囍記車仔麵

營業中

休息中

鍾意食車仔麵就係貪佢夠多選擇，由湯底到餸的選擇都係自己話事！鋪頭在商場入面，見環境唔錯，就入去試試，居然有驚喜！今次同老公去食，一坐底二話不說各自拎張菜單tick tick tick。款式好多，心大心細咗好耐>< 最後我就自選咗「3餸菠菜麵」，老公就直接要「懷舊車仔麵」再加個「糯米雞翼」𠻹~ 菠菜麵都幾冧身，如果多多少少菠菜味就更加好！其中一個餸要咗台灣蜜汁腸，平日車仔麵菜單好少見，好味！懷舊車仔麵($45)就有新鮮豬大腸、豬皮、豬紅 同埋牛腩。樣樣都入味，老公大讚 呢個麵係套餐，包嘢飲，真係估唔到有好多支裝飲品選擇，仲要唔使加$$添！糯米雞翼($20/2隻)好足料，啖啖糯米，個皮炸得好香但又唔會覺得太油膩， 味道十分夾！ 平日去麵店見有炸雞翼都唔出奇， 但有得食糯米雞翼真係加分呀！附上菜單俾大家參考

已經幫襯過好多次既車仔麵，無論下午定夜晚時段去都必定座無虛席今日下午同同事黎食LUNCH，12點半到都竟然要等位...可想而知佢係幾咁受歡迎因為同事們係第一次食，除o左驚呼好多餸既選擇之外，亦都感嘆佢既份量好大，難怪中午時份有咁多職安真漢子食！我會推薦佢呢度既豬紅、牛柏葉(唔韌又爽)、牛肚(又淋又入味)反而佢既大腸係白色而且入面無肥膏果種，唔係我杯茶，唔夠香口不過佢呢度既腸仔係廚師腸湯底一定要叫佢既辣，好惹味而且唔算真係好辣而且佢既湯底可以mix2種，我鍾意叫沙嗲再加最少果種辣呢度都有波菜麵叫...佢無出面咁硬，鍾意淋身既波菜麵絕對要叫貪心既我們每人都會叫起碼四款餸，最後大家都食到捧住個肚走

環境光猛企理又收得夜 岩曬OT ge朋友淨餸 5餸送熱飲麻辣汁蘿蔔 紫菜 牛肚 芝士腸 溏心蛋熱奶茶冇乜茶味 奶亦不多麻辣微辣不算麻蘿蔔稔身入味食車仔麵加紫菜會更好味芝士腸輕微爆醬牛肚香糖心蛋嫩不錯

1️⃣豬紅+蓮藕+魷魚🦑+牛栢葉（腩汁—油麵）價錢：$48呢4樣餸基本上食車仔麵都會叫🙈因爲本身都好鐘意呢4樣食物🤤🤤🤤豬紅～唔會太淋，咬落都有口感，可惜無乜味蓮藕～好爽又入味👍🏻而且都幾大舊！魷魚～好爽口，配埋辣汁食，正呀👍🏻牛栢葉～好爽，唔會太韌！索埋啲湯一齊食，必點😍😍😍2️⃣花枝條+蓮藕+韮菜餃+魷魚🦑（小辣—油麵）花枝條～好爽好有墨魚味！而且咬落口感都幾彈牙👍🏻韮菜餃～比較細粒，但入面都幾足料！有韮菜同豬肉粹👍🏻食落都幾入味😋😋😋

