嚮和風料理

營業中

休息中

喺北角站A1出口轉右行1分鐘就到嘅日式咖喱店，非常值得推介，價錢非常親民，重點係好好食！座位算係闊落。🩵慢煮豬軟骨野菜咖喱飯 $75慢煮豬軟骨簡直係鎮店之寶，必點，驚艷地好食，肉同軟骨已經煲到軟腍腍，咬落去充滿膠質，充滿豬肉香味。飯係南瓜粟米飯，可以轉白飯或者烏冬，不過都係建議食返健康嘅南瓜粟米飯啦。日式咖喱多數都唔辣，只有少少辛味，咖喱汁唔會過於濃稠，配飯剛剛好。🩵牛油烤雞野菜咖喱飯 $65牛油烤雞都係推介，雞肉好軟滑。每碟咖喱飯都有足夠嘅蔬菜，值得一讚，均衡搭配。🩵溫泉蛋牛肉丼 $58牛肉丼都不錯，牛肉份量好多，蓋滿整個飯面，牛汁撈飯充滿牛肉香味。🩵炸魷魚鬚$30🩵炸雞亦（4件) $28🩵脆脆蒜香茄子 $25小食也是非常值得推介，$20-$30一個小食真係好抵，炸得香口不油膩。🩵檸檬可樂 $8（跟餐）🩵橙汁 $5（跟餐）整體感覺舒適的和風料理餐廳，餐點好食、價格親民、性價比高。

放工一出地鐵必經既餐廳，超方便，見價錢都好親民，今晚黎幫襯下1）慢煮豬軟骨咖喱烏冬 （+醬汁蛋半隻）慢煮豬軟骨真係好腍，連軟骨都好腍，難怪係招牌菜。烏冬配埋咖喱汁，嚟一個撈烏冬，咖喱汁有少少辣，份外惹味。醬汁蛋係糖心蛋嚟，覺得比溫泉蛋更好，蛋味更香濃，好鍾意見到個蛋黃色係橙色嘅！2）慢煮豬軟骨烏冬（揀咗芝麻湯底）湯烏冬就比咖喱烏冬清淡啲，有啲湯濕吓個口，食落冇咁乾。3）10種野菜溫沙律第一次食溫野菜嘅沙律，芝麻沙律醬係另上嘅，非常好。所有菜都係烚熟咗嘅，蔬菜都好新鮮。真係有十種蔬菜：有粟米粒、西蘭花、椰菜花、紅蘿蔔、翠玉瓜、長豆、紫洋蔥、薯仔、南瓜片，同埋蕃茄仔！4）炸魷魚鬚、吉列炸蠔炸物係即叫即炸嘅，炸得鬆脆好乾身，上碟嘅時候候唔見好油，兩個人食嘅份量啱啱好！飲品方面，大家都叫咗檸檬可樂，初初以為係新鮮檸檬片加罐裝可樂，點知係嚟一罐現成嘅檸檬可樂，同想像係有啲落差嘅，但因為係未試過，有新鮮感，飲落都唔差。店舖有清新嘅日式裝修，坐得舒適，有卡位，服務有禮，仲唔收加一添！

位於北角既日式料理店，主打咖喱🍛烏冬、定食🍱同日式小食等，價錢親民💁🏻‍♀️餐廳係北角地鐵站A1出口一出右手邊就到，地理位置非常方便🗺️🍴炸魷魚鬚（$30）魷魚鬚外皮香脆，魷魚煙靭有咬口👄表面灑上七味粉，辣辣地幾香口👍🏻🍴脆脆蒜香茄子（$25）炸漿唔會好厚👌🏻茄子外脆內軟，以香蒜調味帶鹹香~🍴唐揚炸雞($38)炸雞一上枱夠晒熱辣辣🔥肉質幾滑。🍴黑椒雜菜牛肋定食（$82）定食配有白飯🍚沙律🥗同麵豉湯。牛肋肉質軟嫩，幾香黑椒味，蔬菜款式豐富，有爽口嘅蓮藕片、香甜嘅南瓜🎃入味既薯仔🥔同茄子🍆肉同蔬菜嘅比例幾均衡👐🏻🍴慢煮豬軟骨咖哩烏冬（$87）豬軟骨大大塊，炆得夠腍夠入味👅軟骨入口化開。咖喱係日式咖喱，味道甜甜地。烏冬採用讚岐既烏冬，幾掛汁~

