嚐泰泰國餐廳酒吧 (已結業)

呢間泰國野係老細介紹既，佢話好多泰國人都去食架！仲提我記住要book位添！我book左3位1點鐘。好彩book左咋，上都去都仲要等下先有位啊！都有成7-8個人等緊。所以黎試就記住book位啦！朋友點左個泰式滷汁豬脾飯份量正常，豬脾煮得好夠林，個層豬皮食落口都唔會話肥膩，d肉好嫰，點埋隔離個泰式辣汁，同豬脾好夾，下次我都想試！我就點左個海鮮喇沙湯金邊粉(S2) 仲加左一隻煎蛋(我好鐘意泰國既煎蛋，佢地個蛋邊會脆硬，但中間就唔會熟哂，少少流心！好正！呢個係辣既，我叫左少辣，個湯好濃，同埋都幾足料: 蝦、魷魚、青口、半隻烚蛋。係好好味既湯！最後仲有d細碗既甜品送添！Set lunch包一個主食同一杯飲品，仲會送甜品，價錢$60-70度，可以接受~但記住再黎一家要book位！

灣仔友每次lunch黎呢間餐廳都係滿座。皆因佢接受電話訂坐，又好多人walk-in!佢位置唔易揾，而且係樓上舖。我已經黎過好多次lunch,因為食物水準真係唔錯！推介：雞肉炒金邊粉/海南雞飲/雞脾飯/豬扒炒公仔面佢個set包飲品同一個小小的糖水（派哂就無）飲品我唔會揀奶茶咖啡，因為泰式奶茶咖啡實在好甜好怪。今次我推介係佢話限量既秘製雞脾飯。佢燒得好靚，份量足，個汁又好正，好想再食呀

因為阿媽有耳鳴，所以近排揀食肆都特別小心，要揀環境寧靜嘅，呢間泰店響街市樓上，唔太多人知道認識，而且之前食過幾次都算ok，所以環境係我優先考慮因素。鹹魚炒芥蘭 $75好有穫氣，炒出鹹魚味，芥蘭脆嫩，唔會有苦澀草青味泰式鹽燒魚 $132成日食蒸魚，所以今次想試燒魚，魚超滑但腥腥地，唯有唧多dd檸檬汁啦，不過真係燒得熱辣辣同好香黃咖喱炒軟殼蟹 $178黃咖哩本身唔辣，係食佢香味，三色椒、洋蔥令個汁帶點甜，好啱我口味，軟殼蟹算大隻，炸得香脆可口，可惜幾隻蟹都無膏蒜蓉包 $32蒜蓉唔夠多，似牛油多士多d，不過用嚟點咖喱就無所謂，最緊要夠脆串燒沙嗲半打 $88牛豬各一半，但兩款肉都燒得比較靭，只覺沙嗲醬最掂椰汁冰 $26x2三人共消費：$615

幫哥哥和表妹慶祝生日食晚飯！表妹要食泰菜，話要黎哩度食！正宗泰國人開嘅泰國菜，先講坐位，一早訂左8位，老屈話6位後加人坐已經唔舒服，食物質素又唔係真係咁高，不足以彌補坐位嘅不適！係得串燒比較可取

灣仔雖然唔算鬧市 但係亦都好多多國菜選擇今次揀咗小巷裏面嘅一間泰國菜館位於樓上鋪 遠離繁囂可以慢慢品嚐美食餐廳裝修好有心思 有泰國藝術元素恍如置身泰國一樣泰式拼盤 $123色彩繽紛嘅拼盤分別有炸雞翼炸蝦餅炸魚餅同埋素春卷炸蝦餅同埋春卷都炸得非常香脆可口絕對唔會有食到一口油既情況炸魚餅味道好濃郁 香草味突出雞翼略嫌乾左少少 但係亦都唔錯黃咖喱炒軟殼蟹 $178分量十足嘅一道菜色總共有三隻軟殼蟹 真正做到啖啖肉雖然係炒香左 但係亦都唔會好熱氣黃咖喱香濃到不得了無論係配搭白飯或者薄餅我部都係天衣無縫絕對值得一試 令人回味大蝦炒金邊粉賣相非常奪目 顏色鮮艷吸引蛋皮煎得好香滑 金邊粉以多種泰式香料炒成食落質感彈牙 而且青檸 花生碎同埋辣椒乾都放喺側邊任由顧客自己調味 啱晒食得辣同唔食得辣嘅人大蝦鮮甜 配上醬汁更為惹味員工大部份都係泰國人服務好貼心 不停都有斟水收碟所以食得非常開心 食物質素方面味道都算正宗 分量又大碟！下次仲想試埋佢哋嘅甜品

