喜雙逢酒家 (已結業)

終於等到一枱可以坐多幾個人，要抓緊大閘蟹🦀的蟹腳😋😋周圍竟然好多餐廳都話full左😫😫😫，朋友話平時食開果間酒樓雖然唔係主力做大閘蟹菜式，但都會做到，兼有位，於是 二話不說，食左先講如果唔係探親戚朋友都好少會過來啟業邨，所以呢d 屋邨酒樓真係要街坊先熟架步🧐，我哋一行幾人都在商場兜左一陣先搵到，好彩沿途有指示帶路識路朋友原來一早已到左，也幫我地發埋辦，點埋菜，我地坐低就有得食，爽呀😜😜是日主角 — 大閘蟹🦀每人2隻，齋睇表面已經見到d膏爆曬出來，我們d蟹今次比較多係公🤴，蟹膏比乸👸🏻的 要幼滑一些，入口creamy ，味道甘香濃郁，用「齒頰留香」來形容絕不過份😋😋😋😋請恕我太專心食蟹，兼對手用曬來拆蟹，冇幫佢地影到相，因為大閘蟹真係要趁熱食先得，唔可以錯過左個最佳品嘗期😎也要讚讚店員的服務，知道我地食大閘蟹，會比較多殼，經常會幫我地換碟當然一個晚餐 也絕不可能只係食蟹，朋友選擇了比較大路菜式，好似燒味、蒸魚、小菜之類因為唔係我點餐，所以唔知菜式名同價錢🙈🙈燒味三部曲之一：脆皮乳豬🐽估唔到 夜晚食的乳豬 豬皮竟然可以依舊鬆脆燒味三部曲之二：燒鵝下庄，皮脆肉多，皮下脂肪不會太多，但夠香皮燒

星期日係媽咪休息日，所以就決定出街食，順便支持吓曾經因疫情唔做晚市嘅呢間屋邨酒樓。首先叫咗一個六人餐，有龍蝦有蒸魚仲有半隻雞，成個餐先$588 ，真係好超值！因為我哋七個人，所以加多左隻片皮鴨， $148有得兩食，睇落好似好抵咁！燒味拼盤有叉燒、油雞、燒肉同埋海蜇，每樣嘅食物質素都唔錯。然後就係上湯龍蝦配伊麵底，龍蝦唔算好多肉，不過呢個價錢有龍蝦食我都已經好滿意例湯係青紅蘿蔔湯，簡單嘅家常湯水，唔錯！蒸魚唔算大條，六人餐的話份量夠哂，蒸嘅時間啱啱好，魚肉非常滑，蒸魚豉油都好好味西蘭花炒雙蚌嘅菜煮得夠淋，啱老人家食，蚌嘅份量都好多，抵食！炸子雞皮脆肉滑，又整得唔鹹，好好味！相比起六人餐，我就覺得佢嘅片皮鴨較為遜色，始終呢啲酒樓都唔係專門做片皮鴨，OK啦，$148仲有得兩食都算係咁，我哋就揀咗茄子炆鴨件，味道都開胃，撈飯一流街坊價錢配合街坊嘅味道，呢餐飯又唔貴，埋單唔駛$1000，所以要多啲過嚟支持下！

今日食晏同同事去食呢間喜相逢入到去應該啱啱裝修左 啲嘢都幾新淨啲食物都係大路嘢叫咗個點心拼盤 乜都有啲 味道就正正常常 方便大家唔知食咩嘅時候叫再跟住叫咗個米線加豉油雞 ,碗米線勁大碗 勁飽肚豉油雞都好入味總括嚟講呢間都算一間OK嘅酒樓 食物質素一般 但係價錢平 易搵位

啲牛擺哂出黎，冷氣又唔夠，自助？豉油配料係到養烏蠅冇人理，叫個侍應加湯就就咁攞我張台樽水倒落去。阿姐就十問九唔應。海鮮又話賣哂，想點？呢到係我目前唯止最垃圾既邊爐。。。。。。。。。。。。。。。。。。。。。。。。。。。。。。

