嘉寶漢堡 (嘉寶大廈)

營業中

休息中

There weren’t much to say about my cheeseburger besides good x3. Honest. No frills. Sizable. Good “secret sauce”, and that’s how they all called their burger sauces (I think mine had a hint of BBQ sauce). Beefy patty cooked pink.The fries were super evil and in the Chinese saying, “heat-ie”. Crispy, thick-cut, maaaybe double-fried so that’s why they were harder on the outside but still good! I had to share them because the portion was quite big (fries were given away already in my photo).The lin

由以前中學時期已經好鐘意食，睇住佢由細舖搬大舖，再開分店🤤🤤 尖沙咀店都有幫襯過，不過真係太少位成日要排長龍，所以通常都係外賣多🙈 其實兩間都一樣，非常高質同多人🤪Burger方面，有牛羊豬雞蝦同素，唔食牛都好多選擇🥳🍔 黑松露芝士牛堡($45)🌟🌟手打漢堡好厚肉爆多汁，滿滿嘅黑松露醬舖滿全層，一啲都唔吝嗇，一咬就漏哂出黎，松露嘅香氣撲鼻🤤 配埋新鮮嘅生菜同蕃茄refresh一下，麵包有微微煎香，一個咁用心即製嘅漢堡，$45絕對平到笑😆😆🍠 蕃薯條🍟 漢堡加$13可升級套餐配薯條及飲品，非常建議再加$4試吓個蕃薯條，係粗身薯條，好甜好新鮮，炸到熱辣辣出晒煙，甜甜地咁，同平時薯條好唔同，好有驚喜🥰🥰今日午餐時間都幾多人，如果唔想等位可以外賣😉 溫馨提示，可以預先落單再過黎拎，因為即叫即整，製作需時😋😋 希望快啲可以再開分店，咁就可以成日食到咁高質嘅burger💛💛大家得閒都要多啲去懲罰下佢地先得🤬🤬———————————————————————

早已聽聞葵興光輝圍有一間漢堡包快餐店，出名漢堡包好食，巧合路經附近，所以去試吓。我們點了雙層芝士漢堡、磨菇芝士漢堡、炸脆薯格、炸蕃薯條，飲品是罐裝可樂 Plus 和 if 椰青水一支。 「雙層芝士漢堡」😋😋😋👍🐂🐂🧀🍔 麵包烘得香脆，有兩塊肉嫩多汁的漢堡牛肉，配上新鮮生菜及厚厚的番茄，芝士味濃郁，口感非常豐富。「磨菇芝士漢堡」🍄🐂🧀🍔 同樣麵包香脆、漢堡牛肉香口多肉汁，而配上多汁啡磨菇、芝士、生菜及厚切番茄，超正！ 「炸脆薯格」及「炸蕃薯條」🍟🍠 首先份量多，薯格很有薯仔味，而蕃薯條是黃色蕃薯，微微甜，同樣都炸得香香脆脆。

「嘉寶」這間漢堡名店，今日終於有機會來朝聖一下，但堂食實在太多人等位，只好買回家享用晚餐…首先講下薯條🍟，老實說如果只是為了這包粗薯條來，已經值得有餘👍👍如果真的要雞蛋裏挑骨頭，我會話鹽味太少，好彩在家吃即刻加多少少海鹽，即變成完美😋(由店回家其實車程只有15分鐘，所以還是微暖外脆內軟)芝士牛肉漢堡🥩：個麵包上下質地軟熟，內𥚃芝蕃茄生菜配料新鮮，主角漢堡牛肉柔軟新鮮肉味香濃👍👍👍$31咁既質素，我相信可能全港不出3間（其實其餘兩間可能根本不存在😝)泰式蝦堡🍤：這蝦堡有別於M記和毛記的炸蝦塊，這店是用泰式蝦膠餅做法算是少見，蝦餅味香彈牙十足👍👍👍香辣羊堡🐏：用羊肉做漢堡在香港比較少見特別，愛吃羊肉的我當然不會錯過～一打開個包，即刻聞到好香孜然味，咬一口孜然味被香辣味蓋過，而羊肉味只是一丁點不多(或者我嗜食羊肉不覺味濃，雖然整體不算差，但由於前者兩個包都太出色，如非嗜羊嗜辣者，這個可以暫不理會😬PS：一如傳聞所說，假如你吃過「嘉寶漢堡」🤩之後，你就會對M記包再不想去食啦😝

