嚐越 (已結業)

食個陣大約八點,人都算多,之前冇食過,打算試下.經理唔友善!!!D waiter速度都算快,而且都算有禮貌.環境不錯.食物太貴,叫左又等得耐.我叫左個香茅豬排撈檬,味道一般.價錢又貴,下次唔會再食!!!

因為位處東薈城的另一邊，所以都會比較少會想到這家店，近日因為亞博有演唱會舉行，令喺東涌搵食都變得緊張！正因為咁，一行四人就行多幾步嚟到食越南菜，喺香港食越南菜一向無期望，但係就真係無諗過咁差。因為套餐計落唔係好抵，所以選擇散叫！虎蝦柚子沙律 – 簡直唔明柚子沙律係以椰菜絲為主，又粗又青好似食草咁無味，柚子就加埋都唔夠一小件，仲要係苦的，完全唔知點解叫柚子沙律，兼係廚師推介，直頭係趕客之作檸汁鳳爪 – 普通現成貨，唔難食，份量唔多，只係碟邊的生菜唔新鮮三越(蔗蝦、春卷、粉卷) – 上菜非常熱，明顯即叫即炸，春卷比其他地方食到的大條，餡料又係無味，而跟上的汁料又只得個甜，蔗蝦好少少有啲味，粉卷就再好少少，但都係「味」不足。安南炒金邊粉 – 只有札肉配料，同一件椰菜花，粉炒得乾身，少油，味道就以豉油味為主。通菜煲 – 粉量唔多，成晚最夠味，仲要係味道濃，但夠味唔代表係好味牛油焗青口 – 青口都算大隻，係熱辣辣的，蒜味過重肉質算新鮮，唔霉，可以一試咖哩雞 – 明顯係燜咗好耐，雞肉淋到似豆腐，碎濕濕咁，咖哩汁稀稀的又係偏甜蒜茸包 – 蒜香、牛油夠，仲烘得脆脆的，唔錯整體而言，唔好食，就連廚師推介

與太太到東涌shopping,初初看過食評有點怕中伏,但東薈城沒有太多選擇,於是決定嘗試一下嚐越,下午時間仍有卡位坐,價錢可以接受,套餐有麵有炸蝦有飲品,份量非常大,而且配料亦非常多,很好味,這間店最值得讚許是為我們送餐的男侍應,問他配料應如果使用他亦樂意解答,而且留意到只有他負責送餐,速度很快,即使麵的份量非常大而且很熱,他亦小心翼翼一邊承拓著多份套餐,一邊送上我們的套餐避免手指弄污湯,絕對值得讚許!!!相反另一位經理卻推著垃圾車到坐位收拾餐具,我想這輪垃圾車為何推到用餐處,不覺得污糟嗎?

今日同2個fds o係outlet行街,行到咁上下就去左呢度食越南菜,原本諗住應該普普通通,食飽就算,點知好有驚喜wor,一入到去個環境都算唔錯,我地坐卡位而且d waiter好有禮貌,原本諗住3個女仔都食唔到幾多野la,就叫左個木瓜沙律,豬+雞串,原個菠蘿咖喱炒飯同鮮黃牛脊湯粉大木瓜沙律,d木瓜好新鮮,咬落去o岩o岩好,唔會太一"pat'野又唔會太硬,本人好怕口感一'pat'ge食物, o係香港試過好多間都覺得差,如果唔係朋友迫,我都唔知道竟然東涌有咁有質素ge沙律+埋佢地個dressing,串燒都ok,不過我個人覺得雞比較好食,個沙爹sauce好濃花生味,唔錯原個菠蘿咖喱炒飯,個味道夠,有咖喱味而且d菠蘿好甜,加埋一齊個感覺好fresh,就算食哂成個都唔覺得滯黃牛脊湯粉,個湯底夠濃,d粉都整得幾好,唔會腍or散,最緊要係d牛一d都唔'鞋',,而且夠大碗最後加碼要多個越南春卷, 個饀好好味,而且個皮好脆,加埋個sauce真係好得,下次會再去

