喜客比薩 (已結業)

好朋友話請我食飯，於是今日諗住去apm 間roma roma， 點知去到先發覺間野冇左變左做shakey 添，不過最後都有試。我叫左個豬肋骨黎食，d肋骨一件件切好哂，仲夠大件又多肉，又唔會話好乾，配合埋佢地o既燒烤汁，真係唔錯食。不過配菜方面就麻麻啦，配菜係著仔沙律醬，食得好"制"個人，咁岩個starter 係鴨胸又係配薯仔沙律，所以成個配菜都冇食，因為薯仔加沙律其實唔係好夾，反而如果加d 生菜果d 落去仲會更好添! 裝修唔錯，係一個適合同朋友聚舊o既地方，只係空調果度需要改善下，本來坐左係卡位，但係因為太焗要換位坐出去中間。呢間都係一間值得去試o既餐廳架!

前兩個星期同朋友去ＡＰＭ行下見到LEE間PIZZA好似Ｄ野食好吸引咁　又唔多人等位就走入去試一試我地叫左一個二人餐　詳細食左Ｄ咩唔太記得只係記得個忌廉湯無咩料同埋Ｄ味好淡而個PIZZA同意粉都OKAY好味本身我地都覺得滿意但係去到後來D STAFF0既態度真係令我地好嬲本身個餐有一個芝士餅附送我地食完個MAIN DISH好耐都無人問我地可唔可以上DESSERT最後我地自己叫STAFF叫佢送黎佢地一邊話好好好 但係完全係敷衍你 然後隔左幾秒就無左一回事我地足足等左45分鐘個CAKE都無黎0個陣仲要已經成間餐廳已經無哂人聽到佢地D STAFF詬可以收工 仲要0係我地面前嘻嘻哈哈我地終於忍無可忍 叫左個經理0黎問佢究竟個CAKE係無定係點點知全間餐廳0既STAFF好似即刻比面色我地睇黑哂面好似係我地無理取鬧咁 最後件CAKE送到0黎仲要連2/3掌心大都無!真係好不知所謂! 全間餐廳D人都游緊魂咁唔知做咩好差0既餐廳! 即使野食幾好食(況且唔係真係好好食)都唔會再去!

今天約了2位姨姨食午餐,想座得舒適便選了這裡,卡位濶落較適合年長人士,我們由12:30座到下午茶時間,慢慢食慢慢傾好不開心 員工不停加水收碟且服務態度非常好,食物味道也不差味道不太濃,清清淡淡的2位姨姨食完都很滿意,還說下次要再來呢

叫左個2人餐,.意粉>>都算好味烟三文魚加薯容>>我唔食既我覺得好腥.. 俾左她食. 我係咁食薯容個PIZZA好好味！但我唔記得左個名. 我地叫左薄批~~~好似有火腿~腸~CHEESE CAKE << 都幾好味, 不過好細.餐飲<<得汽水..其他要加錢掛住食, 有D都唔記得左影相！間唔中食一次都OK ~~~個PIZZA 真係幾好味！好脆~~~

中學同學gathering叫左個四人餐$398龍蝦湯唔掂,好腥!飲左一啖放棄左...凱撒沙律不過不失,但麵包糠唔脆口雞翼拼脆薯不過不失啦smoked salmon pizza呢個稍為ok,個pizza base脆身豬肋骨全晚呢個叫做最好食海鮮意粉敗筆,意粉冇味又淋!意大利飯又一敗筆之作,煮到軟飯咁,只能用不知所謂形容!cheesecake冇食,但友人們話好食呢度d食物質素...我以後都唔會再泥食...

