嘉嘉好宴會廳 (已結業)

前陣子同屋企人一齊慶祝生日， 去咗呢一間位於西菁街嘅嘉嘉好 宴會廳， 估唔到食物質素相當不錯之外， 侍應嘅服務亦相當周到。呢間酒家嘅餸菜款式相當廣泛， 既有海鮮、燒味， 亦有各款時令小菜，選擇甚多，全家都啱食。上網見到燒味拼盤非常吸引，結果亦冇令人失望。烤好嘅叉燒色澤亮麗， 肉質嫩滑多汁，叉燒肥瘦均稱， 瘦肉部位軟淋嫩滑，而脂肪入口即溶， 非常香口， 令人難以抗拒。 豉油雞嫩滑，燒鴨騷香，又配以爽口嘅海蜇，拼盤質素甚高。呢一條清蒸沙巴龍躉仔可謂非常超值， 優惠價$68一條， 估唔到絕不欺場， 龍躉仔夠生猛， 即叫即劏，火候控制得啱啱好，魚肉剛剛離骨，食落夠嫩滑， 估唔到如此優惠價錢， 都可以食到圍菜嘅質素。芝士焗加拿大龍蝦伊麵底， 又係令人驚喜之作， 加拿大龍蝦肉厚， 而且亦都夠彈牙， 芝士配伊面更加係絕妙嘅配搭。 一隻龍蝦都絕對有一家四口分享， 超值之選。蠔皇鮑魚一品煲，以$148 呢個價錢嚟講， 真係連屋企煮都做唔到。 除咗有鮑魚之外， 亦有炆鵝掌同大花菇。 鮑魚煙煙靭靭夠入味， 鵝掌翼炆得夠淋， 花菇吸盡鮑魚汁以及蠔油味， 賣相睇落夠派頭。荷香鴛鴦腸蒸滑雞， 上菜時候已經聞到陣陣

陪家人到千色店購物，順便吃午餐. 來到這間於千色店後街的嘉嘉好宴會廳喝中午茶. 酒樓內食客很多，不過剛好有人離座，我們不用等位呢!酒樓空間很大，而且樓底很高，環境也不錯. 平日午市茶位$8，點心價格可參考點心紙. 午市的點心孖寶幾抵食，故此我們都點來一試. 魚茸釀尖椒配山竹牛肉 ($32.8)魚茸釀尖椒一客有4條釀尖椒，即煎熱辣辣. 魚肉彈牙配上爽脆的尖椒，其中有一隻更是辣的，很惹味~山竹牛肉牛肉球很大粒，配上喼汁已經很好吃. 翡翠鮮蝦腸配蠔皇鮮竹卷 ($36.8) 翡翠鮮蝦腸 即蒸的蝦腸熱辣辣，外皮香滑，內裡包着爽口大蝦，加上香甜豉汁，好吃又有水準!蠔皇鮮竹卷鮮竹卷都幾足料，不過略嫌獻汁太杰~濃湯鮮腐竹泡菜苗 ($38) 鮮甜的湯底加上嫩滑的鮮腐竹以及嫩綠的菜心，午市都能吃到健康的蔬菜實在太好了!椰汁紫米露 (優點) ($10.8) 熱度十足的紫米露很足料，而且很大碗，2人分享就最適合不過，但是紫米露近乎沒有甜度，是忘了下糖嗎? 幸好我和家人同樣喜歡清淡口味的食物，就當是吃無甜味的紫米粥，哈哈~價廉物美的酒家，而且點心都

作為元朗街坊，行過見到晚巿優惠幾抵，就行左入去試下。晚巿優惠如果 2-6 人可揀一樣，7 人以上可揀 2 樣。蒸深海龍躉呢個優惠就最吸引到我喇！就係為左呢個優惠行入來。$68 蚊一條，唔算太細架。肉質偏向結實 d 嘅，肉質唔錯架，話晒都係海斑嚟㗎嘛，由細到大在魚的食物之中最鍾意食蒸斑。呢間啲蔥夠多，我鍾意。酸甜咕嚕骨。呢個味道正常。不過呢個係咕嚕骨，唔係啖啖肉架。金銀蛋上湯菜苗。98 蚊，不過菜苗一向都好貴，呢個價格接受嘅。不過你見到呢間餐廳啲菜苗勁多，所以都物有所值啊。菜苗吸左上湯嘅鮮味，百吃不厭，我地兩個人清晒全碟。食完晚飯，梗係想食下甜品啦。我見到有一個椰汁燉燕窩做緊特價，$38，叫來試下先。每一羹都食到燕窩，椰汁🥥又煮的好香甜，唔係人工味，食完一碗好滿足。

