嘆甜品

營業中

休息中

食過n咁多次，窩夫最好食唔洗講。今次唔食窩夫。試下其他野，賣相真係99分！心太軟個朱古力味好濃，流心熱既，會流出黎。個碟都好靚，但比較唔方便食流質野/雪糕，好難「筆」起黎食😂😂個朱古力筒唔夠脆！ 感覺掙咁啲野。好食過麥記好多！ 夠脆夠林，熱辣辣架！個甜酸醬正過點甜醬！好大碗，丸子夠多夠好咬。但略嫌個宇治唔夠味，綠茶味偏淡，美中不足處。總結而言係不錯！ 除左窩夫都有其他野值得試架！ 不過都係窩夫最好食！

某日發完夢，冇車返屋企，冇車咪行路囉！經過嘆甜的新分店，好掛住貓咪窩夫，貓咪伴碟溶化左心靈😍😍😍小店味道不錯。===Baileys 朱古力醬鮮忌廉窩夫===窩夫即叫即整，口感偏脆身，雪糕有八個味揀，我揀左朱古力😋配上bailey味朱古力鮮忌廉😆so sweet第一次食，被貓咪手繪圖完全收服第二次食，貓咪圖案變簡單左，跟住好耐都冇再去今次食，貓咪圖案又復活啦！！！三次我都係食同一款下次試下第二個味😆大大大推薦呢間港式甜品鋪～

屯門嘅甜品店無乜邊間有記憶點同朋友飯聚後 佢話想食呢間嘅焦糖燉蛋 所以就去試下佢喇話說呢間野平時好多人等位當日閒日十點零去到可以即刻入座 好難得😆裝修簡約光猛 格局就一般糖水咁都係小逼嘅不過都算舒服嘅款式種類都幾多 窩夫雪花冰中式西式糖水都有✨芝麻糊丸子涼粉 $34唔記得咗佢叫咩名😂😂😂但入面有芝麻糊 芝麻雪糕 小丸子 涼粉 水晶珠珠芝麻糊唔係好夠濃 加埋涼粉啲糖水變相再稀啲 同埋兩者個味其實唔係好夾其他配料都係預期嘅味道同質感✨伯爵茶心太軟配朱古力雪糕 $45店員好有心機咁畫畫 不過為咗幅畫而將啲野食放晒一邊筆者覺得有啲搞笑😂個心太軟非常流心 伯爵茶味亦好香唯一嘅缺點係個蛋糕凍咗啲朱古力味雪糕帶苦 同伯爵茶蛋糕好夾總結嚟講 啲甜品質素都幾好筆者都期待下次可以試下佢其他出品😉

嘆甜品係少數可以一試再試既甜品鋪❤️窩夫系列完全令我大開眼界 暫時係我最中意既甜品店👍🏻之前試過抹茶麻糬紅豆窩夫 抹茶味濃得黎又唔會好甜 超好味😍所以今次又繼續試佢既窩夫系列！黑糖珍珠窩夫❤️都係一樣咁出色 加上焙茶平衡返黑糖既甜味 一試難忘😋另外師父仲會好有心機係每隻碟到畫上唔同樣既貓仔 每次都要就住隻貓食 唔捨得整花佢😂

今日同女朋友食完飯，諗住開開心心食個甜品，之前試過井財街分店個間，覺得好好食，諗住後一條街呢間會都會無事，知道嗌waffle+18蚊可以加嘆特飲，揭開嘆特飲個版 女友求其揀左一杯，點知原來得其中一杯可以有呢個優惠。Ok fine 違反商品說明條例已經算，就叫左佢個杯嘆特飲-白玉蘋果烏龍茶，點知一擺低，先唔好講點解烏龍茶會係淺黃色，竟然底下仲有一大pat柚子，白玉蘋果烏龍茶？擺明係柚子茶啦咁我就好聲好氣叫個店員過尼問下，呢杯白玉蘋果烏龍茶點解會有柚子，點知個店員一句：杯野本身有。就了事，仲要咀臉極差。其實如果店員好聲好氣合理解釋到點解杯中有柚子，我同女朋友唔會咁嬲，都會明白可能間間食肆有自己整飲品/甜品既方法，但由頭到尾，白玉蘋果烏龍茶照字面睇根本無可能有柚子吧？再說，白玉又去左邊？真係蝦人唔識台灣飲品咩？已經好聲好氣問佢地，但換尼既只係一句勁無禮貌既本身就有。咁如果咩都咁答，咁佢杯杯野都落柚子都無問題？完全唔合理呀！最後諗住轉杯白桃冰沙，店員放落尼一句唔好意思都無，又唔講係杯咩，一野放落尼就算，仲要杯野都係化學味極重，不值28蚊。完全大失望！然後食食下，店員一下拎走左我地張單，無啦啦放