嘆甜品

營業中

休息中

嘆甜品開咗咁耐，食物質素都咁好無論甜品定炸物都好好食；價錢好合理，份量非常足；一向都好多人排隊。而且服務態度好好，有禮貌，有次喺酒店生日蛋糕回家途中跌爛咗，都諗住由得佢，點知到好夜先發現酒店原來無畀蠟燭，成11點幾去嘆甜品買waffle當生日蛋糕，除咗有畀蠟燭，仲主動問需唔需要生日happy birthday插牌，另外，仲好有心機喺外賣盒畫咗個生日快樂公仔👍🏻👍🏻咁夜都咁有心機畫，多謝店主，值得一直支持。

呢間糖水舖喺屯門虹橋開咗好多年，今晚食飽晚餐終於落去買外賣食，叫咗呢個窩夫，呢個窩夫係花生醬味,上面仲有一舊雪糕，鍾意食甜嘢嘅人一定好啱食呢個味！好特別！呢個窩夫仲有其他味道選擇！

係藍地新村影完手繪壁畫需要一點甜補充番體力朋友就帶左我黎「嘆甜品」焦糖脆脆花生醬甜奶鮮忌廉窩夫配雲呢拿雪糕 窩夫鋪滿左焦糖脆脆加埋花生醬甜奶，味道就好似格仔餅一啖鬆軟嘅窩夫加焦糖脆脆，甜甜鹹鹹～雪糕揀左雲呢拿，剛好可去掉醬多嘅甜膩感

有日長征入大西北 屯門朋友介紹咗呢間甜品舖😆食過就知點解喺屯門咁出名 價錢親民味道又好😚賣相得體 價錢親民得嚟用料一啲都唔手軟👍🏻底部嘅牛奶冰棉滑香甜 面頭鋪滿好香麥芽味嘅阿華田粉😋上面仲有朱古力雪糕同朱古力醬 多重享受🍫🤩加埋同朱古力絕配嘅香蕉 令成件事再昇華咗✨芒果香甜多汁 配上滑捋捋嘅愛玉同爽彈嘅椰果 口感有層次 唔會好單一 係清爽之選💁🏻‍♀️．仲好想試佢哋嘅窩夫 不過當日實在太飽😩下次下次！

🇭🇰TM-嘆甜品呢間相信係屯門牛都一定識既甜品鋪～～位於虹橋嘅美食街🍴小編都食過好幾次 每次質素都高㗎☺️朋友仔都話好食所以都分享下先～～👅 朱古力醬鮮忌廉窩夫(⭐8/10) $59擺盤每次哩到嘅窩夫真係好好食～外脆內軟，咬落脆卜卜，但入面唔會話空心～再配埋個邊醬(個醬好多 完全食唔哂🤪)配埋雪糕真係好正 雪糕仲可以自己揀口味㗎😍成個甜品大大份又好味～性價比極高🤙🏻🚩地址: 嘆甜品 (屯門)屯門青菱徑3號東威閣地下G02號舖

聖誕就梗係要食甜品啦😆今次問咗屯門朋友，佢話呢間嘆甜品好高質，諗都冇諗就衝咗去食😆環境同一般甜品店都差不多，唔算好闊落～我哋叫咗兩個甜品一齊食😆香芒蜜語 ($40)🥭真係成碗都係滿滿嘅芒果😆好欣賞佢有好多不同配料，最正嘅係好多粒正正方方嘅牛奶布甸😆加埋芒果汁一齊食味道好平衡～仲有啲芒果乾增添口感😆見好多客都叫窩夫，我都唔執輸叫咗個岩鹽拖肥Oreo鮮忌廉窩夫 ($59)🧇😆配曲奇雪糕同埋加咗$6要加麻糬內餡😆個擺盤都已經非常之有誠意，上面有好多杏仁同埋oreo～而入面啲麻糬雖然唔係好多，但煙煙韌韌口感唔錯😆加埋拖肥醬食又唔會好heavy好甜，我覺得真係幾好食😆👍朋友果然冇介紹錯，真係一間好高質嘅甜品小店🤤唯獨是店員態度可以更好😌

🔖招牌窩夫提供好多口味😋即叫即整，每個都係新鮮熱辣。🍽焦糖脆脆香蕉鮮忌廉窩夫配雪糕$56賣相好靚！d脆脆好好食，食落甜甜，溶左有燒焦味🤣個人比較鍾意食脆身薄薄的既窩夫🧇而呢個窩夫口感比較實😆蛋味未算好出，冇想像中講到咁正，不過都好睇大家個人口味😋而價錢來講，的確幾抵食$56有個Full既，仲有埋雪糕！😋食物：️7.5/10🤵🏽‍♂️服務：8/10🍴環境：7/10💰人均消費：$56🤩性價比：8/10

