囍火鍋

營業中

休息中

母親節好多舖頭都full 曬！正當頭痕搵唔到餐廳食飯嘅時候講見到呢間火鍋店🙌🏻打咗電話去book點知就有位🫂咁今次叫咗一個set有象拔蚌，同埋一個湯底，再加一個汕頭黃牛肉呢個湯底一滾起個湯勁香個個即刻一人裝左一碗飲咗先❤️媽咪更加係飲左2碗🙉啲雞建議熟左就要食左先！如果唔係就會煮到好鞋 呢個牛肉都幾有牛味都正正常常 好值得試❤️刺身嘅口感係爽脆爽脆咁不過我個人唔太中意生食，所以就放埋落個煲到煮熟食💕😋煮熟之後都好好食 好脆🐷其實我哋仲叫左其他嘢食，不過好多都無影到🧝🏻‍♀️麻辣鴨血 黃金炸魚皮 即炸響鈴🔔 推薦9分沙薑雞翼正常 5分台山生蠔 🦪 大大隻 總結係會再幫襯🐷 5個人食飽埋單1700幾 🔔抵食🔔服務態度方面啲姐姐幾細心 見個煲無咩水就會主動問你使唔使加湯💕成間舖氣氛好好 👍🏻感覺店員同啲食客關係好好👍🏻

今日同屋企人黎打邊爐見到有個$388既象拔蚌同汕頭黃牛見好似都幾抵就叫左象拔蚌都幾鮮 只係覺得份量再多d就好🤣而汕頭黃牛相對有點遜色只係淥左陣就有點鞋口 牛味都唔太濃雙拼係抵既，但份量始終少fd而豬骨湯就有點咸🤔🤔🤔但加多少少水都ok ge另外叫左其他餸比較深刻既係鯪魚球，聖子同烏冬呢幾樣都值得叫既鯪魚球入面既芫茜都令魚肉好香聖子好爽口，但價錢相對貴同有d沙而烏冬超中意，好彈牙同浸得內唔會淋曬🤔

🔸象拔蚌+豬骨鍋（雙併超值價$388）呢個組合真係好抵，出面只叫呢set 象拔蚌至少幾百蚊，而象拔蚌又夠曬新鮮同爽甜，真係物超所值而豬骨鍋應該落過胡椒調味，食到最後重忍唔住飲左一碗豬骨湯，成鍋既精華就係最後，凍凍地飲好暖身添😝但就係多d油羅🤣🤣飲完唔會好頸渴，所以我諗應該冇味精既🤔另外亦有加左d火鍋配料，其實全程都唔洗太需要點醬汁打邊爐😋因個豬骨湯已經好夠味🔸汕頭黃牛呢個汕頭黃牛真係不得了，牛味超濃。唔知大家有冇番過大陸食牛，牛味勁似喺大陸食既牛。喺香港好耐冇試過食到呢種咁重牛味既牛肉啦😍

收工終於可以去打邊爐今日提早慶祝母親節原本打算去食陵發打冷點知去到先見到仲未開返唯有再周圍搵吓嘢食！見到呢間火鍋店有位就入去試吓入到黎感覺都幾光猛同埋乾淨！🔹湯底選擇幾多🔹我哋就點左「鹹酸菜胡椒豬肚湯底」上枱就聞到好香胡椒味豬腸及豬肚煲到好淋🔹火鍋配料🔹手打墨魚丸及鱔片爽口彈牙新鮮鵝腸帶肥膏輕輕烚過好香響鈴唔係即炸但尚可藍蟹有點水蟹肉唔多價格偏貴最後還點了雲吞作結尾但掛住傾計忘記影相了！總結除左蟹同響鈴麻麻.湯底好及其他配料都屬於新鮮好味！而且最值得讚係每個店員都好有禮貌及親切！

個日同老公經過，見到間新開嘅火鍋店，對於我呢個超級鐘意打邊爐嘅人嚟講，當然要試下啦😄😄入到去果然無令我失望，環境好乾淨企理，我哋叫咗個超級囍象拔蚌鍋底，鍋底夠料，其它嘢食都好新鮮，服務態度好好👍見到隔離台有龍蝦刺身，以為有得叫諗住叫隻嚟食啦，點知係客人一早定嘅，原來呢間仲可以打電話預定海鮮，嗯、下次人多一定要試下，唔使自己係屋企又洗又煮咁麻煩😤😤反正價錢都差唔多😬😬真心推介鐘意打邊爐嘅人值得一試👍👍

太子站一出1分鐘都唔洗嘅路程非常就腳，呢間新開火鍋店唔算多人排隊，而且望落又幾乾淨，今次就揀咗嚟食👍🏻😆豬骨湯底，佢有一個配搭係跟象拔蚌刺身，就$388，象拔蚌刺身都好新鮮，唔係求其嘅刺身，所以我覺得都算抵食！👍🏻牛肉兩款：手切肥牛（小）$198 + 手切牛小排（大）$228兩款都唔錯，幾靚又新鮮，唔係平時出邊打邊爐一睇就知雪咗好耐嘅牛😂😂，（大）就相對抵食啲，兩款比較我會推介牛小排脆鯇片$78👀👍🏻我本身自己打邊爐都鍾意食魚，但係出邊打邊爐啲魚都會有浸味，但係呢間我係幾滿意嘅👍🏻👍🏻 $78嚟講份量都算合理！炸魚皮$68無論就咁食定係浸熱嚟食都好味🥰亦都係老闆推介嘅！其他就叫咗鮮菇拼盤、油麥菜、冬瓜片、白栢葉、水魷、鴨血、手打墨魚滑、桂花蚌，都係正正常常～4個人食埋單$1508👍🏻整體食物質素都唔錯，環境亦都好舒適坐得好舒服，服務態度亦都好好，都冇咩特別要挑剔🙏🏻

最近太子開咗間新火鍋店位於大南街街頭(近太子).見佢裝修幾靚價錢望落都合理,所以就決定入去試一試!入到去坐低咗,座位舒適,環境同衛生都好好,畢竟鋪頭全新裝修,枱面同地面好乾淨,唔會油冧冧.冷氣好涼爽,但怕凍嘅人會覺得有少少凍.上菜方面,上菜時間正常偏慢,冇咩特別,侍應姐姐都有禮貌服務周到.食材方面,整體上都好新鮮,刺身象拔蚌,簡直係一試難忘!!食落口感爽脆,味道鮮甜,唔講以為自己去咗日式餐廳食刺身!!!(每人都有一碟芥辣豉油).火鍋湯底係韓式酸辣配上五花腩同白菜非常夾.至於牛肉同埋鵝腸食材好新鮮,尤其係鵝腸,鵝腸性價比高,清洗乾淨,食材新鮮無腥味,口感爽脆值得一試!!墨魚丸真係爽口彈牙,仲有一粒粒墨魚肉非常好味!!!整體而言係一間值得推介嘅火鍋店,無論係裝修定食物都好好,唯一唔滿意係上菜慢咗少少,鋪頭得一個樓面姐姐.希望囍火鍋可以保持食物質素,太子街坊多一個高質火鍋店選擇.