喜天丼 (已結業)

想食天婦羅丼飯，介紹你去尖沙咀食一間價錢唔係貴，講緊都係$98起，依家夜晚18:00後去食仲有九折添🤩我當日就兩個人去試咗兩款天丼套餐🔸日替天丼(廚師發辦) $98🔸伊勢海老天丼 $198☝🏻天丼套餐包咗味噌湯同漬物，主食可以揀日本米飯、蕎麥麵或者烏冬🍜日替天丼依一款係廚師發辦，咁當日廚師安排嘅天婦羅款式就會有流心玉子、南瓜、番薯、茄子、沙椎魚、海虎蝦、秋葵，另外我揀咗個烏冬，所有炸物炸粉都唔太厚，炸得夠脆，而且炸物嘅份量都好多，烏冬嘅份量都唔細，呢一款講緊$98都幾抵食另外一款就係伊勢海老天丼，價錢上偏貴啲嘅原因係用咗澳洲龍蝦，咁其他天婦羅嘅材料就會有秋葵、茄子、南瓜、蓮藕、冬菇、流心玉子，今次配嘅主食配日本米飯，另外有得配埋個天婦羅汁，一樣啦個炸粉其實都唔係好厚嘅，對我嚟講就炸得啱啱好，龍蝦嘅味道係鮮甜，份量大概有三至四件左右，值得一讚係個流心玉子👍🏻面頭脆脆入邊流心，我自己幾鍾意食

小店最近新開張，主打天丼套餐，A-H餐，搭配味增湯同漬物，另外主食有日本米飯、蕎麥麵同手打烏冬，有溫有冷。店內環境唔大，食物款式唔多，價格正常，用心製作，齊齊支持小店。伊勢海老天丼包含澳洲龍蝦、茄子、秋葵、南瓜、蓮藕、冬菇同流心玉子。基本上係素食，只不過多咗個龍蝦所以價格較貴，天婦羅龍蝦都係第一次食，肉質爽口彈牙，值得試一試。海鮮天丼就有海虎蝦、穴子、帶子、沙甸魚、松露蟹鉗、茄子、冬菇同流心玉子。外皮薄身，咬落酥脆而且唔油膩，海鮮新鮮，雜菜唔乾，整體質素幾高。麵條軟硬度適中，入口滑溜，不過天氣太熱下次應該要凍嘅幫助解暑哈哈。