四哥台式雪花冰專門店 (已結業)

其實呢間之前(一年前的2011年12月31日)都幫親過。果次食完都覺得好難食。見近排新年的時候行過，門牌貼晒紅紙，見到"內部裝修" 心念應該專左手掛？ 咪去再試下羅，點知籟晒野!我地兩個人叫左兩個甜品外賣。鴛鴦湯圓(熱)$27 8粒湯圓湯圓皮不均暈，厚皮果邊就未熟(仲係粉!!!!) 薄果邊就霉晒。 個"糖"水只得薑味。雪嶺雙雄(凍) $40芋圓&地瓜圓超硬。一D都唔凍，室溫! 超嘔心! 請問你地有無放D牛奶入雪櫃架?!?兩碗都無食晒就倒佐呢間野只比左個感覺我: "小朋友玩例泥沙"

晚上大慨11點來了這間好評不少甜品店來試店內空間實在細, 座位是十分擠迫的一打開MENU心知不妙, 因為很多甜品都貼上暫停供應的字樣,本身想試雪嶺雙雄的, 可是賣光了, 之後選了芒果味的綿綿冰也沒有,在剩餘的餐牌上沒有貼暫停而可以點的3,4款口味綿綿冰選了兩款咖啡味的賣相不討好, 咖啡味夠的, 但旁的配料並不特出桃味冰比較淡口, 不難吃也不算好味兩款冰的斃病是份量實在很少, 很快可以吃完而且配料也一樣少, 坊間這甜品比比皆是, 用雪花冰掛帥的店希望能夠多給一點心思吧

好多年前o係台灣淡食食過一個超級正o既草莓綿綿冰 ,就連再去台灣都己經食唔返 , 近年香港吹台風 , 台式飲品 , 豪大大雞扒 , 台式綿綿冰 , 全部大受歡迎最想食o既冰店食得多左 , 呢日就o係 Openrice 搜一搜尋睇下仲有冇邊 d 有台式綿綿冰o既熱店係未試過 . 又就近又多笑臉o既 , 搵到太子呢間 " 四哥 "當日到訪時店外搭緊棚 , 連個大門口都有個棚o係頭頂 ,係烏低身先得到入去 , 入到去係無人理我地o既 , 坐低都無人見到等左陣視察左四邊牆o既 menu , 再自己拎左一張 menu ( 無人招呼 )睇落呢度 d 冰o既味道都幾特別 , 另外呢度仲有 d 小食 , 而d 冰全部有 standard , 相信味道店方應該夾好晒 ,唔會有咩差錯o既1 情人知己~ 情人果味雪花冰 , 配料有蒟蒻粒 , 椰果 ? 爆爆珠 ? ( 忘了 ...)總之全部都係o個 d 大大桶訂返黎o既台式 " 膠 " 製品 , 情人果即係青芒果 , 應該係酸酸地 , 少少甜 , 似生o既芒果味o係台灣好多地方都有情人果冰 , 有埋果肉 , 好爽口好清怡但係呢度個情人果冰 , 好淡 , 甜

從未試過去食野係咁受氣!同3個朋友做完運動去呢間野食甜品因為做完運動唔太餓關係4個人叫3客雪花冰share叫個陣已經問左個哥仔有冇問題 因為佢寫住每人minimum要食15蚊..問左食夠60蚊就okay (而我地叫左140蚊野食)好喇..同佢講話想要4個bowl share雪花冰因為有男有女..d冰溶左好難share架嘛 佢話冇得提供..fine你一句duck埋黎..算數!!問都唔肯俾 離晒大譜如果4個日想share糖水唔知點share呢,真係搞笑好喇..岩岩食完傾左10分鐘計就有個金毛走埋黎大大聲"食完唔要喇嘛..同你收左佢!"見佢好似做得耐d..又問下佢啦點解唔俾bowl人share喎當反映下意見佢好風趣喎,同我講"你用個spoon未share到囉!"我就問佢咁易溶d冰 又食下呢隻味隻spoon又差落等二隻味到未搞到d冰好怪佢就話喇 "唔想你地d人share呀"嘩..咩事呀,4個人食百四蚊甜品我唔覺得有咩問題 況且叫之前已經問清楚!!你都係寫每人最底消費15蚊渣喎你咁講不如寫限住每人叫一樣野食喇 咁大家都知咩事跟住就超住我行去第二度抹枱 我話問下姐唔洗咁大反應呀佢又塊面紅晒大聲咁話

