喜鍋 海鮮‧火鍋‧小廚 (已結業)

又係火鍋的季節啦～依間性價比唔錯架！雖然唔係任食 但係都一定夠飽！除咗有雞煲 仲有好多湯底嘅選擇我哋揀咗養生湯底花膠湯😍😍材料超足！同埋好清甜仲叫咗安格斯牛頸脊 油脂分布平均推介大家依家有個特價 鮑魚都係$18.8炸！餐廳主打熟食仲有個釀墨魚油炸鬼！大家要試吓 好好食 配埋佢嗰個甜酸辣醬😝😝😝下次有機會要試吓雞煲！同埋如果太多人食 可以食佢個牛拼盤好似港女下午茶咁好靚！喜鍋 海鮮‧火鍋‧小廚 (旺角)旺角上海街428號地舖

入秋開始涼涼地 又係打邊爐的時候！呢間火鍋店有驚喜啊！😍😍店員服務好好👍感覺以客為先食物款式多選擇 食物都幾高質😌除咗雞煲 仲有好多火鍋湯底😍我就揀咗最熱門嘅招牌花膠骨膠原湯鍋！$238呢個湯底附送黃金炸脆米☺️建議大家湯底滾後加入脆米中 好似泡飯咁食👍呢個湯底超多花膠！仲要係大大塊😍好啱女士養顏 仲有好多豬手 雞腳 紅蘿蔔 粟米 同埋骨仔定咩骨😂我都吾知我地叫左個頂級安格斯牛頸脊 $238冇諗過份量都算多 同埋幾厚切 肉質唔錯👍平日仲有個特價優惠！磯煮鮑魚 $18.8 一隻炸😍😍爽口彈牙 同埋好入味！老闆介紹招牌鴛鴦墨魚油炸鬼 $78即叫即做 好香脆 有兩款口味！蟹籽同埋黑松露 個人比較喜歡蟹籽😉一共有六條！食完都好飽haha 我哋仲叫多個烏冬 +$25醬料費 $15/位加一服務費喜鍋旺角上海街428號地舖

位於旺角嘅火鍋店，設有樓上座位，最啱一大班朋友去一路打邊爐一路暢談😆 食物質素好高質，擺盆都好精緻㗎✨🌟 招牌花膠鯊魚骨膠原湯鍋 配泡飯($238)用花膠同鯊魚骨熬製嘅湯底，放入口第一時間已經feel到好多骨膠原 🥰清甜嘅特點令佢更加能夠吊岀肉類本身嘅味道🤪湯料仲要非常豐富！呢個湯更附送左泡飯，用咁鮮甜嘅湯加落炸米真係prefect match😋🌟 鴛鴦墨魚油炸鬼 ($78)六條墨魚油炸鬼，一半係舖左魚子，一半就舖左黑松露。魚子嗰邊食落好爽口好fresh, 黑松露嗰邊就香濃可口😍配埋油炸鬼口感好得意，係好創新嘅菜式🤩🌟 安格斯四品盛牛天梯 ($298)呢個天梯有四款安格斯牛肉，肉質鮮嫩多汁，食落好有牛香，唔會想點醬料食，因為覺得會浪費左佢嘅原汁原味😆 🌟 磯煮鮑魚 ($18.8/隻)作為一款冷食頭盤，呢味磯煮鮑魚真係非常合適！經醬汁炆煮過呢鮑魚有好濃郁嘅昆布香氣😏但係鮑魚嘅鮮甜味又冇被醬料嘅味道蓋過，係非常開胃嘅一道菜色😝🌟 唐蒿 ($48)🌟 潘芳堂雪梨菊花茶 ($28)🌟 醬料 ($30)

