喜悅海鮮酒家 (火鍋專門店) (已結業)

貴妃雞半隻 +蒸老斑是套餐價 400其餘的菜平均80/個茶芥 $8/位 算適中我們是坐樓上, 台與台之間位置很迫, 香港地物盡其用而且不是走高檔路線, 都會接受, 不過我都去過北角的喜悅同樣都是台與台泊得很密服務唔錯, 其中先後分兩次ORDER 的白飯, 第一次送上檯時, 已發覺 碗本身比其他酒樓的已經是細左少少, 但飯真是偏少同硬左D, 到結帳時向他們反映, 他們將白飯11 改為收8個錢 魚蒸得幾滑, 雞肉幾滑XO 翡翠炒黑豚肉, 豬肉入口帶微微的辣 但有少少鞋, 不清楚是黑豚肉的口感是這樣還是他們處理得唔好 ??燒汁野菌牛仔肉 牛仔肉切到一片大一片細, 野菌唔算多, 唔知燒汁是什麼成份的調味料, 但不會過咸都唔錯, 只可惜牛肉真是有少少UN帶子海皇什菜煲 湯很咸, 只留意到有珊瑚蚌, 粉絲, 菜心, 西蘭花日式海皇豆付煲 有冬孤, 豆付, 蝦, 入面的獻汁屬於味濃

今日行開石塘咀果頭，見好耐冇嚟過，同埋記得上次嚟品質都唔錯而且抵食，所以就同朋友去飲番個下午茶!味道方面，今次叫咗幾款點心及湯粉，味道不錯!食物包括1)蝦球湯米線:蝦球新鮮，湯味香濃，米線分量足!(2)蝦球湯河粉:同樣蝦球新鮮，湯味香濃，河粉分量仲多過米線!(3)蟹籽燒賣皇:不過不失!(4)咖哩蒸土魷:大大塊，雖汁嘅色睇落唔係太好，但食落都唔錯!(5)流汁金沙包:完全唔流，又冇蛋黃味，不如叫做奶黃包好過!(6)芋絲炸春卷:算香口，不過不失!環境方面，酒樓嚟講實在太細啦。D椅唔好坐，裝修又麻麻，地方昏暗。馬桶得1個，去廁所又唔方便，同其他食客爭餐死。所以我覺得唔好!服務方面，D待應都幾有禮貌，不過沖水就耐D!衛生方面，碗碟及地方都算乾淨!抵食方面，茶錢同某些點心都平!整體唔錯，眼見酒樓咁細都空空如也，同鄰近逸豪一樣冇客，不禁感嘆生意難做呀!

舖仔細細，竟然是間酒樓?!環境和其他大酒樓如明星、寶湖、好彩等完全無得比，平日開午市、晚市，只在假日加開早茶。論味道，不是西區最強，但用料分量已十分不錯。特價點心選擇不多，但份量足，味道好，飽肚首選。早茶的$6.8鳳爪排骨飯，真的好好味。下午茶，叫了切雞瀨，叉燒飯，豉汁蒸鳳爪，欖菜肉碎四季豆及煎腸粉。兩個人連茶錢加一都是$62，很便宜。燒味粉/飯 $9.8 ，味道及份量比"大X樂"或"X快活"的好很多。下次有機會，再約朋友試試午市(11:00am-3:00pm)的小菜，每款$18元送例湯，叫幾個小菜、點心，可以傾足幾個鐘。這間酒樓有幾部大電視，十分適合喜歡電視撈飯的人去開餐。

剛吃過半個瑞記蛋牛飽，食飽食到飽，隔一會又有親戚飲茶小茶局。我其實喜歡飲茶，但可惜胃納有限，便當去齋飲茶坐坐吧。去的明明是喜悅，但碟上筷子上卻印有塘西的標誌，應該是後者倒閉後由前者接收了部份用品。叫了套餐再加幾個點心，有蛋白炒飯、蠔油生菜、魚球、咸水角、煎腸粉、馬拉糕、鳳爪、牛肉球、叉燒飽、蝦餃、綿花雞及後加的燒鵝瀨。點心食品份量也不少：煎煮的大都油光滿面，感覺肥膩，令本來已經覺飽的我更無衝動起筷。夾一條煎腸粉來點最愛的麻醬，煎得熱呼呼的，煙膩好吃，但有種像被油包住的感覺很不健康，一條起半條止算了，我豪不起；再隔一陣子才吃一小個咸水角，放涼了依然鬆脆，但餡料有點太咸，及實在太油膩了；蒸的點心即叫即蒸，新鮮熱辣的上檯。其中以叉燒飽看來感覺最不錯，形狀飽滿，爆口漂亮；撕開一半來分享，飽身軟淰但不會被倒汗水沾濕，帶微甜；餡料不多。但味道不錯，叉燒粒頗為惹味，算是好吃的，但比其他酒樓如蓮香樓的差得多了；燒味粉麵特價九個八一碗，便叫了燒鵝瀨粉試試，但一點也不細碗，片片燒鵝不是頭頭尾尾，也不是得個瘦字的部位，豐膩好吃，九個八抵到笑。坐了一小時多，吃了少許東西及杯接杯地飲茶，旁聽親人間的閒聊，間中望

呢間酒家好特別(可能因為佢主打食火鍋)!點解我話佢特別?咁係因為:1)佢成10:30a.m.至開(應該冇早茶)2)點心選擇較少3)做酒家呢類食店來講果個鋪真係勁細,一眼睇哂,想擺酒就冇可能,但佢又有擺酒嘅傳單...4)從來都未見過食店入面的洗手間咁恐佈!呢個恐佈唔係「髒亂」,而係佢淨係得個傷殘廁所(廁所內沒分廁格),即係整間酒家的顧客都只能用同一個廁所,真係唔知輪到幾時!呢種特別酒家令我好有新鮮感,不過我唔係贊成佢咁唔正统!其實我開頭見到個門口都唔敢幫襯,不過最後到試試啦!佢D點心都唔錯,可惜淨係記得影流沙包&咸水角,大家也可一試!蝦球湯河:分量多,湯夠鮮甜!燒賣:好抵食!$10都唔使!金錢肚:不錯,淋D更好!咸水角:不過不失!流沙包:略嫌餡料較少!整體都不錯,有機會再去!