四哥火鍋 (已結業)

諗住去食麻辣火鍋，點鬼知執左，見到有間新開火鍋店叫四哥，個名好巴閉咁，就去試下。一坐底，見到個三點蟹卜卜蜆鍋就試下佢，老闆親自在鍋中放兩隻三點蟹，兩斤沙白，之後加湯，滾左熄火再焗焗佢就飲個湯食沙白食蟹先，呢個鍋第一個感覺比我係鮮甜，足料。第二樣黎左個象拔蚌刺身，叫左個細既，份量兩個人岩岩好，重要厚切，好爽好甜。之後再叫了黑栢葉，珊瑚同貴花蚌，肥鵝腸，厚切牛舌，本地手切牛，重有幾樣野，兩個人食左十幾碟。埋單每人900。正常不用這麼貴，因為點了象拔蚌和叫了太多碟火鍋料重點來了，老闆和老闆娘親自serve你之餘，重介紹左佢地自家制既響鈴(免費試食)，放湯1秒已經係入口即溶又唔油。還有他們的豬潤都是一絕，必食推介。

第一次來到這間火鍋，點我最喜歡嘅肥牛，老闆介紹食牛皇，真係堅好味，然後再叫埋象拔蚌刺身，食法同係三聖食果啲相似，但佢就抵食好多。最值得推介嘅係佢個椰青雞湯底(唔記得果名係咪咁)，佢先上烏雞係煲裡面，然後係你面前再加上湯同椰青，煲一陣就飲咗果湯先，然後先開始打邊爐，啖湯係好飲嘅，有機會下次想試吓個胡椒豬肚湯先!

哩幾日天氣凍 週圍都好多人打邊爐 睇見有新開既火鍋店就諗住試下 佢入面仲有卡位坐 岩曬我地三個女仔 可以傾下計 點知俾我地亂入都搵到好野 哩間食材都幾新鮮 用料五差 最重要係埋單價錢還算合理 算同區比好多火鍋店平。。。尤其個牛肉正到不得了平時都五影相 因爲對個牛肉印象太深刻 所以淨係影咗個牛肉俾你地意會下甘啦