位於旺角上海街嘅一間火鍋小店，係典型港式火鍋店嘅裝修。坐落枱冇耐，店員就拎上配料，俾我哋去揀取，啲配料乾淨企理。服務好周到。重慶麻辣雞煲：叫咗半隻雞，有得食又可以做湯底，一雞兩食。啲雞同醬汁混為一體，每一啖都好惹味。半隻雞都好多好過癮。食完後，店員會幫手加湯，之後就可以打邊爐。磯煮鮑魚：見佢做緊優惠價$18.8就叫咗嚟食，上枱嘅時候，有乾冰襯底，充滿仙氣。鮑魚肉就已經切咗片，方便夾。煮得幾入味而且好彈牙。雪花美國肥牛：好濃厚的肉味，而且脂肪比例平均 喜歡喜歡。韭菜餃：包得好實淨，餡同皮嘅比例啱啱好。脆肉鯇魚片：去晒骨，食得好方便，肉質實淨。油麥菜：油麥菜不嬲都係打邊爐必食，份量都幾多幾新鮮靚食材同好服務 係同朋友冬天打邊爐的好選擇

呢排涼涼地又係約埋朋友打邊爐既好時刻，而家出面多左好多台式或者日式既邊爐，今次想食番港式有海鮮既火鍋店。揀左呢間旺角附近既火鍋店。首先要揀湯底，款式都唔小有成十幾款我地就揀左個《胡椒濃湯豬骨鍋》一上枱果下都都有小小驚訝，個煲都好大煲，仲好多配料...豬骨大大件、粟米、蘿蔔、豬手，雞腳....個湯底當湯飲都飲左2碗之後黎左個餐前小食，《鴛鴦墨魚油炸鬼》即係油炸鬼釀墨魚膠，油炸鬼即叫即炸，上枱仲熱辣辣，有2款味，淡d既就配蟹籽，另一款濃d就配黑松露醬，入口香脆就算浸一浸湯食都唔會淋曬跟住仲有個《磯煮鮑魚》，每隻$18.8，鮑魚都唔細隻，仲切開左一件件，入口彈牙，仲有小小醬汁既味主菜就叫左雪花美國肥牛，鮮蝦雲吞，手打墨魚，同埋西洋菜先講下個肥牛，d油脂花紋都好平均，唔會一味得肥膏，大大片好滿足，而且入口鬆軟，又夠牛味鮮蝦雲吞大大粒，每粒雲吞都有原隻蝦喺入面最後係墨魚丸，同平時雪藏既真係好唔同，彈牙好多，仲食到粒粒墨魚喺入面d野食配埋個湯暖笠笠，食到大滿足

呢排天氣涼左，係開始打邊爐嘅季節，搵到旺角呢間喜鍋，位於上海街，位置容易搵。坐低後店員細心介紹餐牌食物，花多眼亂，幾經辛苦先揀到要咩湯底～🔸餐前小食▪️磯煮鮑魚 鮑魚都大隻，切開左3件，整到好入味，好有咬口，好味▪️鴛鴦墨魚油炸鬼 店員推薦呢款餐前小食，兩款油炸鬼，每款3件，分別在於頂頭嘅配料，有蟹籽同黑松露，每條油炸鬼都釀左墨魚滑係入面，外脆內軟，口感豐富，幾特別！🔸湯底▪️胡椒濃湯豬骨煲 湯底好味好濃郁，胡椒味好重，即刻飲左大半碗！同埋入面好多配料，豬手、豬骨同雞腳好多件！仲有粟米、蘿蔔同紅蘿蔔，非常足料！▪️雪花美國肥牛肥牛好大片，雪花紋好靚，食落好重牛味，唔似平時食到好薄個d，又大又厚，所以食落好有口感▪️手打墨魚丸半份有3粒，爽口滑牙，咬到粒粒墨魚▪️鮮蝦雲吞半份有3粒，雲吞唔算好大粒，但係非常足料，食到幾隻蝦係入面▪️西洋菜份量都多，個人好喜歡打邊爐食西洋菜，清新爽甜！▪️Asahi啤酒打邊爐點少得啤酒，大大支都係$30，仲有其他款式飲品，涼茶汽水都有，好多選擇

