喜遇 (已結業)

襯住週六假期，小肥帶同父母一遊改頭換面o既利東街，中午時份就行咗入去其中一家餐店「喜遇」度食晏。餐廳正門有對新人公仔歡迎食客，極度親民 。門外亦展示出不同時段o既餐牌以供參考。店內裝修帶點懷舊氣味，牆上簡單貼出黑白舊照。天花掛上紅色吊燈。樓梯旁更可見七彩o既舊式信箱 。三人被帶入一角o既卡位，餐具齊備，連大肥爸爸都覺得OK好坐。餐牌圖文並茂，可見菜式大多屬上海菜，我地就叫咗幾款平時都有食開o既餸菜黎試。 灌湯小籠包（$32/四隻）：熱辣辣、脹卜卜o既小籠包皮薄湯足，入面o既豬肉餡又夠軟嫩，無可挑剔 。 鍋塔豆腐（$58）：甜甜o既豆腐皮層軟腍惹味，豆腐心滑溜無比，相當唔錯。 秘製雞中翼（$52/四隻）：雞翼炸得好夠香脆乾身，屬安全之選，不過就唔係好食得出所謂秘製特色之處囉。 嫩雞煨麵（$62）：如相所示，煨麵不但貌似米線，唔夠軟腍，而且仲水汪汪，淡茂茂 ，同細佬食開嗰啲真係好大分別，不吃也吧！ 雪菜肉絲炒年糕（$78）：年糕煙韌富彈性，又唔會話炒到黐埋一舊舊，個芡汁稀杰適中，雪菜肉絲o既份量亦剛剛好，絕對值得推介 。週末陪伴雙親行街散步，巧遇滬菜小館「喜遇」，三口子

一心諗住間野新開張，應該好有心做。見佢有個早餐menu OK喎，咪一早落去食囉。點知個粢飯包到成隻熱狗噤，成條油炸鬼出曬黎同我say hi。朋友，你抿開D糯米將條油炸鬼塞入D好困難麼，做野是唔是要噤求其呢？你新開的，粢飯噤簡單既野，你包又包唔好、油炸鬼又唔脆、榨菜又鹹到死、班樓面又唔熟menu、迷迷茫茫唔知自己做緊乜，齋解釋個鹹甜豆漿都講到一舊舊，早餐得兩枱客咋。我成條粢飯食完，侍應竟然埋黎問我係咪仲差個粢飯未黎。落單到捧餐都係同一位侍應，記性唔係差成噤吧？試業唔係做得唔好既藉口來的。