喜客比薩 (已結業)

今天在觀塘兩個人想找午餐吃,突然今天想吃西餐,吃pizza. 似乎在觀塘得兩個選擇. 一是italian tomato 另外是shakey's pizza. 結果我們選了後者.午餐一個appertizer, 一個main course, 一杯飲品Main course有幾款pizza,pasta,意大利飯,仲有幾款扒選擇,款式都幾多.我們最後選了一個三文魚pizza及豬仔骨appertizer 是炸蝦及炸薯..兩樣都做得不錯,首先最緊要的是夠熱,炸蝦炸得剛剛好,又不會乾淨淨,炸薯亦都食到有薯味反而是豬仔骨不是太好,韌得來又不是太入味.似乎比之前晚飯時吃的豬仔骨差了點.但那個醬汁都keep得住水準,惹味得來又不會太搶肉味.不過看見隔離點了個迷你豬仔骨意大利飯似乎比我們的更吸引,下次一於試一試意大利飯總括來說食物不俗,坐亦坐得幾舒服,是sunday brunch的其中一個選擇.

兩口子安坐家中，叫Shakey's 外賣, 叫咗個$178既餐,炸雞: 賣相都好似好好味, 但放入口一咬....冇味...極度鞋兼乾爭爭....真係好難食秘製脆薯: 好難食, 太油膩, 唔脆迷你豬肋骨意大利飯﹕D豬肋骨又乾又鞋到無人有, 之後D飯..... 唔知想點粟米磨菇忌廉湯: 甜....好似落錯糖.....好難飲叫咗薄肶: "倒汗水"令到餅底香脆程度降至幾近全無....淋pat pat.....好難食

嘩 成年前係到食過﹐ 係 apm 無咩吸引我想食 好多都要排好隊除Califonia pizza﹐ 一入 去就有位環境就麻麻 唔似美式贊 restaurant or fast food 不過似 food court坐得好唔舒服﹐ 到後尾要求轉坐卡位 -舒服好多好多嘢揀 最尾揀左 Chicken caeser salad Pizza 同埋 nachos都等左好耐pizza 先過 Nachos, 無錯main course 先過 starter唔得﹗Pizza 好得意﹐ 係長 嘅﹐ 好博﹐ 好脆。 超級 crispy -正﹗上面嘅 chicken caeser salad 好好味好rich 嘅 mayonnaise 味平時食pizza 會好快好飽 同埋平時d cheese 太 rich不過今次係莎律 感覺好refreshing 。就麻麻 好普通﹐ 叫佢哋比 sour cream, 比九年都未比成日唔記得服務好差埋單時 態度都唔點

今日同一家人出去食飯, d人話shakey's pizza既薄批好好味,諗住近近地 ,就揀左apm 果間shakey's pizza. 不過冇book既關係 , 加上又星期五呢! 勁多人係出面排隊.終於等到5人位, 其實去到邊間餐廳咁多人,心諗d服務態度都唔會好得去邊。 但觀塘呢間shakey's ,d服務態度都幾好喎..果位經理主動幫我地換碟(應該叫阿ken)幾好傾架佢,佢仲俾埋張卡片我地 ,話下次打黎book位就唔洗係出面等咁耐。其他服務員都有笑容, 我覺得好難得先搵到一間係講服務既餐廳, 呢間真係值得一讚!!!!

早幾日好開心咁4人行食晚飯..黎到Shakey's Pizza..叫左個四人餐$398..先講食物..龍蝦湯..不過不失..Pizza要左個厚的..幾好食..餐飲普普通通啦..埋單加埋一 $438..但過火既事就發生啦..有個戴眼鏡著西裝既人..我諗應該係經理黎的..系佢幫我地埋單..但等左10分鐘左右都未找錢..我地就問返個經理..佢d態度差得離譜..佢既答案系(係呀.我地找錢係甘耐架.你地等唔切咩?)呢d算係咩服務態度..以後唔洗再會黎..最後我朋友仲聽到果個應該係經理既人係部對講機度講..快d找完錢叫佢地上路啦..餐廳真系ok..但果個人真係垃圾..希望呢篇野唔會石沈大海啦..呢間餐廳既老闆請處理事件..