今晚同細佬、老爸去呢間食晚飯，之前幫襯過此店一次晚飯，覺得不錯。我們一行四人諗過叫兩個二人餐（各$200餘）或是一個四人餐（$500餘），費時諗麻，又有前菜、主菜，炒粉麵飯又有甜品，但諗到d餐入面不是樣樣喜歡吃的，故最後還是散叫。我地叫了一個鮮黃牛脊湯粉大（$48），湯底唔錯,牛肉味唔鞋 口；沙爹串燒（豬、牛、雞，$14/串，3串起），我們揀雞肉串燒（$42）：OK只是略咸；水晶鮮蝦扎肉卷($50)- 四件剛好一人一件，味道淡又凍的，蝦倒是很大隻，水晶皮好煙韌,但之前見評語都是一面倒不好，奇怪。原個菠蘿咖喱炒飯（$80），炒飯係用個菠蘿戴住，有菠蘿、蝦等例牌配搭，食落有咖喱味，但唔辣，一般水準；南乳吊燒雞驚會食唔哂 故叫了半隻（$100），但每人最少都分到3件，其實都夠吃，味淡，南乳醬好似水無南乳味，但皮真是炸得很脆，d肉好滑 ! 加州果軟殼蟹沙律（$63）, 軟殼蟹香口但油略嫌多，d雜菜沙律真是將菜切碎，不是我喜歡的沙律類型或做法。埋單$421。

上星期日同左女友去左呢間店食晚飯,都差唔多滿坐,我地叫左個香茅豬扒湯濛粉,一個鮮黃牛脊湯濛,一個牛油雞翼,佢d濛粉都煮得幾好,不太腍,湯味都算濃,而且比較清,唔錯,個牛油雞翼好香,好大隻,但得兩隻.....d小二速度都算好快,而且都算有禮貌,係貴左d姐.

We wait for a long time for everythinggetting in, to order, the food....even for the billseems there are not enough staff in the restaurantthe attitude of the staff is so poor,they ignore our request but I do pay for the 10% service chargeWe order the 抄檬粉, but in fact it's 米粉, is it cheating?????the food is not fresh, the vege is old and hard!!!!!!It's not cheap but I never expect the quality of food and service is that badI'll never come again

見咁多人等位以為都應該Ok啦，我們一行四人點了兩個二人餐，埋單都要成600有多，食品包括：木瓜沙律：木瓜好生，椰菜絲仲生！仲要個汁冇味既，簡直覺得自己係牛loh雞﹠豬串燒：OK蕃茄牛腩：得三舊！又炆得過腍牛仔肉粒：梳打粉過重手, 又切得太細粒什菜粉絲：咩黎呀？個湯冇味菜又冇菜味？清炒菜：仲衰過上一碟，又係幾塊椰菜幾塊冬菇...依然係咩味都冇招牌「牛‘背‘湯河」：兩片肥牛跟本非相中物！最緊要既，亦都最嬲既係.....湯底冇味！咩事先而家？連最基本既湯底都搞唔惦就咪學人賣越南菜啦，街邊車仔麵個湯都好過佢好多！我本身打中文打得好慢，所以就算年中上唔少當都好少寫食評，但呢間真係離譜到令人髮指既地步, 先忍唔住出手！

看完『清明上河圖』, 12:00要到處揾食。東涌巴士站側的商場OUTLET就不少, 食肆就比較難找, 電梯要上要落, 左穿右插, 不是易找到。去到這一間, 門面好吸引, 好快來一個服務員, 很有禮的帶我們入去, 奇怪的事很多張枱已擺上"已訂座"的膠牌, 商場咁靜, 又無咁多人幫襯 ? 點菜後10分鐘, 食物陸陸續續上菜, 我們點了 黑椒牛柳炒麵、沙爹串燒、芒果沙冰、什錦拼盤, 另套餐豬肉湯檬+龍眼海底椰茶+薯茸雞翼, 先來一個龍眼海底椰茶, 甜度好適中, 海底椰是長狀硬身有咬口的, 飲落去唔差還很滋潤, 黑椒牛柳炒脆麵香味濃郁, 麵是脆口的, 牛柳剛剛好, 味道是讚不絶口, 當然好味之餘碟底的油真的"少不了", 但真係值得食, 唔使考慮。 沙爹串燒, 第一次的食法, 一邊燒一邊食, 但無乜分別, 綽頭吧 ! 肉味可以及多汁, 無叫錯。芒果沙冰, 是他們的推介, 芒味味濃加飲落去感覺一粒粒的幼沙冰, 真係名副其實, 絶不是得個講。薯茸雞翼雖則不是主菜, 但真的喜歡番薯茸的香及甜, 份量少少但回味無窮, 雞翼就試不到, 囝囝已好快清貨, 話好好味 。至於什錦拼盤、豬肉湯檬, 味道好好, 總

今日有事做，要去東涌一趟，辦完事後就去食個下午茶．．．去了一間 “嚐越” 食嘢，呢間既越南菜我响九龍灣都食過，今次我食了個黃牛脊湯檬餐 + 青檸梳打黃牛脊湯檬餐，黃牛脊食落口感唔錯，半生熟的感覺，肉汁又多，真係响越南菜先食到。而d湯檬加上魚露，食落味道好正，真係一個唔錯既配搭。仲有杯青檸梳打配合上湯檬，真係一個不俗既消暑解喝飲品．．． 總括，今次下午茶印象唔錯．．．

