喬木

很難訂枱的一人厨師小店！ 晚餐難訂枱，唯有退而求其次在星期六午膳光顧😌我哋5個人，分別試咗銀雪魚西京燒、羊架同埋牛舌定食。店主特意安排咗幾份定食既前菜有少少不同，等我哋可以試多啲款式👍🏻蜆肉味噌湯隻大蜆好鮮甜，松葉蟹茶碗蒸一入口似食cream brûlée, 好得意😍 前菜既醃漬蒜頭及炸雞膇仔尤為出色，蒜頭帶輕味辣味，咬落爽脆；雞膇仔炸得酥脆而不膩👍🏻👍🏻👍🏻主菜就正常發揮，個人覺得佢既薄切牛舌比厚切好味，羊架就整得軟腍而帶有淡淡羊穌味🤤再試埋當日4款蛋糕，整體食物色、香、味俱全，難怪一位難求😌…查看更多

Book mark咗一段時間終於有機會入元朗試一試佢😹環境都唔錯枱同枱之間都有空間感樓底幾高木質調嘅設計感覺好舒服🪵------------------------------前菜係青瓜配辣椒粉mix麵豉醬?!少少辣少少清新🥒套餐上枱忍唔住嘩左一聲🤡除咗主菜份量唔少之外配菜都比想像中多同精緻👀好值得逐一咁講💁🏻<雞爽肉>🐥鹽燒調味啱啱好🧂唔會過鹹食得多要飲水又唔會冇味都好單調要讚嘅係份量多到食晒碗飯啲餸都未食晒😆一開始覺得二百幾蚊一個套餐略嫌貴但見到呢個份量抵晒👍🏻<蝦>🦐以為係普通蝦應該係用咗白汁煮嘅凍蝦?!有少少surprise🙌🏻連配菜都有認真調味唔係普通白烚清蒸湊數👏🏻<茶碗蒸>🥚呢個超級好食🤤🤤上面係元貝整嘅芡好香乾瑤柱味個蛋好滑合格有餘💯<雞塊>🐥好似係普通雞腿肉醃過攞去煎正正常常好食嘅~<菜•菇菇•黑豆•烏冬>配菜一大堆🥬每樣試到少少真係好開心有個飯冇諗過仲有烏冬🫄🏻普通冷烏冬煮得啱啱好唔會淋到一pat pat<麵豉湯>每次食套餐都好擔心個麵豉湯即沖麵豉湯會勁鹹🙊呢個係唔係即沖就唔知啦😅但係調味啱啱好仲有一粒大大粒蜆有飲晒 飲完冇超頸渴✌🏻<澳洲M9和牛牛小排>🐂份量依然嚇死人👻我諗如果淨係得一層都已經覺得好有誠意佢仲要上面疊多一層牛🐂🐂🐂本身有擔心過下層嘅牛會過熟上面會過生但冇呢個問題😯牛嘅口感好好一啲都唔韌👍🏻牛小排嘅油香都好濃厚🤤<牛蒡•帆立貝>配菜有少少唔同帆立貝係普通煎香食落感覺唔到落咗咩調味都冇牛油味但本身帆立貝大大粒食完味又確係唔錯👐🏻<炸雞皮>🐥炸雞皮真係間間餐廳都可以好唔同😅呢間餐廳嘅炸雞皮好大舊同好脆不過食唔到雞皮嘅油香所以再嚟應該就唔會encore呢個啦~<炭燒地雞橫膈膜>🐥貪心想嗌多個餸先揀咗佢完全冇後悔👀👀一如既往調味啱啱好唔會過鹹唔會太淡橫膈膜口感好正😋更為雞油香好正呢個值得一試!!!不過想講食完成個套餐加埋小食真係飽到上心口<芝麻奶凍>本身唔想嗌因為本人麻麻地芝麻不過老闆話黑糖蕨餅少咗嚿所以要俾返個芝麻奶凍我哋 感謝🙏🏻意外地可以試多個甜品🙊套餐包咗甜品㗎啦!!所以真係好抵!!人佢完全係奶凍版芝麻糊😹芝麻味唔算超級勁濃芝麻lover應該會小失望💁🏻我就覺得啱啱好食晒成個都唔會滯🙌🏻<黑糖蕨餅>黑糖蕨餅加黃豆粉完全係你想像到嘅味道👐🏻<雙重軟心芝士蛋糕>好好奇點樣雙重軟心最頂一層白色係New York cheese cake口感🧀中間嗰層係再軟心啲嘅芝士🧀兩種口感好豐富最底嗰層係麵包唔係餅碎🍞冇咗餅碎嘅牛油味成個蛋糕食完都唔會太膩未必encore但值得一試☝🏻------------------------------好滿意呢間餐廳😗服務態度都好好👍🏻老闆講笑就算飽到上心口女仔點都有第二個食甜品嘅🫄🏻睇得出每樣食物都好用心做推薦推薦✔️…查看更多

