喬木

營業中

休息中

一年新開始, 第一餐去食豐富d, 取個好意頭。呢間位於元朗馬田既日式小店, 最近開張。裝修簡約, 以木系為主, 老闆娘同店員都好親切有禮, 所以會感受到溫暖同埋窩心!🎉 (希望佢地能夠維持呢種態度🙌)坐了一會, 老闆娘先奉上一杯熱茶。看了餐牌, 佢地有午市定食同全日定食(全日定食多了一個甜品, 對Uncle黎講係非常重要喔！) 我點了"滑蛋咖哩吉列蝦定食"。先來一碟枝豆, 拌了一點海鹽, 作為前菜很合適。過了十分鐘左右, 定食也放在眼前: 貫徹和式美學, 很多小碟放在一齊已經係好好既視覺享受。¤ 海鮮茶碗蒸¤ 三點前菜: 凍豆腐, 芹菜蝦乾, 牛舌¤ 新鮮沙律¤ 味噌湯¤ 迷你烏冬¤ 主菜: 滑蛋咖哩吉列蝦定食 (飯可以添的), 日式咖哩汁拌了很多肉碎, 跟別的有少許分別¤ 是日甜品: 自家朱古力蛋糕或芝麻奶凍 (侍應妹妹話兩款都係老闆娘親自整的，但朱古力蛋糕不是常有的呀！)整頓午餐係一個享受, 結帳時老闆娘會跟你閒話一番, 感覺好親切! 元朗人有口福的！

我個人比較表面，裝修行先，餐廳設計ok 先會引到我有興趣去試。Shopfront 用木同白色為主, 行簡約風格，由於新開關係唔算超多人，一坐低服務員態度好好，非常親切。餐廳乾淨，入面傢俬，射燈至於餐具, 都睇得出owner有花心思諗過揀過～叫咗兩個午餐，一個牛舌，一個薑蔥豚肉，整體來講味道好好，但價錢會比元朗一般嘅餐廳貴少少（可能係聖誕節關係），lunch 每人消費$100-110 左右。但食得都幾開心就無所謂啦，我自己就幾鍾意佢個牛舌同蒸蛋。好似每次甜品都唔一樣，要再讚一讚店員服務真係幾好。推介大家可以試吓，支持下小店。

小店黎講真係好高質， 百幾蚊有7餸1湯。誠意、味道、衛生都性價比好高！ 今次食左個鹽燒牛舌定食 ， 牛舌燒得岩岩好又唔會韌，烏冬好食，湯底都比其他烏冬專門店有過之而無不及！ 海鮮蒸蛋都好有誠意，有蟹肉鮮味仲有魚子係上面！ 味噌湯仲有蜆！ 白飯任裝，沒有加一，店員禮貌好，環境衛生一流，係元朗區平民價錢有此質素實在難得！下次試下咖哩❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️

路過試下新開日本小店，裝修是淺木配上白色，陽光照射入來，感覺好舒服。一入到店內，店員好快安排好位置。仲好熱心講解定食內容及選擇方案。服務殷勤，不停加茶。其中提到 全日定食 中包甜品，而且是必試食物之一。咁就試下啦。 最後點選了 靖魚 & 咖啡豬扒。食物都係放在托盤上，擺設亦十分講究及精緻。 各樣食物都好好食。前菜，蜆湯，茶碗煮 都非常出色，主菜更加唔駛講。份量唔小，睇得出 是用心製作。 甜品 係芝麻面底係布甸，配搭出來好突出，唔太甜👍每2星期轉換餐牌。暫只收現金。店主 由港島入來元朗 自立門戶，好有驚喜，一定會再試👍