去完附近屋邨探訪親戚後就和老公在淘大這邊搵食見到這家新開的車仔麵店就試一試吧！餐牌上除了車仔麵外，還有各款小食車仔麵可選set或自選配料，配料分$8，$10或$12的款式價格都算合理！我選了豬紅牛柏葉秘製辣魷魚油麵加腩汁老公選牛丸豬大腸瑞士雞中翼河粉加腩汁豬紅牛柏葉秘製辣魷魚油麵，加了腩汁加上魷魚的辣汁，湯底夠濃豬紅夠滑亦算香，不會淡而無味牛柏葉爽脆，吸盡湯的味道～秘製辣魷魚都夠爽口，同樣吸到湯汁的味道，但辣味不算很突出油麵爽滑，不會煮得過稔～牛丸豬大腸瑞士雞中翼河粉，單單腩汁湯底，味道就薄弱了一點豬大腸份量多，沒有羶味，但肥膏部份稍多瑞士雞翼甜甜的，夠稔夠入味牛丸和河粉我就沒有試啊！兩碗車仔麵的麵量及配料份量都足夠部份配料的質素都達合格水平～未算十分出色！加$8配的凍檸茶茶底算濃，檸檬不會澀，算OK座位都算寬敞舒適比起部分車仔麵店而言，這店較為優勢的就是這點！

嗰朝要去九龍灣附近探朋友，行經淘大商場走去食個早餐，附近快餐店早餐大排長龍，見到呢間價錢唔貴又坐得舒服就入去啦😂😂呢間早餐提供到11點，種類都好豐富，價錢好平民，分分鐘平過快餐店嗰啲🤩🤩叫咗沙嗲牛肉公仔麵同雪菜肉絲米兩個餐，兩個都夠味又足料😋😋個餐仲配腸仔炒蛋牛油多士，炒蛋非常香滑,牛油多士啱啱整好係脆卜卜嘅, 仲送咖啡奶茶👍🏻👍🏻價錢只係30幾蚊，係非常之抵食🤤🤤下次行經過頭推薦大家去嗰間食早餐啊😇😇

夜晚唔知食咩好 去到淘大見囍記車仔麵未關門 入去坐低左 先揀左麵底-米線 (好碎） 湯底-腩汁（飲左兩啖都ok 唔係味精湯） 揀左兩樣話👍ge 餸- 韮菜餃（唔好食） 香菇貢丸（呢個誠意推薦 好好食） 另外叫左蘿蔔 （呢個誠意推薦 好好食）加埋杯凍O蜜 （天氣錦熱 飲O蜜一流）上菜速度超快 可能因為就收工 埋單 ～$40 性價比中上 下次會再試

價錢正常，環境清潔，食物沒有太多味精，食物量也多，吾好講食左先講，員工態度好，位置不會太難找，去到晚上十點，食宵夜或晚餐也是不錯的選擇，值得一試，送餐速度也不會太慢

估唔到車仔麵都有早餐食，價錢又唔貴，見到早餐時間去到11點。訓晏左都唔怕無得食。餐廳入面都好大，坐位很多。早餐選擇也不少。我選擇了：雙拼公仔麵（午餐肉，火腿）熱華田半件多士加炒蛋脆皮腸公仔麵煮得較硬，職員話可以下次叫廚房煮耐d, 服務不錯。而且有菜心有些驚喜。餐肉和火腿就正常多士很脆得香，炒蛋很滑。脆皮腸只是烚吓，如果可以煎一下更好餐廳用自助方式，可以自行加水，自助調味料，紙巾自由取。整體不錯，下次試下另一款

睇完戲搵野食，行過呢間都幾多人坐，就試下啦！我好少食車仔麵，因為近年的新式車仔麵店價錢都唔平，揀多幾個送閒閒地都六、七十蚊，對於我呢啲平民實在有點吃不消！呢間野有set唔洗諗要咩送，不過我都係想自己揀送，要左日式叉燒同溏心蛋，味道正常，友人要左set，好豐富！仲叫左碟油菜，不過超生超硬，一般面舖好少會失手，真奇怪，唔怪得好多人都話冇下次