想食火鍋好耐，於是嚟咗油麻地呢間火鍋店試試，地理位置非常方便，一出地鐵行5分鐘左右就到。我哋叫咗個招牌鮮檸魚鍋湯底，加咗青檸汁非常開胃，酸甜辣度岩岩好，抵讚👍🏻魚嘅份量都好多，肉質白滑鮮嫩，未食其他餸已經少飽肚。配菜方面，叫咗幾隻海蝦，都幾大隻，味道鮮甜。 四寶餃有雲吞、水餃、韭菜同椰酸，隻隻都幾足料。 啲餃浸咗啲湯汁，好好食！ 個人最鍾意雲吞，入面有大大隻鮮蝦肉~ 魚皮脆卜卜大大塊，齋食或浸湯食都得 另外亦叫咗碟美國雪花肥牛，肥瘦剛好，不錯蔬菜盤二人份量岩岩好，都幾新鮮，菜類都幾多個人幾鍾意佢個鴛鴦油炸鬼，卜卜脆之餘，黑松露好香，蟹籽多，齋食都好好味值得一讚係服務員態度好好見到你個盤滿哂蝦殼會主動幫你換碟又會時不時留意火喉啱唔啱 主動幫你加湯仲要送咗兩粒朱古力甜品俾我哋~整體嚟講幾好，一定會再嚟幫襯

-喜鍋 海鮮火鍋小廚而家秋風起🍂 當然要去打邊爐❤️之前食嚟食去嘅火鍋 都係啲台式/麻辣發覺好似好耐已經冇食港式嘅火鍋所以特登去搵番間港式嘅去打邊爐☺️旺角嘅喜鍋火鍋湯底嘅選擇真係花多眼亂 而且湯底都係非常足料✨藥膳醉雞鍋湯底 （半隻-$168）入面有紅棗 桂圓 杞子 淮山 黨參 醉雞一放低湯底已經聞到勁香嘅藥材酒香味鷄肉肉質都好嫩滑同入味 食完好滋補🤤🥩雪花美國肥牛（$168）雪花比例平均分佈 好香濃嘅牛肉味有少少咬口 唔錯✨🥟鳳城水餃（$32/半份）有三粒 內餡足料 皮薄餡靚👍👍🦪元貝（$96/2隻）元貝都幾大隻 爽口彈牙 對得住價錢~🥬油麥菜（$38）分量都多而且係新鮮的🥢紅薯粉（$38）同平時食嘅薯粉唔同 比較幼身 易咬🥤枝裝雪梨菊花茶 （$28）涼茶嘅選擇都幾多 以清熱解毒為主菊茶嘅味道香濃 飲得出係足料涼茶🧂醬料（每位$15）整體黎講 火鍋店非常之地道好感受到人情味 服務態度滿分✨特別中意佢地個湯底 好正！會想試埋其他海鮮鍋同雞煲

今日約咗朋友去打邊爐我哋嗌咗個酸菜魚做湯底酸菜魚湯底比平時fresh 原來佢加咗新鮮檸檬落去魚肉嫩滑 湯底都好好飲我哋飲咗勁多湯湯底仲有萵筍 芽菜 豆卜打底兩個女仔食酸菜湯底都有五成飽（加埋飲咗好多湯）我哋另外嗌咗啲餸鴛鴦墨魚油炸鬼分別有黑松露醬同埋蟹子可以即食 好脆口四寶餃我最鍾意食芹菜豬肉餃同韭菜餃大海蝦啲蝦黎到仲好新鮮 好爽甜雪花美國肥牛兩個人食一碟就啱啱好喇 肥牛配上酸菜魚湯底 好正炸魚皮有靚湯底一定要食魚皮送下枝裝涼茶 都算大支店鋪亦有暖水提供 好窩心最後 鋪頭仲俾咗2粒松露朱古力我地勁好食 好有godixx 水準另外要提一提 店員非常有禮 細心 而且有笑容