今天郊遊完有點肚子餓, 不覺到了觀嗇APM, 看到食肆指示, 結果隨意選了Shakey's Pizza .洋蔥湯,沒有洋蔥味, 濃濃杰杰的像飲味精湯, 下次不飲湯了.南瓜雜菜意大利飯,飯粒軟軟的不太硬,不像意大利道地吃的外軟內硬, 適合不喜歡飯太硬的人口味, 南瓜及雜菜清甜有咬口, 飯很大份飽肚啦~ 半份 秘製豬肋骨, 醬汁酸酸的...好味, 肉質軟軟好Juicy, 入口美味.蠔仔薄PIZZA,餅底薄薄脆口, 內有一層芝士...蘑菇...紅黃青燈籠椒,服務也不錯, 侍應常常沖水, 埋單也快, 但窗外望地鐵站總括來說...好味~

行開APM就同男友覓食~~行開經過發現呢間lunch唔太貴~~平均都係$48-52一個pizza/焗飯/意粉連前菜+餐飲地方好大,唔知係咪新開...分店都係得幾間,港島無分店(嗚,對我地d港島人真係唔公平),不過八月尾中環先開一間服務真係呢...佢地太殷勤啦,我地往往未食完d野佢就收...食一餐飯,幫我斟左四次水...飲一啖水佢就黎斟...唔知佢地(後生仔女)係咪都係part-time同埋新手,怕做錯野~~不過其實整體都幾好~~我地叫左一個 - 前菜 - 凱撒沙律 + 粟米肉絲忌廉湯主菜 - 忌廉鮮蝦煙肉長通粉($48) + 至尊pizza($52)餐飲都係hk人最常飲ge檸檬茶凱撒沙律同湯都幾好,唔錯,湯應該係自己煮,唔係罐頭湯,沙律份量都幾多長通粉幾好食,最好食係d忌廉汁,蝦同煙肉都係普通材料個pizza唔錯,薄pie真係好薄,雖然係細pie,但一個人食真係好飽,我男朋友因為覺得好食,幾經辛苦都要食埋佢,haha~~仲有芝士汁香濃,青椒味略嫌重左少少,不過都正常~總括服務,環境等都唔錯絕對會再黎

朋友到訪官塘，行經apm 看到這間餐廳餐廳拆除了外牆，改成一個個卡位和商場相連，感覺很open四張枱等了二十分鐘，但入座後發現附近仍有很多吉位，不明白為何要讓我們等那麼久點了個二人餐湯：是日餐湯，西蘭花忌廉湯，很傑，一pat pat ，像食糊仔。是晚最差之選 因餐湯只有一款，沒有選擇。而餐牌上"是日餐湯"30元，問可否加錢轉其他湯，答案是不能，很沒有彈性，要是我真的不食西蘭花那怎辦？蒜蓉包：蒜蓉尚算香口，但皮不夠脆PIZZA：要了辣肉腸那款 (好像叫火星XXPIZZA 厚底) 不過不失，沒有太大驚喜肉醬意粉：很大陣香草味，意粉不會煮得太淋。餐飲：朋友加12蚊轉巨峰提子特飲，尚可，沒有太大藥水味，而我在旁亦嗅到提子味 想加錢將餐飲轉甜品又不行，希望下次的餐牌可以更靈活~~個人認為尚可，而9" PIZZA亦適合二人行， 打破了多人才可食PIZZA的定律

war game 前醫肚, 我之前都食過, 不過d frd竟然未食過!!! 所以就入左去12點幾果陣入去無乜人, 點知過左一陣就滿!! 好彩行返兩步 覺得好lucky~~一人一個set lunch, 點左hawaiian pizza, salmon pizza, 一個腸仔意粉, 一個ribs 同一個蜆肉意大利粉, 份量好大... 每個set仲有appetizer!! 完全可以share... 哈哈!! hawaiian pizza - 今次試薄批, 餅底好食過上次, 今次夠脆! 仲有好多菠蘿tim! 正salmon pizza - 三文魚有煙薰味, 好味!腸仔意大利粉- 個tomato sauce ok la... 一定好味過得個甜字0既pizza hut先ribs- 個人鐘意食ruby tuesday 多d ^^" d 肉有少少鞋蜆肉意大利粉- d酒味都幾重.. 我鐘意醫飽就去打仗lu!!!!

BF喺觀塘返工，所以同佢去咗APM嘅Shakeys食晚飯。我之前去過沙田嗰間，感覺OK但唔太記得。BF竟然咁近都未嚟過所以就揀呢間。因為BF都幾大食怕套餐唔夠食，所以我哋散叫咗炸雞、蟹肉卷、三文魚薄餅、白汁煙肉長通粉、芝士蛋糕、同埋特飲。兩個人食，真係算多，擺到成枱都係炸雞勁大件啖啖肉，仲好香口。蟹肉卷好味，入面好多蟹肉。三文魚薄餅係薄批，個皮好脆，仲好多三文魚添。白汁煙肉長通粉都OK。芝士蛋糕係我心水，必食之選！啲職員都好 nice，見我哋擺到成枱都係嘢食，仲主動幫我哋換細啲嘅碟，真係好細心。加分！下次會試多次沙田嗰間！