上星期六晚上7時左右來食甜品, 咁岩係d員工食飯時候, 但佢地各人都表現好合作好好服務, 唔會話因為食飯時間而不理會客人...今時今日既服務真係好難得.當晚我地叫左紫醉金迷(即係提子味棉棉冰)另外一個係地瓜丸+芋丸+芝麻味既甜湯底..其實2樣甜品都好好味, 特別個地瓜同芋丸做得好好味煙un, 可惜整個糖水敗筆在於芝麻湯底,...個芝麻湯底應該用即食粉整而且淡而無味一點都不討好.至於個棉棉冰仍舊好味,旁邊既配料夠多又豐富,成個綿綿冰都充滿提子味道, 明知都係人造香料, 不過味道都唔算好假, 唔錯!

不太大的舖, 客似雲來, 令人期待味道不錯, 層次分明, 足料, 若然可以溶一點便更容易吃下, 但問題不是很大, 只是吃得'論盡'一點呢很不錯的甜品, 夠軟滑, 杏仁味香, 豆腐味重, 上面少許生果, 整體恰到好處

係對面食完飯後,當然要有甜品先稱得上完結啦!於是就過左對面尼間糖水舖.都滿滿地座,不過重有一,兩張檯.見人地d雪花冰好正甘,就越黎越心急~不過真係花多眼亂,太多選擇啦!最後就揀左芒果椰汁黑糯米 $28+薑汁湯丸(花生+黑芝麻) $28+凬梨雪花冰 $37四個人分.首先黎左雪花冰,好香菠蘿味,不過略嚴份量少,不過都好好味,吾會太甜同埋吾會有好假既生果味!之後就系黑糯米,非常香椰汁味!芒果夠甜!而且同樣吾系好甜個隻,好鍾意尼個最後就系湯丸,都等左幾耐下,不過又幾值得~個湯丸皮好薄,d餡好香,花生同芝麻味都好濃!真係值得推薦,會再去食

因為買左groupon，先會特登黎試四哥。之前睇食評知道有最底消費，所以都係叫兩個甜品好d。男人叫左個綠茶紅豆雪花冰（groupon已俾$)，我order左一個綠豆沙豆花($20)，綠茶紅豆雪花冰個份量都幾細，唔多抵食，而男友就覺得個冰唔夠凍，係d紅豆好食。我叫o個個等左好耐至黎，要催下order先黎...乜唔係一「筆」出黎就ok架拿咩??? 唔知係咪等得耐，我又覺得幾好味！尤其是係ｄ綠豆，好有口感，做法同街外一般唔同，甜度又適中，諗起都好懷念！不過唔多就腳，又唔係平，未必會再黎lu!

其實有用過團購券幫襯食店嘅朋友都會知道, 一般都係越快用越安全~~原因有以下(1)食物質素/分量 有機會因時間越遲而有所下降(2)越遲食就越難訂位, 甚至無位(3)更甚可能無用就執埋 咁當然, 所謂行先死先, 間唔中都會踩雷嘅!!!!繼上次用完團購券覺得麻麻之後, 其實我手上還有3張團購券未用.....一放就已經差不多到期, 打完上次食評之後, 店主回覆會跟進及改善星期5的晚上幫襯, 店內約9成客, 今次 order 了兩客, 分別是香香公主及宇治金時分量回復了之前食的份量, 以團購價 $18 來講, 真係物超所值!!!香香公主--香蕉雪花冰+三色蒟蒻+香蕉片+朱古力漿 (可改選焦糖漿)香蕉雪花冰有淡淡香蕉味, 喺另外兩款配料(三色蒟蒻 & 香蕉片)都係淡味下, 朱古力漿嘅配合剛好為味蕾帶來點點刺激~~~唯一美中不足係, 當日三色蒟蒻並非一粒一粒分開的, 而係幾粒幾粒的黏在一起, 導致減了一點分數~~宇治金時--抹茶雪花冰+蜜紅豆+煉奶抹茶雪花冰不過不失, 有抹茶的苦味但又未太令人難忘, 蜜紅豆係曾煮腍的紅豆, 很軟身, 好味!!! 配上女友及我至愛嘅煉奶, 轉眼間又被吃清光!!!!另