呢晚同好朋友黎左呢度打邊爐，食火鍋一睇到磯煮鮑魚有特價，當然要一人一隻開開胃先啦點上餐單上一啲推薦既火鍋料熱情既店員仲提醒我地係佢地既專頁打卡後會有一份蔴醬冰菜送返俾我地添優惠價既磯煮鮑魚入味又腍滑，真係唔食就走寶啦另一樣必點既就係呢份海鮮拼盤有齊海蝦、扇貝、青口、鮑魚同海蜆，二人份量只係168，當晚既火鍋配料仲要做梗88折，真心抵食每款海鮮都好新鮮，特別係隻扇貝同鮑魚，放落清清地既皮蛋湯中，鮮甜味道更突出好欣賞呢度大部分既火鍋料都可以選擇全份或半份，所以我地兩個人都可以試多幾款三色滑亦係店家既推薦之一，果然每款都足料又彈牙其他常見既火鍋配料，好似雲吞同豬潤等等既質素都唔差而主食方面我地點左一份彈牙既烏冬，放落香濃既沙嗲湯頭中索曬味，正！！！！飲品方面，除左汽水之外，加多寳都係唔錯既選擇

天氣轉涼，是時候出動來打邊爐。這天接受了好友的相約，來到油麻地一帶吃飯。一行二人來到這間位於上海街的「喜鍋」，餐廳內座位寬敞，食客可以坐得舒服。這是上fb打卡送的小食。筆者初次品嚐冰菜，爽脆口感十分特別。尤其經冷藏後的冰凍感，食法相當新奇。拌上日式胡麻醬後，味道好夾。以乾冰出煙方式上枱，令整道磯煮鮑魚配添打卡度。鮑魚彈牙，肉質甚為嫩口，咀嚼間會有絲絲醬油鹹香滲出。香茜皮蛋下了大量香茜，配以皮蛋來熬製，味道清甜，帶有明顯的香茜氣味。沙嗲2款中相對濃味的沙嗲湯底，蘊含了大量花生碎在裡頭。難怪在鹹香濃味之中，還會有一股花生香味滲透出來。這個以優惠價發售的海皇盤，提供了大元貝、青口、大蜆、鮑魚和大蝦。大元貝果然如其名，大粒彈牙。整盤海鮮的新鮮度都不錯，以這個價錢來說，都算抵食。三式滑分別有黑松露墨魚滑、蟹籽蝦滑，以及瑤柱墨魚滑。店員教路，下鍋前先把舖在上面的配料和魚蝦滑混合，以免配料散掉在湯底中。三款滑入口都甚有彈牙感，當中以蟹籽蝦滑最為濃味。半份是有3粒份量。雲吞大粒，外皮連同底部的金魚尾也做到頗為薄身。雲吞皮內藏大隻彈牙的鮮蝦肉，名符其實『皮薄餡靚』。黃沙豬潤入口有粉嫩感，份量都ok。最後

朋友話之前同d同事係旺角一間餐廳打完邊爐，覺得食材高質，所以今次就約埋我黎食餐廳環境都非常整潔，而且空間感都大，我本人就好鐘意食海鮮，所以就叫左個海鮮鍋及其他配料魚湯海鮮鍋$268湯底係用左好多唔同海鮮製作而成，所以飲落口十分鮮甜，裏面有彈牙海蝦，爽甜海螺，肥美青口，仲有原隻蟹及元貝，每一樣海鮮都好新鮮，可以食完海鮮，再飲多幾口湯先打邊爐鴛鴦墨魚油炸鬼$78有蟹籽及黑松露味道，2款口味都好吸引，黑松露味道會更香，可以當餐前小食或者同響鈴一樣，吸哂湯底精華再食雪花美國肥牛(半份)$88食落好有牛肉味道，肥瘦適中韭菜餃(半份)$32皮薄餡料足，食落去口感豐滿，韭菜味道香口唐生菜$38生菜爽口，因湯底清甜，所以食落口唔會感到油膩

