囍越 (將軍澳中心)

營業中

休息中

我父親在東南亞美食中，他獨愛越南菜，也知道他在這家越南菜館，獨自也光顧過了幾次。今天，趁著中國人的情人節來到，與他再嘗他的至愛美食。近近地，我們來到將軍澳中心囍越，店裡已坐滿了食客，但不到十分鐘，已被安排了入座，算是晚飯時間不需久等了。而且招呼都唔錯！聽父親曾說，春卷很多地方都有和吃過，他說最好吃的是越南，皮夠脆口，我當然特别留意餐牌，提醒他這是首選，果然餐牌也標題為“趣趣越南春卷配生菜”，確是不夠脆口也不敢這樣稱呼，我也覺得百吃都會不厭。我們再來一個清湯蘿蔔牛筋腩煲，也是越式的。很有水準的牛筋腩，夠香也夠腍，牛腩半肥廋是賣點，無肉不歡的不妨也一試。另外，是日推介的燒大蝦，39蚊一隻，好戲在後頭。灑上孜然粉，好香口又惹味！而且蝦肉都好爽口，已去左殻十分易食！主菜方面，我們點了四式撈檬。入面有齊囍越的小食，南乳豬手，札肉，豬肉串和燒豬頸肉！一次過試左咁多款小食，真心驚喜。

今次已是第三次到這裏來了，每次也很記掛這裏的南乳豬手，當然今次也不例外啦！這次和親友拜年後，一行五人外出晚餐，所以點了不少菜式，除了必點的南乳豬手外，也點了蝦餅、蕃茄牛腩河粉、冬陰公湯、炸雞翼，還點了最貴＄2xx 的乳豬。南乳豬手依然十分美味，蝦餅丶炸雞翼不過不失。蕃茄牛腩河粉也十分美味！至於冬陰公湯，飲第一碗的時候還覺得不錯，但是越飲就感覺越辣，最後我只好放棄了，辛苦了我的愛人。只是最為失望的竟然是最貴的菜式-乳豬，十分油膩，味道只有鹹味⋯⋯不會有下次了。今次叫了龍眼薑蜜，味道很不錯很適合這些天氣飲！

食呢間之前幾日，食過同一集團喺同一商場內嘅日式餐廳。價格高一啲但食物質素OK，所以當日見呢家越南人唔多便試一下。試完之後就知點解會唔多人。當日兩個人我哋一個點左咖喱牛腩，令一個點餐牌上嘅生熟牛肉河牛丸。成碗生熟牛肉加牛丸河嚟到就淨係得返生牛肉，香草芽菜少得可憐仲要乾乾的。睇返張單，落單冇落牛丸，咁佢就成碗粉定左入去，幾分鐘後加回牛丸出嚟啦⋯⋯咖喱牛腩翠華質素都不如，加埋白飯要百幾蚊。重之一句不會再來。

今日執完野，唔知去邊度食好，咁啱拍咗車見到有間越南野，於是求其走入去食。坐低都算快等左3分鐘就有位，然之後就叫嘢食啦。我哋叫咗一個越南粉生熟牛肉可，一個米紙卷，芥蘭，同埋椰皇海鮮焗飯。其他嗰啲都OK好食，但係呢個海鮮焗飯真係勁好食。啲飯好好食，食完仲可以刮啲椰肉出黎食。我同我男朋友都食到舔舔脷，又有飯食又有椰肉食覺得好抵。埋單都唔係好貴，三百幾蚊，咁啱好夠我哋泊車唔使錢。如果拍低架車之後唔想諗去邊度食，呢個都係幾好嘅選擇。PS. 唔好意思個飯太好食，所以食晒先至記得影😅😅😅