之前團購了兩張雪花冰, 其實係諗住試試這裡的芋圓啦~係門口見到有幾個人等緊位, 於是是我們都係等了一陣, 先入得去坐~裡面坐位真係好迫好迫......坐出面的人要坐埋少少先可以比入面的出來.....我們坐低後, 就睇睇餐牌, 有位耳環哥哥即刻問我們係咪團購, 就話那些可以點, 那些不可以點~於是點了個"黃金戰士", 但無得就咁加芋圓.....失望.......只可以另外叫.......$40一碗, 你們都幾識賺錢喎........唯有點了個湯圓啦~黃金戰士: 係芒果味道, 加上少少火龍果, 配合得幾正(75分) 薑汁湯圓: 甜湯底真係幾正, 仲有薑汁味!!!湯圓係芝麻味, 即叫即煮, 都算新鮮(70分)第二次去食, 我們點了香芋雪花冰+北海道牛奶芋圓香芋雪花冰: 好香芋頭味, 唔係好似用奶粉開(70分)北海道牛奶芋圓: 這是我至愛的芋圓, 但不及台灣的地道芋圓咁煙韌.....麻麻地....又一次失望........(60分)但係服務方面真係.........因為我們食緊中途, 聽到隔離檯的客人昨剛剛食完, 耳環男即刻走埋去叫他們走.....仲同位客人講, 唔該你地比多單生意我做o下啦.

用餐日期：2011-10-08團購團購, 只會食肥唔會瘦...又食啦...!!!睇完戲, 冇食正餐~由朗豪行到過黎...天氣涼涼地都唔覺遠~可能夜晚成10點幾~唔太多人執一執台就有位啦! 友人喜歡食香苧,我就鍾意朱古力,結果分別叫左單上面既兩款(睇相)香苧好香, 不過唔夠甜~朱古力一樣唔夠~如果唔喜歡甜既人士就岩晒~份量岩晒一個人食唔似得"糖伯"個d咁大碟食完晒d冰, 個燒賣仲要等一陣先到~果然係即蒸呀!食落真係好味~~相比起d冰, 呢個真係唔錯~反而就顯得d冰比較一般~總結:配角燒賣先係最好食!見其他台好多都叫左d小食, 應該都唔錯~反而冰就冇預期咁正, "糖伯"好食d~

晚上八時許經過見到門口唔係咁多人, 而且鋪頭外的廣告講到好似好吸引, 食完晚飯就行過對面試吓！鋪頭好細間但都坐滿人, 幸好門口位有張二人檯, 不過真係唔好坐因為街外嘅熱氣衝入嚟雪花冰暫時興趣不大, 還是想試試全人手製作的糖水, 我估那件冰應該是外買貨呱!!! Baileys 木糠布甸$32...布甸挺身, 酒味充裕, 忌廉幼滑凍黑糖湘蓮桂花露$29...那些湘蓮完全未煲淋, 無鬆化而且有些有苦味, 不過那黑糖桂花露芳香撲鼻而且食得出黑糖那獨特味道熱雪嶺雙雄$39...北海道3.6牛奶不是一向以奶味香濃為焦點嗎? 怎麽這碗聲稱用北海道3.6牛奶做糖水底的雪嶺雙雄, 質地較稀而且與普通牛奶無議。 温度雖然叫熱但其實是暖吞吞的, 紅豆夠甜但是不飽滿, 入口的多數是豆皮, 而最可取的是那芋圓及地瓜圓, 芋圓有芋頭味, 地瓜圓也有甜蕃薯味, 味道真實, 圓圓質地軟糯可口直到九時許開始有人龍, 還是快快清掉, 讓座去了。