晚上同家人去了呢間“嚐越”食個Dinner．．． 我哋叫了幾樣嘢食～～　有菠蘿咖喱炒飯～炒飯係用個菠蘿戴住，有菠蘿、蝦同雞粒，食落有好濃咖喱味，都幾有特色 漢堡香茅燒豬扒～份量就非常足夠 (有三層既豬扒)，加上ｄ沖油，食落好有口感 沙嗲牛串燒～味道ｏｋ，賣相幾得意，中間“開始時”好似有煙出 峴港牛油焗青口～食落就係牛油焗海鮮味，口感唔錯 大黃牛脊湯河~~牛脊食落時有好正既牛肉味，夠淋同唔鞋 加州果軟殼蟹沙律~~軟殼蟹就炸得非常脆同香口，再加上雜菜同薯茸沙律，味道非常清新同特別 總括，食得好飽，呢間越南菜可以再來

今日同朋友响東涌行咗成個下午，連所有outlets都逛過，行下行下去了東薈城既“嚐越” 食了個tea 我試了個黃牛脊湯金邊粉餐，湯好鮮甜，牛脊肉味道唔錯，而且唔嚡口，非常有牛肉味，真係幾好食．．． 我朋友既香茅豬扒撈檬餐，佢話D豬扒炸得夠香脆，份量又夠，夠晒越式既風味wor．．． 總括，算是個幾好食既下午茶！

今日放假，同兩個外國朋友去參加大嶼山之旅，回程來到東涌～ 行咗去附近既東薈城，嚟到一間 “嚐越” 既越南菜嘆個Tea～我哋叫了３個Tea Set，有黃牛脊湯檬 、香茅豬扒撈檬、黃牛脊湯金邊粉～我食既牛脊湯金邊粉 ~~ 牛脊肉就幾好食，口感唔錯，又無肥肉，同唔雌牙，而ｄ湯金邊粉就幾ok，仲有杯芒果青檸梳打，就好有特色~而兩個外國朋友，就話delicious．．．

今晚去了東涌探朋友，我哋就不自覺响東薈城逛．．．見好久無食過越南嘢，所以試下呢間“嚐越”越南菜叫了個三越(春卷、粉卷、蔗蝦併盤)~~春卷炸得好脆同幾香口，越南粉卷料足，味道加口感都好正，蔗蝦就好大條同新鮮，味道ｏｋ香矛豬扒湯粉 ~~豬扒味道唔錯，食落夠淋又有ｄ口感，而湯粉既味道同份量都ｏｋ鮮黃牛脊湯河~~牛脊肉最正，湯底加上少少ｄ指天椒就非常正青木瓜雞絲沙律~~用料都幾新鮮，木瓜好爽脆，係可以再試既菜式～～～

入東涌辦完事，已經很餓，餓得像條餓狼，與太座四處找地方吃飯，經過酒店，有自助餐似乎幾吸引，但太座在午間不想吃得太豐富，轉在商場找食肆。地下有一間吃越南菜的館子，叫「嚐越」，腦裏即時想起，臥薪嚐膽之越王勾踐，在這裏，看怕沒機會嚐膽了，嚐美食倒可以吧！午間頗多客人，兩人檯很迫夾，檯與檯之間相距得幾吋，估不到在東涌也寸金尺土。午市有些套餐供應，我們點了一個咖喱牛腩飯，越南春卷和芝麻籽青檸梳打，另一款套餐要香茅雞翼撈濛配青檸梳打。咖喱牛腩與飯是分開上，一小砵全是牛腩，沒有薯仔等物，牛腩肥瘦相間，炆得很腍，咖喱汁祇是中辣，令人吃得開胃，越南春卷伴有一球薯蓉，內有些粟米粒和沙律醬，味道不錯，春卷嫌不夠脆，太座說它的皮與廣東春卷皮不同，所以不脆，餡料也不見得吸引，祇得些少肉碎和雜菜。香茅雞翼撈濛，有兩隻雞翼，體積頗巨，炸得金黃色，味道很香，濛粉是凍濛，有些配料在面，花生碎，菜絲等，可能配料不夠多，不可以撈得好，濛粉很淡，索性淋咖喱汁吃，辣辣地，又幾好食。套餐還可加 $6 點椰青糕，祇是薄薄的一小件，但充滿椰香，還可吃到有一小片椰青肉，而青檸梳打正好洗滌口腔的咖喱味。服務和服式都不錯，有機會會再來。