通常朝早先會去酒樓飲茶，晚飯時間反而少去，不過見到佢新開而且晚市優惠都給幾吸引，就同屋企人試下。晚市優惠6選2, 揀咗48蚊半隻雞，上菜速度都幾快，15分鐘上晒啲菜，脆皮一品燒雞，姐係炸子雞，真係脆皮，然後普通雞味，自己再點淮鹽或甜醬油。老乾媽海皇豆腐煲，如果你食過紅遍內地既老乾媽辣椒醬，你就會知到喱煲野咩味蠔皇翡翠炒牛肉，菜心煮得夠嫩，保持青綠色，牛肉又軟滑。去港式酒樓吃飯其中幾乎必點的一定係瑤柱蛋白炒飯，叫咗就唔使叫白飯。😂

又入元朗逛街了，今次的目標是買平價用品，因上次見到，比九龍區平一半價錢，平到唔買唔得。行到累了，就要醫下肚先，見時間還早，未到1點，可以選擇去嘉嘉好宴會廳~飲茶，嘆下一盅兩件。扶手電梯上樓，大堂好豪華，水晶燈裝飾。飲茶最鍾意食煎炸食品，魚茸釀尖椒，香辣爽口，鹹水角，口感脆卜卜，蜆芥鯪魚球，以為大排檔先有，價錢抵食。山竹牛肉，例牌食的，啖啖肉。鮮蝦菜苗餃，蝦仁好大粒，夾少少菜，鮮味十足。藥膳雞腳，配白灼西生菜，都只是$39.8，雞腳大隻，價錢勁平。翠綠叉燒腸，腸粉滑滑，叉燒粒適中。咸菜胡椒豬肚，份量好多，味道濃郁。

性價比高的餐廳是口頭相傳的，一家人同親友聚餐就有阿姨提議嘉嘉好，諧音都係家家好呢。菜單已經圖文並茂好吸引啊乳豬拼盤阿姨中意食乳豬，有好多分量，脆而不焦，好爽口！但一擺上台已經被迫不及待夾走，相片都無得影。呢個花膠雲吞雞煲可以係最值得期待抵讚的，湯的濃度適中，雞肉同其他拼盤當然不同口感，肉質有湯汁的甜味，而雲吞係皮都不是厚的那一種，入口即融嗎另一親友叫左鼎湖上素，呢個菜品賣相都叫顏色相映，其他台的食客同我們一樣同花膠都是必點的食物，令到我們感覺不會中伏。不是好清淡，夠送飯。中意食魚，餐牌好似特點還是特例。這個菜是清蒸沙巴海斑。不是每天都有，蔥花撒在上面，滾油同調味淋上碟，一陣魚香味已經傳過來，骨刺都相對比較不太多。蠔皇鮑魚一品煲，賣相相對可能顏色相近影得麻麻地。這個鮑魚應該是根據人頭每個人一個，食鮑魚是否講第一口呢，咬落去好似元貝咁柔軟但厚，是的，我講口感的厚度，咬落去，鮑魚不需要太嫩口。講完美食簡單講服务，菜以上都是阿姨點的，佢黎過一次就記得以及推薦此餐廳，家家相傳都是街坊生意，而點單就是我負責，記錄的阿姐就非常有禮貌，以及會推薦菜市，雖然同招牌菜推薦不同，但阿姐介紹的不錯，例如這條魚

有時候忙碌的工作總想休息一下，食物能夠比人補充體力。約埋幾個朋友一起聚餐，第一時間會諗到酒樓，因為無人趕，又可以聊天，環境又舒適，更加適合清淡健康的人。所以今次選擇咗嘉嘉好酒家，樓下拍車又方便。到了酒樓，當然第一道菜必叫的乳豬併盤，一個菜有齊想食的，乳豬皮脆肉滑，燒鵝入味，叉燒肥美，但雞雞味道一般。再上一條沙巴海斑仔，魚汁配上清蒸魚，正。花膠鮑魚鍋更加不用講，足夠4人份量，花膠大，鮑魚個汁的味道剛好，令到底的菜都吸晒啲汁，好味😋。再加上一個配有雞的雲吞湯，真想飲曬個湯。酒樓的服務態度不錯👍🏾