有位灣仔街坊推介這間泰菜。今日一試，想不到，「圖文不符」但卻有驚喜。點解話「圖文不符」呢？舉個例我嗌左最愛的芒果糯米飯，Menu是咁的，實物是咁的，香芒椰汁糯米飯（$78）上檯一刻,忍不住嘩一聲「咁靚既？！」心心眼。芒果一片片厚薄一致，展現了刀功，香甜味美。配上黑白糯米和椰汁，又係一個perfect match!黑糯米保留咬口而白糯米則較綿滑，份量係剛剛好配得到，芒果好糯米不多不少一同吃完，真係冇得輸。亂入講咗甜品，講返環境先，位於石水渠街一幢不起眼的大廈一樓。一樓入口處有神像，所以我就不影相了。裝修都比較平實，以卡位為主。店員目測都是泰國人居多，笑容親切。講返食物先。泰式炒金邊粉（$108）另一個上檯有驚喜既係呢個金邊粉。不得不說，金邊粉要炒得出色並不容易。尤其不能太乾太濕，否則就不好吃了。呢度既金邊粉响呢個層面就做得不錯，鑊氣未算勁，但濕度剛剛好，而且蕃茄香突出，更多一樣是佢個蛋！留意到呢度其實有唔少奄列等既蛋類菜式，而呢道金邊粉亦揉合了蛋既質感香味，夾住一齊食，特別加分！另一道我推介的是這裡的冬蔭功，大蝦冬蔭功-Regular($98)你話係咪好特別？唔係！但係好正宗足料。南薑、

灣仔都係金融商業為主，但另一邊比較平民。係市政附近都係街市範圍，大大小小既雜貨店同車仔檔，比較有舊區既感覺同朋友黎到舊樓入邊既餐廳，好少餐廳係商住入邊，除左私房菜!但上到黎又唔覺私房茶，但店員都係泰國人/泰裔。menu係人手製既file book，點左d少見既泰菜椰汁南薑雞湯👍通常食泰菜都係冬蔭公，見佢有南薑，今次試下椰汁雞湯材料同冬蔭公差唔多，都有香茅莠珍菇同蕃茄仔，但主角變左雞肉。飲落係超甜既雞湯，有椰汁既滑，香茅既香，非常唔錯，南薑應該都係用黎調味，味道唔會太濃👍泰金柚蝦球沙律第一次食，唔知其仔餐廳係咪都會落炒椰絲，但炒椰絲配柚子肉黎食非常好食，椰絲既甜中和返柚子既微澀柚子夠肉又多汁，非常唔錯，而本身都有落類似沙律醋既汁，酸酸甜甜幾開胃泰式魚露生蝦唔係間間餐廳有做，見到有即刻試!冷盤黎講溫度夠，又唔會出哂水，每隻蝦都放左蒜片同辣椒最正係個泰式汁，酸酸辣辣加少少泰式汁成隻蝦食，夠辣!!但蝦真係夠新鮮，甜味好夠，蝦味唔會俾蒜同辣搶過香芋海鮮焗飯點解點焗飯?因為有香芋!咁耐都未見過有香芋海鮮焗飯呢個菜名，試下出黎既效果會唔會香啲!飯入邊的確加左芋頭粒，但要一齊食先食到芋頭味，無想像中一

呢間餐廳係街市入邊其中一棟舊樓入邊，都無期待，諗住餐廳都係一般。但出奇地，裝修，食物質素同擺盤都好出色，精緻。而且價錢，份量合理，最緊要係服務態度好，好照顧食客。不過一家人黎需要訂位，位唔多。

因為知道呢間泰國野好多人食，所以預先早左一日訂位，1點鐘上到去，門面好窄，而且企左幾枱人係度等緊，侍應姐姐都幾惡只啲人唔好阻住通道，但其實真係冇位比人客等位，雖然BOOK左都再等左10分鐘先有位。我記得之前有同事講過一定要試食佢個豬脾飯，所以我毫不猶豫咁就揀左。泰式滷汁豬脾飯 $63份量好大呀!!豬脾同飯一樣多!!! 豬脾煮得好軟林林，又唔多肥高，就算係層豬皮食落口都唔覺肥膩，肉質好嫰，真係好正呀，佢仲有個泰式辣汁係隔離，同個豬脾超夾呀，好中意呢個邪惡豬脾飯呀!!泰式炒雞肉金邊粉 $63同事既金邊粉，佢話冇咩特別可言，唔係好好味但又唔係難食，正常金邊粉。HAHA，應詃一早跟我叫豬脾飯。濕炒雞肉河粉 $63另外同事既濕河，蔬菜份量奇多，望落去係超健康型，可惜佢話雞肉味道奇怪，好似有小小變壞左既感覺。重點係+$3叫龍眼冰!!!HAHA!!好抵!!! 龍眼冰真材實料，龍眼肉超甜!!好有泰國既透心涼水準。最後仲有小小既甜品送，係粟米椰汁露，甜甜地都幾地道，不錯。

