四季常餐 (德輔道中)

營業中

休息中

今日(31-10-2020 Sat)無所事事,老公話出行中環Donki,咁我哋嚟想懲罰嘅呢間,我哋嚟到時仍然係lunch time,等咗幾分鐘就有位,我哋要咗:1. $58.00嘅叉燒炒蛋飯配秘製豉油汁叉燒係薄同瘦,口感唔會好嚡;炒蛋嫩滑多汁;秘製豉油汁唔鹹;但飯粒乾,唔夠腍.味道: 4.7分2. $59.00嘅泰式無骨海南雞飯份量唔多,雞肉爽滑同嫩,完全唔嚡,重要雞味夠濃;油飯夠味但同樣係唔夠腍味道: 4.7分3.-4. 餐飲要熱奶茶同熱檸水睇見老公杯熱奶茶幾深色,飲吓先,茶味夠口感滑,我哋冇落糖,如果落糖應該好好多.味道: 4.7分熱檸水正常冇問題.抵食係2.7分

星期六下午茶時間等了一會兒才有位，餐廳內位置寬敞，與隔離枱不會太靠近，枱上放有消毒搓手液，侍應把餐具放進熱水杯內給我們，十分衛生。下午兩點半有下午茶，茶餐內有招牌多士$38，常餐$48會有多個麵，見到餐牌常餐都幾吸引，又未食午餐，便與朋友一人一個常餐。.沙嗲牛肉公仔麵常餐 | $48上枱時公仔麵剛熟，不會過淋，湯底微辣，牛肉不韌。滑蛋好水嫩，有少少胡椒粉味，但碟底有些焦燶，多士烘得乾，搽了牛油再烘底，牛油全都吸收在多士上。餐廳沒有朱古力，只有阿華田，華田好濃味。

放假去左中環行下食下野，經過見到四季常餐今日竟然唔洗排隊即刻衝入去。入去先度體溫再安排入座，我同朋友安排左中間大枱位置，座位分到好開，坐得好舒服。茶餐廳當然係食常餐啦 😍😍 叫左個特濃沙嗲牛麵餐，好快就到。個沙嗲湯真係好濃，肉應該係鮮牛肉，好入味，好好食！個麵好大個，黎到唔會淋曬，好味 😋 炒蛋好滑，多士都好新鮮！好正呀！ 朋友叫左個滑蛋义燒飯都好好味，佢話落左蔥個味道好夾。可惜我唔食蔥 😛😛職員不時提客人餐後要帶返口罩，有責任又有禮貌，低讚 👍🏻👍🏻

茄牛通配多士炒蛋 $48通粉唔會太腍有咬口。湯底配以蕃茄肉超級濃郁🍅帶微微嘅酸味好開胃😋但牛肉略嫌嚡身冇咩肉味。多士夠鬆脆又唔會太燶，帶有濃濃嘅牛油香🧈炒蛋味道濃郁唔會老夠嫩滑🤤🤤叉燒炒蛋飯配秘製豉油汁 $58炒蛋都係一樣夠曬嫩滑👍🏻叉燒係偏瘦嘅，鍾意半肥瘦嘅朋友可能會覺得乾，但👧🏻就食開瘦叉燒😂秘製豉油汁唔會死鹹，味道平衡，用嚟送飯一流呀😋如果醬汁再多啲就好喇！我哋黃昏6點去到，有幾款晚餐已經售罄。後來先知而家原來冇晚市，夜晚7點就last order，大家想去就留意番喇！

疫情下真係多咗外賣，日日外賣都想轉轉口味，所以今日就黎試吓佢。因為平時成日經過都見到有好多人喺門口等，睇埋食評啲人都讚多，所以今日外賣就試吓佢！無骨海南雞飯，第一口就試左飯先，只覺得飯唔算油只有咸味，普普通通，再一口無骨雞，的確無骨，雞都算滑，但份量唔算多亦就可以接受！而奶茶就比較苦，如果下次再飲一定要多奶