今日去飲茶，一家大細，座位寬敞，可能太少人嘅原因叫左12樣嘢食，其中叉燒包特別難食、蝦腸好味。之後去收銀位埋單唔記得拎張點菜卡，轉身霖住去拎就聽到兩個收銀響度講緊我，吉我，講果邊張枱買單窩，鬼知你邊張啊，之後就同左個收銀對質，佢仲要爆粗罵我、最後我都爆埋粗。期間店內原工都知佢把口係咁，點解係咁佢都可以仲響度？總結：呢間嘢食：中下服務態度：惡劣做得服務業居然咁對個客，自己私低下講我OK，但係響個客面前講，足以證明呢間嘢嘅質素，以後都唔會來

對於我這個無飯家庭，餐餐搵野食都好難， 唔想日日食茶記雲吞麵， 又唔想行咁遠， 唯有搵間食堂平平地又坐得舒服，二百零蚊左右食到兩三碟小菜或者一個海鮮set。上呢間酒樓真係好好，無他的，師父煮野， 環境舒服，埋單又唔貴， 基本上自從幫襯完喜雙逢之後，上黎食野都唔會就住就住， 因為野食無論放假定收工，中午定夜晚黎試以咁既價錢都有返咁上下水準。食點心， 炒野， 定燒味都好少出事，最近就食燒味食上癮， 一個禮拜連埋外賣食左四日， 唔係度度可以咁好味

瞓醒有時間，梗係去飲淡茶，食個飽，友人問我，知唔知叉燒包紅色好，定我地呢個好，我話紅色！佢話我錯！因為越紅染色會好多！所以我地呢個叉燒包係好野！但我就話，呢係叉燒包係細野😂，以前叉燒包邊會咁細，但呢個係小點🤫之後叫左叉燒腸，話係即拉，食落又真係幾正！有口感！呢個炸雲呑就真係無乜特別，我本人都係中意食街邊煎釀三寶既雲呑多啲，呢個有啲硬。。。蝦餃又係正既！份量又足！有夠蝦！一定要叫！燒賣，牛肉球，就同一般酒樓一樣，好食！一共食左$140，飲茶！差唔多啦

同屋企人weekend 食晚飯，未試過呢間酒樓，就決定試一試，叫左個片皮鴨兩食，食落去好香，有啲油，但啲麼麼(即係皮)已經凍左，同埋每一片都摺左一半，中意成塊完整無缺圓型，係好有難度，呢個要注意！第二味叫左涼瓜蚊鴨蒲，都好多下，二食黎講好低食！叫左個椒鹽豆腐，好食，唔太鹹，啲油好新，唔會炸到好深色，不錯！有個優惠二選一，有乳鴨，或者蝦，我地揀左蝦，食落都甜，2幾蚊，真係不錯嫁啦！蒜蓉炒白菜，好夠份量！總括黎講，整體係好食，但無乜特別，係^_^算平！一般家庭食飯已經滿意！有泊車優惠，詳情要查詢返酒樓

今日去咗探婆婆，見到啟業邨有間新酒樓，啲裝修都幾靚就入咗去試吓。整體嚟講都算幾好，估唔到屋村酒樓都有咁嘅質素，最緊要啲侍應招呼得幾好氹到婆婆好開心，婆婆係咁叫我哋母親節再陪佢食

三个朋友仔去喜相逢食饭，听讲呢度好多好嘢食，朋友仔食过几次，话呢度最抵食海鲜，我哋一嚟到点咗个避风塘炒蟹，度度都卖紧成二百几蚊只蟹，呢度用料好足，啲 肉蟹起晒膏，都係卖紧188蚊两只，食落去用火候十足，微辣鲜蟹味，真系好抵，赞赞赞赞，估唔到，从此揾到间食海鲜嘅好去处，仲有个鱼香茄子煲，68蚊就杀三个人份量，揸埋最爱嘅蓝妹啤酒，超满足啊，今餐，先食咗三百几蚊，讲都无人信，下次要再试食龙虾，扇贝同圣子王，你等我啊‘

放假冇咩做，有個朋友打俾我，話啟業村有間酒樓超抵食，心諗屋村抵食就梗咖啦，好吳好食先得咖，橫掂冇細藝，就應承咗，一去到，吳洗講野藍妹行先，跟住有個好好笑容嘅姐姐話今晚有3.8一只乳鴿同埋18.8半斤蝦，因為我得2個人，只能2選1，我哋揀咗食蝦，叫咗魚香茄子煲，金銀蛋莧菜，呢啲普通小菜都好好食，眼闊肚窄，又想食蟹，再叫多個避風塘炒肉蟹，啲小菜都好好食，但估吳到個避風塘炒蟹竟然超哂班，勁好味，蟹又大只，又有羔，估吳到仲要係188蚊2大只，總知呢餐真係滿足，3個字，冇得彈要俾10個like呢間酒樓，今晚真係有驚喜