.二訪北角呢間新開嘅日式餐廳，出咗地鐵行幾步就到，好方便～ 而呢間餐廳嘅豬軟骨上次食過覺得唔錯，今次再點！🍭慢煮豬軟骨咖喱飯($75)豬軟骨煮得超級鬆軟，肉好嫩滑，一啲都唔老，啲軟骨好多膠質，好味道！🍭吉列豬扒野菜咖喱飯($82）豬扒炸得唔錯，咖喱飯好香，而且咖喱汁好多，送飯好味道！🍭炸魷魚鬚佢地仲有唔少小食選擇，點咗個炸魷魚鬚試吓，份量唔算好多，食完主餐食剛好！✩✩✩✩✩✩✩✩✩✩📍 嚮和風料理北角渣華道124-132號渣華商業中心地下D號舖✩✩✩✩✩✩✩✩✩✩

嚮和風料理今次要介紹喺北角渣華道附近有一間和風料理餐廳叫「嚮和風料理」，輪椅人士如果要入去食嘅話就要自備斜板，因為佢哋門口有一級，店員以為我入唔到去，我一拎出斜板就非常歡迎我入去，搵咗個靚位置比我坐，仲好快手遞咗兩杯綠茶，一睇餐牌主要分飯類、麵類同沙律類，全日都冇加一服務費，都幾抵食！1.慢煮豬軟骨沙律$78+熱咖啡$15（9/10）呢個慢煮豬軟骨沙律個豬軟骨好淋身，豬軟骨又大舊，咬落勁多骨膠原，一共有3舊豬軟骨。至於沙律菜非常新鮮爽脆多汁，除咗沙律菜之外，仲有番茄仔同粟米粒等，不過沙律醋比較酸咗少少，整體份量都算多。跟餐叫咗熱咖啡，只係加$15，熱咖啡唔算好苦，無酸味，好啱我口味，我個人比較鍾意苦咖啡！2.白芝麻牛肋野菜咖哩飯$68+玉泉忌廉$8（9.5/10）呢個牛肋野菜咖哩飯面上落咗好多白芝麻，白芝麻好香，牛肋肉好淋身，大約都有10舊，其他野菜配料包括有椰菜花、薯仔、紅蘿蔔、翠玉瓜同蕃茄仔等，咖哩唔辣又唔甜，如果帶辣一點就好啦！跟餐揀咗玉泉忌廉汽水，只係加$8！2人總共價錢$169個人口味總評分：9.25/10@brother_group2023 地址：北角渣華道124-132號

【北角•嚮和風料理】@ππππππππππππππππππππππππππππππ和風烏冬零舍不同雜菇忌廉烤雞烏冬慢煮豬軟骨一件，野菜，溫泉蛋，白芝麻湯吉列炸生·（4隻）橙汁鳥冬+慢煮豬軟骨烏冬加醬汁蛋一只，轉白芝麻湯雜菇忌廉烤雞烏冬 口味與質感首先，這道菜的雜菇忌廉醬非常濃郁，搭配柔滑的烤雞肉，讓人感受到豐富的層次感。雞肉外皮金黃酥脆，內裡卻保留了多汁的口感，完美吸收了忌廉的香氣。烏冬麵筋道，吸收了醬汁後，讓整道菜的味道更加圓潤。 配料搭配此外，慢煮豬軟骨的加入更是給這道菜增添了風味。豬軟骨經過慢煮，肉質滑嫩，入口即化，與溫泉蛋的柔軟形成了良好的對比。野菜的清新感則平衡了整體的豐富口感，使得每一口都不會過於油膩。湯品與飲品韓白芝麻湯的香濃，更是為這次用餐增添了一抹異國風情。白芝麻的香氣與滑順的質感，讓人感受到不同的味覺享受。而搭配的橙汁則提供了一份清新的酸甜，為整體用餐體驗增添了活力。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 288✨✨✨✨✨✨✨✨✨✨✨✨✨#北角美食 #響和風料理 #北角web北角嚮和風料理北角渣華道124-132號