老遠出到黎葵涌，餓住等左半個鐘～ 終於俾我食到嘉寶喇！😋 仲見證到一班後生既店員捉左一隻迷途既小蜜蜂🐝 勇氣可嘉！唔知最後點處置 哈哈咁遠黎到當然要貪心點，叫左好多野食，直情想試晒成個餐牌。1. 大啡菇牛漢堡好juicy，食到最尾流到成手都係😂😂個啡菇好大舊，啖啖汁~ 100分好食過好多貴價高檔漢堡餐廳2.蜜糖芥末豬漢堡漢堡包有菠蘿又係好juicy醬汁好開胃，成個包既配搭都好好啊3. 炸薯條好食，肥肥扁扁的4. 炸薯角好食，要加$2，未到好好好食下次唔食💰5. 炸魚肉燒賣就係炸燒賣囉😆

Bookmark左呢間漢堡包好耐 終於都的起身心肝特登去試喇😆 果然冇令我失望❣️呢間平民漢堡快餐有好多款選擇 除左普遍漢堡包餐廳有既牛 雞 同豬之外 仲有蝦 羊 烤菇 同最近既熱門Impossible素肉添啊！總有一款啱你呀🤗-▪️👑黑松露芝士牛堡OH MY GOD 佢地既牛堡真係好！好！味！🤩 塊漢堡扒超！級！juicy!💦又厚 食落亦有牛味 夾埋溶左既芝士同滿滿香噴噴既黑松露醬 令成個漢堡包加左分啊💯😆 麵包亦好鬆軟 蕃茄同生菜都好fresh 一齊食就冇咁膩喇💁🏻‍♀️ 強力推薦👏🏻p.s. 我女仔食曬成個包覺得啱啱好 男仔食一個就可能未必夠飽(？)▪️薯格雖然佢只係普通既薯格 但佢地既薯格係全部都脆卜卜架😍 係食到尾都keep到咁脆👍🏻 而且有好多！食完我飽到上心口要行番幾個鐘街啊😆-總括而言：必試！雖然佢啲分店都唔太就腳 但佢地既食物絕對值得大家去支持💛-💰: 黑松露芝士牛堡 $50 升級套餐 +$15 (提提大家：兩間分店價錢有少少唔同)

比起啲大型連鎖店漢堡快餐店，呢類型嘅小店更見親民用心。所有食物即叫即做，食好嘢要等下在所難免。等左15mins 就有啦。佢漢堡款式可以自由配搭，小食種類都算多。飲品除咗汽水之外仲可以揀椰子水夠健康👍個漢堡包好Juice，薯條份量好多❤️雞翼都好入味😋😋😋良心小店已經越來越少希望大家有時間嘅都大力支持🙏

個紫菜肉鬆包非常多汁有味但可能會賣哂 要食既要早少少外賣唔知係冇貨定太熱門冇得揀加埋薯條價錢又唔算貴 其他包都一樣咁好食我同男朋友兩個人叫都係100史就搞掂 又飽人生食過最好食既包不過分店開多幾間就好

#嘉寶漢堡係住係嘉寶大廈既嘉寶漢堡呀😀哇哈哈哈😛芝士牛堡係呢間既鎮店之寶👶🏻見親溶緊既芝士🧀小編都會把持不住😖既然係咁，一於試下雞堡係咪一樣咁出色先😛夜晚7點半去到門口見長龍是常識吧！😭😨不過唔驚！快餐店人流去得快，而且人少少搵位更快，有位就攝啦😂自由搵位唔洗驚！嘻～唔洗五分鐘我部取餐機就震震震🤫🔜☑️＜🍔惹味辣醬蛋雞堡🍔＞ 漢堡套餐：配上流心蛋既漢堡，當我拎上手蛋汁唔小心滴哂落台面😰又蝕哂！蛋堡有兩層生菜🥬同埋蕃茄🍅，加上好滋味既辣蛋黃醬🤤❤️勁足料厚雞肉係由店員親手整成架～配上脆脆薯格🍟＆洋甘菊茶☕️想講其實淨係食個漢堡都已經好飽呢！飲品方面有很多選擇🔎，除了熱飲茶外，一堆汽水在雪櫃自取🥤～