見到好多人都讚呢間嘢好好食👍🏻，即管就book位去試吓啦🍱我哋四個人嗌咗四個餐同小食嘅嘢食😋佢嘅份量其實都多㗎我哋貪心想再嗌小食佢都話你應該食唔晒唔好再嗌😝佢好有良心㗎🥰佢話如果你要嗌甜品呢就唔好再加小食啦😌因為佢內裏仲有其他嘅配菜我真係怕你食唔晒呀老闆真係好有良😋之後，我哋就嗌咗佢嘅甜品🍰🍮佢嘅甜品真係好吸引喎，樣樣都想食嗌完之後仲想打包添但係好可惜因為佢係數量有限嘅，如果你真係要想買佢嘅蛋糕你要提早預訂🍰…查看更多

身為元朗國居民想試呢間喬木好耐啦成日見到佢個鰻魚便當，覺得好吸引今日終於嚟到試，點知已經冇咗鰻魚嚕同朋友一人order咗一set 朋友食銀鱈魚西京燒而我就order塩燒澳洲M9和牛-牛小排當個餐盤送到嚟嘅時候個份量真係令人好開心呀每樣嘢食都少少好精緻，但係又啱啱好前菜嘅魚都好食兩份前菜嘅食物都唔一樣除咗有飯之外，都有份迷你烏冬如果細食嘅女仔未必食得晒好彩我都唔係一個細食嘅人茶碗蒸都好出色至於甜品方面，我哋加咗$12改咗做蛋糕揀咗當日嘅是日精選一個係士多啤梨慕絲另一個就係cheese cake兩個都好好味呀，值得加錢換嘅講返個西京燒同埋個牛排先兩個嘅份量都好夠個牛扒嘅醬汁好好味汁怪表示好滿意送飯一流啊然後西京燒嘅魚好香，銀鱈魚就一定滑啦基本架啦總結係呢一餐好滿足，會再幫襯，支持小店…查看更多

喬木 (元朗)元朗馬田路38號怡豐花園地下63-64號舖元朗是個好地方， 真的有好多小店值得一試！這間平日lunch 不營業的，如光顧記得要打電話去預約啦😛🫡日式和風多點定食，要和牛有和牛，要鯖魚有鯖魚，有饅魚，都有燒雞🤭 一定有合你心意的，一set 都有6-7 款菜， 每一款都好精美，環境氣氛和食物令你感覺置身日本🇯🇵般，不過每日菜單都有機會有少變動，想選某款和牛時，當日沒貨供應呀，真可惜，下次一定要試到！ 至於甜品🍮雖小巧但每一口都令人好心動💗那個女生會抗拒呀？撞介綠茶芝士蛋糕和黑芝麻奶凍，非常香濃的黑芝麻味，質感好細滑😋😋 入座限時90 分鐘😎 時間緊湊，因為下一枱客人都是預約到訪的！🙂‍↕️#元朗好西#元朗探店#元朗好去處#元朗覓食#hkfoodie#hkfoodblogger#yuenlong …查看更多

店面不大，用簡約木材打造舒適的環境。聽說這裡的食物很好，所以特意到訪。菜單上選擇也不少，每樣都想一試。擺盤精美，除主食外，還有很多配菜。蒸蛋質地很結實，吃了一，兩口便放棄了。如果可以改善至滑流的口感就更佳。沙律加了櫻花蝦，提升味道。其他配菜比較一般，沒有特色。飯麵充足，小胃者一定飽肚。主食牛舌，份量不少，外脆內軟，推介！而銀雪魚，份量少，味道偏甜，魚香肉嫩，趁熱儘快享用。價錢略貴，所以可以一試，但未達到所想期望。…查看更多

隱世日系料理店，一定要whatsapp book 枱， 唔好walk-in ~我同友人都覺得好食，友人嘴刁過我，佢都話好食，全程坐得舒服、傾得開心，過程係有服務架，店主喺咁忙既情況下，都不停添茶，好有心！ 仲會問客人覺得啲嘢食點，証明店主係追求卓越既人～我唔知係咪一個人負責晒（廚加樓面） ，我淨係覺得好勁😃👍🏻女仔去食，係食到勁飽😂…查看更多

