囍記車仔麵

營業中

休息中

因為落大雨食既關係 同另一伴見係懷舊車仔麵就衝左入去食，一入去都見幾多人 心諗無死，點知就出事。見佢個嗌餸紙好靚靚仔仔，都幾吸引韮菜餃、紫菜幼麵、沙嗲汁個沙嗲汁係無味，一上到黎碗野係好淡色，一啲香味都無，而佢個餃味道係唔錯，但食得出係嗌貨既，並唔係自己包，而個紫菜我就幾中意幾香牛腩、魚皮餃米粉、沙嗲汁又係沙嗲汁淺色無味，牛腩係淋既，但又係冰鮮果啲正方形牛腩，魚皮餃就當然係叫貨喇惹味/椒鹽雞翼尖我地叫椒鹽雞翼尖，佢一比碟野上黎我地都愕然左下，話E 我地叫椒鹽喎，之後第一個員工就話 我地無椒鹽架，得卥水，我話下 張紙到寫椒鹽架喎(大家可以望下上面張紙)，之後其他員工圍埋黎話，喱個仲好食、無咁熱氣、大碟啲、肥美嘅 無咁乾-_- 簡直就打橫黎。整體黎講，普通過唔普通既車仔麵，質素就無乜，平都唔係特別平，連條蔥或者菜都唔比下。

牛腩豬頸肉河粉🍜$36牛腩都幾入味😊豬頸肉都唔錯👍不過砌成條裝😮食落無咁過癮😂沙嗲汁幾惹味😛整體不過不失😎囍記車仔麵 (佐敦)佐敦白加士街101號地下1號舖

Just wanna have a nostalgic cart noodle, and I ordered beef brisket, pig blood clot, pig intestine and fish ball noodles. The performance is ok, the spicy sauce is not really spicy, the soup is a bit salty (but I guess it is almost the norm for cart noodle?). One point I am a bit disappointed is there is no green onion provided. I guess it is almost a tradition to have green opinion in cart noodle, correct me if I am wrong!The renovation is nice, dining space is acceptably clean. Maybe it is too

<<<人生第一篇食評>>>放工太餓，誤打誤撞入了呢間門面看似(正常)的車仔麵店，沒有做足功課而亂入餐廳的後果就是自食其果兼比錢買難受... 一) 首先係廚房擺烏龍，比錯食物我地，換左2次終於比得岩。二) 滿心歡喜有得食之時，一食就後悔了。食材唔新鮮，為左辟雪味，只可以落超多薑黎辟味，都唔知食梗一舊薑定大腸除非香港冇晒野食飢荒，否則我唔會再踩隻腳入去。希望你見到呢個comment快啲讓返個位比個機會其他餐廳做。

其實知道左黎間車仔麵好耐 不過見佢裝修得太四正 又係旅客區 一直都覺得唔會好食所以一直都無試過黎間車仔麵……直到有一日係附近有野做 又突然心血來潮想食車仔麵 所以唯有試下佢啦……點知超有驚喜無論店外店內裝潢都好有懷舊feel 店入面仲有左d舊香港既黑白照做牆身到戲肉啦 登…登…登…登…車仔麵沙嗲中辣湯(雞中翼、甜蘿蔔、豬紅、台灣腸)4餸配搭 $55 (好味指數: 😋😋😋😋)食車仔麵呢……其實個麵底我最中意配河粉 因為河粉最入味 但今日特別想食烏冬所以就嗌左烏冬 不過就有d後悔啦 佢個烏冬唔夠彈牙 完全無烏冬應有既口感(烏冬要加5蚊 唔抵食) 不過其他就超有驚喜 先講個湯底 湯底簡直就係車仔麵既靈魂 今日嗌左沙嗲中辣 我最愛辣湯 無辣不歡 個湯底咸度適中 一流每次車仔麵必點蘿蔔 豬紅 講真個蘿蔔好入味好甜又無渣 豬紅都係好好 滷得好入味 另外雞翼食到有淡淡陳皮味 台灣腸亦煎得岩岩好 今日真係有驚喜 可以本身期望太低 所以今次完全覺得好好食 加上完全滿足到我想食車仔麵既欲望餐廳除左車仔麵都仲有其他選擇嫁(為最高)整體食物質素: 性價比: 推薦指數:

行經佐敦肚餓，離遠望見這間囍記車仔麵，門面裝修講究、是是正正，就入內一試。點了腩汁雞翼魚皮餃紫菜米粉。腩汁底還可以，最抵讚的是雞翼大大隻而且入味。但總括而言只是普普通通的車仔麵店，沒有太大特色。

今次又嚟到佐敦搵下野食眼見條條街都係食肆唯獨一間車仔麵餐廳外觀有啲特別所以本住一試無妨嘅精神入去試試車仔麵 (墨魚卷 + 小花菇) 油麵 其實食過好多次車仔麵都差唔多質素呢間唯一值得讚就係墨魚卷 好食、足料個人比較喜歡有彈牙嘅質感花菇無特別可言，夠入味已經好好湯底比較淡咗少少 唔辣唔咸唔覺係沙嗲汁底爽脆炸魚皮 份量比想像中多魚皮偏小加一份嚟食 豐富咗一餐車仔麵係必然要嗌番碟嘅 

招牌四寶面 味道不錯，略咸鹽酥雞 和我想像的味道不太一樣奶茶 是經典的味道面裡面的肉和菜可以自選搭配，我沒有選就直接選了招牌面。自選的話可以有許多選擇。值得嚐一嘗吧

四個字「超級難食」車仔麵冇乜嘢，唔算好突出、湯底亦都唔特別、喺呢度開間車仔麵、除咗引遊客之外、我真係諗唔到有幾咁特別、點解我要出聲投訴、因為抄手真係不知所謂！以前食開嗰啲唔會有湯、唔明佢點解會整到成碗湯出嚟。真係佩服廚師👨‍🍳⋯⋯唔單止影響晒業界的車仔麵、內地人過嚟食、或者外國遊客過嚟食、一定會充滿希望，誰不知，呢間車仔麵簡直係垃圾中的垃圾！我從來寫食評都有保留、唔太差我都會搵嘢讚、影埋相俾大家睇、冇嘢好講啦？#囍記車仔麵

經過佐敦街頭，因為有要事忙，所以即使是2019年的第一餐，都想簡簡單單快食的。不過，食得好唔好，喺睇同邊個食，instead of 食咩。見到車仔麵，門面乾淨，就入去食了。都好多嘢揀，由麵底、湯、配餸都任君選擇。見到「新品登場」嘩紅油餃子，要「紅下」連個「紅當當」新年，就點咗佢。有8～10隻餃子，餃子是韭菜餃，無蝦的。（講到明唔喺「紅油抄手」）底下仲有好多芽菜，淨食呢個都夠。叫咗粗麵（$12）+ 韭菜餃（+$9）+ 牛腩（$12）。早知個「紅油餃子」是韭菜餃，麵的配餸就唔會叫佢啦！算啦，「有早知無乞衣」。味道？正正常常囉，$30-$40 幾蚊嘢，唔會expect 啲咩。啲「紅油」不是太多，得面個一層，下面都是湯。咁仲好，無咁肥，都夠辣嘅。環境呀？正常車仔麵setting，有少少逼咁囉。不過佢有最低消費，2餸麵，即最平$30（menu 下角有寫）如果你想簡單食個1餸麵/ 陪朋友淨飲杯嘢，可能未必得啦。

去完睇聖誕燈飾，走去佐敦食宵夜，12：00都仲有好多人食嘢，左諗右諗，覺得食車仔麵最實惠，橫掂之前開已經想試，門口又有自制辣汁吸引我就入去試下有幾辣先～先說位置，囍記車仔麵在中間頭位當眼位置，好易搵，而價錢以佐敦呢區嚟講都算實惠，一人叫一樣嘢，自己叫咗魷魚同比較小有既蜂巢豆腐，個米粉都有名叫＂河源米粉＂另外再叫咗一碗招牌四寶幼麵同豬腸端士雞中亦公仔麵，再來個小食鹽酥雞，由於我比較喜歡食辣，所以叫咗自制辣汁大辣，還是覺得不夠辣，有D失望，但魷魚幾多又爽，蜂巢豆腐都ok，但索得5夠多汁，個米粉比出面店鋪嗰D淋身，而四寶麵就有牛腩，豬肠豬紅同魚旦，味道入味，夠淋，個幼麵份量好足，男仕唔洗加底都飽，至於雞亦就麻麻，＂鞋＂同無乜瑞士汁味，個小食就最好食，炸得脆，係小咗D鹽，應該叫炸雞粒，中規中矩。路過可以試下既