味道：⭐️⭐️⭐️⭐️⭐️喺葵芳一個角落嘅小店對於我來講無論坐車定係搭黨鐵都有啲遠🤣係週末開門前10分鐘左右到左，已經有短短既人龍❶ BBQ菠蘿牛堡 $31🐮餐牌上面係蜜糖芥末菠蘿豬堡不過比我係咁轉轉轉轉轉左個醬，再轉左個肉再走菜走蕃茄就變咗我呢一個包啦大讚👍🏻👍🏻呢間可以俾我呢啲揀飲擇食轉到變左個完全match曬自己心頭好既包😋個包係即製 上枱嘅時候熱辣辣🍔啲配料擺埋一齊都match🍍❸ 炸番薯條 + $13轉套餐配飲品 再加+$4轉完全冇諗過炸返薯條嘅份量咁大同樣都係熱辣辣 即叫即炸😍平時食普通薯條食都會厭 今次呢個番薯條又幾特別甜甜地而且好香脆😋❸黑松露芝士牛堡 $45食物上枱已經聞到香噴噴既黑松露香味黑松露醬既分量多而且味道濃郁牛肉未叫juicy 但起碼唔會係煎到好乾🐮再夾著一塊半溶嘅芝士同埋好fresh 既生菜同蕃茄 🥬一啲都唔會好膩❹炸燒賣 + $13轉套餐配飲品燒賣可以揀魚肉🐟或者豬肉🐷份量好多一份有成八粒 炸到外脆內軟 真係好好食🔥Ps:尖東都有分店啊😋

呢間港式漢堡店真係超級有人氣尖沙咀間分店次次經過都見到有人排緊隊今次嚟到葵興唸住一定就要試下佢(੭˙꒳​˙)੭價錢真係好實惠 大部分都係三十蚊左右 見到個下真係嚇親 香港地漢堡店嚟講真係好耐冇見過咁抵嘅款式都唔少 特別係有漢堡店少見嘅羊肉 所以我試咗個香辣煙肉蛋羊堡 一次過食煙肉蛋同羊肉真係好正 雖然叫香辣但係其實唔會好辣 羊肉漢堡夠juicy 好有羊肉嘅香味 不過個包冇乜特別 主要係啲餡好食𓏲𓏱𓏭𓏭香辣煙肉蛋牛堡 $45伯爵茶 $12

葵興站出再行入葵興邨、光輝圍既隱世漢堡人龍小店網上名氣食評都唔錯，今日終於有機會試下🥳5點半左右去食未見有人龍，店內坐了半滿^o^唔使等位～職員全部都係年輕小鮮肉服務態度唔錯，裝修亦行美式簡約風～ menu上選擇非常多，牛、雞、豬、羊都有，素肉漢堡當然唔會缺席👏🏻第一次食就試啲classic 啲既（穩陣啲）🙂脆薯牛堡 8/10即叫即製既漢堡，面包外脆內暖，薯餅香脆，牛肉漢堡扒厚度適中👍🏻日式芥辣雞堡 9/10日式芥辣醬配上雞肉扒十分合適，唔會太辣，甜甜的😻好開胃！漢堡單價並唔高，大部分都$50以下，加錢轉套餐有一樣小食同飲品跟❤️結論係超抵食