今日有事入元朗，之前專登叫朋友介紹地方搵食，佢就推薦咗呢間叫喬木嘅小店，仲幫我提前book定。去到喺門口見到放咗個牌仔寫住「今日冇walkin位」，朋友笑說係寫畀佢睇嘅，因為佢經常行過都會入去問。店內只有老闆一位負責招待客人，廚房據說也只有一人負責烹飪，所以寫明叫人唔好催。我哋每人嗌咗一個set，4款都唔同，另外仲揀咗3款小食。朋友推薦必食牛脷，但我未食過咩係牛內裙，所以就同朋友各嗌一個試吓，另外兩個朋友就叫咗銀雪魚西京燒同照燒雞爽肉。牛脷確實厚，味道亦不錯，不過一凍就易韌，要速戰速決。牛內裙店主話係牛腩嘅一部分，口感唔係腍嘅，反而偏爽口，加鹽燒已經好夠味，唔蘸醬都好食，可惜嘅係唔juicy。銀雪魚我冇食，朋友話好滑，而雞爽肉則係去骨雞頸肉，分量頗多，食落幾嫩。小食我哋揀咗和牛薯餅，炸雞皮同炭燒雞橫隔膜。3個小食都好味，其中最好味係薯餅，好夠味好鬆軟又香口；炸雞皮係偏厚身嘅，所以唔會好似薄雞皮咁脆，佢係香口而唔膩，唔會食落成口油；而雞橫隔膜食落有少少似雞肉，但係爽口嘅，就好似雞肉包住雞胸部分嗰塊白色軟骨咁嘅口感。因為係定食，所以包咗3款前菜，沙律、湯、茶碗蒸、烏冬同飯，仲有醃蒜頭，雖然唔辣又勁重蒜味但好易入口，正！我嗰份前菜係吉列炸雞、醬燒螺片同去骨燒雞翼，雖然食落味道冇驚喜，但合格有餘亦唔hea，算好有盛意。甜品有蕨餅同奶凍揀，亦可加錢轉是日精選蛋糕。奶凍好滑，好香奶味，蛋糕我揀咗原生芝士蛋糕，好好味，面層cream cheese好濃郁又creamy，蛋糕則口感鬆軟，如果唔係原個要提早2日預訂仲只限堂食，我一定打包一個返屋企。…查看更多

放工一行四人黎食，同事一早訂左枱，好快有位，地方唔算太大，但就算有幾張4人枱都有足夠空間感價錢合理，內容豐富，套餐已包括有飯，烏冬，主菜，沙律，茶碗蒸，麵豉湯，另外一d漬物，還包甜品（芝麻奶凍或厥餅），份量適中，食晒都唔會覺得飽到好辛苦，而且一定食得晒，唔會浪費員工很有禮貌，收餐具時，提醒仲有甜品，但會講聲：你地飲啖茶先，唔會好似趕人走咁…查看更多

入元朗探朋友, 朋友訂了枱, 說是專門做日式定食。去到店內, 如想象一樣, 簡潔温馨, 全店連廚房內陳置主色純白, 木制品, 小家庭感覺。店內已有一長枱, 一家大小有老人家小朋友每人一盤自己的定食, 大家都食得好滿足。我哋三個人同行, 於是點三款不同, 再一齊分享, 反正配菜都一樣, 每個定食均配日式茶碗蒸, 沙律, 漬物, 三點前菜, 椀物, 白飯, 迷你烏冬, 甜品 🥚🥗🍤🍚🍰🐓照燒雞軟骨漢堡 $178喜歡手工造嘅細心, 食到少少軟骨增加口感而size剛好, 食得舒服, 提味醬油令煎出嚟嘅肉更香更野味🐟北海道花魚一夜干 $188以為魚肉一夜干偏咸乾好正常, 但呢個厚肉少骨。經處理過所以魚味濃郁, 魚皮煎香, 油脂豐富, 份量好足🥩汁燒安格斯牛小排 $248生熟掌握適中, 牛肉燒香配料配搭夾得好, 肉甜鮮嫩🍱定食配物：每一啖都好美味, 沙律新鮮, 前菜大方, 睇到設計到煮都係心機想特別推介茶碗蒸, 奶黃色好吸引, 有小蟹鉗, 食落有別於一般只食到滑蛋及鰹魚湯汁, 呢個係再加重蛋香味同鮮味, 相信比例上下咗功夫, 我食咗一份半, 因為朋友見我唔捨得食完分咗好多次食就俾佢半份我🤣椀物係大蜆麵豉湯, 隻蜆好肥美, 煮得剛好, 柔軟鮮美🍮甜品- 期待已久, 芝麻奶凍, 香濃黑芝麻醬淋滑溜奶凍🪽追加 - 芝麻手羽 $58外香脆, 內多汁, 不能錯過, 送吓啤酒正🍺Orion 啤酒 $28因為得一人廚房一人廳面, 所以最好訂位先同準時, 或8點時試吓walk in。總括嚟講性價比好高, 值得再去👍🏼。特別一提, 洗手間於餐廳外, 老闆娘細心送上小番梘洗手…查看更多