早餐和車仔麵都食過。主打的車仔麵當然好食過早餐，如果食早餐真是唔好有期望。服務方面，堂食的樓面服務還好，主要係外賣時個收銀岀事。話說有一晚收工去醫肚，嗌外賣點左「招牌車仔麵」，揀好麵條之後收銀阿姐(中短髮)問要咩湯底。我的自然反應係反問，「有咩湯底可以揀？」。點知個阿姐竟覺得我好似問左個弱智問題，不耐煩地話我「你唔識反轉張紙睇架咩？」。原來湯底係寫喺餐牌既另一面。難道食客會熟知左你個menu有咩選項？佢咁既趕客態度，我已經唔會再想去俾佢串。而且想食車仔麵既話，行去利基嗰條巷，幫襯間老字號仲好。

風味三寶菠菜麵~豬手，蓮藕，鳳爪，清湯這碗唔錯，味道配合得好好，或者係因為我特別喜歡食蓮藕原來做車仔餸係咁夾嘅韭菜，豬紅，蘿蔔，豬大腸，大至上都還可以，係豬大腸未食已經覺得唔掂因為有部分嘅油浮喺面，而剩番嘅油就係喺豬大腸裏面。No good ar🤦‍♀️糯米雞翼~都幾好味，糯米都幾飽滿，如果大隻啲會更加好凍奶茶~朋友忘記叫小甜，成杯奶茶太甜，我要嘅係熱奶茶，同埋我唔加糖嘅，朋友就攞咗我半杯熱奶茶加咗落佢杯凍奶茶，至覺得啱啱好🤦‍♀️初時食都覺得店員服務都冇咩嘢，但俾錢時個收銀係黑面嘅。年三十晚應該開心啲，客人食都會覺得好味啲😜

星期六一早就去左睇早場， haha so happy 睇完仲有時間食breakfast,見倒呢間新新地既餐廳都幾多人看似不錯就試試....對於我黎講試餐廳野食多數都會叫最簡單既菜式， 今次就叫左「餐。蛋。麵」 「餐。蛋。麵」既主角緊係要講下佢地既餐肉同煎蛋。先講下煎蛋，隻煎蛋🍳有d怪，隻顏色異常咁鮮橙色，搞到我都唔敢食😂😂😂再講下午餐肉，都幾厚切，而佢一入口好似有陣膠味，同埋都幾咸🤦🏻‍♀️總結：一般

放工肚餓，諗住買外賣返屋企食，排隊落單嘅時候，明明已經到我，但係收銀店員竟然直接skip左我，收下一個人錢，我以為後面個人黎先所以冇出聲，點知佢連續收左後面三個人錢，直接無視我，我出聲問乜唔洗排隊咩，嗰位店員先嘴秒秒咁話以為你未諗好啊嘛。？？？下，我已經拎定錢出黎準備落order喇喎，咁叫未諗定？係咪要拎個喇叭對住店員大叫我準備好喇先落得單？今次已經唔係第一次，對上一次買外賣都係咁樣，等外賣嘅時候我見到其他叫外賣個人都係被人無視，唔通堂食嘅客人矜貴d興香d？呢d服務態度唔值得我再黎第二次🙃

幫襯此店不下十次，貪佢位置便利。車仔麵味道、份量正常，湯底不太油。服務承諾（宗旨？）係：從不正眼望客。直到一次外賣菜心回家，收銀阿姐斜視著我，語帶輕蔑講：出面無人做到呢個價錢㗎，你咁樣我哋蝕俾你ga, 你去問下人啦! 我認得你先做俾你咋! 然後好晦氣咁收咗我錢。當下我呆咗，講咗聲麻煩晒就走了，返去睇清楚餐牌，並未有列明要買米線先可以買小食（菜心係under小食）!本來外賣我唔會要求服務。黑面、唔講多謝是常識吧? 但唔會估到幫襯你仲要被你鬧咁過份!從來只聽過人龍店擺款、罵客，你算甚麼？倒米收銀!! 唔會再幫襯你哋（亦會叫身邊嘅人唔好幫襯），希望你哋捱得到滿租約! 服務我1粒星都唔想俾，為了submit呢個食評先迫住俾囉!