7
2
3
以上資料只供參考, 請與餐廳確認詳情
終於等到一枱可以坐多幾個人,要抓緊大閘蟹🦀的蟹腳😋😋周圍竟然好多餐廳都話full左😫😫😫,朋友話平時食開果間酒樓雖然唔係主力做大閘蟹菜式,但都會做到,兼有位,於是 二話不說,食左先講如果唔係探親戚朋友都好少會過來啟業邨,所以呢d 屋邨酒樓真係要街坊先熟架步🧐,我哋一行幾人都在商場兜左一陣先搵到,好彩沿途有指示帶路識路朋友原來一早已到左,也幫我地發埋辦,點埋菜,我地坐低就有得食,爽呀😜😜是日主角 — 大閘蟹🦀每人2隻,齋睇表面已經見到d膏爆曬出來,我們d蟹今次比較多係公🤴,蟹膏比乸👸🏻的 要幼滑一些,入口creamy ,味道甘香濃郁,用「齒頰留香」來形容絕不過份😋😋😋😋請恕我太專心食蟹,兼對手用曬來拆蟹,冇幫佢地影到相,因為大閘蟹真係要趁熱食先得,唔可以錯過左個最佳品嘗期😎也要讚讚店員的服務,知道我地食大閘蟹,會比較多殼,經常會幫我地換碟當然一個晚餐 也絕不可能只係食蟹,朋友選擇了比較大路菜式,好似燒味、蒸魚、小菜之類因為唔係我點餐,所以唔知菜式名同價錢🙈🙈燒味三部曲之一:脆皮乳豬🐽估唔到 夜晚食的乳豬 豬皮竟然可以依舊鬆脆燒味三部曲之二:燒鵝下庄,皮脆肉多,皮下脂肪不會太多,但夠香皮燒味三部曲之三:叉燒呢條叉燒真係冇得輸,表面燒得香之餘,因是梅頭位,肉質鬆化,叉燒汁微甜,一流小菜:欖角骨這是店員介紹的招牌菜,但原來朋友都未食過,而其他人也是第一次聽呢款菜式,我以前食過一次之後,就經已好喜歡呢個菜式,鍾意佢鹹中帶甜的味道,當然不同餐廳的做法及水平偶有不同這次的欖角骨 外表睇落雖然平平無奇,肉排走油後,表面是脆脆的,掛上帶蜜味的欖角汁,十分惹味👍🏻欖角 的味道其實好得意,有種獨特的香味兼輕微的甘味,這種味道真係要自己體會一次先明西蘭花炒帶子對上幾道菜式都係相對味濃,兼肉食類,所以也要一個清清地的蔬菜類菜式,帶子粒粒都咁飽滿,爽甜時值秋冬之際,最後我們再來個 滋補羊腩煲 作結羊腩煲 材料豐富,羊腩件數都數唔晒,湯汁香濃,羊腩入味唔羶兼忟得夠冧,仲有 爽脆的清甜馬蹄及竹筍,而枝竹 同 包埋的生菜 真係索汁的best friend,遺憾地,差一碗白飯🍚,不過已經食唔落喇,今餐實在太豐富了臨尾仲有糖水 紅豆沙送添本身唸住主角係蟹大閘蟹,蟹本身已經令大家一解每年一次的相思之苦;點知其他燒味及小菜更是令人驚喜連連,附近街坊真係有口福
繼續閱讀
星期日係媽咪休息日,所以就決定出街食,順便支持吓曾經因疫情唔做晚市嘅呢間屋邨酒樓。首先叫咗一個六人餐,有龍蝦有蒸魚仲有半隻雞,成個餐先$588 ,真係好超值!因為我哋七個人,所以加多左隻片皮鴨, $148有得兩食,睇落好似好抵咁!燒味拼盤有叉燒、油雞、燒肉同埋海蜇,每樣嘅食物質素都唔錯。然後就係上湯龍蝦配伊麵底,龍蝦唔算好多肉,不過呢個價錢有龍蝦食我都已經好滿意例湯係青紅蘿蔔湯,簡單嘅家常湯水,唔錯!蒸魚唔算大條,六人餐的話份量夠哂,蒸嘅時間啱啱好,魚肉非常滑,蒸魚豉油都好好味西蘭花炒雙蚌嘅菜煮得夠淋,啱老人家食,蚌嘅份量都好多,抵食!炸子雞皮脆肉滑,又整得唔鹹,好好味!相比起六人餐,我就覺得佢嘅片皮鴨較為遜色,始終呢啲酒樓都唔係專門做片皮鴨,OK啦,$148仲有得兩食都算係咁,我哋就揀咗茄子炆鴨件,味道都開胃,撈飯一流街坊價錢配合街坊嘅味道,呢餐飯又唔貴,埋單唔駛$1000,所以要多啲過嚟支持下!
繼續閱讀
今日食晏同同事去食呢間喜相逢入到去應該啱啱裝修左 啲嘢都幾新淨啲食物都係大路嘢叫咗個點心拼盤 乜都有啲 味道就正正常常 方便大家唔知食咩嘅時候叫再跟住叫咗個米線加豉油雞 ,碗米線勁大碗 勁飽肚豉油雞都好入味總括嚟講呢間都算一間OK嘅酒樓 食物質素一般 但係價錢平 易搵位
繼續閱讀
啲牛擺哂出黎,冷氣又唔夠,自助?豉油配料係到養烏蠅冇人理,叫個侍應加湯就就咁攞我張台樽水倒落去。阿姐就十問九唔應。海鮮又話賣哂,想點?呢到係我目前唯止最垃圾既邊爐。。。。。。。。。。。。。。。。。。。。。。。。。。。。。。
繼續閱讀
今日去飲茶,一家大細,座位寬敞,可能太少人嘅原因叫左12樣嘢食,其中叉燒包特別難食、蝦腸好味。之後去收銀位埋單唔記得拎張點菜卡,轉身霖住去拎就聽到兩個收銀響度講緊我,吉我,講果邊張枱買單窩,鬼知你邊張啊,之後就同左個收銀對質,佢仲要爆粗罵我、最後我都爆埋粗。期間店內原工都知佢把口係咁,點解係咁佢都可以仲響度?總結:呢間嘢食:中下服務態度:惡劣做得服務業居然咁對個客,自己私低下講我OK,但係響個客面前講,足以證明呢間嘢嘅質素,以後都唔會來
繼續閱讀