今次寫呢篇食評想為呢間Shakey's Pizza的服務作平反, 其實都唔係好差je... 職員都幾有禮拜, 上菜快...而食物:我同媽咪兩個人去食, 一人點一個午餐(前菜+主菜+飲品), share黎食...先講前菜:粟米雞絲湯, 其實味道唔錯, 好有粟米味, 但係送到黎即刻試一啖, 只係微暖, 我諗如果熱辣辣送黎應該會仲好味...雞翼拼脆薯, 四碟中最好食!!! 雞翼熱辣辣, 好脆口, 將肉汁鎖住; 脆薯就不過不失啦!海鮮意粉, 都OK啦, (覺得pizza hut ge海鮮扁意好食D), 呢碟最多ge係青口, 其他海鮮唔係好多, 不過加左枱面D芝士粉都OK ge, 媽咪話呢碟意粉無咁鹹, 好似健康D, 係唔係就見人見智喇, 我唔多認同...豬肋骨: 平時食豬肋骨通常會有一條一條大骨響中間, 但係呢舊就啖啖肉, 食肉獸應該會鍾意, 但我就略嫌太膩喇, 不過唔係佢ge錯, 係我揀錯je, 其實味道係幾好ge... (本身侍應問我要跟飯定意粉, 咁我就諗住跟返粟米沙律啦, 因為我同媽咪都細食, 點知原來得咁少, 好唔抵tim... 再一次揀錯...)飲品: 有最普通的茶/咖啡/汽水,

$188二人餐 (要再加一) 食物包括:--餐湯 (紅/白湯)--沙律--pizza 普通size (兩款揀一款)--意粉 (兩款揀一款)--凍熱飲--迷你芝士cake 白汁菠菜意粉 (記得好似是雞肉) 意粉彈牙, 第二次食時白汁不夠多, 菠菜就足料 夏威夷風情 pizza 厚薄批都試過 --- 薄批像餅乾般香脆, 好夠薄, 但就不夠飽 手製圓厚批 (如圖)就夠飽肚, 但就硬硬實實的 餡料有三樣: 火腿, 菠蘿, 芝士. 第二次食時焗得過火, 火腿邊現黑焦! 煙雞肉凱撒沙律 生菜新鮮夠爽脆 bacon及麵包糠夠脆口

今日我地去左呢間野食晚飯...d 員工的服務態度同個門口的裝修完全不成正比!無笑容...亂咁放野落枱面..唔執野!野食方面......一般......未至於難食...亦算不上好食....我地食左佢果個海地二人餐...龍蝦湯...太咸!!!至尊意粉...辣肉腸pizza....味道ok燒春雞..唔明點解會變左做雞扒....一句到尾......就係服務態度影響曬成餐飯!!!!!!!!!!!!!!唔該要重新培訓下d 員工!

當日與家人黎到shakey's pizza用餐..坐在近水吧的一張卡位..食物很滿意..不滿意的只有服務態度..叫了一杯紫色的特飲..因為跟餐牌上的相片有很大出入..就打算找個服務生查詢..剛好有個高高的經理經過..便找他一問..我:點解杯特飲無落到啫哩..經理:呢杯特飲一定有落到..我地再問多幾句..好似好唔耐煩甘就走左去..唔好意思也沒有一句..之後有個服務生好像叫作posze黎解釋給我知道..真意想不到..普通服務生比經理的態度還要好..最後我寫左張意見卡..不知會否到高層手中..希望各位高層幫我討回公道..

昨天帶同我女朋友由尖沙咀往觀塘食Shakey's Pizza, 由於上一次在沙田食過後覺得這間Shakey's Pizza 的服務態度+食品質素都非常好, 但昨天去過觀塘Shakey's Pizza令我對這間食店大打折扣, 以下是我對觀塘分店的食評:1.食店外輪後, 由20:19 等到 21:15 , 足足起碼等左1小時, 等並不是大問題, 而是店內原來好多吉位, 唔知點解唔安排人進內, 是否須要在店外製造人群?2.服務態度: 觀塘分店內的店員, 安排檯後, 不但沒有茶水招待, 輝手也沒有服務員服務, 水杯沒有水也沒有人招待, 請問是否不能收取客人服務費?店內的檯紙更寫上Shakey's Pizza的服務水準是非常好, 為何觀塘分店的服務態度這麼惡劣(女店員更為惡劣)?3.食品質素: 是次在觀塘分店消費後令我對Shakey's Pizza大打折扣, 忌廉湯帶點不知名味道,Shakey's Pizza招待菜應是Pizza, 但這次食完 觀塘分店的Pizza後, 一個厚批Pizza, 外面又過火又硬, 已更換另一個Pizza, 最終都是一個又過火又硬的Pizza, 請問這樣食品質素是否已是