今日同男朋友行街，佢又話唔係好肚餓，所以就食車仔麵。結果就係廟街呢到是但揀左間黎食。間舖唔大唔細，但我地咁岩坐正入面啲啲既位置，附近仲有啲裝廚餘、未洗既碗碟既桶，呢點有啲扣分。如果搬番去最埋邊，甚至可以放埋入廚房，就比人感覺乾淨、衛生啲。我地都算係豪食車仔麵🤣。男朋友嗌左柱侯腩、蘿蔔、生菜、芝心丸米粉，我嗌左韮菜、雞翼、牛柏葉米線（我剔錯左呀！！！），再叫多杯豆漿同酥炸三寶丸。平心而論，其實佢地既車仔麵都真係好普通⋯😂值得讚賞既係，餸既份量唔會因為嗌得多餸而減少，雞翼係有三隻咁多，呢一點真係感動左兩秒😂！至於三寶丸$30就好似唔太抵食，味道ok既，幾香，但就真係唔抵食囉。另外男朋友話杯豆漿好好飲，雖然佢講唔出點解好飲，不過照佢意願幫佢比五星🤣。

閒日工作路經佐敦， 人潮擠擁好不容易搵到一間有位嘅店舖 。不過始終撞正放飯時間 ，加上佐敦係自由行嘅集中地 ，所以環境逼狹， 喧鬧嘈吵絕對係正常。招牌勁大隻字 ，近排近視加深咗對絕對望得到 ，而且門面都算新淨 ，冇平時車仔麵舖嗰種殘舊嘅感覺。車仔麵同埋餸嘅選擇唔算多 ，但係勝在夠平 ，最貴嗰款都係12蚊 ，醬汁雙拼仲要唔使加錢， 絕對係經濟之選。環境尚算乾淨，燈光亦都充足。今次我嗌咗辣汁腩汁雙拼， 拼墨魚卷， 秘製柱侯牛腩， 菜肉雲吞同埋蘿蔔米線。 老實講 ，啲餸唔算出眾， 菜肉雲吞我懷疑係用東東牌 ，但車仔麵嘅靈魂在於湯底， 而湯底我覺得係可以接受嘅 。路經嘅朋友不妨一試。

第一次post OpenRice食評。原因真係忍唔住。行過廟街，見新裝修環境幾好，就沖左入去。個餐牌啲相都影得唔吸引，心知不妙。點左全部佢啲必食推介。所謂必食魷魚，完全唔入味，顔色白晒晒。墨魚卷味道怪怪入貨質量差。瑞士雞翼有三隻分量多但係又冇入味。雖然標榜冇味精，但嘢食唔入味就講唔通。 反而個招牌辣汁就幾好味，但車仔麵啲餸點可以好食？可能自己笨，明明地點廟街旁邊，都知係招呼遊客。今次當跌錢大覺瞓，冇下次！

今日趕時間，喺佐敦經過呢間車仔麵店，見人唔多唔洗等位，就快快脆脆食碗麵。之前未食過，揀咗d推介既餸。呢碗泰式豬頸肉芝心丸河粉，湯底係清湯拼沙嗲汁。湯底ok，不過餐廳推介既豬頸肉就好麻麻，肉質又乾又“鞋”，唔會再食。朋友食墨魚卷同韭菜餃，兩樣都係推介食物，但韭菜餃好細粒，墨魚卷感覺係食緊卷狀既魚肉燒賣，幾乎食唔出墨魚。每碗麵都係$33，以呢個價錢嚟講食碗麵都唔會有咩要求，唯一值得讚既係上食物速度夠快。