經過將軍澳中心、翻新後多了很多新餐廳、越南菜、日本菜、中菜、西餐甜品店等等。媽媽鍾情越菜、就決定一試囍越吧。餐廳地方幾大幾闊落、平日夜晚早到不用等位、好多街坊食客。先點個香芒龍脷柳米紙卷 $68，第一次吃龍脷柳做的米紙卷、魚柳新鮮嫩滑、外層煎香、夾著青瓜、蘿蔔絲、生菜等、味道清新香甜、這個配搭不錯哦～鮮蝦柚子沙律 $76鮮蝦爽口大隻、柚子汁調得不錯、酸酸甜甜。點了招牌菜- 安南燒乳豬 $168、乳豬皮脆肉嫩、烤得好香啊馬拉戔炒通菜都好惹味！

打算行去popcorn食個late lunch,行下行下見到 what the pho 出面的下午茶餐牌吸引住， 平日的下午茶餐價錢實惠。 order咗香茅豬扒飯這個豬扒飯做得好出色， 香茅味出， 豬扒煎得剛剛好保持到肉汁，喜歡白飯另外一碗上，不會將塊猪扒直接放在飯面上，米飯香這樣又可以避免油膩。

呢度嘅午餐非常之抵食。香茅豬扒撈㩚再加一杯凍奶茶才65蚊。香茅豬扒同埋香茅雞翼都要等15分鐘，因為係即叫即整同事就叫咗個火車頭湯河同埋生牛肉湯河。火車頭湯河10分足料，有牛丸牛肉牛筋牛腩。非常好味但係價錢就貴少少。Recommend for lunch

Had the Beef Brisket Phō and the Shrimp with Mixed Fruit Rice Paper roll and a Guava smoothie.Former was good, the beef was tender, carrots soft and broth was fairly flavourful. However, it wasn't overwhelming as there was no explosion of flavour or anything along those lines.The Rice Paper roll was disappointing as the fruit did not taste very fresh and the assembly was different than the picture in the menu. The combination of flavours didn't make too much sense either mostly because the large

將軍澳愈黎愈多野食多野玩，今日同朋友約食越南野，叫What the pho。先黎一個鮮蝦袖子沙律，酸酸甜甜，鮮蝦大大隻，開胃醒神，跟住有胡椒蝦，都係蝦但唔同做法，明顯惹味好多，胡椒滲透入蝦，非常入味。香芒軟殼蟹紙米卷，淨係見賣相已經加曬分，香芒口感清新，剛好可以中和軟殼蟹嘅油膩。大頭蝦冬蔭公湯，非常濃郁，調味恰好，大頭蝦帶出鮮味，又唔會比冬蔭公調味料搶走味道，辣度適中，唔錯！最後以桂圓生薑蜜個個暖笠笠飲品做結尾。冬季做緊生薑特飲，總體唔錯，呢間餐廳性價比幾高，可以再戰！

What The Pho, 個名怪怪地，幾得意，是一個集團其中一項餐飲業務旗下的一間越南食肆，位於將軍澳中心，隔鄰Popcorn 商場已有兩間越南食肆，競爭都非常大。今天11點半來到此店，因時間尚早，客人不多，我和太太分別叫了越式慢煮南乳豬手湯河和順化鮮茄牛腩湯河。南乳豬手火侯十足，非常入味，牛腩湯河亦不錯，牛腩炆得鬆軟不粘牙。奉送咖啡或奶茶，不收加一，埋單$136。現時幾乎大部分食肆都在閒日推出午市套餐免加一，認真益食家！

越南菜多數相連星馬泰菜，呢間係我第一間食嘅純越南菜餐廳。餐廳設計簡單乾淨，牆身掛滿竹笠做裝飾，靠牆嘅座位更有椅背座墊，十分細心。午巿套餐選擇唔多，加錢嘅小食同甜品唔抵，分量少。越南菜口味清淡，追求健康不妨一試。加$20配嘅小食:香茅炸雞翼，平均$10一隻，味道麻麻。 絲網春卷配生菜，新鮮炸起好脆，裏面嘅芋絲好香。要厚切豬耳扎肉配生菜，生菜新鮮，包住一齊食同札肉好夾，幾好味。順化鮮茄牛腩飯，裏面係牛肋條，肉嘅份量幾多，焙得幾淋，茄味唔重，有啲清，都唔錯。香草黑椒牛柳鬆炒飯，無香草味，無牛味，特別，普通炒飯。WTP(火車頭)湯河粉，河河好幼唔薄身，肉無特別，口味亦係偏向清淡，整體可以。香茅豬扒配撈檬，豬扒做得好，夠大塊，雖然係炸但一啲都唔油夠乾身而且唔鞋，檬粉加魚露好清新，好味。加$14嘅椰青糕，椰青味淡，似大菜糕質感。