31/1/2010 Sunday不時行apm都會經過呢間呢日同男友第一次入去食中午12點半冇咩人侍應生好快安排左卡位俾我地白湯味道OK! 唔會好水~但材料好少紅湯不過不失雞扒飯賣相唔錯!雞扒好味，但D飯唔得! D飯入口時表面係軟，而入面係硬! 唔好食!完全破壞晒成個送!煙肉通粉煙肉都幾口味!不過D通粉麻麻 總之比預期差!凍檸茶正常侍應服務唔錯上菜快 & 有禮貌不過聽到經理大聲鬧人 應該冇下次!價錢&食物唔值!好在環境 & 服務 OK!

上一次係大埔食過$188,二人餐後,對呢間pizza改觀...今晚同朋友一試,可能今日係星期一,所以好靜,無咩人~7:30p.m.到了~不用等位~點了一個$218,二人餐,同上次的餐很不同~1.龍蝦湯......我覺得唔好飲呀~很濃很腥,不過就有d海鮮係湯入面2.火星任務7吋pizza...都幾細個~同上次食既有d唔同~今次批邊很乾,好似焗過左時間,硬硬地~3.意粉(唔記得咩名),不過係茄汁,份量偏小,有好多肉腸...好漏...因為pizza又係用左肉腸...4.半隻烤雞...好細隻,應該係春雞,雞肉都算嫩,燒汁都ok...但伴碟的薯蓉就唔得,難食...溝左好多唔知咩既野~令到薯蓉無薯味,仲好似膠狀咁~5.甜品...一件四方芝士cake,我無食到~但朋友就覺得麻麻啦~太甜,而且個芝士味較濃~服務一般啦~每次上碟都好是但咁放在枱上~要自己搬番去自己前面...而食物就麻麻啦~唔知係個餐定係分店水準呢....要再有機會試先知~

諗住同朋友睇完戲 食呢間 心思思睇到個menu都好似幾多野食點知食到一肚氣d野食又吾跟前菜個d次序上菜又細碟又難食-_-價錢仲貴 tim!服務態度又差 又吾找錢 佢地得閒系到吹水唔得閒拎野飲黎= =差差差

係apm行完搵野食~成日經過呢間今次終於一試...叫左個2人餐~有蒜蓉包,,餐湯,,3文魚沙律,,長通粉同埋薄批我覺得個蒜蓉包好好食~同pizza hxx好唔同同埋冇咁漏

八月係沙田分店join左做member後,今日首次去amp呢間shakey,結果係食左成肚氣!我同媽媽二人order左2 個下什茶餐,分別係#3 吞拿魚沙律, 同#6 蕃茄雞肉長通粉. 不久,一個waiter無聲無色咁放下一碟沙律就行開左. 我見個沙律一d吞拿魚都冇,而且同menu相中的唔同,就叫左個waitress同佢confirm我要的不是這個. 佢又係粒聲都冇就攞走碟沙律, 一句解釋都冇,.過左一連,同一樣的沙律又呢到我張枱度,今次上面多左幾片脆薯. 原來呢個係下午茶的#2 脆薯+沙律. 我又要再次叫個waitress呢,佢又再次粒聲都冇咁走碟沙律. 好彩, #6 蕃茄雞肉長通粉同餐飲冇幾耐就安全送到, 我同媽媽終於有野食可以落肚. 最後, 一碟只有前菜portion的吞拿魚沙律終於送到. (好後悔冇影相證明).到左埋單的重要時刻啦, 張單收我們三個下午茶餐錢, 原來一路佢地都入錯單, 多左個#2餐,佢地又唔改.我同收錢的waiter阿叔講我地只叫左兩個餐,係#3同#6. 佢又粒聲唔出就攞走張單.幾分鐘後,攞番頭先張單返呢,同我講照單減番就得. 我細看張單後話:"唔係wor",說