嫩，口感極佳通粉選用有坑紋口感富彈性，不會太腍美中不足是熱檸水有點苦澀味。常餐價錢只是$48在中上環區來說實在超值，店內菜式簡單卻不失美味值得幫襯。

黑仔的我, 享受那廿蚊雞.....看到有點啡色並非烘得熱脆脆, 而係包係一條麵包嘅開始; 蛋雖然仍滑滑, 但已不像從前般豐滿了;  蛋治嘅溫度不及收銀嘅熱情歡待.七分滿嘅齋啡, 味道還可.

其實要等一等, 為製作一份美味嘅蛋治, 坦白說我覺得不是問題...之但係, 一去到無晒蛋治, 仲諗住今日佢哋大賣, 勁呀!  等了幾分鐘, 滿心歡喜地收到由那份蛋治, 點知是唔熱, 唔暖嘅一份蛋治, 即時令人覺得等一份好無熱度嘅蛋治等得唔值, 何解由廚房拿出來嘅都可以唔係熱到燙手  另外, 跟那份餐嘅餐飲: 咖啡, 都係唔熱, 唔暖, 實在令人失望至極  每星期都會食兩三天,.... 今日令我失望... 另外想提一提,  餐廳外面有一個吸煙地方正正位於收銀處外, 當有吸煙人士於此處享受之時, 便會令那些煙霧隨隨飄入餐廳之內, 令近門口嗰幾枱客人無奈地吸二手煙.

呢間「四季常餐」新開咗一排，其實就喺我公司附近，不過我都未幫襯過😅 一到lunchtime 門口經常排長龍，心諗一定係有好嘢先會吸引到咁多中環人排隊！今朝經過門口見冇乜人，就叫咗個外賣早餐「蛋治+熱奶茶」，其實佢已經預早準備晒啲蛋治同熱飲，放晒喺熱櫃入面，可以保暖之餘又啱晒繁忙嘅上班族分秒必爭👍 呢份早餐只係$20，我以為自己聽錯，中環一份早餐廿蚊，仲要係大街舖頭？但係真嘅！😳平嘢係咪冇好？先講奶茶，夠熱👍 有茶味👍唔算多奶，啱我😋 見外賣冇另外比糖包，以為佢已經加咗糖😓 好彩，係冇加糖嘅！所以如果大家需要落糖要問佢拎，我自己飲慣走甜所以覺得冇問題😆至於份蛋治，麵包係厚切，但口感鬆軟，裡面係炒滑蛋，一啖咬落去感覺係軟同滑，唔會嚡口，而且仲要份量唔少😱 男士肯定都夠食！咁嘅質素只係$20，比較喺便利店一份凍三文治+咖啡都要$22-$28，呢間CP值好高，應該會係我嘅長期早餐店 🥰

係附近番工間中都見到lunch要排隊。今日就決定入去試吓個早餐。望到個餐牌就見到A餐有隻手指公，即係推介食品啦，咁咪試吓囉睇吓有咩咁把炮。嘩！來到的時候已經覺得賣相唔吸引本來肚餓的我已經覺得飽左一半。再試下先，嘩出奇地難食，茄汁好酸，通粉無口感，牛肉似白烚放上去，完全無味！成碗野食左好耐先食得曬真係好差⋯⋯茶餐廳杯野飲最重要，我點咖啡少奶，飲落好一般唔夠香濃唔夠滑。多士又無炒蛋又無都要$38! 唔抵食亦好難食!第一次食亦最後一次!! 絕對無下次

之前上網見網友介紹過呢間新店尋日下午茶經過中還就試吓呢間新野,叫左叉燒滑蛋飯同埋海南雞飯,叉燒滑蛋飯堅係滑蛋好好味，海南雞飯冇骨連雞胸都好滑D油飯就唔夠香不過都算oK啦，奶茶咖啡正常，D座位坐得OK都算寬倘，地點方便下次去開中環會再幫襯

同事推介左食四季常餐好久，加上佢又開左新分店，所以今日就去會一會佢。我叫左常餐✔️茄牛通粉+炒蛋多士+飲品$48 茄牛係用碟去載，所以無咩湯，個茄湯我覺得係加茄膏，所以欠缺鮮味。到重頭戲，炒蛋。都炒得叫滑，但好似太水，好似加太多奶去炒。同事叫左下午茶餐✔️叉燒炒蛋配秘製豉油汁飯$58呢個不錯，只係彈嘅份量不太多，叉燒可以切細粒就好，原塊叉燒有啲大，同埋豉油汁唔係太夠總括來講，外界話好好食，我覺得實在太誇張。