喜點 DiM

營業中

休息中

第一次喺OpenRice寫食評，想希望街坊一齊監察食肆衛生條件： 我放工後經常在西環或石塘咀買飯盒，今日經過士美菲路，見到喜點有優惠就去幫襯，點咗個蒸飯外賣，因欠了隻蛋，廚房員工即刻去煎，但係佢煎煎吓走咗去換垃圾袋，重用隻手嗱啲垃圾出嚟，之後冇換手套就去整我個飯盒，全程俾我見到，鬧咗佢一輪，但因已俾咗錢就攞走咗個飯盒，但係返到屋企有啲反胃，結果最後都係抌咗個飯盒，以後唔再幫襯，希望起點負責人可以訓練員工關於衛生方面嘅知識！😤

下午茶時段想搵啲嘢食經過呢間「喜點」，見佢有賣唔少包點點心包點款式好多，多過唐包點有白饅頭、鹹饅頭、高纖饅頭、南瓜包、紫薯包、菜肉包、雞肉包、蔥花包等望住店員背後啱啱蒸氣嘅包點好吸引，買咗兩個即時食▶️白饅頭 一個好巨型，大過拳頭👊🏻包好軟熟，味道甜甜地無需特別點煉奶已經好好食😋▶️蔥花卷 ($9)好多煙肉粒同香蔥，佈滿成個麵包包身同樣軟綿綿有質感，特別在可以跟着條紋搣到一絲絲煙肉粒帶少少鹹味幾好食，不過蔥花唔至於好香口然而足以滿足地填飽自己個肚可以稱得上係簡單嘅快樂😌熱辣辣新鮮咁食特別幸福♨️另外可以一袋袋饅頭咁買返屋企自己蒸