嘆點心

營業中

休息中

平時喺新城市廣場食晚飯，之後都會上去滿記食糖水，但滿記碗野越嚟越細，座位又迫，我係肥，搭枱食野經常撞到隔離枱嘅食客；終於忍唔住要轉場，行遠少少過嚟沙田廣場食湯水，而且中式嘅選擇更多！今晚食咗西瓜西米露，大過屋企食飯碗，仲有椰汁蛋白紫米，正常價4/50 攪掂，座位寬闊，張枱又夠大；呢晚差唔多9:00，食客不超過10個人，如果換轉第二間都應該爆場，希望呢啲小店能維持到，附近真係糖水沙漠呀！我會多啲嚟架！

第一次去呢間’嘆點心’到食，環境唔錯，雖然間鋪喺係電梯下面，但感覺都好寬敞，最重要係坐得舒服，今日一家四口 叫咗幾碟點心：1. 蝦餃好好食！啲肉新鮮有口感，仔仔自己一個食咗兩籠😂。2. 腸粉啲皮夠薄，食落口唔會有一種好黐的感覺，而且好足料，好多餡 。3. 比較有特色嘅係淮山卷，自己脾胃本身唔係好好，估唔到有啲養生嘢食吓，外皮炸得脆卜卜，喺幾香口。👍🏻真心覺得呢間點心舖好食過添好運！添好運食過好多次，都係比較油膩，坐得逼夾，同埋最唔鍾意係添好運會趕人走…而呢間’嘆點心’整體都好好，下次會再嚟！原來間舖仲可以叫埋隔籬店的糖水甜品，本來見到有幾隻特色糖水好想試，不過後尾食到好飽，下次夜晚黎飲茶先再試吓啲糖水。

距離沙田地鐵站不算遠，座位也算坐得舒服。野食選擇都算多，有特色的准山酥，很酥脆！蝦餃燒賣牛肉球基本野合格，腸粉皮厚左啲，牛肚幾入味，整體菜色都比較油，如果鍾意清淡就可能覺得一般。仲可以叫埋糖水食，隔離店send過黎，呢一點幾好！整體唔錯都可以值得一試，畢竟夜茶又坐得舒服都唔係到處都有，呢間店地理位置都幾好。

茶只提供普洱茶及香片。金牌蝦餃皇蝦肉爽口味道普通鮮蝦南瓜紅米腸南瓜的令到紅米腸帶有少少甜味，入面有脆脆，加分的配撘。鵪鶉蛋燒賣調味似乎略顯單薄，不太好吃。潮州蒸粉粿內餡調味正常。香茜牛肉球牛肉球的質地稍顯鬆散混醬蒸鳳爪鳳爪質感軟淋帶仍有點口感。味道不算太濃。千絲萬縷淮山卷雖然炸物本身有油脂是十分正常，但夾起後油脂不斷滴下實在令人卻步，完全不敢放入口。總結❤️❤️📌點心普通📌炸物油膩📌只提供兩種茶

3:00開始可以落單嗌糖水，叫咗兩碗，但佢3:00先開始準備啲嘢，等咗45分鐘佢先嚟第一碗，吹咗幾次佢都話整緊乜你叫人落單唔係就係準備好可以開始煮嘢啦咩嘥晒人啲時間 冇就直接話冇啦要人等咁耐（連個飯都要等成25分鐘🙄🙄🙄

食物質素不錯，光顧了兩次，兩次的體驗不太良好，由於有一位男性服務員，不知道他是不是經理，他態度很串，非常惡劣。第一次光顧的時候由於枱上有食物，他未能放下他手上的食物，發出了嫌棄的嘆氣。 我們心想他這是什麼態度，但當時沒有發聲。 由於食物質素不錯，所以第二次光顧，他放下一碟蘿蔔糕在枱面側邊，正當我們想進食時，把那碟蘿蔔糕拿到枱中央的時候，發現非常燙手，他是不是應該提前通知我們呢，雙手指發紅，並且我立即拋下蘿蔔糕回枱面，他看到這個情形，還要取笑我，並用一個無辜的眼神看着我然後說，我隨手拿來的，沒有任何悔意。回想過來那碟蘿蔔糕應該是提早煎定的，可能是拿去微波爐重新叮熱。氣憤的是他的態度和眼神，香港服務業真的比他影衰了。 其他女服務員的態度不錯，積極！

沙田廣場隱藏電梯底下的點心店，夜晚都可以食到點心卡位闊落，唔太滿意係坐卡位，佢個頂係無封到，上面搭電梯啲灰塵可以跌落嚟，感覺唔夠衛生點心味道全部不過不失🥢香煎蘿蔔糕🥢金牌蝦餃皇🥢鮮蝦燒賣皇🥢酥皮叉燒包🥢野菌卷

