喜泰味

現代香港茶餐廳的發展越見凋零，原因是新一代都響往多國文化，投入不同飲食習慣，新一代的茶餐需要變得多元多國文化去適應社會的發展。這泰國茶餐廳正是產物。下午茶餐由$30起，極奇吸引。海南雞湯面，面底有多種選擇，河粉、檬粉、金邊粉，任君挑選，海南雞軟滑，肉嫩，湯底香濃還含著仿似藥材的味道，美味至極。奶茶倒是香港味。簡直太贊，值了。無論怎樣發展，小型餐廳還是有需要和需求，發展多元化、發功能才能適應現時的需要和變化。…Read More

今日經過長沙灣，見到呢間泰菜餐廳就試吓，環境唔算好舒服，好焗促色調好暗沉，叫咗扎肉船麵同煎蛋肉碎飯，係好港式風味嘅泰菜，食落冇泰式嘅味道，船麵湯底略甜，扎肉得三片，加一件蘿蔔，件蘿蔔又係略甜，肉碎飯唔好食，肉碎太鹹，太少豆角，就好普通嘅肉碎飯，冇咩泰式風味，加咗$29一碟細鳳爪，份量又係好少，但幾好食，整體嚟講就好普通，服務態度一般，食物一般，環境一般，唔會再食第二次，唯一好嘅就係下午茶$30一碗麵的確係幾平。…Read More

喺附近開完會，所以就過嚟同街坊朋友短聚一下都係經佢介紹先會過嚟呢個屋村商場😜當晚去到大約20:00 過咗高峰嘅晚餐時間但係都仲有幾枱客人座位都ok舒服～唔會有好壓迫嘅感覺因為唔係好肚餓，同埋都係想見面吹吹水嗌咗一個主食同埋串燒一坐低侍應送上嘅炸蝦片👍好食🦐鮮蝦炒金邊粉$98唔知當晚係唔係唔太肚餓所以覺得份量幾大但係對於面上面冇做到蛋網～而係成塊咁上有少少失望🤏🐣沙嗲串燒雞 $88呢個外表好似燒到好焦香好靚咁但係食落個雞肉就有少少韌未做到好嫩滑 好似燒耐咗啲🥲🧋凍泰式奶茶 $22總結：嘢飲嘢食中規中矩～冇好特別impress到食客好彩經OpenRice訂有八五折😉…Read More

好難得居然有30蚊既tea set 食。仲要係我好中意既船面同冬陰功，而且份量岩岩好唔會話好多，岩晒我食量同口味。好中意呢度既湯底，好夠味，我叫左肥牛船面，肥牛同金邊粉份量都適中，我可以清晒，唔洗迫我浪費食物😆 凍飲加3蚊，我點左凍奶茶多奶但都係茶味偏濃，不過可以接受。以性價比黎講真係冇得輸。下次黎試埋其他😆終於俾我搵到飯堂👍🏻…Read More

好少經過呢度，如果唔係附近報左個英文併音班上堂，都唔會喺呢頭食嘢😂有睇過下post 呢度設計概念係貨櫃。附近仲有food court 。好！仲有十堂，可以慢慢發掘下呢度！長沙灣地鐵站A1出口一出，左手邊第一個貨櫃，斜對面係Mosburger。入到餐廳環境錢唔錯，6:45入座平日算無咩人。一座低就就招呼你一兜蝦片😋Openrice訂位有85折，如果唔係今餐2個人食，價錢同出面旺角港島區有得比👏蝦片應該係自己炸既！味道唔錯，脆口不油膩。店員有推生蝦！低食！大大隻，好得意杯仔甘上，睇得下又食得！爽甜！青咖喱雞，都ok, 配返蒜蓉包同薄餅一齊食，如果用反泰國細細粒茄子就更正！蒜蓉包都ok,唔夠蒜香。薄餅唔夠脆口。芽菜好夠鑊氣，偷聽到最後一碟，要店員出去再買芽菜啦😎價錢略貴。櫃台唔知係咪老闆，大大聲標榜係泰國廚師。飲品方面，青檸梳打、珍多冰正正常常。仲諗住上完堂，返黎買個芒果糯米飯，但仍然好飽留返下次😝…Read More

之前經過好幾次都冇入去食諗住點都試一次今日同事堅持想食泰國嘢就過咗去食去到同事叫咗冬陰功海南雞金邊粉我就嗌咗豬頸肉飯一嚟到真係O晒嘴未試過食豬頸肉飯豬頸肉可以燒到咁又切到勁薄好似人哋食剩咁樣離晒大譜！連果個汁都超普通想撈飯食都好似水質咁樣第一次食飯要食到好窮冇餸食咁樣覺得冇餸要慳住食！同事個冬陰功又係勁少雞，仲要勁鞋超級唔掂唔會有下次！咁樣都每人六十幾蚊啲食物差到咁但都成間餐廳滿晒唔怪得餐廳質素繼續咁差但都可以繼續經營絕對冇下一次…Read More

黎到長沙環，見無咩人流，但係附近又無餐廳，所以先入黎試下，一睇到個餐牌，嘩，以長沙灣區黎講係貴，應該唔係主打做街坊生意。晚市menus 9成都係小菜，飯要另加，最後揀咗個金邊粉試下，都要98加一。味道一般，Cp值底，同價位有大把好選擇。ps: 坐底左無幾耐就聽到有其他顧客原來book枱有85折優惠，我就即刻揀最近嘅時間，其實都係差半個鐘時間，之後問返職員（聽到有人叫佢做事頭婆），佢話落咗單所以冇得計85折。OK我無知，冇預先黎Openrice Book 位, 不過都無下次，唔會再黎。…Read More