今晚遲咗食飯，九點幾落到去見到呢間越南野未關，所以就食咗呢間，之前都食過一次，但係午餐時段食，所以覺得都係普通越南菜。今次再食令到我對呢間餐廳改觀，我哋兩個人叫咗火車頭金邊粉同埋扎肉手撕雞河粉，再叫咗一個炸蝦餅。嗰金邊粉同埋河粉都真係唔錯，特別係火車頭入面嗰個生牛肉真係好好食，佢仲有牛柏葉同埋牛丸牛筋，都真係幾足料。而個蝦餅呢可能因為啱啱好炸起所以有少少油，但個口感都唔錯，而且佢有蝦嘅味道，唔會比我覺得加咗好多粉咁。

最近好鍾意食呢間越南菜佢叫做中等價位得來但係又好好味一向最鍾意食嘅就係佢哋嘅香茅雞翼雞翼入邊好多肉汁同埋大大隻啖啖肉最重要嘅係佢即要即炸 嚟到嘅時候外面好脆入邊仲好juicy 而近來呢最鍾意嘅就係佢哋嘅生牛肉河粉湯底好濃郁牛肉亦都好滑我哋今次仲帶咗咖喱牛腩煲呢張相已經係臨近食完嘅時候影㗎啦牛腩雖然唔係話好林 但係嗰個咖喱味就好重同埋好足料仲要上台嗰陣時係連埋個火爐一齊上食到最後都唔會變凍 正呀呢間越南菜我哋基本上一星期都會去兩至三次每一次個水準都好好所以真係好推薦大家嚟試吓

家住將軍澳，近年的發展，真是太大了，到處都是高樓大廈，豪宅，不斷在建構，商場都要迎合大家的需要，重新裝潢，美輪美奐，食群也增加了不少。趁著老公放假，可以放下家務，到處走走找食。走到一間是食越南餐廳，都好耐沒食了，這幾年都是多食泰國菜，這晚，我們回味在那N年前的味道。闊落的鋪面及餐廳、空間大、坐的舒適，整齊。價值適中，又美味！雖然我地兩人，但樣樣都是想食，好吸引我地味覺。鮮蝦柚子沙律🥗，是我的至愛，每到一處的餐廳，有沙律的選擇，我會在餐前一定先來一個的，可以增進食慾。鮮蝦肉質鮮甜，爽口彈牙，柚子清甜又爽口，酸酸甜甜，是餐前的美食。燒香茅牛肉蝦片，看餐牌，已被它所吸引了，圖片與食物一樣，好吸引及好食，牛肉燒得剛好，散發陣陣香茅清香味，加上蝦片的脆，及鮮甜的配菜，多重口感。法式牛柳粒紅飯、紅飯一點沒平時食開的紅米飯硬，好軟糯，粒粒分明、牛柳粒嫩滑，美味香濃。越式千層糕，飯後甜點，我地已食得好飽的，但見到想食的甜品，點都要食返一個，熱甜點，清香軟軟，加點椰奶點綴，美味可口！

又到放飯時間，好想食餐好既，因為公司實在太大壓力，希望食個靚午餐，再有力量去應付下午既工作。最後去左食越南野，叫左一個咖喱飯食，希望用辣趕走鬱悶既感覺。咖喱飯送上黎既時候嚇左我一跳，無諗過係咁精緻用個竹碟放住，咖喱分量都好多，我食左幾啖先醒起要影相。每粒飯都分開唔痴住，加上咖喱汁好野味，汁唔算太過辣，屬於小辣級別，但唔建議唔食辣既人食，因為食完味道係口中好耐都唔散。雞既份量算適中，有骨但唔算大舊，肉既部分好多，好嫩滑，食完即刻精神晒！！