[ #沙田美食 #caloriefoodie沙田 ] • 嘆 點 心 •🐿-沙田友福音🗣️︰沙田呢家全日都有點心食‼️有時心血來潮想食點心 又唔想外賣包點咁頹終於等到有餐廳喺沙田開點心小店啦🤍仲有開業優惠🈹每日14:00後全部點心買3送1✨點心全人手製作 食落大大粒 餡料又夠足-🖤 黑松露燒賣皇 💰$40大大粒鮮蝦燒賣加上黑松露醬蝦肉口感爽彈 黑松露醬嘅存在感還好另外仲有鮮蝦燒賣皇🦐-🦐 金牌蝦餃皇 💰$38不得不說呢間有蝦肉嘅點心都好足料而且蝦肉都夠爽口彈牙 真點皮薄餡靚-🌶️ 混醬蒸鳳爪 💰$38本身諗緊混醬係唔係配腸粉個啲醬😹但其實都平時一般鳳爪嘅醬料係一樣的都係帶點紅椒、青椒嘅辛辣味-🥟 素翅灌湯餃 💰$39灌湯餃包住湯汁 配上素翅上湯-🦐 鮮蝦南瓜紅米腸 💰$40推薦🌟蝦肉表層炸得酥脆 滑溜紅米皮包住中間夾住甜甜嘅南瓜蓉 口感豐富~-🐷 招牌酥皮叉燒包 💰$38​店舖TOP 1點心🔝叉燒包表面多咗層甜脆曲奇皮-🍄 山藥猴頭菇湯 💰$42最後飲埋燉湯暖暖胃 味道清甜 湯渣都幾足料-🫖 茶位 💰$8-🕰️ 營業時間 : 08:00-22:00📍 沙田沙田正街21-27號沙田廣場地下7A-

買嘢我都係鍾意出去行街街多過網購，可以試啱先買，如果買電子用品仲有店員講解添。但最重要係每次行街shopping，步數次次都過萬，真係當做運動呢！今次喺沙田各大商場做運動，行到攰攰哋，一於就去嘆點心啦！鮮蝦燒賣王燒賣大大粒，包住最少兩大隻蝦，所以非常彈牙。黑松露菌菇餃黑松露菌菇餃絕對係必叫！一咬開就有超香濃嘅黑松露味，裏面爆多菌菇，香味撲鼻！加上個皮超薄，值得推介。招牌酥皮叉燒包一份三件嘅酥皮叉燒包，頂層酥皮非常香脆，仲甜甜地，而叉燒餡料伴隨蜜汁非常之香濃，味道充滿層次。千絲萬縷淮山卷外表好似平時嘅蘿蔔絲酥餅，但係入邊轉咗淮山做餡料，絲絲嘅淮山非常爽脆，極具口感！棗蓉滑雞飯加入紅棗、杞子，令味道有深層次嘅體會，令飯更有有淡淡嘅甜味。至於雞件大大件又無骨，肉質滑溜，令平凡嘅蒸飯變得一啲都唔平凡。

嘆點心環境舒適，燈光柔和，座位寬敞即使晚上都有點心可以食新張期內點心仲買三送一- * 精選1人套餐： 鳳爪排骨飯份量十足，軟腍入味，排骨肉質鮮嫩。金牌蝦餃皇皮薄餡靚，蝦肉爽口彈牙。-所有點心都即叫即蒸，別具特色個人超喜歡鮮蝦燒賣皇-賣相精緻，蝦肉爽彈，味道鮮甜。鮮蝦南瓜紅米腸 紅米腸外皮軟糯，南瓜內餡香甜，蝦肉鮮美。-千絲萬僂淮山卷-淮山卷外形精緻，炸得金黃香脆。-特別推薦黑松露菌菇餃，=黑松露的香氣與菌菇的鮮甜完美結合，口感豐富。下次再黎食黑松露腐皮卷！嘆點心沙田沙田正街21-27號沙田廣場地下7A-7B號舖

♡‎ ♡‎‎ ♡‎ ♡ 沙田 - 嘆點心 ♡‎ ♡‎‎ ♡‎ ♡‎ 『 多元化點心店 』最近見到沙田廣場新開咗間嘆點心地方就腳 好近鐵路站重點係有好多選擇例如各式各樣點心、甜品、特飲🔸牛肉腸滑捋捋，好好食，餡料又足🔹流沙奶皇包真係有滿滿嘅流沙，而且啲奶黃係有沙沙地嘅感覺🔹牛肉球🔸牛柏葉🔸套餐：蒸飯（鳳爪排骨飯）+點心（蝦餃）呢度仲有套餐選擇，可以揀一個蒸飯加點心價錢都好實惠 $68 咋🔸 甜品：熱紫米椰汁鮮奶燉蛋白就算甜品都有好多選擇，今次呢個仲好啱我心水添夠曬滋潤，唔會太甜，仲可以額外再加配料

