囍悅酒家 (已結業)

收銀阿姐态度非常惡劣，我去買2個小菜，佢話一個跟飯一個唔跟，跟住佢話有2個餐牌，我話我係睇出面嘅，咁另外果餐牌係邊吖，我行過去睇時佢話佢已經送單，命令我唔准唔要，我話我仲有嘢加，佢話佢禁錯制送單，我話咁你操作失誤關我乜事，仲痴咗線咁係度鬧，大家唔想受氣去前就要三思

話說星期日放假，又唔想岀街食，咪打電話落樓下酒樓叫個外賣自取囉，點知聽電話嗰個男人話繁忙時間你自己落嚟落單啦（隔離幾把女人聲都話係囉～自己落嚟啦）🙄🙄🙄我即時著晒燈話：我咪叫完自己落嚟攞囉，平時都係咁叫架啦，次次叫完都要等20～30分鐘😤😤😤跟住個男人就用勁晦氣嘅語氣同我落咗單，連我貴姓同電話號碼都冇問到！我想講～貴公司請埋呢班倒米嘅員工，哼～等執啦！😢第一次寫差評，獻給了貴公司！😒😒😒

我哋兩個人叫咗鮮蝦腐皮卷，滷水豬大腸，鵪鶉蛋燒賣，春風得意腸，豉椒蒸鳳爪同埋小籠包佢餐牌有啲減價嘅點心，包括特點春風得意腸，所以其實真係幾抵食😍鮮蝦腐皮卷炸得幾脆，但係略嫌上菜嗰陣有啲凍咗😅滷水豬大腸好大碟🤤 我哋兩個人share都差啲食唔晒，滷水汁幾好食，大腸好入味，不過佢嘅豬大腸有啲太肥，所以食到最後有啲膩最有驚喜嘅係佢嘅春風得意腸，雖然上菜都係有啲動，但係佢腸粉裹住嘅炸蝦膠球好好食，腸粉軟糯加上香脆嘅炸蝦膠球，口感好滿足😍坐得都幾舒服，不過冷氣有少少凍同埋以酒樓來講，都算多人手，唔會太難先落到單☺️埋單我哋兩個人食咗大約200蚊到，都算大件夾抵食🤤

野食好好好一般； 服務態度完全五掂！叫佢好似完全聽五到甘，叫左三個staff 先order 到一碗飯; 俾返張單你五係遞俾你或者輕放係檯面，而係就甘dum 係張檯到😒😒。最緊要係衛生問題，見d staff 就甘用冇人坐嘅檯嘅檯布抹手，睇到眼都突埋🙄🙄。點解d意識差到甘🤦‍♀️🤦‍♀️。

藍龍蝦伊麵藍龍蝦🦞啖啖肉肉質新鮮彈牙🥰但我就食唔出同普通龍蝦有咩分別😹伊麵🍜唔會太淋有少少咬口👌🏻香橙京都骨🍊🍖有成十條肋骨每條都好多肉！醬汁甜多酸少🍯🍋而且係重甜食一條都會有少少膩🤭不過好惹味係白飯殺手🍚咕嚕肉豬肉瘦多肥少無骨、啖啖肉炸得香脆外脆內軟👍🏻裹上甜酸醬汁🍾酸酸甜甜好開胃必食🌟海味雜菜煲🍲有順德魚腐、蝦米🍤、粉絲、菇同各類蔬菜🥗湯底味道鮮甜蔬菜🥬🥒🥦份量都幾多食咁多肉可以用菜黎解漏清返味蕾😝豉油雞🐥入口嫩滑🤤肉質結實唔會太淋而無口感味道鹹香夠入味🧉整體而言，囍悅酒家食材新鮮👍🏻份量足料食物質素及味道都十分出色💯帶屋企人食一定滿意✅

昨晚又是一行3個去咗呢間十分唔起眼既酒樓，通常屋村酒樓比較隱閉，估唔到個門面大光猛，環境舒適，可能疫情少人出去晚飯，所以坐落好舒服唔嘈，而且我地坐落地玻璃位☺️☺️講返呢度既食物，份量好足，唔怕食唔飽，我覺得每樣餸都好好食，我最怕食好多味精嘢，呢度唔系喎，食完唔會口乾，味道唔會好咸，呢度廚師有返水準，希望酒樓繼續用呢個廚師😅我地叫咗呢幾樣餸：1. 雜錦燒味拼盤 $148（有海折，雞，义燒，燒鴨）义燒，燒鴨真係好好食，初初以為拼盤有燒肉，原來冇😅聽講呢度燒肉好正，下次一定要叫個燒肉先😬2. 優惠價有5款選一，揀咗燒雞$68/1隻（阿姐極力推薦）真係好好食呀，雞肉滑皮脆，唔咸，話說早2星期前在燒臘店買燒雞，嘩，咸到呢.…要用水沖咁濟。跟昨晚食既燒雞，真係差太遠了😁3. 仔仔叫既，椒鹽鮮魷，$96👍👍👍👍嘩，份量都多呀，唔油，唔會炸得好熱氣，魷魚大大塊，真係得👍👍👍4. 囍悦小炒皇$98，呢個系佢哋推介，姐姐話好好食，份量真係夠，好食，又系果句，唔咸😅 我食咗好多，返到屋企都唔會搏命飲水👍最後燒雞要打包，只食咗5舊咁上下，其餘既餸清晒冇浪費😬😬最後，原來有糖水送，紅豆沙😬😬雖然話送，但佢地一啲都

