嘆茶 (已結業)

見開咗間點心，一路冇嚟食。附近茶樓都試過晒，星期日同屋企人嚟飲下茶。入到去裝修幾特別，有別於其他傳統茶樓點餐可以用QR code，落單好方便落單冇幾耐，好快就有點心，鳳爪食落多味精同好鹹，有啲失望紫薯包整得好得意，有隻豬嘅樣，入面紫薯，甜甜地幾好食😋第一次喺酒樓食到椰汁西米流心球，好新鮮，啱啱炸完，熱辣辣大家食嘅時候要小心熱，好味，推介大家試🤤雪茄蝦春卷，嚟到都係好新鮮，外皮卜卜脆，但價錢少貴蜜汁叉燒腸晶瑩剔透，擺盤幾靚，幾香滑👍🏻雖然免茶位，但係會收返+1服務費整體嚟講，點心除咗鳳爪之外，其他都好食，環境有別於傳統茶樓，不過人手唔夠，價錢相對一般茶樓貴咗少少回頭再食指數：💛💛/5分滿分

今次總共叫左五樣野， 箭豬叉燒包，鹹水角， 豬仔紫薯包，蘿蔔絲腸粉，蔥油文昌雞， 食完冇一樣掂， 啲嘢油到飛起， 食完之後成手油， 不知所謂， 番到屋企隔一陣覺得好濟， 勁唔舒服 ， 勁辛苦，結果嘔咗出嚟， 一定冇下次囉

好耐沒有寫食評，但今次呢間真係要寫出來。新開後行過幾次都無入去，門口大大隻字寫「手工點心」，而門口也無價錢牌。星期日中午時分入去，剛剛好唔使等位，坐低就睇點心紙開茶，茶錢$12一位，比海之戀彩薈軒平$1，要了一壺鐵觀音，上枱時是一個大茶煲，配大排檔透明玻璃奶茶杯，真係諗唔到點解會用呢隻杯飲鐵觀音。鐵觀音完全唔似鐵觀音，沒有回甘味，直頭是普通食店嗰杯茶膽沖茶一樣。潮州粉果，皮厚饀少，入口成嚿粉咁，差過街邊檔$5舊。蟹粉灌湯包，呢舊同潮州粉果啱啱相反，大大嚿剁碎豬肉餡，落咗好多糖好甜但係就係冇乜蟹粉味。煎釀尖椒，應該是油浸尖椒，入口成口油，舊肉鬆散，食完隻碟都係油。酸菜魚套餐，這個餸就好味道，酸辣度剛剛好，魚夠滑冇骨。因此未算全伏。新張期內免茶錢，加一後$176

約朋友到他的office附近食午餐，他知道我喜歡飲茶，便帶我去試試一間新開張，名叫《嘆茶》的手工點心店。看完點心紙上的點心圖片，我們便叫了三款賣相有特色的點心，包括蟹肉啤梨果(鹹水角)、雪茄蝦春卷及紅米金沙腸，這些點心都不會在一般酒樓食到，從外觀設計到用料及烹調方法，感受到㕑師的用心製作。三款點心都是即叫即蒸，送到枱上時都是熱辣辣的，又不用等好耐。我們還叫了一客一人份量的酸菜魚套餐(包白飯及蘿蔔絲配菜)，酸辣度剛好，魚片又滑又無骨，而且份量十足，結果我們要打包部份點心。唯一美中不足的是茶，非常一般，配不上《嘆茶》這店名，反倒盛茶的金屬水煲頗有特色，而且保温效果不錯。由於是新張期，所以免茶錢，若果新張期後要收番茶錢，必須要提升茶葉的品質。

見新開張就入去試下。 點知就中伏。原來同上手一樣係棋哥集團。 點心價錢仲貴過美心，茶錢$12／位，再要收加一！唔係吓嘛？！選擇又少，味道又唔係好食？ 真係洗咩幫襯你？ 絕對無下次！！

諗住試下新點心店，點知一試中伏，間嘢點心種類勁少，又貴又難食，好多嘢有蝦，但全部蝦又霉又臭，以為手工點心專門店好多點心食，點知仲有啲川菜食，究竟呢間係乜嘢食店黎，我自問對食物要求勁低，真係食到一肚氣！