星期六阿爸同姑媽一家過黎探阿爺， 餓住仲要煮？！？最後揀左落樓下間酒樓試下隻平乳鴿啦！一行十個人八點去到酒樓，門口個知客都算幾有禮貌一路帶到我地坐低仲沖埋茶， 因爲坐得入側面冇人所以都幾舒服。 其實間野之前睇食評同聽阿爺講服務好差，都唔覺呀！至少去兩次都一埋位就有人招呼，嗌野食時都話您聽有咩抵食， 當然唔係樣樣嗌。 今次嗌左十幾樣野， 埋單先一千零幾（又食龍蝦， 燒鵝真係算超抵）。最值得推薦係小炒皇同個蜂蜜叉燒，好食到不得了， 送飯一流。其實我覺得呢間酒樓已經算係食過附近最好食

話說小弟偏食，同家人飲茶亦只有叫牛肉球佐飯，飯先上，細心嘅侍應一定驚啲飯太熱我食五到，所以先要我等牛肉球，點知一等，牛肉球便失了蹤有單為據，等左約三十多分鐘先向經理燕姐催單，據聞牛肉球消失係廚房黑洞，明白廚房混亂有疏漏，佢問我等唔等，小弟見都等左咁耐啦，落漏咪出番囉，然後，十五分鐘過去，小弟都只係想有嘢落肚姐，個個都食飽而我仲望住碗白飯，眼見啊經理燕姐係附近，揮揮手只想叫佢嚟睇下進度如何，隻牛宰割好未，哇，燕姐數次見到我哋起勢揮手，終於對我地揮左下手，原以為我地終於終於等到佢，點知一個轉身佢遠去執枱，其實，大家都明，等唔到嘅痛苦，我都只係想要個解釋得個知字，話哂我都等左咁耐先催啊，終於，我爆左，上前問佢，然後佢一句唔好意思都無，佢語氣好差五望人一直仲執枱咁話(頭先問你等唔等，你話等嘅。)請問，我係咪要等到你收工呢？又一會兒，終於見到久違的牛肉球。。。我明白加一服務費從來五代表會提供服務，亦明白，樓面難請人，作為一個食客，我只希望以禮相待，點解我卑錢我要受氣，同時，你收人工，我都五係想卑氣你受，將心比心。圖中blur jor無辜嘅入單員，背景為終於等到嘅牛肉球。點解服務無得五卑分嘅?-?

地方很寬敞，星期五的晚飯有很多一圍圍的，蠻嘈吵晚市兩樣$188: 1. 沙巴龍躉，條魚細得可憐，長度同部iPhone 差不多幸好蒸得剛剛好，沒有過火，幾滑，有鮮味2. 燒味拼盤有乳豬，海哲，x 燒同貴妃雞，四樣都合格有多，特別x 燒夠「諗」但朋友話原來平時試過幾次外賣都冇咁好食，懷疑酒樓留番靚野做晚飯生意3. 煎蠔餅煎得很燶塊餅好大，但只有核心既中心範圍有蠔仔，而且不太新鮮4. 炸子雞不錯，夠脆，有肉汁，同去飲吃的冇分別

服務態度差😡叫左個餸，問左3次，第3次先話賣哂😡啲員工個個黑口黑面，唔想接客開咩餐廳😡食蝦仁炒蛋，啲蝦腥既🤢梅菜扣肉，瘦肉佔9成，肥肉得1成叫白飯等左十五分鐘都冇，先發現佢地推來推去，呢個以為果個拎飯，果個又以為呢個拎飯羅漢齋煲叫左成個鐘先黎，飯都食哂我同我表哥打傳說對決一，打左兩舖5vs5啲餸先黎左一半😵已經黎左第三次，一啲改善都冇，點解香港一個美食天堂會有呢種劣食地獄既存在有機會真係唔會再黎😡😡😡😡😡😡😡😡