提早兩日book枱食Lunch，跟同事在13:00準時來到。嘩！好彩同事醒目有訂枱，去到門口位置人山人海，無訂枱的都打退堂鼓。一行四人叫咗四個Lunch Set: 兩份泰式滷汁豬脾飯、泰式炒金邊粉、濕炒雞肉河粉 泰式滷汁豬脾飯我每次都會叫這裡的滷汁豬脾，豬脾滷得非常入味及淋身，差不多無牙公公婆婆都食得。除了豬脾外還會配上半顆滷雞蛋。豬脾份量真係唔少，啱晒我呢類食肉獸。泰式炒金邊粉有青檸同花生碎放喺旁邊，不過份量對比上泰式滷汁豬脾飯真係少咗啲喎，同事食完都唔係幾夠飽。濕炒雞肉河粉味道係幾好既，不過佢呢個河粉係好健康，其實無咩雞肉喺入面，同事一邊食一邊呻點解咁多菜架，咁多菜少肉好事黎既。 臨走仲有糖水提供，雖然真係好細碗得兩啖就食晒，但係都叫免費送糖水，免費的不能要求太多。

今次介紹呢間上樓泰國野, 12:00 lunch 其實人不多,但多數都book 位好一些, 因為有時真的會full。 我地一班同事去到順利坐底, 午餐都有幾個特別吸引。 最特別有一個 () 寫明每日10 份, 但係唔係真係得10 份真係唔知, 要搵11 個人去叫下同一個餐先知啦。講下我主打推介s10. 個香辣肉碎飯同埋s....唔記得幾多號的青咖哩雞, 有幾次去我都係食呢兩個轉來轉去都係呢兩個。 同事說10份果個脾飯其實都係一般, 普普通通咁啦。至於飲品, 我會比例喜歡凍青檸水, 其實咖啡奶茶都係泰式, 我未試過。同事有說好, 有些說怪怪地, 呢樣就要睇個人口味。

在灣仔中午飯，確實難找位，無意中發現呢間樓下係灣仔街市，大廈在街中間，再沿樓梯，也可搭電梯上一層，就見到人頭滿滿的餐廳。這餐廳可訂座，今次朋友突然約食飯，沒有訂座情況下，被迫偏配到臨時加既檯，一張很舊很舊既木檯店員態度仲好差，一副唔憂做既樣子個碗古色古香不過有點 dirty Thai 式冬蔭功海鮮金邊粉 $62 包飲品湯底應該係用冬蔭功湯粒溶解而成的太多磨菇粒，太少海鮮金邊粉煮到「諗」晒碗邊塊生菜比人睇到洗得唔乾淨～

無意中係openrice見到呢間餐廳.....看見幾吸引.....一於就試就.....去到有少少難搵....唔熟果頭....一入到去有好多泰國嘅裝飾....不錯全部都係泰國人主理.....感覺非常良好....試左佢個泰式豬脾飯.....一個字....好掂.....夠冧....夠入味.....加埋佢個泰汁.....無得頂.....入口即溶......好食價錢仲要好平民....灣仔呢個價錢....咁嘅質素....無得頂下次可以試佢晚餐

今日lunch與同事到此店試一試，點了兩個set lunch,$63@,有主食和飲品一杯，還有甜品。何為正宗泰國菜?其中一個餐，泰式豬頸肉炒河粉，用的辣椒就是辣中帶微甜，不會有麻辣感;另一個餐，鷄脾飯（限量制作，售完即止），大型鷄腿，微咸.香口，炸得皮爽脆，肉鬆軟，飲品都是大眾化口味:泰式奶茶，檸檬，檸水等，泰式特飲要加$5;服務生笑容多，反應敏捷，即叫即取碗筷;最後還有番薯糖水。整體而言，10分滿分，我給予8分，值得再去。大家緊記，要訂位呢，否則無位,要另尋他方呢

好耐冇同男友來灣仔食飯，諗咗好耐，最終決定再食呢間泰式餐廳。餐廳位於街市附近，係唐樓嘅一樓，入口不顯眼，星期五夜晚都唔算太多人，無須book位。Menu 上有好多選擇。蝦醬炒通菜 ($65) 都幾大碟，火候剛好，通菜唔老幾爽口，蝦醬鹹香，好食！青檸梳打，好refreshing泰式炸蝦餅釀皮蛋($82)超級好味！蝦餅外面脆裏面彈牙，糖心皮蛋味道香濃，一啖有多種口感，醬汁酸酸甜甜，非常醒胃。必食推介！泰式鹽燒魚($125)製作時間要20分鐘，條魚燒得剛熟仲有肉汁，個汁酸辣幾刺激，男友話太辣。我應該會為咗個皮蛋再次幫襯總括來講，係一間幾抵食嘅樓上泰式餐廳。