#喬木又是一間我心目中在元朗區排名很高的小店 久不久就會掛住它的牛舌 👅佢最大特色是會有很多款小食 啱晒我呢啲貪心想試好多款食物的人😝 佢會一次過整份連木盤放上枱 很吸引😍 而且除了固定一定配的湯 沙律 茶碗蒸 迷你烏東同飯 （飯仲要可以添食）每次都會唔同款的小食 之前試過有小丸子 蓮藕 可樂餅等等 今晚有凍豆腐 菇 去骨雞翼 燒汁螺片同牛蒡 每款都好好食👍🏻。#鹽燒厚切牛舌 $178我心中的No.1 🥇 每次想試其他都會忍唔叫番佢 今晚見每枱都有人叫呢款佢同其喺店舖不同的是 它是厚切成一條條去燒 咁樣會保留口感而又不會難𡁻 另外旁邊配埋芥辣醬同Wasabi粒 2樣都好夾另外朋友叫的照燒雞軟骨漢堡扒都一樣出色 好送飯🤭。最後甜品是 #黑芝麻奶凍 每次已經飽到上心口都要食晒佢 因為真。心。好。食！ 另外都可以加錢轉蛋糕 通常我好飽都係只係會食返奶凍 但佢話今晚蛋糕選擇有焙茶味 咁就一人一款試埋蛋糕 結果都係好好味 佢中間係豆腐味 個底就係用Oreo整 夾埋上邊嗰層嘅焙茶 成件事都好夾 作為餐飯嘅完美句號。店舖以日式木系裝修 不算太大的店 絕對建議要打電話book定位 其實佢午餐都有其他set選擇 但聽到店員跟熟客傾計都表示最近中午人流很小😔 都明白它的地理位置有點輸蝕 希望多啲識貨之人繼續支持 今晚見大部分都是熟客。#元朗小店 #食在元朗 #元朗日式餐廳 …查看更多

—假日walk in肯定冇位 還是乖乖wtsapp reserve一人廚房製作需時 90分鐘用膳時間所以務必準時/揀定嘢食先🐥日本脆炸雞配碎蛋沙律醬($178)🐚粒貝牛油燒($188)🐷照燒一口豚($228)🐟銀鱈魚西京燒($228)內附:🥚茶碗蒸 🥗沙律 🧄漬物 🦐三點前菜 🍲椀物 🍚白飯 🍜迷你烏冬 🍮甜品(芝麻奶凍/黑糖蕨餅; 士多啤梨巴斯克?!/焙茶豆腐芝士蛋糕+$12)———————————————————喬木 元朗馬田路38號怡豐花園地下63-64號舖…查看更多

📍喬木 | 元朗區.已經第二次黎呢個舖頭食dinner☺️，店員建議whatsapp預約，見到店內雖然只係得一位店員，但態度非常友善，會不停幫客人加茶，又或者問下客人啲野食好唔好食咁~ 所以今次決定再次encore!!!.落單後，會有啲小吃(青瓜)食下，非常開胃🤣今次叫左兩個唔同既定食試下~😋定食方面，除左主菜之外，仲會有麵豉湯，迷你烏冬，茶碗蒸，漬物，三點前菜，任加既白飯，同埋甜品🤣1️⃣ 塩燒厚切牛舌係咬落去比較彈牙既牛舌，但冇牛膻味，配埋醬黎食真係好正☺️☺️2️⃣ 碎蛋沙律醬炸雞啲碎蛋都有啲咬口，炸雞既火喉啱啱好，外脆內軟，送飯一流！忍唔住加左飯了，加飯都會重新加上飯素~麵豉湯方面，非常足料，有兩隻蜆喺入面🤤🤤迷你烏冬好彈牙爽口，滿足左又想食飯兼食麵既朋友仔🤣茶碗蒸就同出面有啲唔同，係比較稠身，有好香既蛋味，仲有隻細細的蟹腳😆當食曬所有野後，店員就會問下想食咩甜品~甜品方面有好幾款選擇，蛋糕方面就要加$12我哋一行二人揀左士多啤梨布朗尼cheese cake，同埋普通cheese cake，兩個都好好食，cheese cake非常滑，好香芝士味同埋唔會過甜，餅底都非常鬆軟🫨🫨總結: 服務好、誠意滿滿、好食既餐廳，絕對可以再次encore~~~~…查看更多