屯門牛對於嘆甜品應該一啲都唔陌生💛💛所有甜品都好好味😍😍岩鹽拖肥Oreo鮮忌廉窩夫 $62主打窩夫一定要試😍😍外層口感脆脆哋，裏面好軟身，餅底都幾香蛋漿味🤤岩鹽拖肥鹹鹹甜甜配上杏仁Oreo去食成個甜品都唔會太甜自選雪糕有好多隻味可以簡，包括有雲呢拿、朱古力、士多啤梨、芒果、曲奇、抹茶、豆腐等口味👍🏼個人推薦豆腐味同曲奇味☺️☺️💛新口味 Balieys楓糖鮮忌廉窩夫 $64整體窩夫都係好好味😋不過配料上好似唔係好特別，楓糖唔係話好重Balieys，而且食落相對上太過甜，值得欣賞餅碎同餅乾好香牛油味🤤華田飄雪 $52相信雪花冰係第二主打💛啲冰整得好綿好滑👍🏼面頭有大量嘅阿華田碎，所以華田味超級濃郁，朱古力醬更加可以帶出雪花冰同埋阿華田嘅味道，令整個飄雪更加昇華🤤🤤芒果拿破崙 $48平時多數叫芒果小丸子，因為覺得佢嘅小丸子好好味好彈牙，第一次叫拿破崙，送到上嚟嘅時候覺得整得好靚😍😍 一層一層嘅酥皮之間嘅夾層，唔只鮮奶油同吉士醬，仲有好多芒果😍😍

尼間甜品店係屯門區都算幾出名，唔少朋友都推介🐻去食，咁岩個次去紅橋個邊，諗住晚上無咁容易食到就5:00幾左右去試 😏 策略果然成功‼️⁡🐻食後感‼️⁡✨「香芒蜜語」$40包含7款材料既佢簡直令🐻同家人驚訝，味道比當年既許xx更香甜，而且芒果新鮮，配埋牛奶布甸幾得意，大推🥭‼️⁡✨「焦糖脆脆花生醬甜奶鮮忌廉窩夫（配雪糕）」$59尼個價錢食到咁正咁足料既窩夫真係唔容易，賣相一流，上枱時窩夫仲熱辣辣，而且花生醬練奶既配搭一定無得輸，加埋焦糖脆粒同自選豆腐雪糕就有多種口感 😋 大推‼️⁡✨「小食拼盤」$52除左甜品，佢地仲有埋咸既小食，幾個人黎當然要個拼盤岩岩好，炸燒賣、鹽酥雞粒、雞軟骨、薯條🍟 無得輸，但🐻都係私心最愛炸燒賣呢 🤤

嘆甜品 (屯門)屯門青菱徑3號東威閣地下G02號舖平時約朋友都會去吓虹橋2間嘅嘆甜品，個人覺得，2間比較的話，有賣涼皮撈、已改名做「嘆撈」嘅甜品比人好食啲，可惜座位少…..呢間東威閣地下「嘆甜品」，店舖座位比嘆撈多，比較多人氣！香芒蜂蜜水晶🍯🥭蜂蜜水晶啫喱彈牙，好食👍🏻 有陣陣甜甜哋蜜糖味！芒果粒甜，唔酸！ 但有部分芒果肉可能過熟(?!)呈偏瘀色 (如圖) 😳 椰漿同芒果汁，質地稀但都香甜～心太軟配雪糕🍫🍦心太軟朱古力濃濃嘅流心～配埋忌廉唔錯～雪糕雪得凍，唔易溶，偏硬偏實淨甜品ok ge，但店舖收銀職員態度有待改善….🙈