相信大家都唔會唔知道邊間係嘉寶漢堡🍔 絕對係一間良心、親民高質小店 ，由開門到閂門都係排緊隊，點解呢❓因為佢啲嘢食又抵食又好食款式又多❤️ 全部肉扒都係以慢煮方式嚟整 🍔 一定可以鎖住肉汁，全部即叫即做，重點係❗️都係好撚鍾意香港🇭🇰————————————————餐牌嘅所有漢堡🍔+ $13 轉套餐 配飲品同小食🐮脆薯牛堡🍔 $33當然最重要梗係個漢堡肉啦，超級多肉汁，每次都食到成手都係🙈啲汁一路食一路流 😳 完全對得住呢個價錢，脆薯就普通啦外脆內軟薯餅一塊 😅 再配上生菜🥬丶蕃茄丶同埋自製醬汁非常有層次👍👍———————————————————-🐮芝士牛堡🍔 $30味道都同上高差唔多，不過多咗芝士囉 😂，但係建議大家可以加塊煙肉 或者 蘑菇 😍味道會更加香濃 🍔 正 ❤️—————————————————-最推介嘅小食❗️❗️ 一定係（炸燒賣）🖐可以揀魚肉燒賣 丶 豬肉燒賣🐷 雙拼都可以🤗出邊好少食到炸燒賣 🙈 同埋佢個炸燒賣真心好好食 ❗️有8粒呀❗️❗️份量好多 炸到外脆內軟💯💯💯 —————————————————-環境 - 出邊好多人㗎，食完快啲走啦😂😂

連鎖快餐店嘅漢堡包真係無得比🤭 最近食咗幾間 burger 唯有哩間無論味道 款式 價錢 都好吾錯 只係經常排長龍 每次都等45分鐘以上😭推薦哩幾款 😆芝士牛堡 🧀🐮 💰31就咁聽個名可能覺得冇咩特別 但係最基本既先試得出食物既質素🤫包底係走軟熟路線 易入口 感覺冇咁熱氣冇咁乾 哩個包好足料 牛漢堡扒好juicy 有牛味 配芝士同埋啲配菜 🥬🍅 已經覺得好豐富 😋好多人推薦其他牛堡 eg 黑松露，烤菇, 脆薯😆我都係偏好原味🤭蜜糖芥末菠蘿豬堡 🍍🐽💰31 牛堡食得多易濟 叫個菠蘿豬堡可以解膩😛 哩個食過兩次 都係覺得好好食 豬肉漢堡加菠蘿再配芥末味 整體味道好balance Burger 加💰13就包小食 一杯汽水或熱飲佢哋既薯條同炸燒賣都吾錯 薯條係粗薯條 吾係淨係食炸皮既奀薯條 燒賣有分魚肉同豬肉 魚肉好味🤤佢既份量都幾多 連平時大食既男仔都話好飽😂同人share 個餐 會冇咁易濟又可以試多款包😆下次試啲少人食啲既先 CP: 🍔🍔🍔🍔😋:🍔🍔🍔🍔🍔回購:🍔🍔🍔🍔

就算今次已經係第二次食，但仍然覺得好有驚喜牛肉漢堡扒整得好Juicy咬落去個下爆曬汁配埋芝士同煙肉一齊食真係無違和感加上包面又烘到脆脆地咁一啖一次過食曬芝士、煙肉、漢堡同生菜真係非常滿足🤣豬堡在相比之下亦唔輸蝕蜜糖芥末醬汁亦相當惹味唔會搶過豬扒味道之餘，又為整個漢堡增添風味～另外，菠蘿令到成個包的味道變得更加fresh🌿一啖咬落去感覺不比芝士牛堡遜色我地仲升級埋個套餐，要左薯條同薯格薯條係粗薯個種，食落唔會好似出面個啲咁咸咬落去仲可以食到滿滿的薯蓉而薯格就比較脆口同平時連鎖炸雞店食個種差唔多但呢度勝在即叫即炸，所以拎到上手仲係熱辣辣🔥.呢次我地係星期日下午黎都等左一個鐘左右😣所以我地強烈建議諗住黎呢度食的朋友仔用佢個gulu app提早拎定位先到時黎到就唔洗等咁耐