📍喬木 ⭐️高質日式定食，滿分鹽燒牛舌作為喬木打手，一定要介紹好嘢食俾大家🤣呢間大概係我上一年嘅食堂😂每個月都要食，食到老闆娘都認得～就知道我對喬木嘅喜愛係有幾深厚🥰認識我嘅人就會知道我上年簡直推爆呢間嘢！！！不過最近為咗食多啲唔同嘅嘢食🥹所以少咗去～但係依然唔影響我對佢嘅喜愛！佢依然係咁高質！！！全日定食✨ 鹽燒厚切牛舌$178 👍🏻👍🏻👍🏻由我第一次食開始，我每一次都只係會點呢一個😂佢令由我完全唔食牛舌，去到而家勁鍾意食！因為佢嘅燒牛舌真係整到完全冇嗰陣牛膻味！味道似牛肉，但個份柔軟口感係牛肉享受唔到嘅🤤通常外面嘅燒牛舌都係薄切嘅，令較硬嘅部位都容易咀嚼，不過口感就爭啲！而呢一間嘅燒牛舌雖然好厚身，但咬落去超級腍。好似食緊牛舌拖羅咁🥰強烈推薦大家第一次去食都可以試吓！就算唔食牛舌嘅都可以，因為你真係唔會覺得自己食緊😂佢暫時係我食過最好食嘅牛舌～✨ 銀雪魚西京燒 $228👍🏻👍🏻銀雪魚西京燒都係好好食！我本來就好鍾意食呢一個甜甜嘅魚嘅味道～😍而且魚整得好滑！不過因為喺其他日式嘅舖頭其實都常見，而且可能價錢會比較平啲！所以我覺得呢一個性價比就冇燒牛舌咁高！✨ 北海道花魚一夜干 $188👍🏻一夜干姐係將新鮮嘅魚肉浸鹽水，再風乾一晚！可以減低魚嘅腥味，同埋令佢更有油脂香。只係我覺得花魚嘅肉質比較榎～我自己唔係太鍾意🤣佢嘅定食入邊啲配菜每隔一排都會轉~包括茶碗蒸、沙律、漬物、三點前菜、椀物、白飯、迷你烏冬、甜品～唔好睇佢每一樣都好似少少哋～但每一次食完都好飽！而且樣樣都好精緻！睇得出係用心去製作☺️特別要推薦佢嘅甜品要揀芝麻奶凍！呢個真心又滑又好食😋仲記得以前佢只係收現金～次次都食完先至醒起自己未帶夠錢😂之後過隔離七仔撳錢！依家已經可以用信用卡比，不過就要+1喇！放假同朋友嚟坐吓，睇住街外風景，都真係好chill！好喜歡佢嘅BGM！…查看更多

走過呢間餐廳嘅時候，簡直係香味撲鼻而來！一入到這裏，啱啱好飄出嚟嘅咖喱豬扒味，實在太誘人啦🤤！食物出到嚟，我先攞起嗰碗嘅牛尾湯嚟一試，完全係溫暖心寸嘅好滋味呀，湯底濃郁得嚟又唔會過於膩口！跟住係重頭戲！啲咖喱豬扒真係得閒想一想都會流口水，豬扒煮到啱啱好，外皮香脆得黎肉質依然保持鬆軟同多汁，嗰陣配上啲咖喱汁呢，真係無得頂，足足嘅香辣味🌶️，食落不但過癮，而且完美貼合呢個秋高氣爽嘅天氣。至於啲蜜糖番茄，就好似提子一樣咬落去甜滋滋，與咖喱豬扒相輔相成。甜品方面，嗰個白雪公主奶凍更係一絕，香甜綿滑，每一啖都似係雲朵般輕柔，完美收官呢場美食之旅！總括嚟講，餐體驗喺這裏真係超正！無論係服務定係食物質量，都表現得可圈可點。好滿足，真係一個字「正」😋！下次一定再嚟，還有好多選擇等住我去探索！…查看更多