假日準備搭船出外行下，係中環碼頭附近搵野食，最後決定行幾分鐘到呢間茶記。一行到附近已經排行十幾人，有諗過放棄，但見到店鋪裡面間隔座位非常闊落，間哂膠板，好似好舒服，所以照排隊😆排左廿分鐘到就到，比想像中快👏🏻點左叉燒炒蛋飯同常餐沙嗲牛肉公仔麵，唔好睇啲食物好似賣相無咩特別，真係一路食一路讚！首先，叉燒炒蛋飯既配汁好好味，好香既豉油味帶少少甜味，連炒蛋連飯一齊食味道好有層次！另外，沙嗲牛肉麵又係另一驚喜，沙嗲汁味道好濃厚，唔係一般食開既沙嗲一滴香！總結：食物質素真係100分！

在 Staycation 期間，返工前找地方食早餐！想到位於中環德輔道中對住電車路的新茶記 <四季常餐>； 當時，食客入座已經要戴口罩嘞！第一次幫襯，已嚐過這裡的蕃茄牛肉湯通粉早餐， 第二次預多些少時間，叫埋炒蛋多士更豐富飽肚！ 早餐 (8:00 ~ 11:30am) 四季茄牛通 $38 常餐 (8:00am ~ 9:30pm) 四季茄牛通 & 炒蛋多士 $48四季茄牛通 色澤鮮紅色的蕃茄湯，湯底濃郁，酸香醒胃！ 牛肉軟腍易入口，坑紋通粉軟硬適中又入味！令人回味無窮！炒蛋多士炒蛋仍有蛋汁，濕潤滑溜！蛋味香濃！多士香脆，與炒蛋同食，就是香脆版的炒蛋三文治，難以抗拒呢！熱檸檬水有3片檸檬，充滿檸檬果酸，含有維他命C又健康！以中環區地舖來講，略嫌有點貴，久不久食一餐也可以！

再一次嚟食晚餐 💁🏻‍♂️，佢係走茶餐廳路線，所以餐牌選擇唔多，不過serve your needs 最重要。今次都係放工嚟食晚飯，19:40到，唔使排隊 😗😗😗。每次我都係度温度先入，佢哋每張枱都有搓手液 💛。上次試咗滑蛋叉燒飯，今次試日式滑蛋豬扒飯 🐷🐣。等咗一陣，店員拎咗個 gas 爐嚟，我以為俾錯我，點知無錯 🤭 佢係有一鍋吉列豬扒 😝，一碗蛋汁同一碟「山形」飯🍚。可能我比較井底，第一次食火鍋式吉列豬扒飯 🙈 唯有扮嘢咁，打開嗰蓋，淋啲蛋汁上豬扒面。 🤤其實煮蛋呢，都係煮一陣（可能有一分鐘⏳ ⌛）我都唔再煮，熄火食🤗 。先試吉列豬，有點點失望，因為有點乾，但蛋呢，因為好新鮮，所以好正，可能我好快熄火 🔥，都係濕，唔錯 ✌🏻 期待下一次再嚟有新發現 ☺️😚😉$68 我覺得value for money 💰

讚1.幾年前開第一間時食過，跟住斷續都有食過，味道始終保持水準，滑蛋叉燒飯既汁甜身惹味，滑蛋滑得黎唔會有果種似未熟既感覺，飯粒乾身，叉燒厚薄均勻，真係樣樣都唔錯2.環境好闊落彈無乜

話明常餐 蕃茄控朋友梗係叫茄牛通啦！入到去 已經快速叫左茄牛通炒蛋多士餐一黎到 碗野就係滿滿既蕃茄蓉 再加幾塊大大既牛肉 貌相唔錯～識食一定係食通粉 蕃茄蓉連通粉一大淡食落去先夠爽🤭 唔算太酸 有茄肉食到 可以接受既 通粉口感剛剛好 唔會話一pat pat。牛肉方面都算嫩既 唔太難咬 如果多幾塊食到就好啦～炒蛋正正常常 應該都係加左奶炒 都唔錯！多士 都香口 外脆內軟 🙈想速食朋友都可以試下～ 下次可以試埋佢其他常餐 睇落都幾好食咁 ～

呢間四季常餐長期都好多人排隊，今次難得十一點幾嗰陣見到唔洗等位，就入黎試下。沙爹牛肉麵常餐 $48呢個餐有一份沙爹牛肉公仔麵、炒滑蛋、一杯飲品同埋一塊多士。多士烤得外脆內軟，牛油搽得相當均勻，啖啖都有牛油香。炒滑蛋好滑，又充滿蛋汁，唔會過熟，好好食。沙爹牛肉麵嘅麵底唔軟唔硬，煮得啱啱好。更重要嘅係，佢嘅沙爹汁非常充足，令到成碗麵都有濃濃嘅沙爹味，好好食。牛肉份量亦都唔少。$48一個常餐唔係特別平，亦唔係特別貴。同價位黎講，呢間算好好食。食完之後明白點解會長期咁多人排隊。

