四哥車仔麵

營業中

休息中

以為附近幾間幾出名的車仔麵幾好食，誰不知搵搵吓搵到呢間，一試就覺得贏晒👍🏻成日响對面食嘢都唔知同一條街有間咁正的車仔麵😙個人好鐘意食河粉，但相信大家都知車仔河粉好難遇到好食，呢度好滑好正！秘制辣椒油超得手🤪🥳我選擇困難時，姐姐話我哋有豬潤同雲吞，餐牌冇的，於是我就叫咗呢兩樣同豬紅…豬膶雖然薄身咗小小，但好鮮嫩😋雲吞自家制，好多蝦，豬紅入面有味道，幾好，如果夠熱一定仲好味👌🏻仲有自制菜莆，不錯！一定會成日去食💪🏻快啲整返好個招牌啦！三餸連凍飲都係$37，邊度搵冇得輸

今日揸車去黃埔家興掃貨，見到隔離街有間車仔麵幾多人食，就簡簡單單食個lunch。.呢間車仔麵店選擇極多，比一般車仔麵檔多野擇，重點冷氣夠晒凍，岩晒我行到身水身汗😅一麵5餸先收$49，所有貴餸都擇得，新張期間叫碗麵仲送冷熱飲品.(秘製辣汁)菜底配蘿蔔、咖喱辣魷魚、南乳豬手、炸雞中翼、滷水鮮大腸 ，雖然有啲誇張，但呢碗野真係好抵食，每樣料都好多，好似雞翼2件、豬手2件、蘿蔔3件、大腸同魷魚成堆🤣 重點係個秘製辣汁底好夠辣得黎好入味😋我叫菜底個菜吸晒啲汁超正。.(麻辣汁) 公仔麵配司華力腸、蠔油花菇、泰式豬頸肉、柱候牛腩、滷水鮮大腸，除左料多之外，想讚下佢呢燒野炸野真係好食，好似個豬頸肉係好爽又彈牙仲脆脆地，牛腩呢唔會hea著俾得少又好食又入味，唯獨係司華力腸比較其他餸就遜色左啲。但麻辣汁味道就比較淡，個人比較喜歡秘製辣汁多啲啲，但麻辣就麻好多既。.小食加左「炸雲吞6隻 $30」、「炸韭菜餃4隻 $18」、「酸齋$18」呢間炸物係出色既，炸餃好脆，有個好強烈對比，好似下下會爆汁咁👍🏻鍾意食脆口野既唔好錯過。.呢間車仔麵都算係有啲驚喜，足料抵食又好味，尤其個秘製辣汁，加油支持多啲小店💪🏻💪🏻

呢間車仔麵店除咗有車仔麵，仲有海南雞同各款泰式美食，選擇非常多😍。.佢哋定時有新嘅車仔麵配料，次次食都有新野，好有新鮮感。.🥢牛腩雲吞生菜米線佢哋嘅車仔餸款式好多，樣樣都好吸引🥰。牛腩軟腍入味而且份量唔少。.雲吞有啖啖蝦肉🦐，鮮味又彈牙，好有驚喜！.生菜翠綠清甜又健康。沙嗲醬有好香花生味🥜。米線煮得啱啱好，保持到彈性，配埋香濃嘅沙嗲醬一流。.🧊紅豆冰 +$8粒粒紅豆又甜又夠口感，椰汁香甜消暑，夏天飲一流😍。.