我今日去左長沙灣探好友，順道一齊去位於長沙灣東京街12號麗閣商場地下29號舖的喜泰味食下午茶。我點左泰式肥牛船麵配熱咖啡$30，好友點左泰式扎肉船麵配熱咖啡$30，另一位好友點左馬拉盞雞肉炒河配熱奶茶$46。2個船麵都好食，炒河賣相不錯及好味。…Read More

今天中午午餐，見只得五台客，坐低後見到大量外賣訂單準備中。叫咗碟青咖喱牛腩飯，等咗接近30分鐘先上飯同飲品。時間不是問題，最主要就係牛腩飯只得幾舊成人手指尾尖大小的牛腩，叫侍應姐姐望吓，佢真係望咗一下就走咗 。算我唔好彩，埋單。一位好man嘅女侍應竟然叫我等等，我真係想同佢講，我已經等咗30分鐘，收錢唔使1分鐘都仲要等 😔…Read More

搵食長沙灣，捕捉到一間泰國餐廳，外面黑白相間，有個型格。入到去環境寬敞，一坐低即刻有蝦片送上🍤，嘴巴一開始已經打前哨，有開胃嘅感覺。嚟呢度，當然要點椰香青咖喱雞！食落去椰香味濃郁勁正，雞肉滑溜，配合特色泰式茄子，舌尖上嘅味蕾樂壇即起。 再嚟，泰式炒通菜唔缺席，啖啖清甜翠綠，夾埋個炒香口嘅蒜蓉，簡直惹味到暈啦！😋串燒小食必須加埋，豬牛各一，肉質嫩滑，炭烤嘅香氣撲鼻而來，邊食邊有騷過戲院嘅感覺，加醬爽口過雲霄。至於飲品，泰式奶茶同珍多冰，一杯比一杯正，合埋個菜單一流，飲完個喉嚨有種說不出嘅暢快。總之，食完之後肚子滿足到暖笠笠，舌頭都系開心得滴吓汗💦。下次再嚟，椰青海鮮焗飯等緊我，呢間餐廳，絕對值得再探！👍…Read More

經過長沙灣見呢間泰餐好似幾吸引就試下啦下午茶都幾多選擇價錢都經濟～可以加配小食、甜品或者泰式特飲可以加$8-$25選擇泰式特飲叫咗2份下午茶～泰式海南雞船麵、冬陰功豬手金邊粉、細芒果糯米飯、酸辣鳯爪沙律～泰式海南雞船麵湯底有魚露～無骨海南雞有4小舊～幾嫩易咬冬陰功湯底足料有香草、香茅、檸檬葉、辣椒粒～豬手好薄好少不過幾入味細芒果糯米飯3片芒果～細細舊糯米飯上面有椰漿～好香椰奶味酸辣鳯爪沙律夠酸夠辣～無骨鳯爪好香青檸汁味下午茶份量偏少～味道正宗～免加一…Read More

上個周六臨時訂的一家店，只因近再加上看上去也不貴，就在我們hiking的昂船洲附近。虎蝦刺身很新鮮，上來之後幾分鐘就被我哋消滅。烤魚雖然不太入味但是冬陰功湯可以彌補的～芒果糯米飯是送的但是味道nice！…Read More

今次去咗間深水埗嘅小店食泰國菜，入到去條街嘅老舊都好似一下子青春返，挺有feel！坐低未夠兩分鐘，已經有迷你碟嘅香脆蝦片送上，食落去好有蝦味，真係一邊嗌嘢一邊停唔到口😋。主菜我揀咗啲泰式燒豬頸肉，外層炭香，肉質嫩滑入味，啖啖肉感覺得出師傅嘅用心。添碟配料嘅翠綠色四季豆用香茅黎炒，好夾，清新提味，對比得宜。當然少不了試吓一啲經典小食，泰式魚餅又厚又實在，微辣微甜，外脆內軟，入口就知係手工做嘅。忍唔住又加咗杯泰式奶茶，甜度啱啱好，帶住微微茶香，流心咁滑入肚，清爽過癮！簡單平民嘅食堂，但味道真材實料，整體黎講，呢度嘅食物質素高，感覺真係食到泰國街頭嘅味道。行過深水埗唔該留意，呢間小店真係唔錯選擇👌🍛🌿。…Read More

正午12點，人不多，容易有位，唔需要搭枱。午餐點了豬頸肉船麵，味道、份量和價錢都ok，$50幾嘅lunch都好合理。唯獨想講吓佢啲餐具舊得幾嚇人，其實咁都會影響食物安全，最好換咗佢啦。…Read More

昨晚家人想不到吃什麼,最後預訂了此餐廳堂食,因試過外賣不太差！點了菠蘿炒飯（尚可）、雞豬串燒（既厚又咬不開）、咖哩軟壳蟹（油浸滿蟹）、炒介蘭（比一般泰式餐廳細碟）+1杯飲品！明明每枱客人都會送一份蝦片,但要問先會送到,埋單5xx多,雖然送了一份芒果糯米飯（價值58,因是透過App訂位）,感到食物質素完全不值,另外埋單行到收銀機前,問可給某支付平台付款,只說可以,再問另一個平台就完全不回答！家人不會再幫襯！…Read More