味道：⭐️⭐️⭐️作為香港人 應該對呢間餐廳應該一啲都唔陌生呢間係黎生次子開既餐廳 得閒經過一定要大大力懲罰💪🏻❶瑞士汁乾炒牛河肉通 $43喺香港食到炒通粉嘅餐廳唔係好多冇諗過係四季常餐竟然會有！😻所以諗都唔諗就叫左賣相來講都相當吸引有一隻生蛋係通粉面食落牛肉都幾淋幾入味😋不過略嫌通粉唔算入味 聞落香噴噴但食落有啲淡有小小失望 而且平時食乜都會走蔥既我今次失策失策所以對於我來講扣咗分😩下次去試嘅話一定要試下常餐 好似好吸引咁！雖然我比三粒星但你哋去中環既話記得懲罰下佢👍🏻

若不是其他茶餐廳週日休息，我先唔會來呢度。入門口無人睬，行入去又叫你出黎量體溫，好心喺門口安排人手啦。呢d係小事唔計較。但d早餐訂價都算cp值相當低，得幾款，揀幾都揀唔到！d番茄牛通太重口，又酸又鹹到食唔落，沙爹牛公仔麵都係超級鹹！人哋既早餐有麵+蛋+多士+嘢飲唔駛35蚊，呢度38起，麵/蛋配多士二選一咋。。。更差係d服務態度，男仔稍微好d，有個染黃頭髮既女仔，我真係頂唔順，態度差到懷疑佢唔想做呢份工，唔鍾意唔好勉強自己啦，三個人俾兩套餐具！叫杯水，當睇你唔到，叫到第三次勁唔耐煩話睇到啦！睇到你唔出聲？？收餐具，一粒聲唔出，唔識問下人食完未嗎？真係惜字如金，講一個字好難為你咩？帶朋友來呢度真係落晒面！以後唔會再來！唔抵食仲要食一肚氣！投訴！投訴！

係上環要食到價錢合理既晚餐真係唔易，仲要有茶記味但環境唔太差就更難🙈嗌左個常餐茄牛通，有滑蛋同烘底牛油多士，茄牛通就比較酸少少，但都好香蕃茄同胡椒粉味，牛肉就比較普通。但最精彩係個滑蛋，上枱已經望到唔錯，食落夠滑而且有蛋香，無幾多地方正到咁😝🤤仲要價錢合理！海南雞飯就去左骨，亦都夠香夠滑，而且飯唔會太濕！加左豉油就更加好味，只係略嫌分量比較上少左d，未必會食到飽🙈不過最特別既係奶茶無冰但可以夠凍飲，岩哂扮養生既人🤭🤣最後埋單120有找，上環真係無得頂！

今晚準時收工，所以想去食好嘢，本來想去上環食「籠點心」，但係已結業😭😣。所以食另一間，好掛住啲蝦多士😫😫😫。第一次嚟幫襯，唔使排隊，2位有卡位坐🥰。朋友點了常餐，我就被店主推介嘅叉燒蛋飯🐔🐣🐷吸引住。好大食呢🙈 朋友點嘅常餐同其他茶餐廳嘅差唔多，我嗰碟叉燒蛋飯就滿有驚喜😁🤟🏻 你睇，啲蛋唔係煮到硬嗰種，係半熟炒蛋🤤🤤🤤 望見嗰樣已經流晒口水🤭 食落口都滿有幸福感，sorry, 詞貧，都係好好味😋😛😚。成碟食晒😆🤣 嘢飲都係同其他店差唔多🙂 其實佢嘅 menu 唔係好多嘢，但我真係唔介意，最緊要係貴精不貴多。🥰 講真，疫情其間，最緊要揾間乾淨嘅地方，茶餐廳，佢真係做得唔錯，每張枱都有搓手液，間隔又做得唔錯👍🏻👍🏻👍🏻，出街食，最好係揾返間食客好、衛生佳嘅🙂