北角地鐵站A1出口一上黎就有間賣日式料理，好多街坊排隊買外賣，被價錢吸引底下就入左去食～鋪頭裝修基本上係全木，所以都真係幾和風幾舒服！餐牌主要都係分麵類同埋沙律類，我同朋友就各叫一款～我叫左個和風牛肉烏冬，糾結左好耐究竟食咖哩濃湯定係地獄湯，最後都係加錢試地獄湯～食物上到檯都無期望落差嘅！而地獄湯都飲到好濃郁嘅豬骨湯底！所以個味蕾好滿足！朋友叫左個豬軟骨沙律～豬軟骨炆得非常腍，而軟骨地方都逼曬d骨膠原出黎，腍得黎好夠膠～食食下開左個胃唔夠飽，所以叫左份炸魷魚鬚，上檯時熱辣辣，絕對係新鮮炸！而都唔會炸到好乾好柴，滿意！

我今日放工後，約同好友去位於北角渣華道124-132號渣華商業中心地下D號舖的嚮和風料理食日本料理，環境舒適，坐得舒服。我點左個 10種温野菜烏冬$65，加溫泉蛋$10，湯底係蕃茄濃湯+$5，餐飲係凍檸檬可樂 $8（跟餐）；好友點左個 慢煮豬軟骨烏冬 $72，轉拉麵，湯底低白芝麻湯+$5，餐飲係熱咖啡 $15（跟餐）；另外點左個 黑椒雜菜牛肋燒汁沙律 $80，脆脆蒜香茄子$25。整體黎講係好好味的烏冬和拉麵，野菜新鮮，尤其是豬軟骨，味濃肉嫩滑，有咬囗；沙律的牛肋燒得香脆好味，蒜香茄子好正👍。

放工有野要係北角做，但又唔想求其食個快餐，見有間日本野有d定食可以食，又唔會用太多時間，決定入去試下。黑椒雜菜牛肋定食，牛肋肉煎得剛岩岩好，帶有濃郁嘅黑椒味，搭配清脆多汁嘅雜菜，口感好鬼豐富。慢煮豬軟骨烏冬個湯低好鮮甜又夠味，豬軟骨整得好入味，烏冬又夠彈牙爽口。青芥烤雞沙律清新健康，烤雞肉肉質鮮嫩多汁，搭配青芥醬汁，帶有小小的辣香，即時開胃。吉列豬扒外脆內軟，煎到金黃色又酥脆，豬肉又夠原汁原味，每一淡都好爽口。

餐廳位置地點方便，整體食物質素都好食🤤，仲要價錢抵食😃，超級推介🩷慢煮豬軟骨野菜咖喱飯 + 溫泉蛋豬軟骨真係勁勁勁入味，肉質軟腍，啖啖滿足😍，仲有大量既野菜系列，健康又好食，咖喱汁夠哂惹味👍🏻肥牛咖喱烏冬大大碗，份量好多🤣，烏冬勁彈牙好食😋，掛滿咖哩汁食，超級好食，入面肥牛都好多，肉汁juicy，仲有粟米粒同蔬菜，食落口感好豐富仲叫左個小食，芥末椒鹽豆腐豆腐好嫩滑，外皮小小脆身咁，口感好好，配埋既醬汁都好過癮飲品：玉泉忌廉&雪碧

北角地鐵站旁最近開左間日式料理店，裝修好企理，而且好多人幫襯。本身真係好鍾意蓮藕 呢個金比羅沙律好好味！ 蓮藕同平時食開嘅整法有啲唔同，好似炸過或者煎過先炒，好脆，好簡單但好好味，再加埋茄子同薯仔，唔食肉都好飽!呢個沙律色彩豐富，頓時令人心情開朗，食欲大增!慢煮豬軟骨咖哩飯絕對配得上招牌的稱號。豬軟骨經過慢煮，入口即化。咖哩口味濃郁，而且唔係好辣，香氣四溢，充滿了日本咖哩的獨特風味。飯量十足，食量大的男生都唔怕食唔飽!