咕嚕生炒骨 排骨炸得金黃香脆🥰配料份量十足🍍味道酸甜可口好開胃🍚大蝦粉絲煲🍲蝦🦐有成十幾隻十分大方🤩蝦肉新鮮肉質爽口彈牙👍🏻粉絲亦好足料炒得有鑊氣👨🏻‍🍳吸曬鮮蝦既精華好惹味😋如果汁可以再收乾啲 就無敵了👏🏻炸子雞即叫即炸上菜時新鮮熱辣♨️皮脆肉嫩👍🏻肉質唔會鞋口仲保留到少少肉汁雞肉🐥醃得入味涼瓜鉗魚煲🥘鉗魚🐠炸得適到好處無腥味👌🏻苦瓜爽脆清甜味道都唔差😇整體而言，餸菜味道唔錯🉐食材新鮮✅廚師有一定水準👨🏻‍🍳👍🏻每個餸都頗為足料估唔屋邨酒樓都有驚喜🥰

酒樓男經理態度惡劣、敷衍！收銀亂收錢！外賣部俾漏嘢！食物難食！打電話去要求對單被告知要親自過去同外賣部對，外賣部和收銀各執一詞，經理處理問題敷衍，態度極之惡劣！

自從外賣站換咗人手之後，經常出錯餐、漏單。今朝買外賣，個女職員十問九唔應之餘，牛肉球話咗要gip汁，睇住佢有用個樽斟。返到來一滴都無，擺明玩嘢！呢啲服務態度令人大開眼界。

這裡食物比其他酒樓棒，廚師功力好，服務員像家人一樣，非常nice，坐得又舒服，有靚景欣賞，比較闊落舒服。常來吃，好過出面中高檔酒樓多多聲，食物的色香味都恰到好處，落足料。廚師很用心，無論是下午茶或者晚餐都是水準好好。服務員同我地好熟，，，，成日都會聊天，，，有歸屬感。我們常吃又覺得一流的美食： 籠等魚二食（魚肉多又爽），口水雞（雞肉新鮮），醉雞鍋（藥材足，味道香），水煮牛肉（足料大滿足），其他例如雪山叉燒包，腐乳炸豬扒，平貴都正。

服務態度極差，侍應冇禮貌，員工偏幫員工，想搵經理加以阻止。明明未問食客飲咩茶，卻聲大夾惡話已經問左我地，當事我地2個都冇聽見卻話已經叫左我地，真係好令人生氣，以後不幫襯！！！

搬辦公室之後，其實真係無啖好食....閒時都會外賣個燒味飯番去食....呢到嘅燒味都算好味架，雖然偶爾望入去會見到佢地叮番熱啲燒味上菜....但應該好多酒樓都係咁做...講番今次個飯....今次係我第一次夜晚叫燒味飯，個燒肉皮..得一塊係好脆，其他只係勉強脆...而每件燒肉肥瘦剛好參半...唔會太肥同乾爭爭..而燒鴨，我好怕食到有陣鴨騷味嘅...今次都無...而阿叔今次亦俾左好多飯...所以啲汁就唔係咁夠...

呢間酒樓同屋企人食過幾次，因為比較近，好多街坊鄰居。 熟悉而就腳係本身揀呢間酒樓既原因。 而媽咪同我最中意呢間既 <藥膳雞腳>，係食過咁多食肆最地道最足料的！ 真係有好多藥材，而且湯好濃郁好鮮味！ 雞腳亦都熬到好冧😋😋😋仲有好多隻👏🏻👏🏻👏🏻不過套餐既皮蛋瘦肉粥就完全係白粥囉 d皮蛋細粒過d米，而瘦肉係完全撈極都無既🤷🏼‍♀️ 真心呢度過5到媽咪話可能一大煲咁盛出黎，所有有時會盛5到料。。。。 不過我覺得保證素質都好重要！

光顧外賣本來係要雙併飯 職員誤以為我要單併飯搞錯都算啦 改返咪冇咩事囉但職員對客人態度非常非常非常之差人地來買野食 唔係受你氣服務質素有待提升！食物價錢合理 但服務質素係好重要！

今日來到這間酒樓，突然見到有鳳爪排骨飯，本來想叫，但職員話過了早上11點就沒有了，當時是11:05分，於是便放棄選擇其他，過咗無幾耐，約11:10左右，隔離枱有個男人叫個相熟職員，話要2個臘味飯1個鳳爪排骨飯，二話不說個職員就立即去攞，跟住佢哋同枱有個女人又話要鳳爪排骨飯,當時已11:20了，個職員發現我聽到，啲眼神鬼崇，於是我問佢係咪仲有，但佢回覆我話冇，我話你哋夠話11:00就冇，你咪又係攞4盅出來，佢扮聽唔到就走咗去，呢啲咁嘅服務態度同差別待遇手法真係不要得，可能就快過年博嗰位乜生俾封大利是