平時和家人飲茶，都很少有機會會走到西菁街這邊飲茶，今天見到這間嘉嘉好宴會廳，就試一試。裏面的環境都好大，而且座位也很寬敞，坐得很舒服。 我們都叫了幾樣點心，有晶瑩蝦餃皇，懷舊香菇燒賣王， 藥膳雞腳，嘉嘉有球，翡翠鮮蝦腸和蒜香魷魚鬚。翡翠鮮蝦腸，腸粉很滑，內餡鮮味十足，蝦也很大粒。蝦餃燒賣是我每次到酒樓都會必叫的， 而這間酒樓他們的點心，即叫即蒸，所以上枱熱辣辣。蝦餃裏面的蝦很新鮮，很大粒，而且蝦餃皮整得不會很厚，很美味。而燒賣，賣相很吸引，蒸得剛剛好，不會蒸到很淋。而嘉嘉有球，是酒樓很推介的，表面包着一些比較粘的飯，而包餡是肉和蝦，味道也很好味，而且也很大粒。藥膳雞腳煲得很入味，雞腳大大隻，藥材放得很足，不會很油，所以湯也可以一起飲。蒜香魷魚鬚，魷魚鬚不會炸得很硬，食落去很淋，魷魚鬚很新鮮，而且也炸得很酥脆，一碟的份量也很多。

今日去元朗整護照，整完朋友提意去嘆一盅兩件，經過西菁街，見到大大個紅色牌，原來有新開張酒樓，就上去一試，酒樓位於一樓。環境闊落，坐得舒適。食物選擇多，有午市套餐、點心、甜品、粉麵飯、小食…咖喱蒸魷魚大大碟，咖喱香口，魷魚淋身，魷魚底有薯仔，咖喱與薯仔是一個很好的配搭。豉汁蒸鳳爪大隻又夠入味。花膠灌湯包，皮開流出陷料，與清甜湯底一起吃，很滋味。飲茶必點蝦餃燒賣，掛住食懷舊香菇燒賣皇忘記影相，燒賣大大粒很香口，水晶蝦餃皇皮薄大粒，蝦肉彈牙又足料。椰汁馬豆糕味道剛好，清清甜甜，陣陣椰香，夠凍好味。薑汁燉鮮奶薑味濃，鮮奶滑，朋友很喜歡。看到餐牌晚市有特價小菜，下次再嚟試一試。

家人想去飲茶所以在附近逛逛 發現一家新開的  所以決定去食 在西菁街這條食街也有好幾家  看到點心價錢挻便宜 我們去看看素質如何吧🙈  酒樓環境挻大 座位間也有空位 可以選擇不拼桌  再看看餐牌發現挻多選擇 還有午市/新開張優惠呢  ·川味口水雞 HKD$48/半只  ·紅燒皇子鴿 HKD$38/只  ·豉汁蒸鳳爪 HKD$23.8  ·香茜牛肉球 HKD$18.8  ·杞子桂花糕 HKD$9.8  ·椰汁馬豆糕 HKD$12.8  食物素質不錯耶 份量也挻多的 豉汁鳳爪很滿啊🤤  而且挻大隻的 口水雞的味道很惹味又帶點辣~  還有我喜歡食的乳鴿🥰 肉質鮮嫩有肉汁挻不錯🤭  服務員挻有禮貌耶 而且還跟食客有講有笑有交流

經常在這裏和家人飲茶，這裡的午市或下午茶時段，價錢十分便宜，味道當然也不錯，晚市也十分超值，今晚點了幾個海鮮，十分新鮮，朋友也讚不絕口，而且價錢便宜👍😍先要讚一讚這條沙巴龍躉仔，大概一斤左右，火侯掌握得啱啱好，肉質非常嫩滑，而且是特價菜式，只需58元👍🥰🤤必食推介果皮蒸鮑魚，一吃便知新鮮，彈牙，配上淡淡陳皮香味，出色👍豬潤西洋菜煲，第一次吃這道菜，豬潤十分爽口，而且西洋菜也是我最喜歡的蔬菜之一，兩者都很入味，湯也很好味，全部喝光了👍♥️便宜又新鮮，推介👍今晚四款菜式，三個白飯，茶介加一總共只係四百多

今個星期六到元朗找朋友小聚。她既然是元朗居民，就由她帶我逛一下這個市鎮。怎麼形容元朗，繁榮的有形點商場，略帶舊日小鎮味道的，就有老餅店，舊式小商鋪。經過西菁街，她說不如去飲茶。附近有一間頗新的洒家，嘉嘉好宴會廳。從地面搭電梯到門口招待處，等了數分鐘便安排坐位，店舖光猛，整漯，不會太擠迫。坐下不久，侍應已端上茶及一瓶熱水。我們已急不及待點餐。义燒餐包是點餐紙上其中一項推介。包包脹卜卜，一口咬下，口感鬆軟，义燒饀味道恰好，不會太多醬料，义燒肉質鮮嫩。咸水角也不錯，也是飽滿外型。不會太多油。外皮脆軟的。XO醬炒腸粉，不太辣，腸粉煙靱度剛好。七味椒鹽魷魚 同滷水豬仔腳亦是不錯的小菜式，也可以伴食一碗叉燒拼明爐燒鵝飯。燒鵝皮非常脆，亦不太肥，非常讃。