紅磡寶其利街家庭式經營小店四哥車仔麵，食物選擇大眾化價錢與食物質素性價比超高， 而且賣車仔麵也賣海南雞飯， 與同事朋友 屋企人黎， 想食麵又得想食雞飯都得， 大家都有得揀。海南雞飯雞肉份量超多， 一睇就知對版 ，吃落去皮肉爽滑仲要唔肥， 亦都有層啫喱係皮下底 ， 油飯 有薑黃與及椰汁香味， 醃蘿蔔也不錯吃， 四十幾蚊一大碟抵食。海南雞飯仲送埋自家煲的家常湯， 南瓜雞湯 香甜冇味精，是家的味道。車仔麵材料選擇多， 梗有一樣 啱心水。 揀兩送三送四送都可以， 蘿蔔蠔油少冬菇牛筋腩， 小冬菇 入味又又好食 ，蘿蔔鮮甜 ，牛腩啖啖肉。 三十幾元大大本冇得彈。麻辣木耳秘製麻辣 汁那陣濃厚麻辣味， 麻、辣、蒜蓉香都俱備， 木耳爽口，讓人一試上癮。麻辣手撕雞麻辣手撕雞 肉爽不會柴， 加埋清涼暢快的青瓜， 夏天食超爽.順帶一提， 餐廳新開張叫主菜送飲品， 自家製檸檬檬薏米水， 和自家製五花茶是 超有誠意之選。

咁岩經過見到新開張 就入去試下入到去店員會安排坐位 隔左一陣就已經滿座 仲有d人係叫外賣 店員都好好服務 會介紹食咩 推介左海南雞飯 不過我地都係想食車仔麵多d 唯有下次先再試海南雞飯 另外因為小店所以坐位比較密 但店員見到客人坐得迫 就會主動幫客人移鬆少少 呢點值得一讚👍🏻廚房係開放式廚房 上面都會有寫低特價野食同埋沽清野食 另外就算餐牌冇寫都有機會可以食到 例如有客人鐘意食豬大腸做小食 都會整比佢枱面好乾淨 唔會油林林 係疫情期間更會着重衛生 亦都有部空氣清新機 都係一個加分位🍽四餸麵 $43 (糖心蛋 甜酸齋 滷水鮮大腸 蠔油小花菇 腩汁公仔麵)甜酸齋個味道夠濃 唔會比個湯整到淡左味花菇炆得夠林 易入口 出面小見大腸唔會咬唔爛 但就得幾件 唔多夠喉湯底不過不失 腩汁底略嫌唔夠味🍽四餸麵 $45 (糖心蛋 紅腸 炸雞中翼 墨魚丸 沙嗲汁烏冬)雖然雞翼浸左落湯入面 但食落都仲有d脆墨魚丸好大粒 差唔多成個匙羹咁大糖心蛋 其實唔算係糖心蛋 只係一隻半熟蛋 仲要煮多少少時間先得 同我想像用味林 醬油浸既唔同🍽腐乳通菜 $12通菜幾爽 唔會太林 而且又唔會太多水 正常水準🍹檸檬薏米水(跟餐

好耐都冇嚟過呢邊，有地鐵過嚟真係方便咗好多，聽附近既人講呢間新開冇幾耐又平靚正幾好食就試下佢先😁環境新淨，服務員態度好好，家庭式既感覺，好舒服😌見到佢除左車仔麵都好多選擇，可以試好多唔同既野🤩車仔麵🍜牛腩汁配薯粉(炸雞翼，鴨腎，豬紅)豬紅超入味😍鴨腎好脆口，份量又多🥰炸雞翼炸到岩岩好😋個湯底連我朋友都讚👍🏻飲得出個湯底熬咗好耐，心機之作🤭車仔麵🍜牛腩汁+秘製辣汁配烏冬🍜(豬頸肉，豬紅)豬紅真係必點✅冇得輸架！豬頸肉外脆內嫩，仲要厚切比我🤩足料！不過小辣稍微有點辣，唔係好食得辣嘅人就慎點😆川味口水雞🐓醬汁酸酸地咸咸地，又開胃又夠味，仲要好滑👍🏻我地連啲青瓜絲都食哂就知有幾出色喇😆飲品：除左啲基本野飲之外仲有特飲，最開心係有自家製既檸檬薏米水同五花茶，健康之選💋