團購買咗$18雪花冰, 限制多多, 食物又一般, 份量又細, 又唔夠軟棉棉, 如果要俾原價$40 我一定唔會幫親LAW.叫咗個"黑白森林" 無火龍果又唔出聲, 整好咗放低果時才出聲, 是但俾款棷千果就算. 火龍果與棷千果分開叫係唔同價錢架. 分別係$5/3, 間接我俾騙咗$2. 俾其他生果都好呀, 真係過份. 隔離有兩公婆帶住個大約8YR左右既小朋友來食野, 合共3人, 佢地用2張 團購食2個雪花冰 都俾人罵, 話最低消費每人$15, 還欠$9, 我心唸小朋友姐, 洗唔洗咁跟跟計較呀, 加上買團購果時又唔講明, 更無想過佢地用$18計,以唔係用$40計, SO CHEAP LAW. 最後見到個男人無食出咗去, 留下媽媽和小朋友食完兩個雪花冰就走咗LA. 心唸叫多$9食物絕對唔難LAW, 但用咁既手法做生意, 俾我都嬲到唔願食LAW.

為了團購而去食既"棉花冰"~HK$18/份~一行五人用四張團購劵食冰 + 一碗熱既"湘蓮白雪" HK$28在外等位已給搭棚的不知名水滴狂滴, 好想快D入去坐, 等了五分鐘, 終於有位了.隨後叫了四個棉花冰及一碗熱既"湘蓮白雪", 但棉花冰已來齊時, 就快KO全部, 熱既"相蓮白雪"遲遲未到, 向肥哥哥追單, 他立刻幫我地追單, 之後還給我們答覆, 我們已食哂全部冰冰時, 熱既"湘蓮白雪", 還未到, 我便再向另一名"耳環粗漢"查詢, 給回的答案竟然是"你都見到我有幾多人架啦! 整緊架勒! "態度奇差, 未試過食野要俾人反問架~~咁係咪唔追得單呢? 係咪用十八蚊食四十蚊既野就要俾人反問?, 我都係問下, 況且我都食哂所有冰冰啦!最慘係多人就唔想服待你咁囉~值得一贊是肥哥哥, 他真的很有禮!所有棉花冰都係MINI版味道好及一D都唔熱無味既"湘蓮白雪"

喺佢未攪團購前，其實已經幫襯過好多次，之前亦有介紹朋友去幫襯。基本上，食雪花冰的話都剩係會幫襯四哥！貪佢個冰唔會易融，水果味食落亦唔會太假，份量亦足。之前見Groupon 有四哥嘅團購，就只係買咗幾張，因為怕會份量縮水+已經不時　full house的四哥等位都有排等！晚上約十時, 全場爆滿，但門口無人等位，只有我同女友二人，拎了籌等了一會，有張四人枱走，但之後被staff放咗留座牌，再過一陣亦有張二至四人圓枱離開，但等了良久亦未有員工安排座位，只表示暫時好忙請稍等多一陣。最後，被安排了坐之前被放咗留座牌張四人枱!!!! @@””””完全唔知點解要係門口罰企咁耐！明明派了籌給我們等，仲要我地後面無其他人等位；我知，佢地想盡量留得到大枱就留到最後，但明明有吉枱、又無其他四五六人等緊，係都唔俾我地入去坐！家下二人生意唔做、剩係等做四人生意呀？！咩服務呀？！坐下後，用$18團購得來的coupon 點了 黃金戰士 (芒果雪花冰+火龍果+三色蒟蒻+芒果漿; 原價 $40)，另外叫咗阿華田木槺布甸 ($26)。基於用coupon 緣故，都估到雪花冰的份量會細咗，但四哥的雪花冰的確好味過其他店！不過