在鰂魚涌吃過一家人氣咖喱，同這家很類似，那家中午等了45分鐘，這家在地鐵站旁邊，主打日式咖喱，我當然要試一試。⭐️慢煮豬軟骨野菜咖喱飯配菜有西蘭花、翠玉瓜、椰菜花、紅蘿蔔和馬鈴薯。湯底濃稠，滿滿的咖喱味道。豬軟骨令人最驚艷，軟爛可口的豬軟骨與蔬菜結合，口感豐富，不過我喜歡蔬菜煮得再軟熟一些。⭐️蕃茄牛肋野菜咖喱飯濃郁的咖喱醬汁加上蕃茄，酸甜並濟的滋味很搭。咖喱飯有不少蔬菜，我還加了半隻醬汁蛋，我轉了烏冬，烏冬吸滿湯汁，入口酸酸辣辣，很開胃。⭐️肥牛沙律肥牛沙律還可以轉熟菜，十分體貼。配上柚子醋和芝麻醬，健康好味道。

愛心小店🥰🥰好少有餐廳會俾我形容為愛心小店因為香港既餐廳有一種冷冰冰既感覺而我一入到呢 柔和既裝潢 好親切既員工令我覺得呢一間係充滿愛心既小店🔸慢煮豬軟骨烏冬豬軟骨被慢煮至完美入口即化 完全唔難咬 肉質都好滑好入味與Q彈豐富的烏冬麵條完美融合日式咖哩都好濃郁 好好食呢到既豬軟骨我覺得好好食呀🔸牛油烤雞野菜咖喱飯雞肉經過烤制後外酥內嫩牛油香氣十足搭配新鮮爽脆的野菜 仲有好多種架 例如四季豆 南瓜 粟米等等以及濃郁香醇的咖喱醬汁 配飯真係一流呀🔸炸生蠔外層炸至金黃酥脆入口留香不膩突出了生蠔原有的鮮甜推薦推薦🔸芥末椒鹽豆腐豆腐軟嫩可口外層有薄薄既炸粉 上面有好惹味既椒鹽芥末係match埋落沙律醬到好特別呀📍嚮和風料理📍北角渣華道124-132號渣華商業中心地下D號舖

地鐵站口一出就到嘅簡單日式料理，味道卻超水準，非常值得一試！金比羅沙律（熟菜）+加粟米日式炒菜 ，內有蓮藕、薯仔及茄子，以燒汁及七味粉調味，另加粟米更加豐富。而沙律轉熟菜更暖胃，始終女士唔好成日食生冷野嘛。慢煮豬軟骨定食 特色飯非常推薦試試！豬軟骨唔單止鎖住肉汁，醬汁更滲入肉內，相當軟滑、多汁，入口即溶。炸多春魚多春魚比平時食到的更肥美，酥脆香口。雜菇忌廉烤雞烏冬 配無糖可樂烤雞份量都唔少，烤雞+忌廉+雜菇，十分匹配。🛎️必試指數：9/10🔆

今日係北角行街，見到有間日式和風主題餐廳,提供唔同種類嘅定食選擇，價錢親民，環境乾淨，就入去試下佢晚餐1. 泡菜豚肉泡飯（$78）係日式餐廳，都食到幾適合香港人口味既韓式泡菜豚肉飯。泡菜足料，但唔會好辣。香濃泡菜湯汁送飯一流。而豚肉都份量充足。2. 黑椒雜菜牛肋定食（$82）牛肋煮得非常入味，肉質軟嫩多汁，份量都唔少。加埋黑椒雜菜一齊炒，有種結合港式小炒既感覺。而定食中既沙律都十分新鮮爽口。3. 炸雞翼（$28）炸雞翼十分出色，即時炸起，出到黎都仲係熱辣辣，皮脆而且充滿肉汁。4. 炸多春魚（$32）呢個多春魚好抵食，條條魚都十分飽满，而且炸到外皮金黃酥脆，但又唔會好乾好油膩。5. 脆脆蒜香茄子（$25）比較少見既炸茄子，佢做得比較出色係外皮唔會炸到好厚粉，而且茄子唔會吸晒油益味道，保持到本身清爽，加埋蒜香配合得剛剛好。最後加兩罐無糖可樂（$16）總括黎講，依家餐廳性價比非常高，食物質素都好好。下次可以試埋咖哩定食。