車仔麵是香港的特色，客人可以選擇不同類型配料加進麵食內，符合香港人的多元化選擇，非常受香港人歡迎。今晚便選擇了一間以泰式為主的車仔麵。麻辣豬頸肉$55，豬頸肉經過炸煮之後，外皮香脆更容易吸收醬汁的味道，肉質爽口彈牙。一麵五餸$49，泰式豬頸肉、滷水鮮大腸、蠔油小花菇、甜酸齋、蘿蔔幼麵，其中以蠔油小花菇，香甜可口。麻辣醬，香辣美味，是喜歡麻辣的必選之一。咖啡紅豆冰$20，咖啡混合軟腍的紅豆內，味道適中，好唯有泰國特色。菜心$12，唐生菜$12。這裏的蔬菜份量十足，以這個價錢來說，非常便宜。吃點蔬菜對香港人來說，都是一個健康的選擇。凍鴛鴦，咖啡和奶茶混合之後，非常美味。由於這裏新開張，所以有部份飲品是免費的。

近排黃埔新開咗好多食肆，最近又有一間新嘅車仔麵啦💁🏻‍♀️四餸車仔麵 ($43)朋友叫左響鈴，生根，咖哩魚蛋同牛腩配幼麵，佢各樣餸既份量都幾多，偷食左朋友一舊牛腩都夠腍同埋好入味😋😋五餸車仔麵（$49)另一碗米粉就配左芝士腸，牛肚，大腸，豬頸肉同埋豬手🤤🤤豬手勁腍好多膠質🐷🐷大腸勁多粒，食極都仲有腐乳通菜 ($12)好耐冇食過通菜，佢d 腐乳份量好足，夠點哂成碟😚😚檸檬薏米水柚子蜜新張期間可以送飲品，有自家製既檸檬薏米水，幾清新幾好飲☺️☺️📍 四哥車仔麵 (紅磡)紅磡寶其利街39號華寶大廈地下2號舖#香港美食 #香港必食 #hkfoodie #hkfood #hkfoodblogger #hkfoodlover #hkfoodpic #hkig #food #foodie #foodstagram #foodblogger #berryfoodie

黃埔呢頭向來都多好嘢食又多小店，見到呢間新開張嘅舖頭，門口好多人等外賣，原來係食車仔麵嘅，見入面有位即刻入去開餐餐廳小店格局座位唔係好多應該有七八張枱左右，食物方面除咗車仔麵仲有飯同撈丁揀，又有好多款小食而車仔麵方面，種類超豐富，應該有超過40款嘅配菜可以揀，價錢都幾經濟，叫五餸面都係$49，佢伸張期內仲包杯飲品我揀咗河粉：豬大腸、魷魚、魚片頭、香茅豬扒；朋友揀咗米粉：紫菜、蘿蔔、咖喱魚蛋、魚皮餃，兩碗車仔麵都好分量十足，河粉好滑身，仲有一定要讚佢嗰隻辣汁，辣得好刺激，我揀咗小辣但都覺得好辣，食得辣嘅朋友可以挑戰下，同埋一定要加佢嘅秘製菜脯另外仲叫咗香茅炸雞中翼同菜心腩汁，香茅雞翼炸得超香脆，菜心吸晒腩汁嘅味道呢間小店嘅食物製作相當用心，真係值得幫襯呀

紅磡寶其利街小巴站附近開左間新嘅車仔麵鋪，夠晒方便，緊係即刻去支持下啦！估唔到$37三餸車仔麵咁經濟實惠嘅事係香港仲存在，三餸仲要唔限$9/$11/$13類別嘅餸～新張期間車仔麵套餐/飯餐/撈一丁餐仲送冷/熱飲品！我叫左通菜、五香牛肚、香茅豬扒，沙嗲汁湯底，加$2轉薯粉。大大碗各款餸嘅份量都唔吝嗇，通菜好新鮮好嫩，牛肚都幾爽，沙嗲汁徹底mix入清湯後惹味又唔太鹹。如果薯粉再硬身少少就更好～飲埋送嘅凍檸茶走甜簡直爽呀，唔洗$40就落到樓！同事試左泰式海南雞撈一丁，個combo好得意但聽聞好似鹹左d。呢個新鋪性價比幾高，而且地點便利，order出得都快，係唔錯嘅quick lunch之選！