一直都知道屯門好多甜品鋪 尤其係紅橋個度更係甜品林立 有窩夫 梳乎厘 糖水舖等等 今次就行勻一圈來到嘆甜品試下 附近仲有間燒烤店都好香！🧇糖不甩丸子窩夫💰60知道佢最出名係窩夫就梗係要試下啦！我地嗌左新品 超多料嘅糖不甩丸子 每一舊窩夫上面都撒滿花生粉 好有細個食糖不甩嘅滋味🥰上面有好多小丸子同埋杏仁脆片 同花生粉好夾！下面就有好多芋圓 用糖水浸過所以都好甜 隔離仲有D白色嘅脆脆米 有D似甜嘅米通 但係已經淋左 隔離仲有一大pat cream同埋雲呢拿雪糕 雪糕味道唔濃郁但係都幾好味～雪糕仲可以選擇其他口味例如曲奇 豆腐等等！窩夫方面真係熱辣辣 入面嘅質感好軟滑 雖然甜度已經足夠 但係點上魚仔裝住嘅煉奶會仲好味呢！🍧綜合芋圓💰35可以揀糖水底 我地就揀左愛玉 入面配料就仲有三色芋圓 小丸子 蘆薈椰果 西米 紅豆！椰汁愛玉底嘅口感唔算特別有咬口 而且愛玉冇乜本身嘅味道所以唔算出色 但係配料真係超級豐富！紅豆好甜 好多西米 煮得好軟淋淋 蘆薈椰果亦酸酸地幾清新 至於最鐘意嘅小丸子就非常軟😛三色芋圓味道超濃郁 尤其係黃色嘅蕃薯圓係特別有咬口！煮得好有韌勁 完全唔會食到入面嘅粉！幾好味 勝在配

以前ulife每星期總有幾日會係度食甜品，今次久別重逢，唯一比較失望嘅就係冇咗以前係碟上畫貓貓🐱不過食物質素依然好味道👍🏻 -芒果鮮忌廉窩夫🥭$65新鮮焗起嘅窩夫蛋香味濃🥚香脆可口，本身已經帶有點點甜味，令人好想一口接一口！香甜大粒多汁嘅芒果肉🥭mix埋肥膩感十足嘅cream再mix雪糕🍦，每樣均勻抹係窩夫上，窩夫食落好實在唔會咬空氣咁🧇果然有由細食到大都做到質素👍🏻reu傾心事嘅好地方！焦糖脆餅凍咖啡☕️+$18-唔係講笑呢個絕對係隱世叫法一定冇人知道可以咁樣叫！只要惠顧任何窩夫都可以轉呢個獨特嘅特飲🥤Lotus焦糖餅乾🍪一直都係餅乾界嘅王者，Caramel Latte都同waffle好夾，呢個配搭非常之唔錯！

上次誤打誤撞遇到呢間。。好好味真係👍🏻👍🏻🤩突然諗起，於是去食多次😀😀炸燒賣依然正。。甜品都好。。呢次試下特濃阿華田心太軟😋😋支持下小店💪🏻即炸燒賣。。熱辣辣。。配上泰式辣醬。。一流！！！🤩👍🏻👍🏻.oreal 焦糖窩夫 配 朱古力雪糕😋👍🏻.特濃阿華田心太軟+ 芒果味雪糕😍😍👍🏻👍🏻推介推介！！！🤩👍🏻呢間甜品實在好好味。。。第二次去食～ 依家keep 到水准😋

話說我夜晚11點半落單外賣自取，比完錢就響門口等，之後大約11點40分有一班男仔再落單要4-5杯野飲。到11點45我見有一碗甜品單單整好左，個侍應黎手就放埋一二邊，咁我以為果碗野可能唔係我嘅，我再等啦。但見果位侍應轉頭即刻整好左幾杯野飲比班男仔，兩杯兩杯咁出。咁我就好奇行入去睇下果碗整好嘅係咪我嫁啦。點知真係我嘅！搞到我白等到多5分鐘。雖然5分鐘唔係多，但問題係唔明點解個侍應唔出黎嗌下外賣號碼，就擺開我個外賣一邊，而去幫之後嘅人整野飲呢？之後我入去拎走外賣個侍應一點反應都冇，完全冇覺得自己有問題。講真如果唔係因為你地岩顏色都唔會幫襯。依家只有失望。祝生意興隆，唔洗告急。

點解個窩夫燶到咁樣都可以照出？明明係良心店但係啲出品咁樣☹️唔講我以為係朱古力窩夫🧇外賣返到屋企打開個盒都一陣燶味食左一啖簡直係完全唔想再食。仲有係點餐的時段係深夜，人流都唔算多唔明點解唔可以用心去做><生意多的時間我諗我都仲可能明白，可能廚房太忙做唔切咁多單，但係人流已經唔算多嘅時候我期望係可以用心啲去整。仲有佢士多啤梨醬可能我麻麻地覺得唔落會仲好。但水果新鮮同種類都夠，餐廳服務態度都良好希望佢改善下