約咗個朋友出嚟傾嘢，到咗沙田廣場嘅嘆點心飲夜茶，貪佢新開有優惠，又可以坐耐少少傾下計。店員好快就送上茶同餐具，小店用qr code落單，點心款式都幾多選擇。⭐招牌酥皮叉燒包最先到嘅係酥皮叉燒包，烘熱先上枱香噴噴㗎，叉燒餡甜而不膩，好食喎。⭐金牌蝦餃皇再來有蝦餃，蝦肉鮮甜爽口，仲夾咗啲筍粒，味道唔錯。⭐鮮蝦燒賣王燒賣大大粒，包住墨魚滑同蝦膠，好彈牙😍⭐鮮蝦南瓜紅米腸紅米腸好吸睛，腸粉皮煙韌有咬口，入面包住類似越南春捲皮嘅嘢，脆卜卜有口感，加上鮮味蝦滑同甜甜嘅南瓜蓉，呢個勁好食，推薦😘⭐甘筍鹹水角鹹水角呈同紅蘿蔔造型，肥嘟嘟好可愛，新鮮炸起熱辣辣，外皮又脆口又煙韌，餡料鹹香。⭐梅菜牛肉飯仲叫咗個蒸飯share食，塊肉餅好厚身，入面有唔少馬蹄增加口感，但梅菜份量唔多，哈哈，當佢喺牛肉餅飯食啦。折完後人均消費百二蚊，抵食啦😋

同朋友講好耐冇飲茶，佢二話不說帶左我黎沙田廣場的「嘆點心」 ，地點有點迂迴，行到廣場中間落扶手電梯，見到滙豐銀行對面，即係扶手電梯旁就是了，地方算寬敞，幾好坐，我叫了水仙茶，幾好飲。很少有食點心的地方有套餐食，所以我哋就試吓二人餐$238。鳳爪排骨飯鳳爪及排骨都非常好味，飯還沾滿着他的醬汁，撈勻好好食。金牌蝦餃皇（3隻）蝦非常彈牙，皮唔算好厚，唔錯唔錯。炸兩油炸鬼非常脆，包上厚厚的腸粉，沾上甜甜的豉油，口感非常脆口，一流👍🏻黑松露菌菇餃（3隻）黑松味道濃烈，邊邊有顏色，包得幾靚，算是色香味俱全。肉鬆馬拉糕馬拉糕非常鬆軟，配上肉鬆會再甜啲同多啲口感，都算搭配五指毛桃肉骨湯（2碗）都幾多料，幾濃味，老火湯是也茶位$8/位

前幾日經過見到沙田廣場新開左間點心專門店, 門面幾四正, 感覺唔錯就黎左試開野喇~~呢道既裝修設計都幾舒服~夜晚黎食2人都有得坐car位, 好闊落, 唔錯~~餐牌一張紙前後兩版睇到晒~有單點亦有套餐 選擇都唔少呢~~招牌酥皮叉燒包 $38叉燒包外皮酥脆, 咬落去卜卜脆~~麵包好鬆軟, 叉燒餡香嫩多汁, 肥瘦相間金牌蝦餃皇 $38蝦餃外皮晶瑩剔透~ 蝦肉餡非常飽滿~~外皮Q彈有勁, 蝦肉餡非常飽滿, 肉質鮮嫩爽滑鮮蝦燒賣皇 $38大大粒, 燒賣皮薄有彈性, 內餡鮮蝦&豬肉鮮嫩可口, 口感豐富~~鮮蝦南瓜紅米腸 $40紅米腸表面光滑, 腸粉皮滑嫩柔軟~南瓜蓉超甜呀!! 連埋大蝦, 脆皮同腸粉皮一齊食, 層次感好豐富!!!黑松露野菌腐皮卷 $38外表金黃酥脆, 外酥內嫩~黑松露野菌味道濃郁鳳爪排骨飯 $46份量都OK喎~~鳳爪軟腍, 排骨酥嫩入味, 肥而不膩~飯粒粒分明, 醬汁既香味滲透入飯粒

[ 嘆點心 ]最近沙田廣場新開張專食點心餐廳，連晚市都可以嘆杯茶，食件點心👍🏻。✿ 鮮蝦燒賣皇（3隻） $36✿ 奶皇流沙包（3隻）$35✿ 鮑汁蒸鳳爪 $38✿ 鮮蝦手拉滑腸 $38點心全部熱辣辣上台，新鮮蒸起♨️，而且價錢合理。✿ 千絲萬隻淮山卷 $36淮山卷炸得外皮酥脆，好有口感，配上泰式酸辣醬好惹味🌶️😋😋。✿ 棗蓉滑雞飯 $46雞件夠滑口，配上紅棗，味道甜甜的，十分開胃。飯量足夠2人食用🍚。總結🫦晚市都有得食點心嘆翻杯茶，而且茶芥只收$8/位，價錢實惠🫖🫖。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿嘆點心地址: 沙田沙田正街21-27號沙田廣場地下7A-7B號舖✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