上星期日和舊同學在康寧道踢完波，特別去到APM食dinner，最後揀左入去Shakey's Pizza，因為喜歡那兒寬敞的環境，很舒服，好有空間感，我諗我地可以有排坐都唔會俾人趕。三個人各自想試唔同口味，於是就點了這個叫「特級三種奏」的意粉，賣相和味道都好ok，尤其是中間鮮茄海鮮意粉，材料好豐富，每口都有海鮮。而且最緊要係三種粉都係熱的，入口絕對唔似大快活個d即叫即叮的貨色。如果個廚師係分開煮的咁樣最早煮的一款一定會凍了的，唔通佢係同一時間煮三款意粉?如果係D時間會好難keep得準的，唔怪得可以賣過百蚊。同老婆食我就一定唔會叫(因為一定係我俾錢)，兩三個人share食都不錯。我地還叫了一個大PIZZA和芒果特飲，個經理服務態度仲好好添，埋單前問我地Ｄ野食ok嗎，之後仲俾咭片我地話下次book 枱可以真接call佢，佢仲話而家有外送供應了，只要打個電話就叫到，下次在家都會試下^^!!

完全唔掂, 服務, 食物都唔得....1) 一去到, 同recep講兩位, 佢竟然响到打電話仲示意我地等佢....但佢並唔係一路傾緊唔收得線嗰d, 好明顯佢係打緊電話, 對方係响緊未有人聽嗰種........咩咁樣唔係應該招呼咗客人入去坐先咩....我地等咗陣佢仍然繼續等對方接電話, 結果我地冇理佢自己行入去搵位.....不知所謂的接待員. 2) 拎餐黎嗰位女侍應好似心情好差咁, 放餐時係大力地掉落黎, 唔係放落黎...勁冇禮貌!(好明顯呢間野請呢班都係好細個, 應該係暑假工. 但唔該呢d小朋友, 做暑假工都認真地去做oY....咁唔想做不如暑假去玩啦....學乜人番工呀!! )3) 叫咗個$178既餐, 但由我6:40入到叫餐後, 到7:20個pizza仲未到, 但我七點九就要入場睇戲....跟住直頭叫經理幫我跟, 結果係漏咗, 好快有......再等多差不多10分中都仲未有.......有個主任好主動走黎問我地係咪仲未有pizza (响呢到我要讚揚佢既主動, 雖然當時我態度好串, 但佢都好快咁幫我跟番個批)..4) 食物真係唔掂.....我個餐有:- 蒜蓉包: 冇蒜蓉味, 個包又唔

由於颱風快來臨，原本晚上的gathering因而取消了。兩口子安坐家中，完全沒有打算走出去解決晚上的一頓飯。記得之前很信箱收到了Shakey's 的外賣menu，堂食就吃過一次，但外賣delivery就未吃過。從前只懂得從pepperonis叫東西，這次就試試些新嘢吧....讓太太揸主意吃些什麼。她第一時間就點吃了她最喜歡的Mojo (秘製焗薯)。看見那賣相顏色暗暗淡淡的，很不吸引，而吃落的味道也是十分的平凡 --- 質感硬硬的，沒有應有的薯香及"粉"感，吃到的只盡是些味澀怪怪的香草味。吃完一件之後已不再提起勁再夾了....相當的奇怪，太太一向只愛最"普通"的spaghetti而不愛其他的甚麼linguine或penne。要了一份頗classic的鮮茄雞肉肉腸spaghetti，吃到的盡是些人造茄醬的"假"味，一pat pat放進那焗得過腍的意粉內，試問又怎會好吃 ? 唯一好一點的是肉腸味頗見鹹香，肉味尚足，不然的話就再次提不起勁去吃第二口了.....一直只愛吃thin crust的pizza。這夜試了個名作"水鄉風情"的，材料有最back to the basic的意式薄片salam

前幾日友人生日，幾個好友決定在shakey's pizza晚餐兼celebrate~當然事前已經訂了枱~做了booking，做好準備。因為之前聽聞要切餅費，所以都特意在電話問了職員，結果是不需要的，但如果要廚房幫手切就要加$100大元....蛋糕可以一早交給waiter冷藏來到booking的時間，八時左右，已經可以入座了，效率不錯。我們幾個人，點了一個4人餐。龍蝦湯x4 - 中規中矩蒜茸飽兩條 - 淡左少少同少左d~沙律 - 好麻麻炸蠔x4 - 中規中矩墨西哥卷x4 - 幾好食日出海港pizza (12") - 好食雞扒意大利飯 - 飯ok雞普通海鮮扁意粉 - 幾好餐飲(涷檸茶) - ok最好食都算是pizza~果然pizza店都是食pizza最好~haha~整餐算不過不失，要彈的就是有些食物有不夠熱的感覺~

今日個好朋友生日..1行12人..叫左一個四人餐..同埋散叫左D野食..四人餐絕對抵食..龍蝦湯..味道一流..絕對值得去一試..份量亦都好多..散叫..白酒辣汁煮青口..龍蝦PIZZA..RIBS..MOJO..好多都好好味..有個戴眼鏡既經理好識做..知道我個朋友生日..送左一個甜品比我地!服務都算系幾好..值得再黎=]''