係打風既前夕去左西貢🏄🏻‍♀️個海係癲左 但都幾好玩 應該會進步不少😂😂玩完 又係一程小巴落旺角食野唔知點解 次次玩完 都好想食雞煲/打邊爐🙈之前朋友黎過喜鍋一次話啲材料新鮮 湯底多選擇 就試試✌🏻✌🏻我地揀左醉雞湯底真係足半隻雞俾你 雞件好嫩滑湯底一開始較為清淡但食晒咁多野 再飲返啖湯 不得了 超級鮮甜 忍唔住 飲左成碗所以一開始清淡 係岩咖 到最後 個湯底先唔會太鹹仲有個調味架 俾你自由調製醬料磯煮鮑魚 而家做緊特價 $18.8 每人限叫一隻鮑魚好彈牙 好入味 👍🏻👍🏻👍🏻時令海皇盆$168 都幾多海鮮加上好新鮮 隻蝦仲郁緊😂😂😂我哋兩個喺度互相問緊大家 到底要淥幾耐俾老闆和哥聽到🙈🙈🙈佢就講晒 到底要幾長時間😂😂😂小店就有呢個親切 ❤️❤️日本黑豚肉 (半份)有4片 不過每一片都好大塊加上係黑豚肉既關係 點淥都唔會un韮菜餃(半份)相對多肉 但我鐘意滿滿既韮菜多點喜鍋三式滑黑松露墨魚 蟹籽蝦 瑤柱墨魚新鮮 唔會霉 份量都唔少魷魚鬚$58 好抵食好耐無見過呢款魷魚鬚啦蔬菜拼盆菜新鮮 每塊葉都好翠綠 唔會爛2個人食 份量岩岩好蘿白 基本上每一次打邊爐都會出現感覺上好清熱😂😂完全冇渣👍🏻👍🏻

我哋俾佢哋既時令海皇盆吸引 有大元貝 大蜆 大蝦 鮑魚 青口 起火鍋店咁新鮮而假期只係百二左右 😳大元貝碌一分鐘就食得 入口清甜 大蝦蝦肉彈牙 🦐鮑魚好爽口呀🍲另一樣好吸引我哋既係鴛鴦墨魚油炸鬼 其實係黑松露醬 三文魚籽墨魚膠釀入油炸鬼 香口惹味 呢度仲有天然涼茶飲品 潘芳堂既飲品 我哋叫咗雪梨菊花茶 🌼檸檬薏米水 🍋清熱解熱 味道天然 唔似外面既有添加劑同多糖份 打邊爐飲啱哂 🍲我哋仲見到老板真人 生招牌招呼我哋 真係值回票值 值得嘗試

出街最好嘅節目莫過於係打邊爐個人就比較鍾意單點嘅邊爐多過任食因為單點嘅餐廳食物質素都有啲保證今日我哋就嚟到位於旺角嘅喜鍋先睇餐牌食物種類繁多除了一般打邊爐配料之外亦都有雞煲，海鮮鍋牛腩鍋等等選擇十分多元化仲有一啲脆炸小食今次我揀咗個雙拼湯底係清湯同埋沙嗲湯清湯底有豆腐有菜，都幾清新沙嗲鍋就有香濃嘅沙爹香味鴛鴦墨魚油炸鬼呢個十分推薦因為油炸鬼炸得脆卜卜墨魚滑亦都堆得滿滿的特別欣賞黑松露嘅味道非常突出磯煮鮑魚呢個已經煮好畀你㗎喇，仲要切成薄片食落爽脆彈牙，十分過癮炸響鈴炸響鈴真係大到不得了放入湯入面三秒鐘拎起馬上得到外軟內脆嘅感覺滿足感爆燈手打丸拼盤一次過滿足四個願望有梅菜豬肉墨魚蝦肉及牛丸四種入面感覺最特別係梅菜豬肉食落都幾有層次墨魚丸同蝦肉丸就非常嫩滑美國雪花肥牛和日本黑豚肉我哋各叫咗半份肉質鮮嫩，肥瘦適中可以話係打邊爐必備時令海鮮盤呢個又係另一老闆推介性價比超高除了一般嘅青口，蜆和海蝦之外仲有鮑魚同埋元貝鮑魚爽嫩彈牙，元貝個份量亦係大大隻可以話係必叫嘅餸菜飲品當然少不了打邊爐嘅名物啤酒與加多寶總結，食物唔錯不論係餐前炸點，湯底同食物都有相當質素侍應們都非常主動值得加分